ജാതിയും മതവും പറഞ്ഞ് വോട്ടു ചോദിക്കുന്നവർക്ക് വോട്ട് നൽകരുതെന്ന് മക്കൾ സെൽവൻ വിജയ് സേതുപതി. സൂക്ഷിച്ച് വോട്ട് ചെയ്യണമെന്നും മതത്തിനു വേണ്ടി വോട്ട് അഭ്യർത്ഥിക്കുന്നവരെ വിജയിപ്പിക്കരുതെന്നും താരം പറഞ്ഞു.
ഒരു പൊതുവേദിയിൽ പ്രസംഗത്തിനിടെയാണ് താരം മനസ് തുറന്നത്. "വോട്ടു ചെയ്യുന്പോൾ നോക്കി ചെയ്യണം. സൂക്ഷിച്ച് ചെയ്യണം. നമ്മുടെ നാട്ടിലൊരു പ്രശ്നം, നമ്മുടെ കോളജിലൊരു പ്രശ്നം, നമ്മുടെ സുഹൃത്തിനൊരു പ്രശ്നം, നമ്മുടെ സംസ്ഥാനത്തിനൊരു പ്രശ്നം എന്ന് പറയുന്നരോടൊപ്പം നിൽക്കണം. അല്ലാതെ നമ്മുടെ ജാതിക്കൊരു പ്രശ്നം, നമ്മുടെ മതത്തിനൊരു പ്രശ്നം എന്ന് പറയുന്നവരോടൊപ്പം ഒരിക്കലും നിൽക്കരുത്. അങ്ങനെ പറയുന്നവരൊക്കെ എല്ലാം ചെയ്തിട്ട് പൊലീസ് കാവലിൽ സുരക്ഷിതരായിരിക്കും. അവസാനം കെണിയിൽ വീഴുന്നത് നമ്മളായിരിക്കും. ഇത് ഓർത്തുവയ്ക്കണം'-വിജയ് സേതുപതി പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.