ഈസ്റ്റേൺ റെയിൽവേയിൽ 2792 അപ്രന്‍റിസ് ഒഴിവിലേക്ക് അപേക്ഷ ക്ഷണിച്ചു. വിവിധ ഡിവിഷനുകളിലും വർക്ക് ഷോപ്പിലുമാണ് അവസരം. ഓൺലൈനായി അപേക്ഷിക്കാം. ഹൗറ- 659, സിയാൽദാ- 526, മാൾഡ-101, അസാൻസോൾ- 412, കഞ്ച്റപാറ- 206, ലിലുവ- 204, ജമാൽപുർ- 684.
ഒഴിവുള്ള ട്രേഡുകൾ: ഫിറ്റർ, വെൽഡർ, മെക്കാനിക്ക്, ബ്ലാക്ക്സ്മിത്ത്, കാർപെന്‍റർ, പെയിന്‍റർ, ലൈൻമാൻ, വയർമാൻ, റെഫ്രിജറേഷൻ ആൻഡ് എസി മെക്കാനിക്ക്, ഇലക്‌ട്രീഷ്യൻ, മെക്കാനിക്ക് മെഷീൻ ടൂൾസ് മെയിന്‍റനൻസ്, ടർണർ, വെൽഡർ, ഇലക്‌ട്രീഷ്യൻ, മെഷീനിസ്റ്റ്.
യോഗ്യത: പത്താംക്ലാസ് അല്ലെങ്കിൽ തത്തുല്യം. ബന്ധപ്പെട്ട വിഷയത്തിൽ എൻസിവിടി/എസ്‌സിവിടി സർട്ടിഫിക്കറ്റ്.
പ്രായപരിധി: 15 വയസ് പൂർത്തിയായിരിക്കണം. 24 വയസ് കവിയാനും പാടില്ല. എസ്‌സി/എസ്ടി വിഭാഗത്തിന് അഞ്ചും ഒബിസി വിഭാഗത്തിന് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും. ഭിന്നശേഷിക്കാർക്ക് പത്തുവർഷം ഇളവ് ലഭിക്കും.
തെരഞ്ഞെടുപ്പ്: പത്താംക്ലാസിലെയും ഐടിഐയിലെയും മാർക്കിന്‍റെ അടിസ്ഥാനത്തിൽ തയാറാക്കുന്ന മെറിറ്റ് ലിസ്റ്റിന്‍റെ അടിസ്ഥാനത്തിലാണ് തെരഞ്ഞെടുപ്പ്.
അപേക്ഷാ ഫീസ്: 100 രൂപ.എസ്‌സി, എസ്ടി, ഭിന്നശേഷിക്കാർ, വനിതകൾ എന്നിവർക്ക് ഫീസില്ല
അപേക്ഷിക്കേണ്ട വിധം: www.rr cer.com എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കാം. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി മാർച്ച് 13.