ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐഐടി), ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് (ഐഐഎസ്‌സി), ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എഡ്യുക്കേഷൻ ആൻഡ് റിസർച്ച് (ഐസർ) എന്നിവയിലൊന്നിൽ അഞ്ചുവർഷം വരെ ഗവേഷണം നടത്താൻ അവസരം ഒരുക്കി പ്രൈംമിനിസ്റ്റേഴ്സ് റിസർച്ച് ഫെലോഷിപ് (പിഎംആർഎഫ്). ആദ്യ രണ്ടുവർഷം മാസം 70000 രൂപ, മൂന്നാം വർഷം 75000 രൂപ, നാലും അഞ്ചും വർഷങ്ങളിൽ മാസം 80000 രൂപ എന്നിങ്ങനെയാണു ഫെലോഷിപ്. വർഷംതോറും രണ്ടുലക്ഷം രൂപ കണ്ടിജൻസി ഗ്രാന്‍റും ലഭിക്കും.
സയൻസ്/ടെക്നോളജി സ്ട്രീമിൽ, നാല്/അഞ്ച് വർഷ ബിരുദം. അഞ്ചുവർഷ ഇന്‍റർഗ്രേറ്റഡ് ഡിഗ്രി, യുജി-പിജി. ഡ്യുവൽ ഡിഗ്രി, രണ്ടുവർഷ എംഎസ്‌സി. കോഴ്സുകളിലൊന്ന്, ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ്, നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എഡ്യുക്കേഷൻ ആൻഡ് റിസർച്ച്, ഇന്ത്യൻ ഇൻസ്റ്റിറ്റ്യൂട്ട് ഓഫ് എൻജിനിയറിംഗ്, സയൻസ് ആൻഡ് ടെക്നോളജി, ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി എ്നിവയിലൊന്നിലോ അല്ലെങ്കിൽ അംഗീകൃത സ്ഥാപനത്തിലോ/സർവകലാശാലയിലോ ബിരുദം.
അപേക്ഷ സമർപ്പിക്കുന്ന വർഷം ഉൾപ്പെടെ തൊട്ടുമുന്പുള്ള മൂന്നുവർഷത്തിനുള്ളിലായിരിക്കണം യോഗ്യത നേടേണ്ടത്. അവസാന വർഷ വിദ്യാർഥികൾക്കും അപേക്ഷിക്കാം.
ഏറോസ്പേസ് എൻജിനിയറിംഗ്, അഗ്രികൾച്ചർ ആൻഡ് ഫുഡ് എൻജിനിയറിംഗ്, ആർക്കിടെക്ചർ ആൻഡ് റീജണൽ പ്ലാനിംഗ്, ബയോളജിക്കൽ സയൻസസ്, ബയോ മെഡിക്കൽ എൻജിനിയറിംഗ്, കെമിക്കൽ എൻജിനിയറിംഗ്, കെമിസ്ട്രി, സിവിൽ എൻജിനിയറിംഗ്, കംപ്യൂട്ടർ സയൻസ്, ഇലക്ട്രിക്കൽ എൻജിനിയറിംഗ്, എൻജനിയറിംഗ് ഡിസൈൻ, മെറ്റീരിയൽ സയൻസ് ആൻഡ് മെറ്റലർജിക്കൽ എൻജിനീയറിംഗ്, മാത്തമാറ്റിക്സ്, മെക്കാനിക്കൽ എൻജിനീയറിംഗ്, മൈനിംഗ് മിനറൽകോൾ ആൻഡ് എനർജി സെക്ടർ, ഓഷ്യൻ എൻജിനീയറിംഗ് ആൻഡ് നേവൽ ആർക്കിടെക്ചർ, ഫിസിക്സ്, ടെക്സ്റ്റൈൽ ടെക്നോളജി, ഇന്‍റർ ഡിസിപ്ലിനറി പ്രോഗ്രാംസ് ഇൻ സയൻസ് ആൻഡ് എൻജിനീയറിംഗ് എന്നിവയാണു ഗവേഷണ മേഖല. പരമാവധി അഞ്ച് മേഖലകൾ വരെ ഒരാൾക്ക് തെരഞ്ഞെടുക്കാം. https://www.pmrf.in. 14 വരെ അപേക്ഷിക്കാം.