നോക്കിയ എക്സ്30 5ജി അവതരിപ്പിച്ചു : Deepika.com Business News |

കൊച്ചി: നോക്കിയ ഫോണുകളുടെ നിർമാതാക്കളായ എച്ച്എംഡി ഗ്ലോബൽ തങ്ങളുടെ ഏറ്റവും പരിസ്ഥിതി സൗഹൃദ സ്മാർട്ട്ഫോണായ നോക്കിയ എക്സ്30 5ജി അവതരിപ്പിച്ചു. ഫോണിൻറെ പ്രകടനത്തിൽ യാതൊരു വിട്ടുവീഴ്ചയും വരുത്താതെ 100 ശതമാനം റീസൈക്കിൾ ചെയ്ത അലുമിനിയം ഫ്രെയിമും 65 ശതമാനം റീസൈക്കിൾ ചെയ്ത പ്ലാസ്റ്റിക് ബാക്കും ഉപയോഗിച്ചാണ് ഫോണ്‍ നിർമിച്ചിരിക്കുന്നത്. 6.43 ഇഞ്ച് അമോലെഡ് പ്യൂവർഡിസ്പ്ലേ ഉൾപ്പെടെയുള്ള പ്രീമിയം ഫീച്ചറുകളുമായാണ് നോക്കിയ എക്സ്30 5ജി വരുന്നത്. അൾട്രാ-ടഫ് കോർണിംഗ് ഗൊറില്ല ഗ്ലാസ് ഡിസ്പ്ലേയും ഫോണിനുണ്ട്.

മൂന്ന് വർഷത്തെ വാറന്‍ററിയാണ് ഫോണിന് കന്പനി നൽകുന്നത്. മൂന്ന് ഒഎസ് അപ്ഗ്രേഡുകളും ഉപഭോക്താക്കൾക്ക് ലഭിക്കും. ആർട്ടിഫിഷ്യൽ ഇൻറലിജൻസ്, ഒപ്റ്റിക്കൽ ഇമേജ് സ്റ്റെബിലൈസേഷൻ എന്നിവയോടെയുള്ള 13എംപി അൾട്രാ വൈഡ് ക്യാമറയും, 50എംപി പ്യുവർവ്യൂ ക്യാമറയും ഉപഭോക്താക്കൾക്ക് മികച്ച ചിത്രങ്ങളും ദൃശ്യങ്ങളും നൽകും. 16 മെഗാ പിക്സൽ ഫ്രണ്ട് സെൽഫി ക്യാമറയിലൂടെ അതിശയിപ്പിക്കുന്ന സെൽഫികളും പകർത്താം. രണ്ടു ദിവസത്തെ ബാറ്ററി ലൈഫാണ് മറ്റൊരു സവിശേഷത.

ക്ലൗഡി ബ്ലൂ, ഐസ് വൈറ്റ് നിറങ്ങളിൽ ലഭ്യമായ നോക്കിയ എക്സ്30 5ജിയുടെ പ്രീബുക്കിംഗിന് ആരംഭിച്ചു. 8/256 ജിബി മെമ്മറി/സ്റ്റോറേജിൽ വരുന്ന ഫോണിന് ലോഞ്ച് ഓഫറായി പരിമിത കാലയളവിൽ 48,999 രൂപയ്ക്ക് പ്രീബുക്ക് ചെയ്യാം. ഫെബ്രുവരി 20 മുതൽ ആമസോണിലും, നോക്കിയ വെബ്സൈറ്റിലും മാത്രമായിരിക്കും ഫോണ്‍ വിൽപന. നോക്കിയ എക്സ്30 5ജി 5799 രൂപയുടെ അതിശയകരമായ ലോഞ്ച് ഓഫറുമായാണ് വരുന്നത് ഇതിൽ 33 വാട്ട്സ് ഫാസ്റ്റ് ചാർജറും കോംപ്ലിമെൻററി ആയി നോക്കിയ കംഫർട്ട് ഇയർബഡുകളും പ്രധാന ബാങ്ക് ഓഫറുകളും എക്സ്ചേഞ്ച് ഓഫറുകളും ഉൾപ്പെടുന്നു.

പരിസ്ഥിതി സൗഹൃദമായ ഒരു മുന്നിര സ്മാർട്ട്ഫോണ്‍ അവതരിപ്പിക്കുന്നതൽ തങ്ങൾ സന്തുഷ്ടരാണെന്നും കൂടുതൽ സുസ്ഥിരതയ്ക്കായി തങ്ങളുടെ പരിശ്രമം തുടരുകയാണെന്നും എച്ച്എംഡി ഗ്ലോബൽ ഇന്ത്യ, മിഡിൽ ഈസ്റ്റ് ആൻഡ് നോർത്ത് ആഫ്രിക്ക വൈസ് പ്രസിഡൻറ് സൻമീത് സിങ് കൊച്ചാർ പറഞ്ഞു.