അനശ്വര പ്രണയത്തിന്‍റെ ഉദാത്ത മാതൃകകളായി ലോകം വാഴ്ത്തുന്ന ജോഡികളാണ് ജയിംസ് കാമറൂണിന്‍റെ ടൈറ്റാനിക്(1997) എന്ന സിനിമയിലെ ജാക്കും റോസും. പ്രണയിനിക്കായി ജീവൻ നൽകിയ ജാക്കായി എത്തിയത് ലിയോനാർഡോ ഡികാപ്രിയോയാണ്. റോസായി കെയ്റ്റ് വിൻസ്‌ലെറ്റും. ലോകസിനിമയുടെ ചരിത്രത്തിൽ ഇത്രയധികം ആരാധകർ നെഞ്ചിലേറ്റിയ പ്രണയജോഡികൾ ഉണ്ടായിരിക്കുകയില്ല.
ഇതിനിടെ ഡി കാപ്രിയോയും കെയ്റ്റും വർഷങ്ങൾക്കു ശേഷം കണ്ടുമുട്ടി. കാലാവസ്ഥ സംരക്ഷണവുമായി ബന്ധപ്പെട്ടുള്ള പണ സമാഹരണ പരിപാടിയുടെ ഭാഗമായി ഫ്രാൻസിൽ വച്ചാണ് ഇരുവരും വീണ്ടും ഒത്തുചേർന്നത്.
പഴയ പ്രണയജോഡികളുടെ യുവത്വം അല്പം ചോർന്നുപോയിട്ടുണ്ടെങ്കിലും ഇന്നും ആരാധക ഹൃദയങ്ങളിൽ ഇവർ നന്പർ വണ്‍ പ്രണയജോഡികൾ തന്നെയാണ്. ടൈറ്റാനിക്കിന് ശേഷം 2008ൽ റെവല്യൂഷനറി റോഡ് എന്ന ചിത്രത്തിന് വേണ്ടിയായിരുന്നു ഇവർ ഒന്നിച്ചത്. ഇരുവരുടേയും കണ്ടുമുട്ടലിന്‍റെ ചിത്രങ്ങൾ സമൂഹമാധ്യമങ്ങളിൽ വെെറലാകുകയാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.