പ്രിയം പ്രിയങ്കരം
ഇ​നി അ​ഭ്യൂ​ഹ​ങ്ങ​ൾ​ക്ക് അ​ടി​സ്ഥാ​നമി​ല്ല, അ​തു സം​ഭ​വി​ക്കു​ക​യാ​ണ്, ബോളിവുഡ് സുന്ദരി പ്രി​യ​ങ്ക ചോ​പ്ര​യ്ക്ക് വി​വാ​ഹം.

ലോ​ക​ത്ത് ഏ​റെ സ്വാധീനി​ക്കു​ന്ന​ 500പേ​രു​ടെ പ​ട്ടി​ക​യി​ൽ ഇ​ടം പി​ടി​ച്ച​തി​നു തൊ​ട്ടു​പി​ന്നാ​ലെ മു​ൻ ലോ​ക​സു​ന്ദ​രി​യും ബോ​ളി​വു​ഡ് അ​ഭി​നേ​ത്രി​യും മോ​ഡ​ലു​മൊ​ക്കെ​യാ​യ പ്രി​യ​ങ്ക ചോ​പ്രയുടെ വിവാഹനിശ്ചയം അ​മേ​രി​ക്ക​ൻ പോ​പ് ഗാ​യ​ക​ൻ നി​ക് ജൊ​നാ​സു​മാ​യി ക​ഴി​ഞ്ഞു​വെ​ന്ന് അ​മേ​രി​ക്ക​ൻ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. ര​ണ്ടു മാ​സ​ത്തെ ഡേ​റ്റിം​ഗി​നു​ശേ​ഷ​മാ​യ​ിരു​ന്നു ഇ​രു​വ​രു​ടെ​യും നി​ശ്ച​യം.

ഈ ​മാ​സ​ത്തി​ൽ​ത്ത​ന്നെ ജൊ​നാ​സ് പ്രി​യ​ങ്ക​യു​ടെ ക​ഴു​ത്തി​ൽ മി​ന്നു കെ​ട്ടു​മെ​ന്നാ​ണ് റി​പ്പോ​ർ​ട്ട്. എ​ന്നാ​ൽ, കൃ​ത്യ​മാ​യ തീ​യ​തി എ​ന്നാ​ണെ​ന്ന് വെ​ളി​പ്പെ​ടു​ത്തി​യി​ട്ടി​ല്ല. 18ന് ​പ്രി​യ​ങ്ക​യു​ടെ പി​റ​ന്നാ​ൾ ദി​ന​ത്തി​ൽ ല​ണ്ടനി​ൽ​വ​ച്ചാ​യി​രു​ന്നു ഇ​രു​വ​രു​ടെ​യും വി​വാ​ഹ​നി​ശ്ച​യം. ന്യൂ​യോ​ർ​ക്കി​ലെ പ്ര​ശ​സ്ത​മാ​യ ട്രി​ഫാ​നി സ്റ്റോ​റി​ൽ​നി​ന്നാണത്രേ നി​ശ്ച​യ​ത്തി​നു​ള്ള മോ​തി​രം ജൊ​നാ​സ് വാ​ങ്ങി​യ​ത്. പ്രി​യ​ങ്ക​യേ​ക്കാ​ൾ 11 വ​യ​സിന് ഇളയതാണ് നിക് ജെനാസ്.

പ്രി​യ​ങ്ക​യും ജൊ​നാ​സും

നി​ര​വ​ധി സെ​ലി​ബ്രി​റ്റി​ക​ളു​മാ​യി ബ​ന്ധപ്പെ​ട്ടു​ള്ള ഗോ​സി​പ്പു​ക​ൾ പ്രി​യ​ങ്ക​യ്ക്കു​ണ്ടാ​യി​ട്ടു​ണ്ട്. എ​ന്നാ​ൽ, ജൊ​നാ​സു​മാ​യു​ള്ള ഡേ​റ്റിം​ഗും സൗ​ഹൃ​ദ​വും പ്രി​യ​ങ്ക വ​ള​രെ ആ​സ്വ​ദി​ച്ചി​രു​ന്നു. പ്ര​ശ​സ്ത​മാ​യ ഖ്വാ​ന്‍റി​ക്കോ സീ​രി​യ​ലാ​ണ് പ്രി​യ​ങ്ക​യെ അ​മേ​രി​ക്ക​ക്കാ​ർ​ക്കു പ്രി​യ​ങ്ക​രി​യാ​ക്കി​യ​ത്. ഇ​തോ​ടെ പ്രി​യ​ങ്ക അ​മേ​രി​ക്ക​യി​ൽ നി​ത്യ സ​ന്ദ​ർ​ശ​ക​യാ​യി. ക​ഴി​ഞ്ഞ വ​ർ​ഷം മാ​ർ​ച്ചി​ൽ മെ​റ്റ് ഗാ​ല എ​ന്ന പ​രി​പാ​ടി​യി​ൽ ഇ​രു​വ​രെ​യും ഒ​രു​മി​ച്ചു ക​ണ്ട​തോ​ടെ​യാ​ണ് ഇ​രു​വ​ർ​ക്കു​മി​ട​യി​ൽ ‘എ​ന്തോ ഉ​ണ്ടെ​ന്ന’ നി​രീ​ക്ഷ​ണ​വു​മാ​യി പ​പ്പ​രാ​സി​ക​ൾ രം​ഗ​ത്തെ​ത്തി​യ​ത്. അ​മേ​രി​ക്ക​യി​ലെ എ​ന്‍റ​ർ​ടെ​യ്ൻ​മെ​ന്‍റ് വാ​ർ​ത്ത​ക​ളി​ൽ ഇ​തോ​ടെ ഇ​രു​വ​രു​ടെ​യും ബ​ന്ധം ചൂ​ട​ള്ള വാ​ർ​ത്ത​യാ​യി. എ​ന്നാ​ൽ, ആ ​ച​ട​ങ്ങി​ൽ ത​ങ്ങ​ൾ ഒ​രു​മി​ച്ചു പ​ങ്കെ​ടു​ത്ത​ത് വ​ള​രെ യാ​ദൃ​ച്ഛി​ക​മാ​യാ​ണെ​ന്ന് പ്രി​യ​ങ്ക പ​റ​ഞ്ഞു. പ്രി​യ​ങ്ക​യെ അ​റി​യാ​വു​ന്ന മാ​ധ്യ​മ​ങ്ങ​ൾ സം​ഭ​വം അ​ത്ര നി​ഷ്ക​ള​ങ്ക​മൊ​ന്നു​മ​ല്ല എ​ന്നു ത​ന്നെ ക​ണ്ടു. അ​മേ​രി​ക്ക​യി​ലെ പ്ര​ശ​സ് ത ഷോ​യാ​യ ജി​മ്മി കി​മ്മെ​ൽ ലൈ​വി​ലും ഇ​രു​വ​രു​ടെ​യും ബ​ന്ധ​ത്തെ​ക്കു​റി​ച്ചു​ള്ള ചോ​ദ്യം പ്രി​യ​ങ്ക​യോ​ടു​ണ്ടാ​യി. എ​ന്നാ​ൽ, പ്രി​യ​ങ്ക ഇ​തു നി​ഷേ​ധി​ക്കു​ക​യാ​ ണുണ്ടാ​യ​ത്.

ക​ഴി​ഞ്ഞ ഒ​ക്ടോ​ബ​റി​ൽ പ്ര​ശ​സ്ത ന​ടി സോ​ഫി ട​ർ​ണ​ർ, ജൊ​നാ​സെ​ന്ന സെ​ലി​ബ്രി​റ്റി​യു​മാ​യി വി​വാ​ഹിത​യാ​കാ​ൻ പോ​കു​ന്നു എ​ന്ന റി​പ്പോ​ർ​ട്ട് വ​ന്ന​പ്പോ​ൾ പ്രി​യ​ങ്ക​യു​ടെ പ്ര​തി​ക​ര​ണം ‘യാ​യ് ’എ​ന്നാ​യി​രു​ന്നു. ഇ​തി​നു ഡ​ബ്ല്യു മാ​ഗ​സി​ൻ ക​ണ്ടെ​ത്തി​യ വ്യാ​ഖ്യാ​ന​മാ​യി​രു​ന്നു വി​ചി​ത്രം. ഞ​ങ്ങ​ളു​ടെ ഫാ​മി​ലി​യി​ലേ​ക്കു സ്വാ​ഗ​തം എ​ന്നാ​യി​രു​ന്നു അ​വ​ർ ക​ണ്ടെ​ത്തി​യ അ​ർ​ഥം.

പി​ന്നീ​ട് പ​ല വേ​ദി​ക​ളി​ലും പ്രി​യ​ങ്ക​യും ജൊ​നാ​സും നി​റ​സാ​ന്നി​ധ്യ​മാ​യി. ഇ​ന്ത്യ​യി​ലെ പ​ല ആ​രാ​ധ​ക​രു​ടെ​യും നെ​റ്റി ചു​ളി​യു​ന്ന​തും ഇ​ക്കാ​ല​യ​ള​വി​ലു​ണ്ടാ​യി. ഇ​തി​നി​ടെ, ടൊ​ക്ക മെ​ഡേ​റ എ​ന്ന സ്ഥ​ല​ത്ത് ഇ​ര​ ുവ​രു​മൊ​ന്നി​ച്ചു​ള്ള രാ​ത്രി ഭ​ക്ഷ​ണ​ചി​ത്ര​ങ്ങ​ൾ സോ​ഷ്യ​ൽ മീ​ഡി​യ​യി​ൽ വൈ​റ​ലാ​യി. ജൊ​നാ​സി​ന്‍റെ ക​രം​ഗ്ര​ഹി​ച്ച് നൃ​ത്ത​മാ​ടു​ന്ന ചി​ത്ര​ങ്ങ​ളാ​യി​രു​ന്നു അ​വ.

കു​റ​ച്ചു​നാ​ള​ത്തേ​ക്ക് ഇ​രു​വ​രും ത​മ്മി​ലു​ള്ള ബ​ന്ധ​ത്തി​ന്‍റെ വാ​ർ​ത്ത​ക​ളൊ​ന്നും വ​ന്നി​രു​ന്നി​ല്ല. എ​ന്നാ​ൽ ക​ഴി​ഞ്ഞ മാ​സം പ്രി​യ​ങ്ക​യു​ടെ ചി​രി​യെ പ്ര​കീ​ർ​ത്തി​ച്ച് ജൊ​നാ​സ് രം​ഗ​ത്തെ​ത്തി​യ​തോ​ടെ പ​പ്പ​രാ​സി​ക​ൾ വീ​ണ്ടും വ​ല വി​രി​ച്ചു. ഒ​ടു​വി​ലി​താ ഇ​പ്പോ​ൾ ആ ​വ​ല​യി​ൽ ഇ​രു​വ​രും കു​ടു​ങ്ങി. ഇ​തി​നി​ടെ, ക​ഴി​ഞ്ഞ മാ​സ​മൊ​ടു​വി​ൽ ജൊ​നാ​സി​ന്‍റെ ക്ഷ​ണം സ്വീ​ക​രി​ച്ച് പ്രി​യ​ങ്ക ജൊ​നാ​സി​ന്‍റെ ബ​ന്ധു​വി​ന്‍റെ വി​വാ​ഹ​ച്ച​ട​ങ്ങി​നു​മെ​ത്തി. പി​ന്നീ​ട് ഇ​രു​വ​രും ഒ​ന്നി​ച്ച് ഇ​ന്ത്യ​യി​ലു​മെ​ത്തി​യി​രു​ന്നു. പ്രി​യ​ങ്ക​യു​ടെ അ​മ്മ മ​ധു ചോ​പ്ര​യെ ഇ​രു​വ​രു​മൊ​ന്നി​ച്ചെ​ത്തി ക​ണ്ടു. ഇ​ൻ​സ്റ്റ​ഗ്രാ​മി​ൽ ഇ​രു​വ​രും ത​മ്മി​ലു​ള്ള ബ​ന്ധം പ​ര​സ്പ​രം അം​ഗീ​ക​രി​ക്കു​ന്ന പോ​സ്റ്റു​ക​ളും ഇ​ട്ട​തോ​ടെ സ​മീ​പ​കാ​ല​ത്തെ ഏ​റ്റ​വും വ​ലി​യ സെ​ലി​ബ്രി​റ്റി വി​വാ​ഹ​വാ​ർ​ത്ത​യാ​യി പ്രി​യ​ങ്ക- ജൊ​നാ​സ് ബ​ന്ധം വ​ള​ർ​ന്നു. പി​ന്നീ​ട് ഇ​രു​വ​രും എ​പ്പോ​ഴു​മൊ​ന്നി​ച്ചാ​യി. നി​ര​വ​ധി യാ​ത്ര​ക​ൾ, ച​ട​ങ്ങു​ക​ൾ അ​ങ്ങ​നെ ഡേ​റ്റിം​ഗി​ന്‍റെ മ​ധു​രം നു​ക​ർ​ന്ന് അ​വ​ർ പ​ലേ​ട​ങ്ങ​ളി​ൽ ക​റ​ങ്ങി ന​ട​ന്നു. ഒ​ടു​വി​ല​താ അ​വ​ർ ഒ​രു​മി​ച്ചു ജീ​വി​ക്കാ​ൻ തീ​രു​മാ​ന​മെ​ടു​ത്തി​രി​ക്കു​ന്നു.


ലോ​ക​സു​ന്ദ​രി, സി​നി​മ

അ​ശോ​ക് ചോ​പ്ര​യു​ടെ​യും, മ​ധു അ​ഖൗ​രി​യു​ടെ​യും മ​ക​ളാ​യി 1982ൽ ​ജം​ഷ​ഡ്പൂ​രി​ൽ ജ​നി​ച്ച പ്രി​യ​ങ്ക​യ്ക്ക് ഒ​രു സ​ഹോ​ദ​ര​ൻ കൂ​ടി​യു​ണ്ട്; സി​ദ്ധാ​ർ​ഥ്. ഗൊ​രെ​ത്തി​യി​ലും, അ​മേ​രി​ക്ക​യി​ലു​ള്ള ന്യൂ​ട്ട​ണ്‍ നോ​ർ​ത്ത് ഹൈ​സ്കൂ​ളി​ലും നോർ​ത്ത് ഡെ​ൽ​റ്റ​യി​ലു​ള്ള നോ​ർ​ത്ത് ഡെ​ൽ​റ്റ സീ​നി​യ​ർ സെ​ക്ക​ൻ​ഡ​റി സ്കൂ​ളി​ലു​മാ​യി വി​ദ്യാ​ഭ്യാ​സം നേ​ടി​യ പ്രി​യ​ങ്ക ചോ​പ്ര​യു​ടെ വി​ളി​പ്പേ​ര് മി​മി എ​ന്നാ​ണ്. 2000ൽ ​മി​സ് ഇ​ന്ത്യ​യാ​യ പ്രി​യ​ങ്ക അ​തേ​വ​ർ​ഷം ലോ​ക​സു​ന്ദ​രി​യു​മാ​യി.

പി​ന്നീ​ട് സി​നി​മ​യി​ലേ​ക്ക്. തു​ട​ക്ക​ത്തി​ൽ പ​ത​റി​യെ​ങ്കി​ലും പി​ന്നീ​ട് മി​ക​ച്ച അ​ഭി​നേ​ത്രി എ​ന്ന പേ​രെ​ടു​ത്തു.

പ്രി​യ​ങ്ക ചോ​പ്ര​യു​ടെ ആ​ദ്യ സി​നി​മ ത​മി​ഴി​ലാ​ണ് പു​റ​ത്തി​റ​ങ്ങി​യ​ത്. വി​ജ​യ്‌‌യിനോ​ടൊ​പ്പം ത​മി​ഴ​നാ​യി​രു​ന്നു അ​ത്. ആ​ദ്യ ഹി​ന്ദി ചി​ത്രം അ​നി​ൽ ശ​ർ​മ സം​വി​ധാ​നം ചെ​യ​ത ദി ​ഹീ​റോ: വ​വ് സ്റ്റോ​റി ഓ​ഫ് എ ​സ്പൈ (2003) ആ​ണ്. ഇ​തേ വ​ർ​ഷ​ത്തി​ൽ ത​ന്നെ പു​റ​ത്തി​റ​ങ്ങി​യ അ​ന്താ​സ് എ​ന്ന ചി​ത്ര​മാ​ണ് പ്രി​യ​ങ്ക ചോ​പ്ര​യു​ടെ ആ​ദ്യ വി​ജ​യ ചി​ത്രം. ഈ ​സി​നി​മ​യി​ൽ മി​ക​ച്ച പു​തു​മു​ഖ ന​ടി​ക്കു​ള്ള ഫി​ലിം​ഫെ​യ​ർ അ​വാ​ർ​ഡ് പ്രി​യ​ങ്ക ചോ​പ്ര​ക്ക് ല​ഭി​ക്കു​ക​യു​ണ്ടാ​യി. ഐ​ത്രാ​സ് (2004), മു​ജ്സെ ശാ​ദി ക​രോ​ഗെ (2004), ക്രി​ഷ് (2006), ഡോ​ണ്‍ (2006), ബാ​ജി​റാ​വു മ​സ്താ​നി (2015) ബ​ർ​ഫി, മേ​രി കോം (2014)​എന്നിവ പ്രിയങ്കയു​ടെ വി​ജ​യ​ചി​ത്ര​ങ്ങ​ളി​ൽ ചി​ല​താ​ണ്.

2016ൽ ​പ​ത്മ​ശ്രീ ല​ഭി​ച്ച പ്രി​യ​ങ്ക​യ്ക്ക് 2008ൽ ​ഫാ​ഷ​ൻ എ​ന്ന സി​നി​മ​യി​ലൂ​ടെ ദേ​ശീ​യ പു​ര​സ്കാ​ര​വും ല​ഭി​ച്ചു. ക​മീ​നെ ഏ​റെ നി​രൂ​പ​ക​പ്ര​ശം​സ പി​ടി​ച്ചു​പ​റ്റി​യ ചി​ത്ര​മാ​ണ്.

വ​ലി​യ ര​ണ്ടു ചി​ത്ര​ങ്ങ​ളി​ൽ​ക്കൂ​ടി പ്രി​യ​ങ്ക ക​രാ​റാ​യി​ട്ടു​ണ്ട്. അ​തി​ൽ പ്ര​ധാ​ന​പ്പെ​ട്ട​ത് സ​ൽ​മാ​ൻ ഖാ​നൊ​പ്പം അ​ഭി​ന​യി​ക്കു​ന്ന ദി ​സ്കൈ ഈ ​പി​ങ്കു. കൂ​ടാ​തെ ഫ​ർ​ഹാ​ൻ അ​ക്ത​റി​ന്‍റെ കൂ​ടെ ഒ​രു ചി​ത്ര​വും പ​ണി​പ്പു​ര​യി​ലാ​ണ്.

പ്രി​യ​മോ​ടെ കോ​ട്ട​യം

പ്രി​യ​ങ്ക ചോ​പ്ര​യും കേ​ര​ള​വും ത​മ്മി​ൽ പ്രി​യ​ങ്ക​യ്ക്ക് ര​ക്ത​ബ​ന്ധ​മു​ണ്ട്. പ്രി​യ​ങ്ക ചോ​പ്ര​യു​ടെ മു​ത്ത​ശി മ​ല​യാ​ളി​യാ​ണ്. ന​ല്ല അ​സ്സ​ൽ കോ​ട്ട​യം​കാ​രി. മേ​രി ജോ​ണ്‍ അ​ഥ​വാ മ​ധു ജ്യോ​ത്സ​ന അ​ഖൗ​രി​യാ​ണ് പ്രി​യ​ങ്ക​യു​ടെ മു​ത്ത​ശി. ഇ​വ​ർ സ്വാ​ത​ന്ത്ര്യ​സ​മ​ര​സേ​നാ​നി​യും കോ​ണ്‍​ഗ്ര​സ് നേ​താ​വും ബി​ഹാ​ർ ലെ​ജി​സ്ലേ​റ്റീ​വ് കൗ​ണ്‍​സി​ൽ അം​ഗ​വു​മാ​യി​രു​ന്നു. വ​ലി​യ ന​ടി​യാ​യ ശേ​ഷം ഒ​ന്നോ ര​ണ്ടോ ത​വ​ണ മാ​ത്ര​മാ​ണ് പ്രി​യ​ങ്ക കേ​ര​ള​ത്തി​ലെ​ത്തി​യ​ത്.

ടൈം, ​മാ​ക്സിം, ഡ​ബ്ല്യു, കോ​സ്മോ​പൊ​ളി​റ്റ​ൻ, വോ​ഗ്, ഇ​ൻ​സ്റ്റൈ​ൽ തു​ട​ങ്ങി​യ പ്ര​മു​ഖ മാ​ഗ​സി​നു​ക​ളു​ടെ ക​വ​ർ ഗേ​ളാ​യി പ്രി​യ​ങ്ക എ​ത്തി​യി​ട്ടു​ണ്ട്. ടൈം ​മാ​ഗ​സി​ന്‍റെ ലോ​ക​ത്തെ സ്വാ​ധീ​നി​ക്കു​ന്ന 100 പേ​രി​ൽ ഒ​രാ​ളാ​കാ​നും 2017ൽ ​പ്രി​യ​ങ്ക​യ്ക്കാ​യി​ട്ടു​ണ്ട്. ട്വി​റ്റ​റി​ൽ ഏ​റ്റ​വു​മ​ധി​കം ഫോ​ളോ​വേ​ഴ്സു​ള്ള ബോ​ളി​വു​ഡ് താ​ര​മാ​ണ് പ്രി​യ​ങ്ക. ഹോ​ളി​വു​ഡി​ലെ വ​ലി​യ ടെ​ലി​വി​ഷ​ൻ ഷോ​ക​ളാ​യ ദി ​എ​ല്ല​ൻ ഷോ, ​ദി ലേ​റ്റ് ഷോ, ​ദി ടു​ണൈ​റ്റ് ഷോ ​എ​ന്നി​വ​യി​ലെ​ത്തി​യ അ​പൂ​ർ​വം ഇ​ന്ത്യ​ൻ സെ​ലി​ബ്രി​റ്റി​ക​ളി​ൽ ഒ​രാ​ളാ​ണ് പ്രി​യ​ങ്ക. ഓ​സ്ക​ർ, കാ​ൻ, ടൈം 100 ​ഗാ​ല തു​ട​ങ്ങി​യ നി​ര​വ​ധി ച​ട​ങ്ങു​ക​ളി​ലെ റെ​ഡ് കാ​ർ​പെ​റ്റ് സാ​ന്നി​ധ്യ​മാ​യി​രു​ന്നു പ്രി​യ​ങ്ക.