പുതുവർഷത്തെ വരവേല്ക്കാൻ ആശംസാഗീതവുമായി സംഗീതസംവിധായകൻ ഗോപിസുന്ദർ. "ന്യൂ ബിഗിനിംഗ്സ്' എന്ന പേരിൽ ഉള്ള ഈ ആൽബം ഇരുൾ നിറഞ്ഞ ഇന്നലെകൾ മറന്നു കൊണ്ട് പ്രത്യാശയുടെ പുതുവർഷ സൂര്യകിരണങ്ങൾ നമ്മുടെ മനസുകളിൽ വെളിച്ചം നിറക്കട്ടെ എന്ന പ്രാർഥനയോടെയാണ് ഗോപി സുന്ദർ സമർപ്പിക്കുന്നത്.
പ്രശസ്ത പിന്നണി ഗായകൻ നിരഞ്ജ് സുരേഷ് (പൂമുത്തോളെ ഫെയിം) വരികൾ എഴുതിയ ഈ ഇംഗ്ലീഷ് ഗാനം പാടിയിരിക്കുന്നത് ദേശി രാഗ്, ഉണ്ണിശോ എന്നി ആൽബങ്ങളിലൂടെ പ്രശസ്തയായ മെറിൽ ആൻ മാത്യൂ ആണ്.
കൂടാതെ, 62 രാജ്യങ്ങളിലെ ആളുകൾ സമാധാന സന്ദേശവുമായി പുതുവത്സര ആശംസകൾ കൈമാറുന്നു എന്നതും ഈ ഗാനത്തിന്‍റെ മറ്റൊരു സവിശേഷതയാണ്. പാശ്ചാത്യശൈലിയിലാണ് ഗോപിസുന്ദർ ഈ ഗാനം ചിട്ടപ്പെടുത്തിയിരിക്കുന്നത്.
ഈ ഗാനത്തിന്‍റെ ക്രിയേറ്റീവ് ഹെഡ് യൂസഫ് ലെൻസ്മാൻ ആണ്, നിതിൻ പി മോഹൻ ഛായാഗ്രഹണവും രഞ്ജിത്ത് ടച്ച് റിവർ ചിത്രസംയോജനവും നിർവഹിക്കുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.