സ്ത​നാ​ർ​ബു​ദം - തെ​റ്റി​ദ്ധാ​ര​ണ​ക​ളും യാ​ഥാ​ർ​ഥ്യ​ങ്ങ​ളും
തെ​റ്റി​ദ്ധാ​ര​ണ 1 - പ്രാ​യ​മാ​യ സ്ത്രീ​ക​ളി​ൽ മാ​ത്ര​മാ​ണ് സ്ത​നാ​ർ​ബു​ദം ക​ണ്ടു​വ​രു​ന്ന​ത്

വാ​സ്ത​വം - എ​ല്ലാ സ്ത്രീ​ക​ൾ​ക്കും സ്ത​നാ​ർ​ബു​ദ​സാ​ധ്യ​ത​യു​ണ്ട്. പ്രാ​യം കൂ​ടു​ന്ന​തി​ന​നു​സ​രി​ച്ച് സ്ത​നാ​ർ​ബു​ദ​സാ​ധ്യ​ത കൂ​ടു​മെ​ന്നു​മാ​ത്രം. എ​ന്നാ​ൽ, 30 വ​യ​സി​ൽ താ​ഴെ​യു​ള്ള സ്ത്രീ​ക​ളി​ൽ സ്ത​നാ​ർ​ബു​ദ​സാ​ധ്യ​ത കൂ​ടു​ന്ന​താ​യി ലോ​കാ​രോ​ഗ്യ​സം​ഘ​ട​ന​യു​ടെ പ​ഠ​ന​ങ്ങളുണ്ട്.

തെ​റ്റി​ദ്ധാ​ര​ണ 2 - സ്ത​നാ​ർ​ബു​ദ ച​രി​ത്ര​മു​ള്ള കു​ടും​ബ​ത്തി​ലെ സ്ത്രീ​ക​ൾ​ക്കു മാ​ത്ര​മാ​ണ് സ്ത​നാ​ർ​ബു​ദം ഉ​ണ്ടാ​കു​ന്ന​ത്

വാ​സ്ത​വം- 10 മു​ത​ൽ 15 ശ​ത​മാ​നം സ്ത​നാ​ർ​ബു​ദ​ങ്ങ​ൾ​ക്കു മാ​ത്ര​മാ​ണ് പാ​ര​ന്പ​ര്യം ഒ​രു ഘ​ട​ക​മാ​യി ക​ണ്ടു​വ​രു​ന്ന​ത്. 85 - 90 ശ​ത​മാ​നം സ്ത​നാ​ർ​ബു​ദ​ങ്ങ​ൾ​ക്കും പാ​ര​ന്പ​ര്യം ഒ​രു ഘ​ട​ക​മ​ല്ല. എ​ന്നാ​ൽ ജീ​വി​ത​ശൈ​ലീ വ്യ​തി​യാ​നം, വ്യാ​യാ​മ​ക്കു​റ​വ്, അ​മി​ത​വ​ണ്ണം, ഹോ​ർ​മോ​ണ്‍ സന്തു​ല​ന​ത്തി​ൽ വ​രു​ന്ന മാ​റ്റ​ങ്ങ​ൾ എ​ന്നി​വ​യെ​ല്ലാം സ്ത​നാ​ർ​ബു​ദ സാ​ധ്യ​ത വ​ർ​ധി​പ്പി​ക്കു​ന്ന​താ​യി പ​ഠ​ന​ങ്ങ​ൾ പ​റ​യു​ന്നു.

തെ​റ്റി​ദ്ധാ​ര​ണ 3 - പാ​ര​ന്പ​ര്യ​മാ​യി വ്യ​തി​യാ​നം സം​ഭ​വി​ച്ച BRCA1, BRCA2 ജീ​നു​ക​ൾ ഇ​ല്ലാ​ത്ത​വ​ർ​ക്കു സ്ത​നാ​ർ​ബു​ദം വ​രി​ല്ല.

വാ​സ്ത​വം - പാ​ര​ന്പ​ര്യ​മാ​യി വ്യ​തി​യാ​നം സം​ഭ​വി​ച്ച BRCA1, BRCA2 ജീ​നു​ക​ൾ ഇ​ല്ലാ​ത്ത സ്ത്രീ​ക​ൾ​ക്കും സ്ത​നാ​ർ​ബു​ദം ബാ​ധി​ക്കാം. പാ​ര​ന്പ​ര്യ​മാ​യി വ്യ​തി​യാ​നം സം​ഭ​വി​ച്ച അ​ത്ത​രം ജീ​നു​ക​ളു​ടെ സാ​ന്നി​ധ്യം സ്ത​ന​ങ്ങ​ൾ, അണ്ഡാ​ശ​യം എ​ന്നി​വ​യി​ലെ കാ​ൻ​സ​ർ​സാ​ധ്യ​ത വ​ർ​ധി​പ്പി​ക്കു​ന്ന​താ​യി പ​ഠ​ന​ങ്ങ​ളു​ണ്ട്

തെ​റ്റി​ദ്ധാ​ര​ണ 4 - സ്ത​നാ​ർ​ബു​ദം പൂ​ർ​ണ​മാ​യും ത​ട​യാ​നാ​കും

വാ​സ്ത​വം - വ്യ​ത്യ​സ്ത​ങ്ങ​ളാ​യ പ​ല കാ​ര​ണ​ങ്ങ​ൾ കൊ​ണ്ടാ​ണു സ്ത​നാ​ർ​ബു​ദം ഉ​ണ്ടാ​കു​ന്ന​ത്. ഇ​വ പൂ​ർ​ണ​മാ​യും ക​ണ്ടെ​ത്താ​നാ​കാ​ത്ത​തി​നാ​ൽ സ്ത​നാ​ർ​ബു​ദം പൂ​ർ​ണ​മാ​യും ത​ട​യാ​ൻ വ​ഴി​യേ​തു​മി​ല്ല.​പ​ക്ഷേ, ആ​രോ​ഗ്യ​ക​ര​മാ​യ ജീ​വി​ത​ശീ​ല​ങ്ങ​ൾ പാ​ലി​ക്കു​ന്ന​തി​ലൂ​ടെ സ്ത​നാ​ർ​ബു​ദ​സാ​ധ്യ​ത ഒ​രു​പ​രി​ധി​വ​രെ കു​റ​യ്ക്കാ​നാ​വും. ഉ​യ​ർ​ന്ന സ്ത​നാ​ർ​ബു​ദ​സാ​ധ്യ​ത സ്ഥി​രീ​ക​രി​ച്ച​വ​രി​ൽ ട​മോ​ക്സി​ഫെ​ൻ, റാ​ലോ​ക്സി​ഫീ​ൻ എ​ന്നീ മ​രു​ന്നു​ക​ളു​ടെ സ​ഹാ​യ​ത്തോ​ടെ റി​സ്ക് കു​റ​യ്ക്കാം.​ സ്ത​നാ​ർ​ബു​ദം ത​ട​യു​ന്ന​തി​നു കു​ർ​ക്യു​മി​ൻ ടാ​ബ്് ലറ്റുകളും ഫ​ല​പ്ര​ദം

തെ​റ്റി​ദ്ധാ​ര​ണ 5 - വ​ർ​ഷം​തോ​റും മാ​മോ​ഗ്രാം സ്ക്രീ​നിം​ഗി​നു വി​ധേ​യ​മാ​കു​ന്ന​വ​ർ​ക്കു റേ​ഡി​യേ​ഷ​ൻ അ​ധി​മാ​യി ഏ​ൽ​ക്കേ​ണ്ടി​വ​രു​ന്നു. അ​ത് കാ​ൻ​സ​റി​ന് ഇ​ട​യാ​ക്കു​ന്നു

വാ​സ്ത​വം - എ​ല്ലാ​വ​രും വ​ർ​ഷം​തോ​റും മാ​മോ​ഗ്രാ​മി​ന് വി​ധേ​യ​മാകേണ്ട​തി​ല്ല. ചി​ല പ്ര​ത്യേ​ക ത​രം റി​സ്ക് ഘ​ട​ക​ങ്ങ​ൾ ഉ​ള്ള​വ​ർ മാ​ത്ര​മാ​ണ് വി​ദ​ഗ്ധ ചി​കി​ത്സ​കന്‍റെ നി​ർ​ദേ​ശ​പ്ര​കാ​രം മാ​മോ​ഗ്രാ​മി​നു വി​ധേ​യ​മാ​കേ​ണ്ട​ത്. മാ​മോ​ഗ്രാം പ​രി​ശോ​ധ​ന​യ്ക്കു വി​ധേ​യ​മാ​കു​ന്പോ​ൾ ഏ​ല്ക്കേ​ണ്ടി​വ​രു​ന്ന​തു നേ​രി​യ തോ​തിലു​ള​ള റേ​ഡി​യേ​ഷ​ൻ മാ​ത്ര​മാ​ണ്. അ​തു സു​ര​ക്ഷി​ത​മെ​ന്നാ​ണ് ക​രു​ത​പ്പെ​ടു​ന്ന​ത്്. കാ​ൻ​സ​ർ​സാ​ധ്യ​ത മു​ൻ​കൂട്ടി ക​ണ്ടെ​ത്തു​ന്ന​തി​നു വേ​ണ്ടി നേ​രി​യ അ​ള​വി​ലു​ള്ള റേ​ഡി​യേ​ഷ​ൻ ഏ​ൽ​ക്കേ​ണ്ടി വ​രു​ന്ന​തു കാ​ര്യ​മാ​ക്കാ​നി​ല്ല. റി​സ്ക് ഘ​ട​ക​ങ്ങ​ൾ ഇ​ല്ലാ​ത്ത ആ​ളു​ക​ളി​ൽ ആ​ർ​ത്ത​വ വി​രാ​മ​ത്തി​നു​ശേ​ഷം എ​ടു​ക്കു​ന്ന ആ​ദ്യ ത​വ​ണ​ത്തെ മാ​മോ​ഗ്രാം നോ​ർ​മ​ൽ ആ​ണെ​ങ്കി​ൽ അ​ടു​ത്ത മാ​മോ​ഗ്രാം അ​ഞ്ച് വ​ർ​ഷ​ത്തി​നു​ശേ​ഷം മാ​ത്ര​മേ ആ​വ​ശ്യ​പ്പെ​ടാ​റു​ള്ളു. എ​ന്നാ​ൽ അ​വ​ർ എ​ല്ലാ വ​ർ​ഷ​വും അ​ൾ​ട്രാ​സൗ​ണ്ട് സ്കാ​നിം​ഗി​നു വി​ധേ​യ​മാ​കു​ന്ന​തു ന​ന്നാ​യി​രി​ക്കും.

തെ​റ്റി​ദ്ധാ​ര​ണ 6 - മു​ല​യൂ​ട്ടൽ സ്ത​നാ​ർ​ബു​ദ​സാ​ധ്യ​ത കൂട്ടുന്നു

വാ​സ്ത​വം - വാ​സ്ത​വ​ത്തി​ൽ മു​ല​യൂ​ട്ടൽ സ്ത​നാ​ർ​ബു​ദ​സാ​ധ്യ​ത കു​റ​യ്ക്കു​ക​യാ​ണ് ചെ​യ്യു​ന്ന​ത്. പ്ര​ത്യേ​കി​ച്ചും പ്രീ​മെ​നോ​പോ​സ​ൽ സ്ത​നാ​ർ​ബു​ദ​സാ​ധ്യ​ത കു​റ​യ്ക്കു​ന്നു. മു​ല​യൂട്ടുന്പോ​ൾ ഉ​ത്പാ​ദി​പ്പി​ക്ക​പ്പെ​ടു​ന്ന പ്രോ​ലാ​ക്ടി​ൻ ഹോ​ർ​മോ​ണ്‍ സ്ന​ങ്ങ​ൾ​ക്കു സം​ര​ക്ഷ​ണ​ക​വ​ച​മാ​കു​ന്നു.

ഇ​വ​ർ​ക്ക് വേ​ണം സ്ക്രീ​നിം​ഗ്

ഉ​യ​ർ​ന്ന തോ​തി​ൽ സ്നാ​ർ​ബു​ദ​ത​സാ​ധ്യ​ത​യു​ള്ള ഗ്രൂ​പ്പു​ക​ളു​ടെ സ്ക്രീ​നിം​ഗി​നാ​ണ് ഏ​റെ പ്രാ​ധാ​ന്യം ന​ല്കേ​ണ്ട​ത്.

* അ​ത്ത​രം ചി​ല ഗ്രൂ​പ്പു​ക​ൾ
1. പാ​ര​ന്പ​ര്യ​മാ​യി​ത്ത​ന്നെ ഒ​വേ​റി​യ​ൻ/ ഗ​ർ​ഭാ​ശ​യ കാ​ൻ​സ​ർ പാരന്പര്യമുള്ള സ്ത്രീ​ക​ൾ
2. മു​ന്പ് സ്ത​നാ​ർ​ബു​ദം ബാ​ധി​ച്ച​വ​ർ
3. നി​ല​വി​ൽ കു​ടും​ബ​ത്തി​ൽ സ്ത​നാ​ർ​ബു​ദ​മു​ള്ള സ്ത്രീ​ക​ൾ
4. ട്രി​പ്പി​ൾ നെ​ഗ​റ്റീ​വ് ബ്ര​സ്റ്റ് കാ​ൻ​സ​ർ (ER/PR/HER2 -ve)​ ഉ​ള്ള സ്ത്രീ​ക​ളു​ടെ പെ​ണ്‍​മ​ക്ക​ളും സ​ഹോ​ദ​ര​ങ്ങ​ളും. ഇ​വ​ർ​ക്ക് വ​ള​രെ നേ​ര​ത്തേ ത​ന്നെ പ​രി​ശോ​ധ​ന​ക​ൾ ആ​വ​ശ്യ​മാ​ണ്
5. HER2 positive tumor സ്നാ​ർ​ബു​ദം ബാ​ധി​ച്ച​യാ​ളിന്‍റെ ഏ​റ്റ​വും അ​ടു​ത്ത( 1st degree relatives) സ്ത്രീ​ക​ളാ​യ ബ​ന്ധു​ക്ക​ൾ
6. BRCA1, BRCA 2 സ്ത​നാ​ർ​ബു​ദം ബാ​ധി​ച്ച​യാ​ളിന്‍റെ ഏ​റ്റ​വും അ​ടു​ത്ത (1st degree relatives )സ്ത്രീ​ക​ളാ​യ ബ​ന്ധു​ക്ക​ൾ​ക്കും 20 ക​ളി​ൽ​ത്ത​ന്നെ പ​രി​ശോ​ധ​ന​ക​ൾ ആ​വ​ശ്യം.

പ്രത്യേക ശ്ര​ദ്ധ​യ്ക്ക്

* 20 നും 40​നും ഇ​ട​യി​ൽ പ്രാ​യ​മു​ള​ള സ്ത്രീ​ക​ൾ മാ​സ​ത്തി​ൽ ഒ​രു ത​വ​ണ​യെ​ങ്കി​ലും സ്വ​യം സ്ത​ന​പ​രി​ശോ​ധ​ന ന​ട​ത്ത​ണം. സ്ത​ന​ത്തി​ൽ ത​ടി​പ്പു​ക​ളോ മു​ഴ​ക​ളോ തൊ​ട്ടറി​യാ​ൻ ക​ഴി​ഞ്ഞാ​ൽ എ​ത്ര​യും പെട്ടെന്ന് ഒ​രു ഫി​സി​ഷ്യന്‍റെ ശ്ര​ദ്ധ​യി​ൽ​പ്പെ​ടു​ത്തു​ക. മൂ​ന്നു വ​ർ​ഷ​ത്തി​ലൊ​രി​ക്ക​ൽ ഡോ​ക്ട​റു​ടെ മേ​ൽ​നോ​ട്ടത്തി​ലു​ള​ള ശാ​രീ​രി​ക പ​രി​ശോ​ധ​ന​യ്ക്കു വി​ധേ​യ​മാ​ക​ണം.
* 40 വ​യ​സി​നു മേ​ൽ പ്രാ​യ​മു​ള​ള സ്ത്രീ​ക​ൾ വ​ർ​ഷ​ത്തി​ൽ ഒ​രു​ത​വ​ണ മാ​മോ​ഗ്രാം ടെ​സ്റ്റി​നു വി​ധേ​യ​മാ​ക​ണം. സ്ത​നാ​ർ​ബു​ദ​ച​രി​ത്ര​മു​ള​ള കു​ടും​ബ​ങ്ങ​ളി​ലെ സ്ത്രീ​ക​ൾ 40 വ​യ​സി​നു മു​ന്പു​ത​ന്നെ കാ​ൻ​സ​ർ വി​ദ​ഗ്ധ​നു​മാ​യി ച​ർ​ച്ച​ചെ​യ്ത് സ്ക്രീ​നിം​ഗ് ടെ​സ്റ്റു​ക​ൾ​ക്കു വി​ധേ​യ​മാ​ക​ണം.
40 വ​യ​സി​നു മേ​ൽ പ്രാ​യ​മു​ള​ള​വ​ർ മാ​സം തോ​റും സ്വ​യം സ്ത​ന​പ​രി​ശോ​ധ​ന ന​ട​ത്ത​ണം. കൂ​ടാ​തെ വ​ർ​ഷ​ത്തി​ലൊ​രി​ക്ക​ൽ ഡോ​ക്ട​റു​ടെ മേ​ൽ​നോ​ത്തി​ലു​ള​ള ശാ​രീ​രി​ക പ​രി​ശോ​ധ​ന​യ്ക്കു വി​ധേ​യ​മാ​ക​ണം. വ​ർ​ഷം തോ​റും മാ​മോ​ഗ്രാം പ​രി​ശോ​ധ​ന​യ്ക്കു വി​ധേ​യ​മാ​ക​ണം.

അ​തി​ജീ​വ​നം

ഫ​ല​പ്ര​ദ​മാ​യ ചി​കി​ത്സ​യ്ക്കു വി​ധേ​യ​മാ​യ 90 ശ​ത​മാ​നം സ്ത​നാ​ർ​ബു​ദ​ബാ​ധി​ത​രി​ലും സാ​ധാ​ര​ണ​യാ​യി ചു​രു​ങ്ങി​യ​ത് അ​ഞ്ചു വ​ർ​ഷം വ​രെ രോ​ഗം വീ​ണ്ടെ​ടു​ക്കാ​റി​ല്ല. ചി​ല​രി​ൽ ജീ​വി​ത​കാ​ല​യ​ള​വി​ൽ പി​ന്നീ​ടൊ​രി​ക്ക​ലും രോ​ഗം മ​ട​ങ്ങി​വ​രി​ല്ല. സ്ത​നാ​ർ​ബു​ദം തു​ട​ക്ക​ത്തി​ൽ​ത്ത​ന്നെ ക​ണ്ടെ​ത്തി കൃ​ത്യ​മാ​യ ചി​കി​ത്സ സ്വീ​ക​രി​ച്ച​വ​രി​ലാ​ണ് അ​തി​ജീ​വ​ന സാ​ധ്യ​ത കൂ​ടു​ന്ന​ത്. സ്ത​നാ​ർ​ബു​ദം മ​റ്റ് അ​വ​യ​വ​ങ്ങ​ളി​ലേ​ക്കു ബാ​ധി​ക്കാ​ത്ത​വ​രി​ലും അ​തി​ജീ​വ​ന​സാ​ധ്യ​ത​യേ​റും.

ബ്ര​സ്റ്റ് പ്രി​സ​ർ​വേ​ഷ​ൻ

ബ്ര​സ്റ്റ് പ്രി​സ​ർ​വേ​ഷ​ൻ(​സ്ത​നം നി​ല​നി​ർ​ത്തി​ത്ത​ന്നെ സ്ത​നാ​ർ​ബു​ദ​ത്തി​നു സ​ർ​ജ​റി ന​ട​ത്തു​ന്നു), ബ്ര​സ്റ്റ് റീ​ക​ണ്‍​സ്ട്ര​ക്്ഷ​ൻ(​സ്ത​ന പു​ന​ർ​നി​ർ​മാ​ണം), കോ​സ്മെ​റ്റി​ക് കാ​ൻ​സ​ർ സ​ർ​ജ​റി(​സ്ത​ന​സൗ​ന്ദ​ര്യം നി​ല​നി​ർ​ത്തു​ന്ന സ​ർ​ജ​റി) എ​ന്നി​വ​യാ​ണ് ബ്ര​സ്റ്റ് കാ​ൻ​സ​ർ ചി​കി​ത്സാ​രം​ഗ​ത്തെ ആ​ധു​നി​ക രീ​തി​ക​ൾ. സ്ത​നാ​ർ​ബു​ദ​ത്തി​നു ചി​കി​ത്സ​യാ​യി സ്ത​നം നീ​ക്കം ചെ​യ്യ​ൽ സ​ർ​ജ​റി​ക്കു വി​ധേ​യ​മാ​ക​ണ​മെ​ന്ന നി​ർ​ദേ​ശം കിട്ടി​യാ​ലു​ട​ൻ ര​ണ്ടാ​മ​തൊ​രു അ​ഭി​പ്രാ​യ​ത്തി​നു കൂ​ടി കാ​തോ​ർ​ക്ക​ണം. സ്ത​നം നി​ല​നി​ർ​ത്തി​ത്ത​ന്നെ സ്ത​നാ​ർ​ബു​ദ​ത്തി​നു ന​ട​ത്തു​ന്ന സ​ർ​ജ​റി​ക്കാ​ണ് (തോ​മ​സ് ടെ​ക്നി​ക്)​ഇ​ന്നു പ്ര​ചാ​ര​മേ​റു​ന്ന​ത്. സാ​ധ്യ​മാ​യ എ​ല്ലാ കേ​സു​ക​ളി​ലും സ്ത​നം നി​ല​ർ​ത്തി​ക്കൊ​ണ്ടു​ത​ന്നെ ഒ​രു പ്ര​ത്യേ​ക ഭാ​ഗ​ത്തു​മാ​ത്രം വ്യാ​പി​ച്ച കാ​ൻ​സ​ർ​കോ​ശ​ങ്ങ​ളെ നീ​ക്കം ചെ​യ്യു​ന്നു. പ​ര​ന്പ​രാ​ഗ​ത സ​ർ​ജ​റി മാ​സെ​ക്ടോ​മി ആ​ഗോ​ള​ത​ല​ത്തി​ൽ ത​ന്നെ പ​ഴ​ഞ്ച​നാ​യി മാ​റി​യി​രി​ക്കു​ന്നു. മാ​സെ​ക്ട​മി​ക്കു വി​ധേ​യ​മാ​യ​വ​ർ​ക്കും സെ​ക്ക​ൻ​ഡ​റി ബ്ര​സ്റ്റ് റീ ​ക​ണ്‍​സ്ട്ര​ക്ഷ​നു​ള​ള സം​വി​ധാ​ന​വും ഇ​ന്നു നി​ല​വി​ലു​ണ്ട്.

വിവരങ്ങൾ:
ഡോ. തോമസ് വർഗീസ്
MS FICS(Oncology) FACS സീനിയർ കൺസൾട്ടന്‍റ് & സർജിക്കൽ ഓങ്കോളജിസ്റ്റ്, Renai Medicity, കൊച്ചി & പ്രസിഡന്‍റ്, കേരള കാൻസർ കെയർ സൊസൈറ്റി‌‌, ഫോൺ: 9447173088