ഇന്ത്യൻ ഓയിൽ കോർപ്പറേഷൻ ലിമിറ്റഡിൽ 346 അപ്രന്‍റിസ് ഒഴിവുകളിലേക്ക് അപേക്ഷ ക്ഷണിച്ചു. വെസ്റ്റേണ്‍ റീജണിൽ ട്രേഡ്/ടെക്നീഷ്യൻ അപ്രന്‍റിസ് തസ്തികയിലാണ് അവസരം. മഹാരാഷ്‌ട്ര, ഗുജറാത്ത്, മധ്യപ്രദേശ് ചത്തീസ്ഗഡ്, ഗോവ, ദാദ്ര ആൻഡ് നാഗർ ഹവേലി എന്നിവിടങ്ങളിലാണ് ഒഴിവ്. ഒരു വർഷത്തെ പരിശീലനമായിരിക്കും. എഴുത്തുപരീക്ഷയിലൂടെയാണ് തെരഞ്ഞെടുപ്പ്.
ഒഴിവുള്ള ട്രേഡുകൾ: മെക്കാനിക്കൽ, ഇലക്‌ട്രിക്കൽ, ഇൻസ്ട്രുമെന്‍റേഷൻ, സിവിൽ, ഇലക്‌ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ്, ഫിറ്റർ, ഇൻസ്ട്രുമെന്‍റ് മെക്കാനിക്ക്, മെഷീനിസ്റ്റ്, അക്കൗണ്ടന്‍റ്, ഡേറ്റ എൻട്രി ഓപ്പറേറ്റർ, റീടെയ്ൽ സെയിൽസ് അസോസിയേറ്റ്.
മഹാരാഷ്‌ട്ര-205, ഗുജറാത്ത്-96, ചത്തീസ്ഗഡ്-9, ദാദ്ര ആൻഡ് നാഗർ ഹവേലി-4, ഗോവ-7, മധ്യപ്രദേശ്-25 സംസ്ഥനാങ്ങളിലാണ് ഒഴിവ്.
യോഗ്യത: ടെക്നീഷ്യൻ അപ്രന്‍റിസ് തസ്തികയിൽ ബന്ധപ്പെട്ട ട്രേഡിലെ ഡിപ്ലോമ. ട്രേഡ് അപ്രന്‍റിസ് തസ്തികയിൽ ബന്ധപ്പെട്ട ട്രേഡിൽ ഐടിഐ. അക്കൗണ്ടന്‍റ് തസ്തികയിൽ ബിരുദം. ഡേറ്റ എൻട്രി ഓപ്പറേറ്റർ, റീട്ടെയ്ൽ സെയിൽസ് അസോസിയേറ്റ് തസ്തികയിൽ പ്ലസ്ടു സ്കിൽ സർട്ടിഫിക്കറ്റുമാണ് യോഗ്യത.
പ്രായം: 18-24 വയസ്.
വിശദവിവരങ്ങൾക്കും അപേക്ഷിക്കാനുമായി www.iocl.com എന്ന വെബ്സൈറ്റ് കാണുക. അവസാന തീയതി: മാർച്ച് ഏഴ്.