മെഡിക്കല് ഓഫീസര് സെലക്ഷന് ബോര്ഡ് (സിഎപിഎഫ്) ഡോക്ടര്മാരുടെ 553 ഒഴിവുകളിലേക്ക് അപേക്ഷ ക്ഷണിച്ചു. ഡയറക്ടറേറ്റ് ജനറല്, ഇന്ഡോ ടിബറ്റന് ബോര്ഡര് പോലീസ് ഫോഴ്സാണ് അപേക്ഷ ക്ഷണിച്ചിരിക്കുന്നത്. സ്ത്രീകള്ക്കും പുരുഷന്മാര്ക്കും അപേക്ഷിക്കാം. സെന്ട്രല് ആംഡ് പോലീസിലുള്ള ബിഎസ്എഫ്, സിആര്പിഎഫ്, ഐടിബിപി, എസ്എസ്ബി, ആസം റൈഫിള്സ് എന്നിവിടങ്ങിലാണ് നിയമനം. ഓണ്ലൈനായി അപേക്ഷിക്കണം. സെപ്റ്റംബര് 13 മുതല് അപേക്ഷിക്കാം.
സൂപ്പര് സ്പെഷ്യലിസ്റ്റ് മെഡിക്കല് ഓഫീസര് (സെക്കന്ഡ് കമാന്ഡ്)- അഞ്ച്
കാര്ഡിയോളജി- ഒന്ന്, ന്യൂറോസര്ജറി- ഒന്ന്, ന്യൂറോളജി- ഒന്ന്, നെഫ്രോളജി- ഒന്ന്, ഗ്യാസ്ട്രോ എന്ട്രോളജി- ഒന്ന്
സ്പെഷലിസ്റ്റ് മെഡിക്കല് ഓഫീസര് (ഡെപ്യൂട്ടി കമാന്ഡ്)- 201 (ബിഎസ്എഫ്-52 സിആര്പിഎഫ്-116, എസ്എസ്ബി-18, ഐടിബിപി-11, അസം റൈഫിള്സ്- നാല്).
ഒഴിവുകള്-മെഡിസിന്- 36, സര്ജറി- 36, ഗൈനക്കോളജി ആന്ഡ് ഒബ്സ്റ്റട്രിക്സ്- 22, അനസ്തേറ്റിസ്റ്റ്- 24, റേഡിയോളജിസ്റ്റ്- 39, ഇഎന്ടി- ഒന്ന്, പത്തോളജിസ്റ്റി- 20, ഒഫ്താല്മോളജിസ്റ്റ്- 19, സൈക്യാട്രിസ്റ്റ്- ഒന്ന്, പീഡിയാട്രിക്സ്- രണ്ട്, ഓര്ത്തോപീഡിക്സ്- ഒന്ന്.
മെഡിക്കല് ഓഫീസര് (അസിസ്റ്റന്റ് കമന്ഡാന്റ്)- 345 (ബിഎസ്എഫ്- 85, സിആര്പിഎഫ്- 77, എസ്എസ്ബി- 51, ഐടിബിപി- 101, അസം റൈഫിള്സ്- 31).
ഡെന്റല് സര്ജന് (അസിസ്റ്റന്റ് കമന്ഡാന്റ്)- രണ്ട്.
(സിആര്പിഎഫ്- ഒന്ന്, ആസം റൈഫിള്സ്- ഒന്ന്)
യോഗ്യത: എംബിബിഎസ് അല്ലെങ്കില് തത്തുല്യം. ബന്ധപ്പെട്ട മേഖലയില് സ്പെഷ്യലൈസേഷനും കൗണ്സില് രജിസ്ട്രേഷനും ഉണ്ടായിരിക്കണം. ഡെന്റിസ്റ്റ് തസ്തികയില് ബാച്ചിലര് ഓഫ് ഡെന്റല് സര്ജറി ബിരുദവും ഡെന്റല് കൗണ്സില് ഓഫ് ഇന്ത്യ രജിസ്ട്രേഷനുമാണ് യോഗ്യത. ഇന്റേണ്ഷിപ്പ് പൂര്ത്തിയാക്കിയിരിക്കണം.
പ്രായപരിധി: സൂപ്പര് സ്പെഷ്യാലിറ്റി- 50 വയസ്. സ്പെഷ്യലിസ്റ്റ് മെഡിക്കല് ഓഫീസർ- 30. ഡെന്റല് സര്ജന്- 35.
കൂടുതല് വിവരങ്ങള്ക്ക് recruitment.itbpolice.nic.in കാണുക. അപേക്ഷ സ്വീകരിക്കുന്ന അവസാന തീയതി ഒക്ടോബര് 27.