Youth
'അനന്യം' ഈ പാട്ടുവെട്ടം....!
റി​യാ​ലി​റ്റി വേ​ദി​ക​ളി​ൽ തി​ള​ങ്ങു​ന്ന​വ​ർ​ക്ക് പിന്നണി പാടാൻ മുന്തിയ പരിഗണന ന​ല്കു​ന്ന കാ​ല​ത്താ​ണ് ‘വെ​ള്ളം’ സി​നി​മ​യു​ടെ സം​വി​ധാ​യ​ക​ൻ പ്ര​ജേ​ഷ് സെ​ൻ സാ​ധാ​ര​ണ ജീ​വി​ത​പ​രി​സ​ര​ങ്ങ​ളി​ൽ നി​ന്ന് അ​സാ​ധാ​ര​ണ പ്ര​തി​ഭാ​സ്പ​ർ​ശ​മു​ള്ള അ​ന​ന്യ​യെ​ന്നെ അ​ഞ്ചാം ക്ലാ​സു​കാ​രി​യെ ബി​ജി​ബാ​ലി​ന്‍റെ ഈ​ണ​ത്തി​ൽ പാ​ടാ​ൻ വി​ളി​ക്കു​ന്ന​ത്. “ അ​വ​ർ​ക്കൊ​ക്കെ അ​വ​സ​ര​ങ്ങ​ളു​ണ്ട്. ഈ ​കു​ട്ടി​ക്ക് അ​ത്ത​രം സാ​ധ്യ​ത​ക​ൾ കു​റ​വ​ല്ലേ. ഏ​റെ ഫീ​ൽ ചെ​യ്താ​ണ് അ​ന​ന്യ പാ​ടു​ന്ന​ത്. ഫീലുള്ള ആ ​വോ​യ്സ് ബി​ജി​ബാ​ലി​ന് വ​ള​രെ ഇ​ഷ്ട​മായി. ഇ​നി​യും പാ​ട്ടു​ക​ൾ അ​ന​ന്യ​യെ തേ​ടി​യെ​ത്തും...” കു​ഞ്ഞു​സ്വ​പ്ന​ങ്ങ​ൾ​ക്കു ചി​റ​കു​ക​ൾ നല്കിയ പ്ര​ജേ​ഷ് സെ​ൻ പ​റ​യു​ന്നു.

ഉ​ൾ​ക്ക​ണ്ണി​ലൂടെ മാ​ത്രം ഈ ​ലോ​കം കാ​ണു​ന്ന അ​ന​ന്യ​യു​ടെ പാ​ട്ട് അ​ച്ഛ​നെ​ക്കു​റി​ച്ചാ​ണ്, അ​മ്മ​യെ​ക്കു​റി​ച്ചാ​ണ്, സ​ർ​വ​ ച​രാ​ച​ര​ങ്ങ​ളെ​യും തൊ​ട്ടു​ണ​ർ​ത്തു​ന്ന സ്നേ​ഹ​ത്തെ​ക്കു​റി​ച്ചു​മാ​ണ്. ബി​ജി​ബാ​ലും നി​ധീ​ഷ് ന​ടേ​രി​യും ചേ​ർ​ന്നൊ​രു​ക്കി​യ ‘പു​ല​രി​യി​ല​ച്ഛ​ന്‍റെ തു​ടു​വി​ര​ലെ​ന്ന​പോ​ൽ തൊ​ട്ടു​ണ​ർ​ത്തു​ന്നൂ തൂ​വെ​ട്ടം..’ യൂ​ട്യൂ​ബി​ൽ ഇ​തു​വ​രെ ആ​സ്വ​ദി​ച്ച​ത് ര​ണ്ട​ര​ല​ക്ഷ​ത്തി​ല​ധി​കം​പേ​ർ. പാട്ടുകേട്ട് ഇഷ്ടമായിട്ടാണ് മഞ്ജുവാര്യർ അതു ഫേസ്ബുക്ക് പേജിൽ ലോഞ്ച് ചെയ്തത്. ജയസൂര്യ യും സിദ്ധിക്കും സംയുക്ത മേനോനും പ്രധാന വേഷങ്ങളിലെ ത്തുന്ന ‘വെള്ളം’ കണ്ണൂരുള്ള ഒരു മനുഷ്യന്‍റെ ജീവിതമാണു പറയുന്നത്.

വഴിത്തിരിവായി
‘നീ മുകിലോ...’
മൂ​ന്ന​ര വ​യ​സി​ൽ അ​ന​ന്യ പാ​ടി​ത്തു​ട​ങ്ങി​യെ​ന്ന് അ​മ്മ പ്ര​ജി​ത. ഒ​ന്നാം ക്ലാ​സി​ൽ ആ​യ​പ്പോ​ഴേ​ക്കും സി​നി​മാ​പാ​ട്ടു​ക​ളി​ലെ​ത്തി. ‘ഇ​ന്നോ ഞാ​നെ​ന്‍റെ മു​റ്റ​ത്തൊ​ര​റ്റ​ത്ത്..​.’ അ​തി​ലാ​ണു തു​ട​ക്കം. റേ​ഡി​യോ​യി​ലും മൊ​ബൈ​ലി​ലും കേ​ട്ട പാ​ട്ടു​ക​ളൊ​ക്കെ അ​ന​ന്യ പാ​ടി​പ്പ​ഠി​ച്ചു. രാഗേഷ് ഹ​രി​ശ്രീ​യാ​ണ് ആ​ദ്യ​മാ​യി പാ​ട്ടു പ​ഠി​പ്പി​ച്ച​ത്. ക​ണ്ണൂ​ർ ഫ്ള​വേ​ഴ്സ് അ​ക്കാ​ദ​മി​യി​ലെ ഷ​മീ​ർ​ബാ​ബു​വാ​ണ് ഇ​പ്പോ​ൾ ഗുരു. ക​ഴി​ഞ്ഞ വ​ർ​ഷം ക്ലാ​സിലി​രു​ന്ന് ല​ഞ്ച് ബ്രേ​ക്കി​ൽ അനന്യ പാ​ടി​യ ‘നീ ​മു​കി​ലോ..’ എ​ന്ന പാ​ട്ടാ​ണ് വ​ഴി​ത്തി​രി​വാ​യ​ത്. അ​നി​ഷ എ​ന്ന കു​ട്ടി എ​ടു​ത്ത വീ​ഡി​യോ ന​ടി അ​നു​മോ​ൾ​ക്ക് അ​യ​ച്ചു​കൊ​ടു​ത്തു. അ​തു സാ​മൂ​ഹി​ക മാ​ധ്യ​മ​ങ്ങ​ളി​ൽ വൈ​റ​ലാ​യി. ചാ​ന​ലു​ക​ൾ കൊ​ച്ചു​പാ​ട്ടു​കാ​രി​യെ​ത്തേ​ടി ക​ണ്ണൂ​ർ വാ​ര​ത്തെ വീ​ട്ടി​ലെ​ത്തി. സി​നി​മ​യി​ൽ പാ​ടാ​ൻ ആ​ഗ്ര​ഹ​മു​ള്ള​താ​യി അ​ന​ന്യ അ​ഭി​മു​ഖ​ങ്ങ​ളി​ൽ പ​റ​ഞ്ഞു.

പ്രാർഥനയോടെ തുടക്കം...

അ​ന​ന്യ​യു​ടെ അഭിലാഷം പ്ര​ജേ​ഷ് സെ​ൻ അ​റി​ഞ്ഞ​ത് ‘റോ​ക്ക​റ്റ്റി’ സി​നി​മ​യു​ടെ വ​ർ​ക്കി​നി​ട​യി​ലാ​ണ്. ഏ​ഷ്യാ​നെ​റ്റി​ൽ ജേ​ണ​ലി​സ്റ്റാ​യ സു​ഹൃ​ത്ത് വി​നി​ത വേണുവാ​ണ് ആ ​പാ​ട്ടു​വീ​ഡി​യോ എ​ത്തി​ച്ച​ത്. “എ​നി​ക്ക​തു ഹൃ​ദ​യ​സ്പ​ർ​ശി​യാ​യി തോ​ന്നി. വെ​ള്ളത്തിന്‍റെ മ്യൂ​സി​ക് ചെ​യ്യു​ന്ന ബി​ജി​ബാ​ലി​നെ വി​ളി​ച്ചു. ബി​ജി​ബാ​ൽ അ​ന​ന്യ​യു​ടെ പാ​ട്ട് മു​ന്പേ കേ​ട്ടി​രു​ന്നു. അ​ന​ന്യ​യെ ന​മ്മു​ടെ സി​നി​മ​യി​ൽ പാ​ടി​ക്കാ​മെ​ന്ന് ഞാ​ൻ. അ​തി​നു​ള്ള സി​റ്റ്വേ​ഷ​ൻ ഉ​ണ്ടോ എ​ന്നാ​യി ബി​ജി​ബാ​ൽ. സി​റ്റ്വേ​ഷ​ൻ ഉ​ണ്ടാ​ക്കാം - ഞാ​ൻ പ​റ​ഞ്ഞു. അ​ങ്ങ​നെ സ്കൂ​ൾ സീ​ക്വ​ൻ​സി​ൽ അ​ന​ന്യ​യ്ക്കു വേ​ണ്ടി ഒ​രു പ്രാ​ർ​ഥ​നാ​ഗീ​തം രൂ​പ​പ്പെ​ടു​ത്തി. ബി​ജി​ബാ​ൽ ഒ​രു പാ​ട്ട് മ്യൂ​സി​ക് ഉ​ണ്ടാ​ക്കി. നി​ധീ​ഷ് ന​ടേ​രി എ​ഴു​തി​യ വ​രി​ക​ൾ പാ​ടി ബി​ജി​ബാ​ൽ അ​ന​ന്യ​യ്ക്ക് അ​യ​ച്ചു​കൊ​ടു​ത്തു. സി​നി​മ​യു​ടെ ഷൂ​ട്ട് തു​ട​ങ്ങും​മു​ന്പ് അ​ന​ന്യ​യെ എ​റ​ണാ​കു​ള​ത്തെ സ്റ്റു​ഡി​യോ​യി​ൽ എ​ത്തി​ച്ച് പാ​ട്ട് റിക്കോർ​ഡ് ചെ​യ്തു” - പ്ര​ജേ​ഷ് സെ​ൻ പറഞ്ഞു.

പ്രകാശം പരത്തുന്ന പാട്ടുകാരി

റി​ക്കോർ​ഡിം​ഗി​ന് വന്നപ്പോഴാ​ണ് ബി​ജി​ബാ​ൽ അ​ന​ന്യ​യെ ആ​ദ്യ​മാ​യി ക​ണ്ട​ത്. “ അ​ദ്ഭു​ത​ക​ര​മെ​ന്നു പ​റ​യ​ട്ടെ... പാ​ട്ടി​ലെ ചെ​റി​യ ചെ​റി​യ കാ​ര്യ​ങ്ങ​ളും ഡീ​റ്റ​യി​ലി​ംഗുമെ​ല്ലാം കൃ​ത്യ​മാ​യി പ​ഠി​ച്ചാ​ണ് അ​ന​ന്യ വ​ന്ന​ത്. അ​ത്ര ദൂ​രെ നി​ന്നാ​ണു വ​ന്ന​തെ​ങ്കി​ൽ​പ്പോ​ലും കേ​വ​ലം 20 മി​നി​റ്റു​കൊ​ണ്ട് ആ ​കു​ട്ടി പാ​ടി​ക്ക​ഴി​ഞ്ഞി​രു​ന്നു. ഒ​രു ക​റ​ക്്ഷ​നും പി​ന്നീ​ട് എ​ടു​ക്കേ​ണ്ടി വ​ന്നി​ല്ല. മോ​ഹ​നം എ​ന്നൊ​ക്കെ പ​റ​യാ​വു​ന്ന രീ​തി​യി​ൽ സിം​പി​ളാ​യ ഒ​രു പ്രാ​ർ​ഥ​ന. പാ​ട്ട് സിം​പി​ളാ​ണെ​ങ്കി​ലും ബു​ദ്ധി​മു​ട്ടു​ള്ള​താ​ണെ​ങ്കി​ലും അ​തു പ്ര​കാ​ശ​മാ​ന​മാ​ക്കണ​മ​ല്ലോ. പ്ര​ത്യേ​കി​ച്ചും പ്രാ​ർ​ഥ​ന​യാ​കു​ന്പോ​ൾ കേ​ൾ​ക്കു​ന്ന​വ​ർ​ക്കും അ​തു വെ​ളി​ച്ചം പ​ക​രു​ന്ന​താ​വ​ണം. അ​ക്ഷ​ര​സ്ഫു​ട​ത​യ്ക്ക​പ്പു​റം പാ​ട്ടി​ന്‍റെ ഒ​രു സ്ഫു​ട​ത​യു​ണ്ട​ല്ലോ... പാ​ട്ടു പാ​ടു​ന്ന​തി​ലു​ള​ള ഒ​രു​റ​പ്പ്. അ​ത് ആ​ത്മ​വി​ശ്വാ​സ​ത്തി​ൽ നി​ന്നു വ​രു​ന്ന​താ​ണ്. കൃ​ത്യ​ത​യോ​ടെ, ഒ​രു സം​ശ​യ​വു​മി​ല്ലാ​തെ​യാ​ണ് ആ ​കു​ട്ടി പാ​ടു​ന്ന​ത്. അ​ക്ഷ​ര​സ്ഫു​ട​ത​യ്ക്കൊ​പ്പം സം​ഗീ​ത​ത്തി​ലു​ള്ള കൃ​ത്യ​ത​യും...​ അ​തി​ലൊ​ക്കെ​യാ​ണ് ഏ​റ്റ​വും മ​തി​പ്പു തോ​ന്നി​യ​ത്. കു​ട്ടി​ക​ൾ പാ​ടു​ന്ന പാ​ട്ടൊ​ക്കെ​യാ​ണെ​ങ്കി​ൽ തു​ട​ർ​ന്നും അ​ന​ന്യ​യെ​ക്കൊ​ണ്ട് പാ​ടി​ക്കു​ന്ന​തി​ൽ സ​ന്തോ​ഷ​ം ”
ബി​ജി​ബാ​ൽ പറഞ്ഞു.

പാട്ടെഴുത്തുകാരൻ പറയുന്നു

“ അ​ന​ന്യ​യാ​വും ഈ ​പാ​ട്ടു പാ​ടു​ക​യെ​ന്ന് ബോ​ധി​യി​ലി​രു​ന്ന് പാ​ട്ടെ​ഴു​ന്പോ​ൾ അറി​യാ​മാ​യി​രു​ന്നു. കാരണം, ബിജിബാൽ സാറും പ്രജേഷ് ഭായിയുമൊക്കെ അതു തീരുമാനിച്ചിരുന്നു. ‘നീ ​
മു​കിലോ’ വൈ​റ​ലാ​യി നിൽക്കുന്ന സ​മ​യ​മാ​യി​രു​ന്നു അ​ത്. ആദ്യത്തെ കുറച്ചു വരികൾ എഴുതിത്തുടങ്ങിയ ശേഷമാണ് ട്യൂൺ തന്നത്. തളിപ്പറന്പിലെ സെ​റ്റി​ലെത്തിയ അ​ന​ന്യ​യു​മാ​യി ഫോ​ണി​ൽ സം​സാ​രി​ച്ചി​രു​ന്നു. വൈ​കാ​തെ വീ​ട്ടി​ൽ പോ​യി കാ​ണും....” പാട്ടെഴുതിയ നി​ധീ​ഷ് ന​ടേ​രി പറഞ്ഞു.

‘പാ​ട്ട് ഹി​റ്റാ​യ​തോ​ടെ അ​ന​ന്യ സ​ന്തോ​ഷ​ത്തി​ലാ​ണ്. കാ​ര​ണം, അ​വ​ൾ​ക്കു പു​റം​ലോ​ക​മൊ​ന്നും ഇ​ല്ല​ല്ലോ. ആ​കെ​യു​ള്ള​തു ശ​ബ്ദം മാ​ത്രമല്ലേ. പു​റ​ത്തു കൊ​ണ്ടു​പോ​യി ചി​കി​ത്സി​ക്ക​ണ​മെ​ങ്കി​ൽ പോ​ലും പ്രൊ​ഡ്യൂ​സേ​ഴ്സ് റെ​ഡി​യാണ്.”

അ​ന​ന്യ​യ്ക്കു കാ​ഴ്ച ലഭിക്കാനുള്ള സാ​ധ്യ​ത​ക​ൾ തേ​ടു​ക​യാ​ണ് പ്രജേഷ് സെൻ. വാ​രം യു​പി സ്കൂ​ൾ വി​ദ്യാ​ർ​ഥി​യാ​യ അ​ന​ന്യ ധ​ർ​മ​ശാ​ല​യി​ലെ മോ​ഡ​ൽ സ്കൂ​ൾ ഫോ​ർ ബ്ലൈ​ൻ​ഡി​ൽ ബ്രെ​യി​ൻ ലി​പി പ​ഠി​ക്കു​ന്നു. “ സ്കൂ​ളി​ൽ കൊ​ണ്ടു​പോ​കു​ന്ന​തും കൂ​ട്ടിരിക്കുന്ന​തും വീ​ട്ടി​ലേ​ക്കു കൂ​ട്ടി​വ​രു​ന്ന​തു​ം ഞാനാണ്. അവൾക്കു ന​ട​ക്കാ​നും മ​റ്റും എ​പ്പോ​ഴും ഒ​രാ​ളു​ടെ സ​ഹാ​യം വേ​ണം ”- അനന്യയെ ചേ​ർ​ത്തു​പി​ടി​ച്ച് പ്രജിത പ​റ​ഞ്ഞു.

വ​ലി​യ പാ​ട്ടു​കാ​രി​യാ​വ​ണം

നീ ​മു​കി​ലോ, രാ​ജ​ഹം​സ​മേ, പു​ല​ർ​കാ​ല സു​ന്ദ​ര​സ്വ​പ്ന​ത്തി​ൽ, മൗ​ന​സ​രോ​വ​ര​മാ​കെ​യു​ണ​ർ​ന്നു... അ​ന​ന്യ​യു​ടെ ഇ​ഷ്ട​ഗാ​ന​ങ്ങ​ൾ തീരുന്നില്ല.

“ചി​ത്ര​ച്ചേ​ച്ചി, എം.​ജി. ശ്രീ​കു​മാ​ർ അ​ങ്കി​ൾ, യേ​ശു​ദാ​സ് അ​ങ്കി​ൾ...​ എ​ല്ലാ​വ​രു​ടെ​യും പാ​ട്ടു​ക​ൾ ഇഷ്ടമാണ്. വ​ലി​യ പാ​ട്ടു​കാ​രി​യാ​വ​ണം...” വാ​ര​ത്തെ കൊ​ച്ചു​വീ​ട്ടി​ലി​രു​ന്ന് അനന്യ പ​റ​ഞ്ഞു. കൂലി​പ്പ​ണി ചെയ്യുന്ന അച്ഛൻ പുഷ്പനും അ​മ്മ പ്ര​ജി​ത​യും സ​ഹോ​ദ​രി അ​തു​ല്യയും അവളുടെ സ്വപ്നങ്ങൾ ക്കൊപ്പമാണ്.
അ​ന​ന്യ​യു​ടെ മോ​ഹ​ങ്ങ​ൾ
പാ​ട്ടു​ക​ളു​ടെ ആ​കാ​ശ​ങ്ങ​ളി​ലേ​ക്കു പ​റ​ന്നു തു​ട​ങ്ങുകയാണ്.

-ടി.ജി.ബൈജുനാഥ്




Copyright @ 2020 , Rashtra Deepika Ltd.