സീബ്രാവരകൾ ‘ചുവപ്പ് ’അണിയുന്പോൾ
കാ​ല്‍​ന​ട​യാ​ത്ര​ക്കാ​രന്‍റെ റോ​ഡി​ലെ "അ​വ​കാ​ശ' മേ​ഖ​ല​യാ​ണ് സീ​ബ്രാ​ലൈ​നു​ക​ള്‍ . ലോ​ക​ത്തെ​വി​ടെ​യും ഈ ​വ​ര​ക​ളി​ല്‍ കാ​ല്‍​ന​ട​യാ​ത്ര​ക്കാ​ര​നാ​ണ് പ്ര​ഥ​മ പ​രി​ഗ​ണ​ന​യു​ള്ള​ത്.

റോ​ഡി​ല്‍ സൈ്വര്യ​വി​ഹാ​രം ന​ട​ത്തു​ന്ന വാ​ഹ​ന​ങ്ങ​ളേ​ക്കാ​ള്‍ സീ​ബ്രാ​വ​ര​ക​ളി​ല്‍ അ​വ​കാ​ശം കാ​ല്‍​ന​ട​യാ​ത്ര​ക്കാ​ര​ന് ത​ന്നെ . എ​ന്നാ​ല്‍ ന​മ്മു​ടെ നാ​ട്ടി​ലെ സ്ഥി​തി മ​റി​ച്ചാ​ണ്. സം​സ്ഥാ​ന​ത്തെ റോ​ഡു​ക​ള്‍ കു​രുതി​ക്ക​ള​ങ്ങ​ളാ​യി മാ​റു​മ്പോ​ള്‍ സീ​ബ്രാ​വ​ര​ക​ള്‍​ ക​ണ്ണീ​ര​ണി​യു​ക​യാ​ണ്. ചെ​റു​തും വ​ലു​തു​മാ​യി നി​ര​വ​ധി അ​പ​ക​ട​ങ്ങ​ള്‍. പ​ല​ര്‍​ക്കും ജീ​വ​ന്‍ ന​ഷ്ട​പ്പെ​ട്ടു. ഇ​പ്പോ​ഴും എ​ഴു​ന്നേ​റ്റ് ന​ട​ക്കാ​ന്‍ പോ​ലും ക​ഴി​യാ​തെ നി​ര​വ​ധി​പേ​ര്‍.

ക​റു​ത്ത റോ​ഡി​ല്‍ വെ​ള്ള​നി​റ​ത്തി​ലു​ള്ള വ​ര​ക​ളി​ലൂ​ടെ സ​ര്‍​വ അ​വ​കാ​ശ​വു​മാ​യി ന​ട​ക്കാ​ന്‍ ഇ​ന്ന് കാ​ല്‍​ന​ട​യാ​ത്ര​ക്കാ​ര്‍​ക്ക് ഭ​യ​മാ​ണ്. ത​ന്‍റെ അ​വ​കാ​ശ​ങ്ങ​ളി​ലേ​ക്ക് ചീ​റി​പ്പാ​ഞ്ഞ​ടു​ക്കു​ന്ന വാ​ഹ​ന​ങ്ങ​ള്‍ ജീ​വ​നും കൊ​ണ്ടാ​വു​മോ യാ​ത്ര തു​ട​രു​ക​യെ​ന്ന ചി​ന്ത​യു​മാ​യാ​ണ് ഓ​രോ യാ​ത്രക്കാ​രനും സീ​ബ്രാ​വ​ര​ക​ളി​ല്‍ നി​ല്‍​ക്കു​ന്ന​ത്. ഒ​രാ​ള്‍ കാ​ലെ​ടു​ത്തു​വ​ച്ചാ​ല്‍ അ​യാ​ള്‍ റോ​ഡ് കു​റു​കെ ക​ട​ക്കും​വ​രെ വാ​ഹ​ന​ങ്ങ​ള്‍ നി​ര്‍​ത്തി​ക്കൊ​ടു​ക്ക​ണ​മെ​ന്നാ​ണ് നി​യ​മം. ഈ ​നി​യ​മം പാ​ലി​ക്കു​ന്ന​ത് എ​ത്ര ​പേ​രാ​ണെ​ന്ന​തി​ന് സാ​ക്ഷി​ക​ള്‍ കാ​ല്‍​ന​ട​യാ​ത്ര​ക്കാ​ര്‍ ത​ന്നെ​യാ​ണ്. അ​വ​ര്‍​ക്ക് പ​റ​യാ​നു​ള്ള​താ​ക​ട്ടെ അ​തി​ജീ​വ​ന​ത്തി​ന്‍റെ ക​ഥ​ക​ളും. ഒ​രാ​ള്‍​ക്ക​ല്ല റോ​ഡ് ക​ട​ക്കു​ന്ന സ്‌​കൂ​ള്‍ വി​ദ്യാ​ര്‍​ഥി​ക​ള്‍​ക്കു മു​ത​ല്‍ വൃ​ദ്ധ​രാ​യ​വ​ര്‍​ക്കു വ​രെ​യു​ണ്ടാ​വും ക​ണ്ണീ​രി​ല്‍ കു​തി​ര്‍​ന്ന അ​നു​ഭ​വ​ങ്ങ​ള്‍ പ​റ​യാ​ന്‍. അ​വ​കാ​ശ നി​ഷേ​ധ​ത്തി​നെ​തി​രേ നി​യ​മ​ന​ട​പ​ടി​യു​മാ​യി ചി​ല​ര്‍ രം​ഗ​ത്തെ​ത്തു​മെ​ങ്കി​ലും ഭൂ​രി​പ​ക്ഷം പേ​രി​ലും സീ​ബ്രാ​വ​ര​യി​ലെ അ​നു​ഭ​വ​ങ്ങ​ള്‍ മാ​യാ​തെ മ​ന​സി​ല്‍ അ​വ​ശേ​ഷി​ക്കു​ന്ന​വ​രാ​ണ്.
ക​ഴി​ഞ്ഞ വ​ര്‍​ഷം അ​വ​സാ​നം കോ​ഴി​ക്കോ​ട് കൊ​ല്ല​ഗ​ല്‍ ദേ​ശീ​യ​പാ​ത​യി​ലെ പു​തു​പ്പാ​ടി കൈ​ത​പ്പൊ​യി​ല്‍ അ​ങ്ങാ​ടി​യി​ലെ സീ​ബ്രാ​ലൈ​നി​ല്‍ വി​ദ്യാ​ര്‍​ഥി കാ​റി​ടി​ച്ച് മ​രി​ച്ച​തി​ന്‍റെ മു​റി​വു​ക​ള്‍ ഇ​പ്പോ​ഴും കോ​ഴി​ക്കോ​ടു​കാ​രു​ടെ മ​ന​സി​ല്‍ നി​ന്നു​ണ​ങ്ങി​യി​ട്ടി​ല്ല. കൈ​ത​പ്പൊ​യി​ല്‍ ഗ​വ.​യു​പി സ്‌​കൂ​ള്‍ ഒ​ന്നാം​ക്ലാ​സ് വി​ദ്യാ​ര്‍​ഥി​നി ബാ​സി​ത മ​റി​യ​മാ​യി​രു​ന്നു മ​രി​ച്ച​ത്. ഈ ​അ​പ​ക​ട​ത്തി​ന് മൂ​ന്നു​മാ​സം മു​മ്പ് സെപ്റ്റം​ബ​റി​ലും കോ​ഴി​ക്കോ​ട് തി​ക്കോ​ടി​യി​ല്‍ കാ​ല്‍​ന​ട​യാ​ത്ര​ക്കാ​ര​ന്‍ ലോ​റി ഇ​ടി​ച്ച് സീ​ബ്രാ​ലൈ​നി​ല്‍ മ​രി​ച്ചി​രു​ന്നു. തി​രു​വോ​ണം സ്വ​ദേ​ശി ദാ​സ​നാ​യി​രു​ന്നു അ​ന്ന് മ​രി​ച്ച​ത്. ഈ ​വ​ര്‍​ഷ​വും സീ​ബ്രാ​ലൈ​നി​ലൂ​ടെ റോ​ഡ് ക​ട​ക്കു​ന്ന​തി​നി​ടെ മ​ര​ണ​മു​ണ്ടാ​യി​രു​ന്നു. മാ​ര്‍​ച്ചി​ലാ​യി​രു​ന്നു ചേ​ര്‍​പ്പ് ഊ​ര​ക​ത്ത​മ്മ തി​രു​വ​ടി ക്ഷേ​ത്ര​ത്തി​നു മു​ന്നി​ൽ സീ​ബ്രാ​ലൈ​നി​ലൂ​ടെ സം​സ്ഥാ​ന പാ​ത മു​റി​ച്ചു ക​ട​ക്കു​ക​യാ​യി​രു​ന്ന കാ​ല്‍​ന​ട​യാ​ത്ര​ക്കാ​ര​നാ​യ ഊ​ര​ക, വ​ട​ക്കേ​ട​ത്ത് വീ​ട്ടി​ല്‍ മു​ത്തു​കൃ​ഷ്ണ​ന്‍ മ​രി​ച്ച​ത്. അ​തേ​സ​മ​യം റോ​ഡ​പ​ക​ട​ങ്ങ​ളി​ല്‍ മ​രി​ച്ച​വ​രു​ടേ​യും പ​രു​ക്കേ​റ്റ​വ​രു​ടേ​യും വി​വ​ര​ങ്ങ​ള്‍ സം​സ്ഥാ​ന പോ​ലീ​സ് ശേ​ഖ​രി​ക്കു​ന്നു​ണ്ടെ​ങ്കി​ലും കൊ​ല​ക്ക​ള​ങ്ങ​ളാ​യി മാ​റു​ന്ന സീ​ബ്രാ​വ​ര​ക​ളി​ലെ അ​പ​ക​ടം സം​ബ​ന്ധി​ച്ചു​ള്ള പ്ര​ത്യേ​ക വി​വ​ര​ങ്ങ​ള്‍ സ്‌​റ്റേ​റ്റ് ക്രൈം ​റെ​ക്കോ​ര്‍​ഡ്സ് ബ്യൂ​റോ​യി​ല്‍ പോ​ലു​മി​ല്ല. അ​പ​ക​ട​ങ്ങ​ള്‍ വ​ര്‍​ധി​ക്കു​മ്പോ​ഴും ഇ​വ ക​ണ്ടി​ല്ലെ​ന്ന് ന​ട​ക്കു​ക​യാ​ണ് അ​ധി​കൃ​ത​ര്‍. വ​രും കാ​ല​മെ​ങ്കി​ലും കാ​ല്‍​ന​ട​യാ​ത്ര​ക്കാ​ര്‍​ക്ക് വേ​ണ്ടി ശ​ബ്ദ​മു​യ​ര്‍​ത്താ​ന്‍ ജ​ന​പ്ര​തി​നി​ധി​ക​ളെ​ങ്കി​ലും രം​ഗ​ത്തെ​ത്തി​യി​ല്ലെ​ങ്കി​ല്‍ സാ​ക്ഷ​ര കേ​ര​ള​ത്തി​ന്‍റെ റോ​ഡ് സം​സ്‌​കാ​രം പി​ന്നീ​ട് മാ​റ്റി​യെ​ഴു​താ​ന്‍ ആ​വാ​ത്ത വി​ധം മാ​റും.

കൊ​ല​കൊ​ല്ലി​ക​ളാ​യി സ്വ​കാ​ര്യ ബ​സു​ക​ള്‍

സം​സ്ഥാ​ന​ത്തെ എ​ല്ലാ ജി​ല്ല​ക​ളി​ലേ​യും ന​ഗ​ര​,ഗ്രാ​മ​പാ​ത​ക​ക​ളി​ല്‍ സീ​ബ്രാ​ലൈ​നു​ക​ള്‍ വ​ക​വ​യ്ക്കാ​തെ പാ​യു​ന്ന​തി​ല്‍ സ്വ​കാ​ര്യ ബ​സു​ക​ളാ​ണ് മു​ന്നി​ല്‍ . ചീ​റി​പ്പാ​ഞ്ഞ​ടു​ക്കു​ന്ന വാ​ഹ​ന​ങ്ങ​ള്‍​ക്കു മു​ന്നി​ലൂ​ടെ ജീ​വ​ന്‍ കൈ​യി​ല്‍ പി​ടി​ച്ച് സ​ര്‍​ക്ക​സ് അ​ഭ്യാ​സി​യെ പോ​ലെ​യാ​ണ് ഓ​രോ മ​ല​യാ​ളി​യും റോ​ഡ് മു​റി​ച്ചു ക​ട​ക്കു​ന്ന​ത്. സീ​ബ്രാ​വ​ര​ക​ള്‍​ക്കു മു​ന്നി​ല്‍ റോ​ഡ് ക​ട​ക്കാ​ന്‍ കാ​ല്‍​ന​ട​യാ​ത്ര​ക്കാ​ര​ന്‍ തു​നി​ഞ്ഞാ​ല്‍ അ​യാ​ള്‍​ക്ക് വേ​ണ്ടി വാ​ഹ​ന​ങ്ങ​ള്‍ നി​ര്‍​ത്തി​കൊ​ടു​ക്ക​ണം. എ​ന്നാ​ല്‍ കേ​ര​ള​ത്തി​ലെ റോ​ഡു​ക​ളി​ല്‍ സ്ഥി​തി മ​റി​ച്ചാ​ണ്. സീ​ബ്രാ​ലൈ​നു​ക​ളി​ല്‍ കാ​ല്‍​ന​ട​യാ​ത്ര​ക്കാ​ര​നെ ക​ണ്ടാ​ല്‍ ദൂ​രെ​നി​ന്ന് ത​ന്നെ സ്വ​കാ​ര്യ ബ​സു​ക​ള്‍ ഹോ​ണ്‍ മു​ഴ​ക്കും. ക​ട​ക്ക​രു​തെ​ന്ന മു​ന്ന​റി​യി​പ്പാ​ണ് ഈ ​ഹോ​ണ്‍ വ​ഴി യാ​ത്ര​ക്കാ​ര​ന് ന​ല്‍​കു​ന്ന​ത്. ഹോ​ണ്‍ വ​ക​വ​യ്ക്കാ​തെ ധൈ​ര്യ​സ​മേ​തം കാ​ല്‍​ന​ട​യാ​ത്ര​ക്കാ​ര​ന്‍ റോ​ഡ് ക​ട​ക്കാ​ന്‍ ശ്ര​മി​ച്ചാ​ല്‍ സ്വ​കാ​ര്യ ബ​സു​കാ​ര​നെ​ത്തി ശ​കാ​രി​ക്കും. ചി​ല​ര്‍ വാ​തി​ലി​ല്‍ ബ​ല​മാ​യി അ​ടി​ച്ചും ചി​ല​ര്‍ ഹോ​ണ്‍ തു​രു​തു​രെ അ​ടി​ച്ചും മ​റ്റു ചി​ല​ര്‍ യാ​ത്ര​ക്കാ​ര​നെ പ​ര​സ്യ​മാ​യി ശാ​സി​ച്ചു​മാ​ണ് "റോ​ഡ് മ​ര്യാ​ദ' കാ​ണി​ക്കു​ന്ന​ത്.


ക​ഴി​ഞ്ഞ ദി​വ​സ​വും ന​ഗ​ര​ത്തി​ല്‍ അ​മി​ത​വേ​ഗ​ത്തി​ല്‍ പാ​ഞ്ഞെ​ത്തി​യ സ്വ​കാ​ര്യ ബ​സി​ന്‍റെ അ​ശ്ര​ദ്ധ​യി​ല്‍ ഒ​രു വൃ​ദ്ധ​ന​ട​ക്കം നാ​ലു പേ​ര്‍​ക്ക് പ​രി​ക്കേ​റ്റി​രു​ന്നു. സി​റ്റി പോ​ലീ​സ് ക​മ്മീ​ഷ​ണ​റു​ടെ ഓ​ഫീ​സി​നു മു​ന്നി​ലാ​യി​രു​ന്നു സം​ഭ​വം. സീ​ബ്രാ ലൈ​നി​ല്‍ റോ​ഡ് മു​റി​ച്ചു ക​ട​ക്കു​ക​യാ​യി​രു​ന്ന കാ​ല്‍​ന​ട​യാ​ത്ര​ക്കാ​ര്‍​ക്കാ​ണ് ഡ്രൈ​വ​റു​ടെ അ​മി​ത​വേ​ഗ​ത്തില്‍ പ​രി​ക്കേ​റ്റ​ത്. സി​റ്റി​പാ​ലാ​ഴി റൂ​ട്ടി​ലോ​ടു​ന്ന ബ​സാ​ണ് അ​പ​ക​ടം വ​രു​ത്തി​യ​ത്.

ഒ​രു വൃ​ദ്ധ​നും, പെ​ണ്‍​കു​ട്ടി​യു​മ​ട​ക്കം നാ​ലു​പേ​ര്‍ റോ​ഡ് മു​റി​ച്ചു​ക​ട​ക്കാ​ന്‍ സീ​ബ്രാ​ലൈ​നി​ല്‍ ക​യ​റി​യ​ത് ക​ണ്ട് ഒ​രു ഓ​ട്ടോ​റി​ക്ഷ​യും, സി​റ്റി ബ​സും നി​ര്‍​ത്തി​ക്കൊടു​ത്തു. ഈ ​സ​മ​യം മു​ത​ല​ക്കു​ളം ഭാ​ഗ​ത്തേ​ക്ക് പോ​വു​ക​യാ​യി​രു​ന്ന സി​റ്റി ബ​സ് വ​ല​തു​ഭാ​ഗം ചേ​ര്‍​ന്ന് അ​മി​ത​വേ​ഗത്തില്‍ മു​ന്നോ​ട്ടെ​ടു​ക്കു​ക​യാ​യി​രു​ന്നു. ബ​സ് പി​ന്നി​ലി​ടി​ച്ച​തി​ന്‍റെ ആ​ഘാ​ത​ത്തി​ല്‍, നി​ര്‍​ത്തി​യി​ട്ടി​രു​ന്ന ഓ​ട്ടോ മു​ന്നോ​ട്ടു​നീ​ങ്ങു​ക​യും കാ​ല്‍​ന​ട​യാ​ത്ര​ക്കാ​രെ ഇ​ടി​ച്ചു​വീ​ഴ്ത്തു​ക​യു​മാ​യി​രു​ന്നു. റോ​ഡി​ല്‍ ര​ക്തം​വാ​ര്‍​ന്ന് കി​ട​ന്ന കാ​ല്‍​ന​ട​യാ​ത്ര​ക്കാ​രെ ഓ​ടി​ക്കൂ​ടി​യ നാ​ട്ടു​കാ​രും, ക​മ്മീ​ഷ​ണ​ര്‍ ഓ​ഫീ​സി​ല്‍​നി​ന്ന് കു​തി​ച്ചെ​ത്തി​യ പോ​ലീ​സു​കാ​രും ചേ​ര്‍​ന്ന് റോ​ഡി​ല്‍​നി​ന്ന് നീ​ക്കി. പി​ന്നീ​ട് ഇ​വ​രെ പോ​ലീ​സി​ന്‍റെ ആം ​ബു​ല​ന്‍​സി​ല്‍ ക​യ​റ്റി ബീ​ച്ച് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. വൃ​ദ്ധ​ന്‍റെ​യും പെ​ണ്‍​കു​ട്ടി​യു​ടേ​യും മൂ​ക്കി​ല്‍​നി​ന്ന് ര​ക്തം വാ​ര്‍​ന്നൊ​ഴു​കു​ന്ന​നി​ല​യി​ലാ​ണ്.​ ഇ​വ​രു​ടെ ദേ​ഹ​ത്താ​ക​മാ​നം പ​രി​ക്കു​ണ്ട്. അ​പ​ക​ട​മു​ണ്ടാ​ക്കി​യ സി​റ്റി ബ​സി​ന്‍റെ ഡ്രൈ​വ​ര്‍ ബ​ഹ​ള​ത്തി​നി​ടെ രക്ഷപ്പെട്ടു.

നി​യ​മം പാ​ലി​ക്കു​ന്ന​വ​ര്‍​ക്കും ‘ശി​ക്ഷ'

സീ​ബ്രാ​വ​ര​ക​ള്‍​ക്കു മു​ക​ളി​ല്‍ കാ​ല്‍​ന​ട​യാ​ത്ര​ക്കാ​രെ ക​ണ്ടാ​ല്‍ വാ​ഹ​നം നി​ര്‍​ത്തി​ക്കൊടു​ക്കു​ന്ന​വ​ര്‍​ക്ക് നേ​രി​ടേ​ണ്ട​തും ക​ടു​ത്ത "ശി​ക്ഷ'. പി​റ​കി​ലു​ള്ള ബ​സു​ക​ളി​ലേ​യും മ​റ്റു വാ​ഹ​ന​ങ്ങ​ളി​ലു​ള്ള​വ​രു​ടേ​യും ശ​കാ​ര​മാ​ണ് പ​ല​ര്‍​ക്കും കേ​ള്‍​ക്കേ​ണ്ടി വ​രു​ന്ന​ത്. ഇ​രു​ച​ക്ര​വാ​ഹ​ന​ത്തി​ലു​ള്ള​വ​ര്‍​ക്കാ​ണെ​ങ്കി​ലും മ​റ്റു വാ​ഹ​ന​ത്തി​ലു​ള്ള​വ​ര്‍​ക്കാ​ണെ​ങ്കി​ലും ഇ​ത്ത​ര​ത്തി​ല്‍ ശ​കാ​രം കേ​ള്‍​ക്ക​ണ്ടി വ​രു​ന്ന​ത് നി​ത്യ​സം​ഭ​വ​മാ​ണ്. കു​ടും​ബ​സ​മേ​തം യാ​ത്ര​ചെ​യ്യു​ന്ന​വ​രാ​ണെ​ങ്കി​ല്‍ പോ​ലും നി​യ​മം അ​നു​സ​രി​ച്ച​തി​ന് പ​ഴി​കേ​ള്‍​ക്കാ​ണ്ട​താ​യി വ​രാ​റു​ണ്ട്. ഇ​തി​നു പു​റ​മേ വാ​ഹ​നം ഒ​രാ​ള്‍ നി​ര്‍​ത്തി​യാ​ലും കാ​ല്‍​ന​ട​യാ​ത്ര​ക്കാ​ര്‍​ക്ക് ര​ക്ഷ​യി​ല്ല. നി​ര്‍​ത്തി​യ വാ​ഹ​ന​ത്തി​ന്‍റെ ഇ​രു​ഭാ​ഗ​ങ്ങ​ളി​ലൂ​ടെ​യും ഇ​ര​മ്പി​യെ​ത്തു​ന്ന വാ​ഹ​ന​ങ്ങ​ള്‍ കാ​ല്‍​ന​ട​യാ​ത്ര​ക്കാ​രെ ഇ​ടി​ച്ചു വീ​ഴ്ത്തു​ക​യാ​ണ് ചെ​യ്യു​ന്ന​ത്.

ഫ​ണ്ടി​ല്ല, ബോ​ധ​വ​ത്ക​ര​ണ​വും നി​ല​ച്ചു

സീ​ബ്രാ​വ​ര​ക​ളി​ല്‍ അ​പ​ക​ട​ങ്ങ​ള്‍ വ​ര്‍​ധി​ക്കു​ന്ന സാ​ഹ​ച​ര്യ​ത്തി​ല്‍ റോ​ഡു സു​ര​ക്ഷാ കൗ​ണ്‍​സി​ല്‍ ബോ​ധ​വ​ത്ക​ര​ണ പ​രി​പാ​ടി സം​ഘ​ടി​പ്പി​ക്കാ​ന്‍ തീ​രു​മാ​നി​ച്ചി​രു​ന്നു. പോ​ലീ​സ് നി​രീ​ക്ഷ​ണ​ത്തോ​ടെ​യാ​യി​രു​ന്നു ബോ​ധ​വ​ത്ക​ര​ണ പ​രി​പാ​ടി സം​ഘ​ടി​പ്പി​ക്കാ​ന്‍ തീ​രു​മാ​നി​ച്ച​ത്. സീ​ബ്രാ​വ​ര​ക​ള്‍ വ​ക​വ​യ്ക്കാ​തെ വാ​ഹ​നം ഓ​ടി​ക്കു​ന്ന​വ​രെ ത​ട​ഞ്ഞു ബോ​ധ​വ​ത്ക​ര​ണം ന​ട​ത്തു​ക​യാ​യി​രു​ന്നു ആ​ദ്യ ഘ​ട്ടം. പി​ന്നീ​ട് പി​ഴ ചു​മ​ത്താ​നാ​യി​രു​ന്നു തീ​രു​മാ​ന​മെ​ങ്കി​ലും ഇ​തെ​ല്ലാം നി​ല​ച്ചു. റോ​ഡ് സു​ര​ക്ഷാ കൗ​ണ്‍​സി​ലി​ന് ഫ​ണ്ട് ല​ഭി​ക്കാ​ത്ത​തി​നാ​ല്‍ ഇ​ത്ത​ര​ത്തി​ലു​ള്ള ബോ​ധ​വ​ത്ക​ര​ണ പ​രി​പാ​ടി​ക​ളൊ​ന്നും സം​ഘ​ടി​പ്പി​ക്കാ​നാ​വി​ല്ലെ​ന്ന് കൗ​ണ്‍​സി​ല്‍ അ​ധി​കൃ​ത​ര്‍ അ​റി​യി​ച്ചു. അ​തേ​സ​മ​യം സീ​ബ്രാ​വ​ര​ക​ളി​ല്‍ അ​പ​ക​ടം ന​ട​ന്നാ​ല്‍ പോ​ലീ​സ് കേ​സെ​ടു​ക്കു​ക​യും തു​ട​ര്‍​ന​ട​പ​ടി​ക​ള്‍​ക്കാ​യി ആ​ര്‍​ടി​ഒ​യ്ക്ക് റി​പ്പോ​ര്‍​ട്ട് സ​മ​ര്‍​പ്പി​ക്കു​ക​യു​മാ​ണ് ചെ​യ്യു​ന്ന​ത്. ഇ​ത്ത​ര​ത്തി​ല്‍ റി​പ്പോ​ര്‍​ട്ട് ല​ഭി​ച്ചാ​ല്‍ ഡ്രൈ​വ​റു​ടെ ലൈ​സ​ന്‍​സ് സ​സ്പെൻഡ് ചെ​യ്യു​ക​യും ബോ​ധ​വ​ത്ക​ര​ണ ക്ലാ​സ് ന​ല്‍​കു​ക​യും ചെ​യ്യാ​റു​ണ്ടെ​ന്ന് കോ​ഴി​ക്കോ​ട് റീ​ജ​ണ​ല്‍​ട്രാ​ന്‍​സ്‌​പോ​ര്‍​ട്ട് ഓ​ഫീ​സ​ര്‍ സി.​ജെ. പോ​ള്‍​സ​ണ്‍ അ​റി​യി​ച്ചു.


പ​രി​ശീ​ല​നം കൂ​ടു​ത​ല്‍ ശ​ക്ത​മാ​ക്കും: മ​ന്ത്രി

സീ​ബ്രാ​വ​ര​ക​ളി​ല്‍ അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്ത് ഡ്രൈ​വ​ര്‍​മാ​ര്‍​ക്ക് കൂ​ടു​ത​ല്‍ പ​രി​ശീ​ല​നം ന​ല്‍​കു​ന്ന​ത് സം​ബ​ന്ധി​ച്ച് തീ​രു​മാ​ന​മെ​ടു​ക്കു​മെ​ന്ന് ഗ​താ​ഗ​ത മ​ന്ത്രി എ.​കെ. ശ​ശീ​ന്ദ്ര​ന്‍. ഡ്രൈ​വ​ര്‍​മാ​ര്‍​ക്ക് പൊ​തു​വെ ബോ​ധ​വ​ത്ക​ര​ണം ന​ട​ത്തു​ന്നു​ണ്ട്. ഇ​തി​നു​പു​റ​മേ ഇ​ക്കാ​ര്യം കൂ​ടി ഉ​ള്‍​പ്പെ​ടു​ത്തി പ​രി​ശീ​ല​നം ക​ര്‍​ശ​ന​മാ​ക്കു​മെ​ന്നും അ​ദ്ദേ​ഹം "രാ​ഷ്ട്ര ദീ​പി​ക'​യോ​ട് പ​റ​ഞ്ഞു.

തയാറാക്കിയത്: കെ.​ഷി​ന്‍റുലാ​ല്‍
പ​ടം : ര​മേ​ഷ് കോ​ട്ടൂ​ളി


Loading...