ഏറെ വേദനയോടെയാണ് കഴിഞ്ഞ ദിവസം ജയിംസ് ബോണ്ട് ആരാധകർ ആ വാർത്ത കേട്ടത്. നാലു തവണ ജയിംസ് ബോണ്ടായി തിരശീലയിലെത്തിയ ഡാനിയൽ ക്രെയ്ഗ് ഇനി ബോണ്ടാകാനില്ലെന്ന് ഒരു റേഡിയോ ഇന്‍റർവ്യൂവിൽ പറഞ്ഞു. ഇതേത്തുടർന്ന് അടുത്തവർഷം നവംബറിൽ പുറത്തിറങ്ങുന്ന ജയിംസ് ബോണ്ട് സീരീസിലെ 25- ാ മത്തെ ചിത്രത്തിൽ ഡാനിയൽ ക്രെയ്ഗ് തന്നെ നായകനായി എത്തണമെന്ന് ആവശ്യപ്പെട്ട് സമൂഹമാധ്യമങ്ങളിലൊക്കെ കാര്യമായി കാംപെയ്നും തുടങ്ങി.
ഇതൊക്കെ കണ്ട് ഡാനിയൽ ക്രെയ്ഗിന്‍റെ മനസുമാറിയെന്നാണ് പുതിയ വാർത്തകൾ. ഇന്നലെ നടന്ന ഒരു ഷോയിൽ പങ്കെടുക്കാനെത്തിയ ഡാനിയൽ ക്രെയ്ഗിനോട് ഇനിയും ബോണ്ടാകുമോ എന്ന് പത്രക്കാർ ചോദിച്ചു. ഉടൻതന്നെ മറുപടിയും വന്നു ആകും. എന്നാൽ ഇതിന്‍റെ വിശദാംശങ്ങളൊന്നും താരം പറഞ്ഞില്ല. ക്രെയ്ഗിന്‍റെ ഈ ചെറിയ മറുപടിയിൽ സന്തോഷിച്ചിരിക്കുകയാണ് ബോണ്ട് ആരാധകർ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.