തൃശൂർ മണ്ണുത്തിയിലെ കേരള വെറ്ററിനറി ആൻഡ് അനിമൽ സയൻസസ് യൂണിവേഴ്സിറ്റി കോളേജ് ഗ്രൗണ്ടിൽ ഓഗസ്റ്റ് 28 മുതൽ സെപ്റ്റംബർ എട്ടുവരെ കരസേനാ റിക്രൂട്ട്മെന്‍റ് റാലി നടക്കും. കോഴിക്കോട് ആർമി റിക്രൂട്ട്മെന്‍റ് ഓഫീസാണ് റാലി നടത്തുന്നത്. സോൾജ്യർ ജനറൽ ഡ്യൂട്ടി, ടെക്നിക്കൽ, നഴ്സിംഗ് അസിസ്റ്റന്‍റ്/നഴ്സിംഗ് അസിസ്റ്റന്‍റ് വെറ്ററിനറി, ക്ലാർക്ക്/സ്റ്റോർ കീപ്പർ ടെക്നിക്കൽ/ഇൻവന്‍ററി മാനേജ്മെന്‍റ്, ട്രേഡ്സ്മെൻ വിഭാഗങ്ങളിലായാണ് അവസരം. ഏതെങ്കിലും ഒരു ട്രേഡിലേക്ക് മാത്രമേ അപേക്ഷിക്കാൻ സാധിക്കൂ.
റാലിയിൽ പങ്കെടുക്കാൻ താത്പര്യമുള്ള ഉദ്യോഗാർഥികൾ ഓഗസ്റ്റ് 18ന് മുന്പ് www.joinindian army.nic.in എന്ന വെബ്സൈറ്റിൽ ഓൺലൈൻ രജിസ്ട്രേഷൻ നടത്തണം. ആധാർ കാർഡ് വിവരങ്ങളും നൽകണം.
കൃത്യമായി അപേക്ഷിച്ചുകഴിഞ്ഞാൽ ഓഗസ്റ്റ് 20നു ശേഷം ആർമി വെബ്സൈറ്റിൽനിന്ന് അഡ്മിറ്റ് കാർഡ് ഡൗൺലോഡ് ചെയ്തെടുക്കാം. ഈ അഡ്മിറ്റ് കാർഡ്/സ്ലിപ്പുമായി അതിൽ പറഞ്ഞ ദിവസം നിർദിഷ്ട സമയത്ത് റാലി സ്ഥലത്ത് റിപ്പോർട്ട് ചെയ്യണം.
കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, പാലക്കാട്, തൃശൂർ ജില്ലക്കാർക്കും കേന്ദ്രഭരണ പ്രദേശമായ മാഹി നിവാസികൾക്കും റാലിയിൽ പങ്കെടുക്കാം. അവിവാഹിതരായ പുരുഷന്മാർക്ക് മാത്രമുള്ള ഒഴിവുകളാണിത്.
1. സോൾജിയർ ക്ലാർക്ക് / സ്റ്റോർകീപ്പർ ടെക്നിക്കൽ: പ്രായപരിധി 17½ മുതൽ 23 വയസുവരെ.യോഗ്യത- പ്ലസ്ടു/തത്തുല്യം. ഉയരം- 162 സെന്‍റിമീറ്റർ. തൂക്കം- 50 കിലോഗ്രാം, നെഞ്ചളവ്- 77/82 സെ.മീ.
2. സോൾജിയർ ടെക്നിക്കൽ : പ്രായപരിധി 17½ മുതൽ 23 വയസുവരെ.
യോഗ്യത: സയൻസ് വിഷയങ്ങൾ പഠിച്ചുള്ള പ്ലസ്ടു അല്ലെങ്കിൽ തത്തുല്യം.
ഉയരം: 165 സെ.മീ. തൂക്കം: 50 കി.ഗ്രാം, നെഞ്ചളവ് 77/82 സെ.മീ.
3.സോൾജിയർ ജനറൽ ഡ്യൂട്ടി: പ്രായപരിധി 17½ മുതൽ 21 വയസുവരെ.
യോഗ്യത: 45 ശതമാനം മാർക്കോടെ പത്താംക്ലാസ് പാസ് അല്ലെങ്കിൽ തത്തുല്യം. ഉയരം: 166 സെ.മീ. തൂക്കം: 50 കി.ഗ്രാം, നെഞ്ചളവ് 77/82 സെ.മീ.
4.സോൾജിയർ ട്രേഡ്സ്മാൻ: പ്രായപരിധി 17½ മുതൽ 23 വയസുവരെ. യോഗ്യത: പത്താംക്ലാസ് പാസ് അല്ലെങ്കിൽ തത്തുല്യം. ഉയരം: 166 സെ.മീ. തൂക്കം 50 കി.ഗ്രാം, നെഞ്ചളവ് 76/81 സെ.മീ. ഹൗസ് കീപ്പർ, മെസ് കീപ്പർ വിഭാഗക്കാർ എട്ടാം ക്ലാസ് വിജയിച്ചിരിക്കണം.
5. സോൾജിയർ നഴ്സിംഗ് അസിസ്റ്റന്‍റ് (നാവെറ്റ്): കെമിസ്ട്രി, ഫിസിക്സ്, ബയോളജി, ഇംഗ്ലീഷ് എന്നീ വിഷയങ്ങളോടു കൂടി മൊത്തം അന്പതുശതമാനം മാർ ക്കോ ടെ പ്ലസ്ടു. ബിഎസ്‌സി ബിരുദം (ബോട്ടണി, സുവോളജി, ബയോ-സയൻസ്) ഉണ്ടെങ്കിൽ നിശ്ചിത ഇളവ് ലഭിക്കും.