ദേശീയ പ്രതിഭാനിര്‍ണയ പരീക്ഷയുടെ ഭാഗമായി കേരളത്തിലെ സര്‍ക്കാര്‍ എയ്ഡഡ്, കേന്ദ്രീയ വിദ്യാലയ, നവോദയ വിദ്യാലയ, സിബിഎസ്ഇ, ഐസിഎസ്ഇ തുടങ്ങി മറ്റ് അംഗീകൃത സ്‌കൂളുകളില്‍ പത്താം ക്ലാസില്‍ പഠിക്കുന്ന വിദ്യാര്‍ഥികള്‍ക്കായി എസ്‌സിഇആര്‍ടി സംസ്ഥാനതല പ്രതിഭാനിര്‍ണയ പരീക്ഷ നടത്തും.
നവംബര്‍ 17 നു സംസ്ഥാനത്തെ വിവിധ കേന്ദ്രങ്ങളിലാണു പരീക്ഷ. 2018-19 അധ്യയന വര്‍ഷം ഒമ്പതാം ക്ലാസില്‍ വര്‍ഷാവസാന പരീക്ഷയില്‍ 55 ശതമാനം മാര്‍ക്ക് നേടിയ വിദ്യാര്‍ഥികള്‍ക്ക് ഓണ്‍ലൈനായി അപേക്ഷിക്കാം. അപേക്ഷിക്കേണ്ട അവസാന തീയതി ഈ മാസം 30.
വിശദാംശങ്ങള്‍ www.scert.kerala.gov.inല്‍ ലഭിക്കും. പൊതു വിഭാഗങ്ങൾക്ക് 250 രൂപയും സംവരണ വിഭാഗങ്ങൾക്ക് 100 രൂപയുമാണ് അപേക്ഷാ ഫീസ്.
ഒന്നിൽ കൂടുതൽ തവണ യാതൊരു കാരണവശാലും അപേക്ഷിക്കരുത്. അപേക്ഷിക്കുന്പോള്‌ തെറ്റു സംഭവിക്കുകയാണെങ്കിൽ തിരുത്തുന്നതിനുള്ള അവസരമുണ്ട്. ആപ്ലിക്കേഷൻ ഐഡിയും നന്പരും സൂക്ഷിച്ചു വയ്ക്കണം.
സ്കോളാസ്റ്റിക് ആപ്റ്റിറ്റ്യൂഡ് ടെസ്റ്റ്, മെന്‍റൽ എബിലിറ്റി ടെസ്റ്റ് എന്നിങ്ങനെയാണ് പരീക്ഷ ക്രമീകരിച്ചിരിക്കുന്നത്. 120 മിനിറ്റാണ് പരീക്ഷയുടെ ദൈർഘ്യം . ഒമ്പത്, പത്ത് (ആദ്യ രണ്ടു ടേം) ക്ലാസുകളിലെ സിലബസിനെ അടിസ്ഥാനമാക്കിയായിരിക്കും ചോദ്യങ്ങൾ.
വിശദാംശങ്ങള്‍ www.scert.kerala.gov.in - ല്‍ ലഭിക്കും. 40 ശതമാനം എങ്കിലും മാർക്ക് നേടണം.
രണ്ടാം ഘട്ടമാണു ദേശീയ പരീക്ഷ. തീയതിയും പരീക്ഷാ കേന്ദ്രവും പിന്നീട് വിജ്ഞാപനം ചെയ്യും.