കൊച്ചി: പ്രമുഖ എഫ്എംസിജി ബ്രാന്ഡായ വി - ഗാര്ഡ് ഔദ്യോഗിക വെബ്സൈറ്റിലൂടെ ഉത്പന്നങ്ങള് നേരിട്ട് തെരഞ്ഞടുത്ത് വാങ്ങുന്നതിനായുള്ള ഓണ്ലൈന് സേവനം അവതരിപ്പിച്ചു. സ്റ്റെബിലൈസര്, വാട്ടര് ഹീറ്റര്, പ്യൂരിഫയര്, ഫാനുകള് തുടങ്ങിയ ഗൃഹോപകരണങ്ങള് നേരിട്ട് തെരഞ്ഞെടുക്കാം എന്നതാണ് ഇതിന്റെ പ്രത്യേകത.
എളുപ്പത്തില് സാധനങ്ങള് കണ്ടെത്താനും അവയുടെ വില മനസിലാക്കാനുമുള്ള സൗകര്യം, വിശാലമായ ഉത്പന്നങ്ങളുടെ ശേഖരം, റേറ്റിംഗ് - റിവ്യു എന്നിവയിലൂടെയുള്ള ആളുകളുടെ അഭിപ്രായമറിയല്, 24*7 ഷോപ്പിംഗ്, ഇന്ത്യയിലുടനീളം ഡോര് ഡെലിവറി, എളുപ്പത്തിലുള്ള റിട്ടേണ് - റീപ്ലേസ്മൈന്റ് സംവിധാനം, ഓണ്ലൈന് പണമിടപാടുകള് തുടങ്ങി ഉപഭോക്താക്കളുടെ മാറി വരുന്ന ഷോപ്പിംഗ് സങ്കല്പ്പങ്ങള് ഉള്ക്കൊണ്ടുകൊണ്ടാണ് വി - ഗാര്ഡ് ഈ സേവനത്തിന് തുടക്കമിടുന്നത്.
പോര്ട്ടലില് ലഭ്യമാകുന്ന എല്ലാ വി - ഗാര്ഡ് ഉത്പന്നങ്ങളും ഇ കൊമേഴ്സ് ഉപഭോക്താക്കളുടെ ആവശ്യങ്ങളനുസരിച്ച് സുരക്ഷിതമായ വിതരണം സാധ്യമാക്കുന്നതിന് മികച്ച പാക്കേജിംഗ് ഉള്പ്പെടെ പ്രത്യേകം രൂപകല്പ്പന ചെയ്തിട്ടുള്ളതാണ്.
കാഷ് ഓണ് ഡെലിവറി, 10 ദിവസത്തെ റിട്ടേണ് വിന്ഡോ, സമഗ്രമായ ഉപഭോക്തൃ സേവനം, ഇടനിലക്കാരില്ലാതെയുള്ള ഇന്സ്റ്റലേഷന്, ഉത്പന്ന രജിസ്ട്രേഷന് തുടങ്ങിയ നിരവധി സേവനങ്ങളിലൂടെ തടസങ്ങളില്ലാത്തതും മികച്ചതുമായ ഷോപ്പിംഗ് അനുഭവം നല്കാനാണ് വി - ഗാര്ഡ് ലക്ഷ്യമിടുന്നത്.
ഇത് തങ്ങളുടെ ഓണ്ലൈന്, ഓഫ് ലൈന് ബിസിനസുകള്ക്ക് ഗുണം ചെയ്യുമെന്നാണ് പ്രതീക്ഷയെന്ന് വി - ഗാര്ഡ് ഇന്ഡസ്ട്രീസ് ലിമിറ്റഡിന്റെ ഡയറക്ടറും സിഇഒയുമായ വി. രാമചന്ദ്രന് പറഞ്ഞു.
വര്ധിച്ചുവരുന്ന ആവശ്യകതയും ഉപഭോക്താക്കളുടെ അഭിപ്രായത്തിനുമനസരിച്ച് വി ഗാര്ഡ് വിപുലമായ കസ്റ്റമര് കെയര് ടീം സജീകരിച്ചിട്ടുണ്ട്. എല്ലാ പ്രധാന ഇ കൊമേഴ്സ് പ്ലാറ്റ്ഫോമുകളിലും വി ഗാര്ഡ് ഉത്പന്നങ്ങള് ഇതിനകം ലഭ്യമാണ്.
കൂടാതെ, പ്രമുഖ ഡെലിവറി സേവനദാതാക്കളുമായി പങ്കാളിത്തവുമുണ്ട്. ഉത്പന്നങ്ങള്ക്കും ഓഫറുകള്ക്കുമായി https://vguard.com/ എന്ന വെബ്സൈറ്റ് സന്ദര്ശിക്കുക.