ക​ണ്ണൂ​ർ വി​ളി​ക്കു​ന്നു
വ​ർ​ഷ​ങ്ങ​ളു​ടെ കാ​ത്തി​രി​പ്പി​നൊ​ടു​വി​ൽ ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ളം ഉ​ദ്ഘാ​ട​ന​ത്തി​നൊ​രു​ങ്ങി. ഡി​സം​ബ​ർ ഒ​ന്പ​തി​നു ന​ട​ക്കു​ന്ന ഉ​ദ്ഘാ​ട​നം ജി​ല്ല​യു​ടെ ഉ​ൽ​സ​വ​മാ​ക്കി മാ​റ്റാ​നു​ള്ള ത​യ്യാ​റെ​ടു​പ്പി​ലാ​ണ് ജ​ന​ങ്ങ​ൾ. വി​മാ​ന​ത്താ​വ​ളം വാ​ണി​ജ്യാ​ടി​സ്ഥാ​ന​ത്തി​ൽ പ്ര​വ​ർ​ത്ത​നം ആ​രം​ഭി​ക്കാ​ൻ ഡ​യ​റ​ക്ട​ർ ഓ​ഫ് ജ​ന​റ​ൽ സി​വി​ൽ ഏ​വി​യേ​ഷ​ന്‍റെ ലൈ​സ​ൻ​സ് ല​ഭ്യ​മാ​യ​തോ​ടെ​യാ​ണ് ഉ​ദ്ഘാ​ട​ന​ത്തി​നു​ള്ള ന​ട​പ​ടി​ക്ര​മ​ങ്ങ​ൾ കി​യാ​ൽ ആ​രം​ഭി​ച്ച​ത്. വി​മാ​ന​ത്താ​വ​ള​ത്തി​ന്‍റെ നി​ർ​മാ​ണ പ്ര​വൃ​ത്തി പൂ​ർ​ത്തി​യാ​യ​തി​നു ശേ​ഷം വി​മാ​നം പ​റ​ത്തി​യ​ത​ട​ക്ക​മു​ള്ള പ​രി​ശോ​ധ​ന​ക​ൾ വി​ജ​യ​ക​ര​മാ​യ​തോ​ടെ​യാ​ണ് അ​ന്തി​മ ലൈ​സ​ൻ​സ് ല​ഭി​ച്ച​ത്. ലൈ​സ​ൻ​സ് ല​ഭി​ച്ചെ​ങ്കി​ലും വി​മാ​ന​ത്താ​വ​ള റ​ണ്‍​വേ​യി​ൽ വി​മാ​നം സു​ര​ക്ഷി​ത​മാ​യി ഇ​റ​ക്കാ​നു​ള്ള സം​വി​ധാ​ന​മാ​യ ഐ​എ​ൽ​എ​സി​ന്‍റെ പ​രി​ശോ​ധ​ന​ക​ൾ തു​ട​രു​ന്നു​ണ്ട്. വി​മാ​ന​ത്താ​വ​ള​ത്തി​ലെ പാ​സ​ഞ്ച​ർ ടെ​ർ​മി​ന​ൽ ബി​ൽ​ഡിം​ഗ് ഉ​ൾ​പ്പെ​ടെ​യു​ള്ള​വ​യു​ടെ നി​ർ​മാ​ണ പ്ര​വൃ​ത്തി നേ​ര​ത്തെ പൂ​ർ​ത്തി​യാ​യി​രു​ന്നു. കീ​ഴ​ല്ലൂ​ർ പ​ഞ്ചാ​യ​ത്തി​ലെ മൂ​ർ​ഖ​ൻ പ​റ​ന്പി​ൽ 2300 ഏ​ക്ക​ർ സ്ഥ​ല​ത്ത് 3050 മീ​റ്റ​ർ റ​ണ്‍​വേ​യോ​ടെ​യാ​ണ് വി​മാ​ന​ത്താ​വ​ളം പ്ര​വ​ർ​ത്ത​നം ആ​രം​ഗി​ക്കു​ന്ന​ത്. റ​ണ്‍​വേ​യു​ടെ നീ​ളം 4000 മീ​റ്റ​റാ​ക്കാ​നു​ള്ള പ്ര​വ​ർ​ത്ത​നം ന​ട​ത്തി വ​രി​ക​യാ​ണ്. കാ​നാ​ട് ഭാ​ഗ​ത്ത് സ്ഥ​ലം ഏ​റ്റെ​ടു​ക്കാ​നു​ള്ള ന​ട​പ​ടി​ക​ളാ​ണ് ന​ട​ക്കു​ന്ന​ത്. വി​മാ​ന​ത്താ​വ​ള​ത്തി​ലെ എ​യ​ർ ക​ണ്‍​ട്രോ​ൾ കെ​ട്ടി​ടം, ഫ​യ​ർ ഫോ​ഴ്സ്, ഇ​ന്ധ​ന പാ​ടം തു​ട​ങ്ങി​യവ​യെ​ല്ലാം പ്ര​വ​ർ​ത്ത​നം ആ​രം​ഭി​ച്ചു.

കാ​ണാ​ൻ നി​ര​വ​ധി​പേ​ർ

ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ളം കാ​ണാ​ൻ പൊ​തു ജ​ന​ങ്ങ​ൾ​ക്ക് അ​നു​മ​തി ന​ൽ​കി​യ​തോ​ടെ സ​ന്ദ​ർ​ശ​ക​രെ കൊ​ണ്ടു തി​ങ്ങി​നി​റ​യു​ക​യാ​യി​രു​ന്നു ഇ​വി​ടം. അ​വ​ധി ദി​ന​ങ്ങ​ളി​ലും മ​റ്റു​മാ​യി ല​ക്ഷ​ക്ക​ണ​ക്കി​നു പേ​രാ​ണ് വി​മാ​ന​ത്താ​വ​ളം കാ​ണാ​നെ​ത്തി​യ​ത്. സം​സ്ഥാ​ന​ത്തി​നു പു​റ​ത്തു നി​ന്ന​ട​ക്ക​മു​ള്ള​വ​ർ ഇ​വി​ടെ സ​ന്ദ​ർ​ശ​ക​രാ​യെ​ത്തി.

സ​ന്ദ​ർ​ശ​ക​രു​ടെ പ്ര​വാ​ഹം കാ​ര​ണം സെ​ക്യൂ​രി​റ്റി ജീ​വ​ന​ക്കാ​ർ ഉ​ൾ​പ്പെ​ടെ പ്ര​യാ​സ​പ്പെ​ട്ടു. 5 മു​ത​ൽ 12 വ​രെ രാ​വി​ലെ പ​ത്ത് മു​ത​ൽ 4 വ​രെ​യാ​ണ് പൊ​തു​ജ​ന​ങ്ങ​ൾ​ക്ക് വി​മാ​ന​ത്താ​വ​ള​ത്തി​ൽ പ്ര​വേ​ശ​നം അ​നു​വ​ദി​ച്ച​ത്.

ടെ​ർ​മി​ന​ൽ ബി​ൽ​ഡിം​ഗി​ൽ ജ​ന​ങ്ങ​ൾ നി​റ​ഞ്ഞ​തോ​ടെ നി​ര​വ​ധി ത​വ​ണ ടെ​ർ​മി​ന​ൽ ബി​ൽ​ഡിം​ഗി​ലേ​ക്കു​ള്ള വ​ഴി സി​ഐ എ​സ് എ​ഫു​കാ​ർ അ​ട​യ്ക്കു​ക​യും ചെ​യ്തു. സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള​വ​രു​ടെ വ​ൻ തി​ര​ക്കാ​ണ് വി​മാ​ന​ത്താ​വ​ള​ത്തി​ൽ അ​നു​ഭ​വ​പ്പെ​ട്ട​ത്. സ​ന്ദ​ർ​ശ​ക​രെ​ത്തി​യ ആ​യി​ര​ക്ക​ണ​ക്കി​നു വാ​ഹ​ന​ങ്ങ​ൾ കൊ​ണ്ടു റോ​ഡ് നി​റ​ഞ്ഞ​തോ​ടെ മ​ണി​ക്കൂ​റു​ക​ളോ​ളം മ​ട്ട​ന്നൂ​ർ ന​ഗ​ര​വും പ​രി​സ​ര​വും ഗ​താ​ഗ​ത​ക്കു​രു​ക്കി​ൽ​പ്പെ​ടു​ക​യും ചെ​യ്തു.

റോ​ഡ് യാ​ത്ര

ക​ണ്ണൂ​ർ വി​മാ​ന​ത്താ​വ​ള​ത്തി​ലേ​ക്കു​ള്ള റോ​ഡ് യാ​ത്ര സു​ഗ​മ​മാ​ക്കാ​നു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യി​വ​രി​ക​യാ​ണ്. മ​ട്ട​ന്നൂ​ർ ടൗ​ണി​ൽ നി​ന്ന് വി​മാ​ന​ത്താ​വ​ള​ത്തി​ലേ​ക്ക് ര​ണ്ട് കി​ലോ​മീ​റ്റ​ർ ദൂ​ര​മാ​ണു​ള്ള​ത്. ക​ണ്ണൂ​രി​ൽ നി​ന്ന് 28 കി​ലോ​മീ​റ്റ​റും ത​ല​ശേ​രി​യി​ൽ നി​ന്ന് 29 കി​ലോ​മീ​റ്റ​റു​മാ​ണ് വി​മാ​ന​ത്താ​വ​ള​ത്തി​ലേ​ക്കു​ള്ള ദൂ​രം.


സു​ര​ക്ഷ

ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ന്‍റെ ഉ​ദ്ഘാ​ട​നം ന​ട​ത്തു​ന്ന​തി​നു​ള്ള ഒ​രു​ക്ക​ങ്ങ​ളു​ടെ ഭാ​ഗ​മാ​യി ഉ​ന്ന​ത സം​ഘം സു​ര​ക്ഷാ ക്ര​മീ​ക​ര​ണ​ങ്ങ​ൾ വി​ല​യി​രു​ത്തു​ക​യു​ണ്ടാ​യി. ക​ണ്ണൂ​ർ റെ​യ്ഞ്ച് ഐ​ജി ബ​ൽ​റാം​കു​മാ​ർ ഉ​പാ​ധ്യാ​യ, ക​സ്റ്റം​സ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​രാ​ണ് വി​മാ​ന​ത്താ​വ​ളം സ​ന്ദ​ർ​ശി​ച്ചു കി​യാ​ൽ അ​ധി​കൃ​ത​രു​മാ​യി ച​ർ​ച്ച ന​ട​ത്തി​യ​ത്. ക​ഴി​ഞ്ഞ ദി​വ​സ​മാ​ണ് ഉ​ദ്യോ​ഗ​സ്ഥ​ർ വി​മാ​ന​ത്താ​വ​ള​ത്തി​ലെ​ത്തി​യ​ത്. ക​സ്റ്റം​സ്, എ​മി​ഗ്രേ​ഷ​ൻ വി​ഭാ​ഗ​ങ്ങ​ളു​ടെ പ്ര​വ​ർ​ത്ത​നം തു​ട​ങ്ങു​ന്ന​തി​നു മു​ന്നോ​ടി​യാ​യാ​ണ് പ​രി​ശോ​ധ​ന. വി​മാ​ന​ത്താ​വ​ള​ത്തി​ൽ ഏ​ർ​പ്പെ​ടു​ത്തേ​ണ്ട സു​ര​ക്ഷാ ക്ര​മീ​ക​ര​ണ​ങ്ങ​ളും യോ​ഗം വി​ല​യി​രു​ത്തി.

വി​മാ​ന​ങ്ങ​ൾ

ക​ണ്ണൂ​ർ വി​മാ​ന​ത്താ​വ​ളം വി​വി​ധ വി​മാ​ന​ക്ക​ന്പ​നി പ്ര​തി​നി​ധി​ക​ൾ സ​ന്ദ​ർ​ശി​ച്ചു. തു​ട​ർ​ന്നു കി​യാ​ൽ എം​ഡി വി.​തു​ള​സീ​ദാ​സു​മാ​യി ച​ർ​ച്ച ന​ട​ത്തി​യാ​ണ് മ​ട​ങ്ങി​യ​ത്. സ​ർ​വീ​സ് തു​ട​ങ്ങാ​ൻ ധാ​ര​ണ​യാ​യ എ​യ​ർ​ഇ​ന്ത്യ, ഇ​ൻ​ഡി​ഗോ, ഗോ ​എ​യ​ർ ക​ന്പ​നി​ക​ളോ​ടൊ​പ്പം സ​ർ​വീ​സി​നു താ​ൽ​പ​ര്യ​മ​റി​യി​ച്ച മ​റ്റു ക​ന്പ​നി പ്ര​തി​നി​ധി​ക​ളാ​ണ് വി​മാ​ന​ത്താ​വ​ളം സ​ന്ദ​ർ​ശി​ക്കു​ക​യും ച​ർ​ച്ച​യി​ൽ പ​ങ്കെ​ടു​ക്കു​ക​യും ചെ​യ്ത​ത്.

സി​ഐ​എ​സ്എ​ഫ് എ​ത്തി

വി​മാ​ന​ത്താ​വ​ള​ത്തി​ന്‍റെ സു​ര​ക്ഷാ ചുമതല സി​ഐ​എ​സ്എ​ഫ് ഏ​റ്റെ​ടു​ത്തു. 634 പേ​രെ​യാ​ണ് വി​മാ​ന​ത്താ​വ​ള​ത്തി​ൽ വി​ന്യ​സി​ക്കു​ക​യെ​ങ്കി​ലും ആ​ദ്യ​ഘ​ട്ട​ത്തി​ൽ 50 പേ​രാ​ണ് വി​മാ​ന​ത്താ​വ​ള​ത്തി​ന്‍റെ ചു​മ​ത​ല ഏ​റ്റെ​ടു​ത്ത​ത്. കേ​ര​ള​ത്തി​ന​ക​ത്തും പു​റ​ത്തും നി​ന്നു​മാ​യെ​ത്തി​യ സി​ഐ​എ​സ്എ​ഫു​കാ​ർ 17 മു​ത​ലാ​ണ് വി​മാ​ന​ത്താ​വ​ള​ത്തി​ന്‍റെ ചു​മ​ത​ല പൂ​ർ​ണ​മാ​യും ഏ​റ്റെ​ടു​ക്കു​ക. കൂ​ത്തു​പ​റ​ന്പ് വ​ലി​യ വെ​ളി​ച്ച​ത്തെ ക്യാ​ന്പി​ലാ​ണ് സം​ഘം താ​മ​സി​ക്കു​ന്ന​ത്. എമി​ഗ്രേ​ഷ​ൻ വി​ഭാ​ഗ​ത്തി​ൽ 145 പേ​രെ​യും ക​സ്റ്റം​സി​ൽ 78 പേ​രെ​യും മ​റ്റും നി​യോ​ഗി​ക്കു​ന്ന​തി​നാ​ണ് 634 സി​ഐ​എ​സ്എ​ഫു​കാ​രെ നി​യോ​ഗി​ച്ചി​ട്ടു​ള്ള​ത്. സി​ഐ​എ​സ്എ​ഫി​നു പു​റ​മെ വി​മാ​ന​ത്താ​വ​ള​ത്തി​ൽ എ​യ​ർ​പോ​ർ​ട്ട് പോ​ലീ​സ് സ്റ്റേ​ഷ​നും അ​ടു​ത്ത ദി​വ​സം പ്ര​വ​ർ​ത്ത​നം ആ​രം​ഭി​ക്കും. പാ​സ​ഞ്ച​ർ ടെ​ർ​മി​ന​ൽ ബി​ൽ​ഡിം​ഗി​നു സ​മീ​പ​ത്തു​ള്ള നി​ർ​മാ​ണ ക​ന്പ​നി ഉ​പ​യോ​ഗി​ച്ച കെ​ട്ടി​ട​മാ​ണ് പോ​ലീ​സ് സ്റ്റേ​ഷ​നാ​യി ആ​ദ്യ​ഘ​ട്ട​ത്തി​ൽ പ്ര​വ​ർ​ത്തി​ക്കു​ക.

പാ​ർ​ക്കിം​ഗ്

വി​മാ​ന​ത്താ​വ​ള​ത്തി​ൽ പാ​ർ​ക്കിം​ഗ് സൗ​ക​ര്യ​മാ​യി. പാ​സ​ഞ്ച​ർ ടെ​ർ​മി​ന​ൽ ബി​ൽ​ഡിം​ഗി​നു മു​ന്നി​ലാ​യാ​ണ് വാ​ഹ​ന പാ​ർ​ക്കിം​ഗ്. 700 കാ​റു​ക​ൾ​ക്കും 200 ടാ​ക്സി​ക​ൾ​ക്കും 25 ബ​സു​ക​ൾ​ക്കും നി​ർ​ത്തി​യി​ടാ​നു​ള്ള പാ​ർ​ക്കിം​ഗാ​ണ് ഒ​രു​ക്കി​യി​ട്ടു​ള്ള​ത്.

ജി​ജേ​ഷ് ചാ​വ​ശേ​രി