Youth
നൃ​ത്തമാടു​ന്ന വി​ര​ലു​ക​ൾ
നൃ​ത്തമാടു​ന്ന വി​ര​ലു​ക​ൾ
പ​ര​മ്പ​രാ​ഗ​ത നൃ​ത്ത​ക്കാ​ഴ്ച​ക​ളി​ല്‍​നി​ന്നു വ്യ​ത്യ​സ്ത​മാ​യി മെ​യ്യി​ള​കാ​തെ, മ​റ്റു ശ​രീ​ര​ച​ല​ന​ങ്ങ​ളി​ല്ലാ​തെ മി​ന്നി​ത്തെ​ളി​യു​ന്ന ഡി​സ്‌​ക്കോ ലൈ​റ്റു​ക​ളു​ടെ വെ​ളി​ച്ച​ത്തി​ല്‍ കൈ​വി​ര​ലു​ക​ള്‍​ക്കൊ​ണ്ട് നൃ​ത്ത​വി​സ്മ​യം തീ​ർ​ക്കു​ക​യാ​ണ് ഇം​തി​യാ​സ് എ​ന്ന ഫിം​ഗ​ര്‍ ഡാ​ന്‍​സ് ക​ലാ​കാ​ര​ൻ.

മ​ര​ട് അ​യ്യ​പ്പ​ന്‍ മാ​സ്റ്റ​ര്‍ റോ​ഡി​ല്‍ താ​മ​സി​ക്കു​ന്ന നീ​രോ​ളി​പ്പ​റ​മ്പി​ല്‍ വീ​ട്ടി​ല്‍ ഇം​തി​യാ​സ് അ​ബൂ​ബ​ക്ക​റാ​ണ് അം​ഗു​ലി ച​ല​നം കൊ​ണ്ട് ന​വ​മാ​യ നൃ​ത്ത​രൂ​പം കാ​ഴ്ച​വ​യ്ക്കു​ന്ന​ത്. കേ​ര​ള​ത്തി​ലെ​ന്ന​ല്ല, ഇ​ന്ത്യ​യി​ല്‍​ത്ത​ന്നെ ഫിം​ഗ​ര്‍ ഡാ​ന്‍​സ​ര്‍​മാ​ര്‍ അ​പൂ​ര്‍​വ​മാ​ണ്. അ​തി​ല്‍​ത്ത​ന്നെ പൊ​തു​വേ​ദി​യി​ല്‍ ഫിം​ഗ​ര്‍ ഡാ​ന്‍​സ് അ​വ​ത​രി​പ്പി​ച്ച് പു​ര​സ്‌​ക്കാ​ര​ങ്ങ​ള്‍ നേ​ടി​യ ഒ​റ്റ​യാ​നാ​ണ് ഇം​തി​യാ​സ്.

ഫിം​ഗ​ര്‍ ഡാ​ന്‍​സി​ന്‍റെ പി​റ​വി

1997 - 98 കാ​ല​ഘ​ട്ട​ത്തി​ല്‍ ത​ന്‍റെ​യ​ടു​ക്ക​ല്‍ ഡാ​ന്‍​സ് പ​ഠി​ക്കാ​ന്‍ വ​ന്ന കു​ട്ടി​ക​ളെ വി​ര​ല്‍ മു​ദ്ര​യു​പ​യോ​ഗി​ച്ച് നൃ​ത്തം പ​ഠി​പ്പി​ക്കാ​ന്‍ തു​ട​ങ്ങി​യ​പ്പോ​ള്‍ ല​ഭി​ച്ച പ്രേ​ര​ണ​യി​ല്‍ നി​ന്നാ​ണ് ഇം​തി​യാ​സ്, ഫിം​ഗ​ര്‍ ഡാ​ന്‍​സ് ക​ല​യി​ല്‍ ത​ന്‍റേ​താ​യ അ​ധ്യാ​യം ചേ​ര്‍​ത്ത് തു​ട​ങ്ങി​യ​ത്. സ്വ​യം നി​രീ​ക്ഷി​ച്ച് പ​ഠി​ച്ച് തു​ട​ങ്ങി​യ ഇം​തി​യാ​സി​ന് കാ​ര്‍​ട്ടൂ​ണ്‍ പ​ര​മ്പ​ര​യാ​യ ടോം ​ആ​ന്‍​ഡ് ജെ​റി​യി​ലെ വി​ര​ലു​ക​ള്‍ ത​നി​യെ പി​യാ​നോ വാ​യി​ക്കു​ന്ന ദൃ​ശ്യ​ങ്ങ​ള്‍ ആ​വേ​ശ​മാ​യി.

അ​ങ്ങ​നെ സ്വ​ന്ത​മാ​യി ഫിം​ഗ​ര്‍ ഡാ​ന്‍​സ് ചെ​യ്തു പ​ഠി​ച്ച ഇം​തി​യാ​സ് 2011 ലെ ​സ്വാ​ത​ന്ത്ര​ദി​ന​ത്തി​ല്‍ മ​ട്ടാ​ഞ്ചേ​രി ടൗ​ണ്‍ ഹാ​ളി​ല്‍ ആ​ദ്യ ഫിം​ഗ​ര്‍ ഡാ​ന്‍​സ് ഷോ ​ന​ട​ത്തി. വ​ന്ദേ​മാ​ത​രം, മൈ​ക്കി​ള്‍ ജാ​ക്‌​സ​ന്‍ ത്രി​ല്ല​ര്‍ തു​ട​ങ്ങി​യ ഗാ​ന​രൂ​പ​ങ്ങ​ള്‍ വി​ര​ലു​ക​ള്‍ കൊ​ണ്ട് നൃ​ത്തം ചെ​യ്യി​ച്ച് കാ​ണി​ക​ളെ കൈ​യി​ലെ​ടു​ത്തു.

വി​സ്മ​യി​പ്പി​ക്കും വി​ര​ലു​ക​ള്‍

തെ​ര​ഞ്ഞെ​ടു​ത്ത ഗാ​ന​ങ്ങ​ള്‍​ക്ക​നു​സ​രി​ച്ച് പ​ശ്ചാ​ത്ത​ല​ത്തി​ന് ചേ​ര്‍​ന്ന നി​റ​ങ്ങ​ളു​പ​യോ​ഗി​ച്ച് വ​ര്‍​ണ​മ​നോ​ഹ​ര​മാ​ക്കി​യ വി​ര​ലു​ക​ളാ​ണ് ഇ​വി​ടെ നൃ​ത്തം ചെ​യ്യു​ന്ന​ത്. ത​ള്ള​വി​ര​ലും ചെ​റു​വി​ര​ലും കൈ​ക​ളാ​യി പ്ര​വ​ര്‍​ത്തി​ച്ച് മ​ധ്യ​ഭാ​ഗ​ത്തു​ള്ള വി​ര​ലു​ക​ളാ​ണ് പാ​ട്ടി​ന​നു​സ​രി​ച്ച് നൃ​ത്തം വ​യ്ക്കു​ന്ന​ത്.


2012 ലെ ​വാ​ല​ന്‍റൈ​ന്‍​സ് ദി​ന​ത്തി​ല്‍ "ലൗ ​ഈ​സ് ഡി​വൈ​ന്‍' എ​ന്ന പേ​രി​ല്‍ പു​റ​ത്തി​റ​ക്കി​യ നാ​ലു മി​നി​റ്റ് ദൈ​ര്‍​ഘ്യ​മു​ള്ള ഫിം​ഗ​ര്‍ ഡാ​ന്‍​സ് മ്യൂ​സി​ക് വീ​ഡി​യോ ലിം​ക ബു​ക്ക് ഓ​ഫ് റി​ക്കാ​ര്‍​ഡ്‌​സി​ല്‍ ഇ​ടം​നേ​ടി. ഇ​തി​ന് പി​ന്നാ​ലെ 2013 ല്‍ ​ആ​റ് സു​ന്ദ​രി​മാ​രു​ടെ ക​ഥ എ​ന്ന സി​നി​മ​യി​ലും ഫിം​ഗ​ര്‍ ഡാ​ന്‍​സ് ചെ​യ്യാ​ന്‍ അ​വ​സ​രം ല​ഭി​ച്ചു. തു​ട​ര്‍​ന്ന് പ​ര​ശു​രാ​മ​നും ക​ഥ​ക​ളി​യും പു​ലി​ക​ളി​യും മ​ഹാ​ബ​ലി​യു​മെ​ത്തു​ന്ന കേ​ര​ളീ​യം എ​ന്ന വീ​ഡി​യോ, പ​ര​സ്യ ചി​ത്ര​ങ്ങ​ള്‍ എ​ന്നി​വ​യും ഇം​തി​യാ​സി​ന്‍റേ​താ​യി​റ​ങ്ങി.


2017ല്‍ 500 ​ഓ​ളം കു​ട്ടി​ക​ളെ​യും ചേ​ര്‍​ത്ത് പു​റ​ത്തി​റ​ക്കി​യ "റി​ഥം ഓ​ഫ് വ​ണ്‍ കെ ​വ​ണ്‍ ഹാ​ന്‍​ഡ്‌​സ്' എ​ന്ന ഫിം​ഗ​ര്‍ ഡാ​ന്‍​സ് ഷോ​യാ​ണ് വേ​ള്‍​ഡ് റി​ക്കാ​ര്‍​ഡ് നേ​ടി​യ​ത്. ഒ​ന്ന​ര മാ​സ​ത്തെ പ​രി​ശീ​ല​ന​ത്തി​ന് ശേ​ഷ​മാ​ണ് ഈ ​ഡാ​ന്‍​സ് ഷോ ​ന​ട​ത്തി​യ​ത്.

ഭി​ന്ന​ശേ​ഷി​ക്കാ​ര്‍​ക്കാ​യി

ത​ന്‍റെ ക​ലാ പ്ര​യാ​ണ​ത്തി​നി​ട​യി​ല്‍ ക​ണ്ടു​മു​ട്ടി​യ ഫിം​ഗ​ര്‍ ഡാ​ന്‍​സ് ഇ​ഷ്ട​പ്പെ​ടു​ന്ന ശാ​രീ​രി​ക ശേ​ഷി​ക്കു​റ​വു​ള്ള ഒ​രു കു​ട്ടി നൃ​ത്ത​രൂ​പം പ​ഠി​ച്ച് ശാ​രീ​രി​ക ക്ഷ​മ​ത വ​ര്‍​ധി​പ്പി​ച്ച​തോ​ടെ ഇം​തി​യാ​സ്, ഇ​ത്ത​രം വൈ​ക​ല്യ​ങ്ങ​ളു​ള്ള കു​ട്ടി​ക​ളെ ഫിം​ഗ​ര്‍ ഡാ​ന്‍​സ് പ​ഠി​പ്പി​ക്കു​ന്ന​തി​നു​ള്ള ശ്ര​മ​ത്തി​ലാ​ണ്. വി​ര​ലു​ക​ള്‍ കൊ​ണ്ട് ഓ​രോ പ്ര​ക​ട​ന​വും ന​ട​ത്തു​മ്പോ​ള്‍ ഏ​റ്റ​വും കൂ​ടു​ത​ല്‍ അ​ത് ഗു​ണ​ക​ര​മാ​കു​ന്ന​ത് അ​വ​രു​ടെ ത​ല​ച്ചോ​റി​നാ​ണ്.

വി​ര​ലു​ക​ള്‍ നൃ​ത്തം ചെ​യ്യു​മ്പോ​ള്‍ ബ്രെ​യ്ന്‍ എ​ക്‌​സ​ര്‍​സൈ​സ് ന​ല്ല രീ​തി​യി​ല്‍ വ​ര്‍​ധി​ക്കും. ഇ​ത് വൈ​ക​ല്യ​ങ്ങ​ളു​ള്ള കു​ട്ടി​ക​ളു​ടെ ഐ​ക്യു മെ​ച്ച​പ്പെ​ടു​ത്തു​മെ​ന്ന തി​രി​ച്ച​റി​വി​ല്‍ ഇം​തി​യാ​സ്, സ്‌​പെ​ഷ്യ​ല്‍ സ്‌​കൂ​ള്‍ കു​ട്ടി​ക​ള്‍​ക്ക് ഫിം​ഗ​ര്‍ ഡാ​ന്‍​സ് പ​രി​ശീ​ലി​പ്പി​ക്കു​ന്ന കോ​ണ്‍​സെ​ന്‍​ട്രേ​ഷ​ന്‍ ഡെ​വ​ല​പ്പ്‌​മെ​ന്റ് പ്രോ​ഗ്രാ​മു​ക​ള്‍ ന​ട​ത്താ​നാ​യി പ​ദ്ധ​തി​ക​ള്‍ ത​യാ​റാ​ക്കു​ക​യാ​ണ്.

ഏ​താ​നും സ്‌​കൂ​ളു​ക​ള്‍ പു​തി​യ അ​ധ്യ​യ​ന വ​ര്‍​ഷം ഇം​തി​യാ​സി​ന്റെ സേ​വ​നം ആ​വ​ശ്യ​പ്പെ​ട്ടി​ട്ടു​ണ്ട്. തി​ര​ക്കേ​റി​യ ത​ന്‍റെ ക​ലാ​ജീ​വി​ത​ത്തി​നി​ട​യി​ല്‍ വൈ​ക​ല്യ​മു​ള്ള കു​ട്ടി​ക​ളെ ഫിം​ഗ​ര്‍ ഡാ​ന്‍​സ് അ​ഭ്യ​സി​പ്പി​ച്ച്, അ​വ​രെ അ​തി​ജീ​വ​ന​ത്തി​ന്‍റെ പാ​ത​യി​ലേ​യ്ക്ക് വ​ഴി ന​ട​ത്തു​വാ​നു​ള്ള പ​രി​ശ്ര​മ​ത്തി​ലാ​ണ് ഇം​തി​യാ​സ്.

പു​ര​സ്‌​കാ​ര​ങ്ങ​ള്‍ നി​ര​വ​ധി

ലിം​ക ബു​ക്ക് ഓ​ഫ് റി​ക്കാ​ര്‍​ഡ്‌​സ്, യു​ണീ​ക്ക് വേ​ള്‍​ഡ് റി​ക്കാ​ര്‍​ഡ്, ഡ​ബ്ല്യു​ആ​ര്‍​സി​എ​ല്‍ ല​ണ്ട​ന്‍, ഇ​ന്ത്യ ബു​ക്ക് ഓ​ഫ് റി​ക്കാ​ര്‍​ഡ്‌​സ്, ഗോ​ള്‍​ഡ​ന്‍ ബു​ക്ക് ഓ​ഫ് വേ​ള്‍​ഡ് റി​ക്കാ​ര്‍​ഡ് തു​ട​ങ്ങി ഒ​ട്ടേ​റെ അം​ഗീ​കാ​ര​ങ്ങ​ളാ​ണ് ഇം​തി​യാ​സ് ഇ​തി​ന​കം നേ​ടി​യെ​ടു​ത്തി​ട്ടു​ള്ള​ത്. അ​റി​യ​പ്പെ​ടു​ന്ന തി​യേ​റ്റ​ര്‍ പെ​ര്‍​ഫോ​ര്‍​മ​ര്‍ കൂ​ടി​യാ​യ ഇം​തി​യാ​സ് വി​വി​ധ രാ​ജ്യ​ങ്ങ​ളി​ല്‍ ക​ള്‍​ച്ച​റ​ല്‍ പ​രി​പാ​ടി​ക​ള്‍ അ​വ​ത​രി​പ്പി​ക്കു​ന്നു​ണ്ട്. വി​വി​ധ ഭാ​ഷ​ക​ളി​ലെ സി​നി​മ​ക​ള്‍​ക്കാ​യി 82 പാ​ട്ടു​ക​ള്‍​ക്കും കൊ​റി​യോ​ഗ്ര​ഫി ചെ​യ്തി​ട്ടു​ണ്ട്.

ഷി​ബു ജേ​ക്ക​ബ്
Copyright @ 2022 , Rashtra Deepika Ltd.