വിശാഖപട്ടണം സ്റ്റീൽ പ്ലാന്‍റിന്‍റെ കോർപ്പറേറ്റ് സംരംഭമായ രാഷ്‌ട്രീയ ഇസ്പത് നിഗം ലിമിറ്റഡിൽ വിവിധ തസ്തികയിലായി 603 ഒഴിവുകളുണ്ട്. വ്യത്യസ്ത വിജ്ഞാപനങ്ങളാണ്.
559 ട്രെയിനി
വിവിധ ബ്രാഞ്ചുകളിൽ ജൂണിയർ ട്രെയിനിയുടെ 530 ഒഴിവുകളും ഒാപ്പറേറ്റർ കം മെക്കാനിക് ട്രെയിനിയുടെ 29 ഒഴിവുകളുമുണ്ട്. ഒാഗസ്റ്റ് ഒന്നു മുതൽ 21 വരെ ഒാൺലെെനായി അപേക്ഷിക്കാം. മെക്കാനിക്കൽ. ഇലക്‌ട്രിക്കൽ മെറ്റലർജി, കെമിക്കൽ, ഇലക്ട്രോണിക്സ്, ഇൻസ്ട്രുമെന്‍റേഷൻ, സിവിൽ, റിഫ്രാക്ടറി എന്നീ ബ്രാഞ്ചുകളിലാണ് ജൂണിയർ ട്രെയിനി ഒഴിവുകൾ.
ജൂണിയർ ട്രെയിനി: മെട്രിക്/എസ്എസ്‌സി. 60% മാർക്കോടെ അനുബന്ധ ട്രെഡിൽ ഫുൾടെെം റെഗുലർ ഐടിഐ/ ഡിപ്ലോമ ഇൻ എൻജിനിയറിംഗ് എസ്‌സി/ എസ്ടി/ഭിന്നശേഷിക്കാർക്ക് 50% മാർക്ക് മതി.
ഒാപ്പറേറ്റർ കം മെക്കാനിക് ട്രെയിനി: മെട്രിക്/ എസ്എസ്‌സി. കുറഞ്ഞത് രണ്ടു വർഷത്തെ ഫുൾടെെം ഐടിഐ, ഏതെങ്കിലും ട്രേഡിൽ എൻസിവിടി സർട്ടിഫിക്കറ്റ്. അല്ലെങ്കിൽ ഏതെങ്കിലും വിഭാഗത്തിൽ എൻജിനിയറിംഗ് ഡിപ്ലോമ. അംഗീകൃത ഹെവി മോട്ടോർ വെഹിക്കിൾ ലെെസൻസ്. ഐടിഐ/ എൻജിനിയറിംഗ് ഡിപ്ലോമയിൽ 60% മാർക്ക് നേടിയിരിക്കണം. എസ്‌സി/എസ്ടിക്കാർക്ക് 50% മാർക്ക് മതി.
പ്രായപരിധി: 2019 ജൂലെെ ഒന്നിന് 18-27 വയസ്.
എസ്‌സി/എസ്ടി വിഭാഗക്കാർക്ക് അഞ്ചും, ഒബിസിക്കാർക്ക് മൂന്നും ഭിന്നശേഷിക്കാർക്ക് പത്തും വർഷം ഉയർന്ന പ്രായപരിധിയിൽ ഇളവു ലഭിക്കും. മറ്റിളവുകൾ ചട്ടപ്രകാരം.
സ്റ്റെെപ്പൻഡ്: രണ്ടു വർഷത്തേക്കാണു പരിശീലനം ആദ്യ വർഷം പ്രതിമാസം 10,700 രൂപയും രണ്ടാം വർഷം 12,200 രൂപയും ലഭിക്കും.
തെരഞ്ഞെടുപ്പ്: കംപ്യൂട്ടർ ബേസ്ഡ് ടെസ്റ്റ്, സർട്ടിഫിക്കറ്റ് വേരിഫിക്കേഷൻ, വെെദ്യപരിശോധന എന്നിവ അടിസ്ഥാനമാക്കിയാണ് തെരഞ്ഞെടുപ്പ്. ചെന്നെെയാണ് തൊട്ടടുത്ത പരിശീലനകേന്ദ്രം.
അപേക്ഷാഫീസ്: 300 രൂപ. എസ്‌സി/എസ്ടി/ ഭിന്നശേഷി എന്നിവർക്ക് ഫീസില്ല. വിശദവിവരങ്ങൾക്ക് www.vizagsteel.com എന്ന വെബ്സെെറ്റിലെ വിജ്ഞാപനം കാണുക.
34 മാൻപവർ/ മെഡിക്കൽ ഒാഫീസർ
രാഷ്‌ട്രീയ ഇസ്പത് നിഗം ലിമിറ്റഡിൽ വിവിധ തസ്തികകളിലായി 34 ഒഴിവുകളുണ്ട്. കരാർ നിയമനമാണ്. ഒാഗസ്റ്റ് 12 മുതൽ 31 വരെ ഒാൺലെെനായി അപേക്ഷിക്കാം.
ഒാപ്പറേറ്റർ കം മെക്കാനിക്സ്, മെെൻ ഫോർമാൻ, ഡ്രിൽ ടെക്നീഷ്യൻ, ബ്ലാസ്റ്റർ, ബ്ലാസ്റ്റിംഗ് ഹെൽപ്പർ, മെക്കാനിക്കൽ ഒാഫിസർ എന്നിങ്ങനെയാണ് ഒഴിവുകൾ.
10 മാനേജ്മെന്‍റ് ട്രെയിനി
എച്ച്ആർ, മാർക്കറ്റിംഗ് വിഭാഗങ്ങളിൽ മാനേജ്മെന്‍റ് ട്രെയിനിയുടെ 10 ഒഴിവുകളുണ്ട്. ഒരു വർഷത്തെ പരിശീലമാണ്. 2019 ജൂണിലെ യുജിസി നെറ്റ് പരീക്ഷയുടെ സ്കോർ അടിസ്ഥാനമാക്കിയാണ് തെരഞ്ഞെടുപ്പ്. ഒാഗസ്റ്റ് ഒന്പതു വരെ ഒാൺലെെനായി അപേക്ഷിക്കാം.
വിശദവിവരങ്ങൾക്ക് :
www.vizagsteel.com.