ടമാാാർ പഠാാാർ: പാലാ തങ്കച്ചന്‍റെ കഥ
തി​ര​ക്കേ​റി​യ പാ​ലാ ന​ഗ​രം. സമയം വൈ​കു​ന്നേ​രം. ചീ​റി​പ്പാ​യു​ന്ന വാ​ഹ​ന​ങ്ങ​ൾ.​ സൈ​ല​ൻ​സ​ർ ഉൗ​രി​വ​ച്ച ജാ​വ ബൈ​ക്കി​ന്‍റെ പ​രു​ക്ക​ൻ ശ​ബ്ദം. ജ​നം അ​ക്ഷ​മ​രാ​യി റോ​ഡി​നി​രു​വ​ശ​വും നി​ൽ​ക്കു​ക​യാ​ണ്.​അ​ക്സി​ലേ​റ്റ​ർ റ​ബ​ർ​ബാ​ൻ​ഡു​പ​യോ​ഗി​ച്ച് കെ​ട്ടി​വ​ച്ച കെഎൽ​വി 2558 ജാ​വ ബൈ​ക്കി​ൽ നി​ഷ്ക​ള​ങ്ക​ ചി​രി​യു​മാ​യി അ​യാ​ൾ എ​ത്തി​ക്ക​ഴി​ഞ്ഞു.​ ആ​ദ്യ റൗ​ണ്ടി​ൽ എ​ല്ലാ​വ​രെ​യും നോ​ക്കി ചി​രി​ച്ചു​കൊ​ണ്ട് കൈ​വീ​ശി പോ​യെ​ങ്കി​ൽ തി​രി​ച്ചു വ​ന്ന​ത് ബൈ​ക്കി​ൽ എ​ഴു​ന്നേറ്റു നി​ന്നു കൈ​കൂ​പ്പി​ക്കൊണ്ടാ​ണ്. അ​ടു​ത്ത​ത് ബൈ​ക്കി​ന്‍റെ സൈ​ഡി​ലി​രു​ന്ന് പ​ത്രം വാ​യി​ച്ചു​കൊ​ണ്ടാ​ണ്. അ​തു ക​ഴി​ഞ്ഞാ​ൽ ഹാ​ൻ​ഡി​ലി​ൽ ക​യ​റി​യി​രു​ന്ന് കാ​ഴ്ച​ക്കാ​രെ ശ്വാ​സം മു​ട്ടി​ക്കു​ന്ന റൗ​ണ്ട്. മി​ന്നാ​യ നേ​രം കൊ​ണ്ട് പാ​ലാ ന​ഗ​ര​ത്തെ ത​ന്‍റെ ക​ളി​ക്ക​ള​മാ​ക്കി ഈ ​അ​ഭ്യാ​സി. മോ​ട്ടോ​ർ സൈ​ക്കി​ളി​ൽ കി​ടി​ല​ൻ അ​ഭ്യാ​സ​ങ്ങ​ൾ കാ​ണി​ച്ചും ആ​ളു​ക​ളു​ടെ ക​ണ്ണു​ത​ള്ളി​ച്ചു. കേ​ര​ള​ക്ക​ര​യാ​കെ മാ​ത്ര​മ​ല്ല ത​മി​ഴ്നാ​ട്ടി​ലും ക​ർ​ണാ​ട​ക​ത്തി​ലും വ​രെ പ്ര​ശ​സ്ത​നാ​യി​രി​ക്കു​ക​യാ​ണ് പാ​ലാ ത​ങ്ക​ച്ച​ൻ എ​ന്ന ബൈ​ക്ക് അ​ഭ്യാ​സി. ജ​ന​ങ്ങ​ളു​ടെ നെ​ഞ്ചി​ടി​പ്പ് കൂ​ട്ടു​ന്ന കി​ടി​ല​ൻ ന​ന്പ​രു​ക​ളു​മാ​യി ഇ​ദ്ദേ​ഹ​ത്തി​ന്‍റെ ബൈ​ക്ക് കു​തി​ക്കാ​ത്ത പ​ട്ട​ണ​ങ്ങ​ളും വീ​ഥി​ക​ളു​മി​ല്ല.​ ത​ന്‍റെ ജീ​വി​ത​മാ​ർ​ഗ​ത്തി​നു വേ​ണ്ടി​യാ​ണ് ത​ങ്ക​ച്ച​ൻ ഈ ​അ​ഭ്യാ​സ​ങ്ങ​ളെ​ല്ലാം കാ​ട്ടു​ന്ന​ത്.

സൈ​ക്കി​ൾ അ​ഭ്യാ​സി​യാ​യി തു​ട​ക്കം

പാ​ലാ സെ​ന്‍റ് തോ​മ​സ് സ്കൂ​ളി​ൽ പ​ഠി​ച്ചു​കൊ​ണ്ടി​രി​ക്കു​ന്പോ​ൾ അ​ച്ഛ​ൻ ഫ്രാ​ൻ​സീ​സ് ചെ​ക്ക​നു സ്കൂ​ളി​ൽ പോ​കു​വാ​നാ​യി സൈ​ക്കി​ൾ വാ​ങ്ങി ന​ൽ​കി. എ​ന്നാ​ൽ ആ​റ്റി​ങ്ങ​ൽ ഗോ​പി​യെ​ന്ന സൈ​ക്കി​ൾ യ​ജ്ഞ​ക്കാ​ര​നോ​ടു​ള്ള ആ​രാ​ധ​ന മൂ​ത്ത് ത​ങ്ക​ച്ച​ൻ ക്ലാ​സ് മു​റി​യി​ലി​രു​ന്നി​ല്ല. സൈ​ക്കി​ള​മാ​യി പാ​ലാ​യി​ലെ മൈ​താ​ന​ങ്ങ​ളി​ൽ ക​റ​ങ്ങി. അ​ഭ്യാ​സം കൂ​ടി​യ​പ്പോ​ൾ ഏ​തോ മൈ​താ​ന​ത്തെ ആ​ൾ​ക്കൂ​ട്ടം ചെ​റി​യ ഒ​രു സ​മ്മാ​ന​വും ത​ന്നു.

സ്കൂ​ളി​ലെ നോ​ട്ടീ​സ് ബോ​ർ​ഡി​ൽ ത​ന്‍റെ അ​ഭ്യാ​സം മൈ​താ​ന​ത്ത് ന​ട​ക്കു​ന്നു എ​ന്നെ​ഴു​തി​യ​തി​ന് ഹെ​ഡ്മാ​സ്റ്റ​ർ ത​ങ്ക​ച്ച​നെ പൊ​തി​രെ ത​ല്ലി. അ​തോ​ടെ പ​ഠി​പ്പ് ഉ​പേ​ക്ഷി​ച്ചു ഫു​ൾ ടൈം ​മൈ​താ​ന​ത്താ​യി. സൈ​ക്കി​ളി​ൽ നി​ന്നും ബൈ​ക്കി​ലേ​ക്ക് മാ​റി​യ ത​ങ്ക​ച്ച​ൻ പി​ന്നീ​ട് കേ​ര​ളം മു​ഴു​വ​ൻ ക​റ​ങ്ങി ന​ട​ന്ന് കി​ടി​ല​ൻ അ​ഭ്യാ​സ​ങ്ങ​ൾ കാ​ട്ടി​ത്തു​ട​ങ്ങി
.
ത്ര​സി​പ്പി​ക്കു​ന്ന മു​ക്കാ​ൽ മ​ണി​ക്കൂ​ർ

ത​ങ്ക​ച്ച​ന്‍റെ അഭ്യാ​സ​ങ്ങ​ൾ പ്ര​ധാ​ന​മാ​യും ജീ​വ​ൻ പ​ണ​യം​വ​ച്ചു​ള്ള ബൈ​ക്ക് റെ​യ്സിം​ഗ് പ്ര​ക​ട​ന​ങ്ങ​ളാ​ണ്. സൈ​ല​ൻ​സ​ർ ഉൗ​രി​വ​ച്ച് ആ​ക്സി​ലേ​റ്റ​ർ റ​ബ​ർ​ബാ​ൻ​ഡ്കൊ​ണ്ട് കെ​ട്ടി​യ ബൈ​ക്കി​ലാ​ണ് ത​ങ്ക​ച്ച​ൻ എ​ത്തു​ന്ന​ത്. നി​ന്നു​കൊ​ണ്ട് ബൈ​ക്ക് ഓ​ടി​ക്കു​ക, ഫു​ട്ട് റെ​സ്റ്റി​നും ക്രാ​ഷ് ഗാ​ർ​ഡി​നും ഇ​ട​യി​ലു​ള്ള ഇ​ത്തി​രി സ്ഥ​ല​ം ഇ​രി​പ്പ​ിട​മാ​ക്കി​യു​ള്ള യാ​ത്ര, മു​ന്നോ​ട്ടും പു​റ​കോ​ട്ടും കി​ട​ന്നു​കൊ​ണ്ട് ഓ​ടി​ക്കു​ക, നി​ന്നു​കൊ​ണ്ട് കൈ​ക​ൾ ര​ണ്ടും മു​ന്നോ​ട്ടും പി​ന്നോ​ട്ടും ആ​ട്ടി​യു​ള്ള യാ​ത്ര അ​ങ്ങ​നെ നീ​ളു​ക​യാ​ണ് ത​ങ്ക​ച്ച​ന്‍റെ അ​ഭ്യാ​സ​ങ്ങ​ൾ. ഹാ​ൻ​ഡി​ലി​ൽ ക​യ​റി ഇ​രു​ന്നു​ള്ള അ​ഭ്യാ​സ​മാ​ണ് കാ​ണി​ക​ളു​ടെ ച​ങ്കി​ടി​പ്പി​ക്കു​ന്ന​ത്. മു​ക്കാ​ൽ മ​ണി​ക്കൂ​ർ നീ​ളു​ന്ന പ്ര​ക​ട​നം ക​ഴി​ഞ്ഞാ​ൽ ആ​ളു​ക​ൾ ത​ങ്ക​ച്ച​ന് നോ​ട്ടു​മാ​ല ഇ​ടും. ചി​ല​ർ റോ​ഡി​ന്‍റെ സൈ​ഡി​ൽ പണം വ​യ്ക്കും. ഇ​ത് ബൈക്ക് ഓ​ടി​ക്കു​ന്ന​തി​നി​ടയി​ൽ എ​ടു​ക്കും. പ​തി​നാ​യി​രം രൂ​പ വ​രെ ക​ള​ക്ഷ​ൻ കി​ട്ടി​യ ദി​വ​സ​മു​ണ്ട്. ക​ളി​ക്കി​ടി​യി​ൽ ഇ​തു​വ​രെ ത​ങ്ക​ച്ച​ന് ഒ​ര​പ​ക​ട​വും പ​റ്റി​യി​ട്ടി​ല്ല. ട്രാ​ഫി​ക് നി​യ​മ​ങ്ങ​ളെ​ല്ലാം പാ​ലി​ച്ച് പോ​ലീ​സ് അ​നു​മ​തി​യോ​ടെ​യാ​ണ് അ​ഭ്യാ​സം ന​ട​ത്തു​ന്ന​ത്.


ഇ​ന്ദി​രാ​ഗാ​ന്ധി ന​ൽ​കി​യ പേ​ര്

1983ൽ ​ഡ​ൽ​ഹി​യി​ൽ ന​ട​ന്ന റി​പ്പ​ബ്ലി​ക്ദി​ന പ​രേ​ഡി​ൽ പ​ങ്കെ​ടു​ത്ത് സാ​ഹ​സി​ക പ്ര​ക​ട​ന​ങ്ങ​ൾ ന​ട​ത്തി​യ​താ​ണ് ത​ങ്ക​ച്ച​ന്‍റെ ജീ​വി​ത​ത്തി​ലെ മ​റ​ക്കാ​നാ​വാ​ത്ത അ​നു​ഭ​വം. കെ.​ക​രു​ണാ​ക​ര​ന്‍റെ വ​ലം​കൈ​യാ​യി​രു​ന്ന കു​ര്യ​നാ​ട് സ്വ​ദേ​ശി എം.​എ.​ജോ​ണാ​ണ് പ​രേ​ഡി​ൽ പ​ങ്കെ​ടു​ക്കാ​നു​ള്ള അ​വ​സ​ര​മൊ​രു​ക്കി​യ​ത്.​ പ​ട്ടാ​ള​ക്കാ​ർ മു​ന്നി​ൽ ഓ​ടിച്ചുകൊ​ണ്ടി​രു​ന്ന ബൈ​ക്കി​ൽ ദേ​ശീ​യ പ​താ​ക പി​ടി​ച്ച് എ​ഴു​ന്നേ​റ്റു നി​ന്ന ത​ങ്ക​ച്ച​ന്‍റെ പ്ര​ക​ട​നം ക​ണ്ട് പ്ര​ധാ​ന​മ​ന്ത്രി​യാ​യി​രു​ന്ന ഇ​ന്ദി​രാ​ഗാ​ന്ധി അ​ത്ഭു​ത​പ്പെ​ട്ടു.

സ​ർ​ട്ടി​ഫി​ക്ക​റ്റ് ന​ൽ​കും നേ​രം ത​ങ്ക​ച്ച​നോ​ട് പേ​രും സ്ഥ​ല​വും ചോ​ദി​ച്ചു. മ​റു​പ​ടി പ​റ​ഞ്ഞ​പ്പോ​ൾ ഇ​ന്ദി​രാ​ഗ​ാന്ധി പ​റ​ഞ്ഞു, നൈ​സ് നെ​യിം പാ​ലാ ത​ങ്ക​ച്ച​ൻ. അ​ന്നു മു​ത​ൽ ത​ങ്ക​ച്ച​ൻ പാ​ലാ ത​ങ്ക​ച്ച​ൻ എ​ന്ന പേ​രി​ല​റി​യ​പ്പെ​ടാ​ൻ തു​ട​ങ്ങി. കെ.​എം.​മാ​ണി​യു​മാ​യി ത​ങ്ക​ച്ച​ന് അ​ടു​ത്ത സൗ​ഹൃ​ദ​മാ​ണു​ള്ള​ത്.

കേ​ര​ളാ കോ​ണ്‍​ഗ്ര​സ് എ​മ്മി​ന്‍റെ പ്ര​ക​ട​ന​ത്തോ​ടു കൂ​ടി​യ ഏ​തു സ​മ്മേ​ള​ന​ത്തി​ലും ഇ​ല​ക്ഷ​ൻ പ്ര​ചാ​ര​ണ​ത്തി​ലും ഇ​ദ്ദേ​ഹം ബൈ​ക്കി​ൽ മു​ന്പി​ലു​ണ്ടാ​കും. 80ക​ളി​ൽ ചി​ല സി​നി​മ​യി​ൽ സാ​ഹ​സി​ക രം​ഗ​ങ്ങ​ളി​ൽ ഡ്യൂ​പ്പാ​യും ത​ങ്ക​ച്ച​ൻ എ​ത്തി​യി​ട്ടു​ണ്ട്. അ​ര​നൂ​റ്റാ​ണ്ടാ​യി സാ​ഹ​സികപ്ര​ക​ട​നരം​ഗ​ത്തു​ള്ള ത​ങ്ക​ച്ച​ന് അ​ർ​ഹി​ക്കു​ന്ന അം​ഗീ​കാ​രം ല​ഭി​ച്ചി​ട്ടി​ല്ല. ഇ​തി​ൽ അ​ദ്ദേ​ഹ​ത്തി​ന് പ​രി​ഭ​വം ഒ​ട്ടു​മി​ല്ല. ത​നി​ക്കു ക​ഴി​യു​ന്ന ഒ​രു കാ​ര്യം ജ​ന​ങ്ങ​ൾ​ക്ക് മു​ന്പി​ൽ അ​വ​ത​രി​പ്പി​ക്കു​ന്നു. അ​വ​ർ ത​രു​ന്ന സം​ഭാ​വ​ന ഏ​റ്റു​വാ​ങ്ങു​ന്നു, അ​ത്ര മാ​ത്രം - ഇ​താ​ണ് ത​ങ്ക​ച്ച​ന്‍റെ എ​ളി​യ മ​റു​പ​ടി.

ബൈ​ക്കി​നു പു​റ​ത്തെ ജീ​വി​തം

താ​ൻ 51 മോ​ഡ​ൽ ആ​ണെ​ന്നാ​ണ് വ​യ​സ് ചോ​ദി​ക്കു​ന്ന ആ​രോ​ടും ത​ങ്ക​ച്ച​ന്‍റെ മ​റു​പ​ടി. ഇ​പ്പോ​ൾ വ​യ​സ് 67 ആ​യി. ത​ന്‍റെ ശ​രീ​ര​ത്തി​ന്‍റെ ഭാ​ഗ​മാ​യി തീ​ർ​ന്ന ജാ​വാ മോ​ട്ടോ​ർ സൈ​ക്കി​ളി​നും അ​തേ പ്രാ​യം.1956 മോ​ഡ​ൽ ജാ​വ ബൈ​ക്കാ​ണ് ഈ ​അ​ഭ്യാ​സി​യേ​യും കൊ​ണ്ട് ആ​ൾ​ക്കൂ​ട്ട​ത്തെ കി​ടു​കി​ടാ വി​റ​പ്പി​ച്ചു​കൊ​ണ്ടു പാ​യു​ന്ന​ത്. ക​ഴി​ഞ്ഞ 40 വ​ർ​ഷ​മാ​യി മെ​രു​ക്ക​മു​ള​ള ഒ​രു ഇ​രു​ന്പു മൃ​ഗ​മാ​യി തോ​ന്നി​ക്കു​ന്ന ഈ ​ജാ​വ ബൈ​ക്കി​ന്‍റെ പു​റ​ത്താ​ണ് ത​ങ്ക​ച്ച​ന്‍റെ ജീ​വി​തം. പ​ഴ​യ വാ​ഹ​ന​ങ്ങ​ളെ പ്രാ​ണ​നെ​പ്പോ​ലെ സ്നേ​ഹി​ക്കു​ന്ന ത​ങ്ക​ച്ച​ന് മൊ​ത്തം ആ​റു ബൈ​ക്കു​ക​ളു​ണ്ട്.​അ​തി​നാ​ൽ ത​ന്‍റെ തെ​രു​വോ​ര അ​ഭ്യാ​സ​ത്തെ ഒ​രി​ക്ക​ലും ക​ട്ട​പ്പു​റ​ത്ത് ക​യ​റ്റേ​ണ്ടി വ​ന്നി​ട്ടി​ല്ല. ഉ​ഴ​വൂ​രി​ലു​ള​ള ത​ന്‍റെ വീ​ട്ടി​ൽ ത​ന്നെ​യാ​ണ് വാ​ഹ​ന​ങ്ങ​ളു​ടെ ത​ക​രാ​റു​ക​ൾ പ​രി​ഹ​രി​ക്കു​ന്ന​തും.​പ​ഴ​യ ബൈ​ക്കു​ക​ളു​ടെ ഇ​പ്പോ​ൾ കി​ട്ടാ​നി​ല്ലാ​ത്ത സ്പെ​യ​ർ​പാ​ർ​ട്സു​ക​ളെ​ല്ലാം ത​ങ്ക​ച്ച​ന്‍റെ വീ​ട്ടി​ൽ സ്റ്റോ​ക്കു​ണ്ട്. ആ​ദ്യ​കാ​ല​ത്തു കൂ​ട്ടു​കാ​രു​മാ​യി ചേ​ർ​ന്ന് നാ​ട​ൻ സ​ർ​ക്ക​സ് ഗ്രൂ​പ്പ് ഉ​ണ്ടാ​ക്കി​യി​രു​ന്നു. അ​ക്കാ​ല​ത്തെ സ​ഹ​യാ​ത്രി​ക​യാ​യി​രു​ന്ന ഏ​ല​മ്മ​യാ​ണ് ത​ങ്ക​ച്ച​ന്‍റെ ജീ​വി​ത സ​ഖി.

കു​ട്ടി​ക​ളി​ല്ലാ​ത്ത ത​നി​ക്ക് ഈ ​ബൈ​ക്കു​ക​ളാ​ണ് കു​ട്ടി​ക​ളെ​ന്ന് ത​ങ്ക​ച്ച​ൻ പ​റ​യും. വ​ർ​ഷ​ങ്ങ​ൾ​ക്കു മു​ന്പ് സ്ട്രോ​ക്ക് വ​ന്ന് ആ​റു വ​ർ​ഷ​ത്തോ​ളം കി​ട​പ്പാ​യ​താ​ണ് ഇ​ദ്ദേ​ഹ​ത്തി​ന്‍റെ ജീ​വി​ത​ത്തി​ലെ വ​ലി​യ ബ്രേ​ക്ക്. ശാ​രീ​രി​ക അ​സ്വ​സ്ഥ​തക​ൾ മാ​റ്റി​വ​ച്ചാ​ണ് ഇ​പ്പോ​ഴ​ത്തെ അ​ഭ്യാ​സം. ആ​യു​സി​ന്‍റെ അറ്റം വ​രെ​യും ത​ന്‍റെ സാ​ഹ​സി​ക പ്ര​ക​ട​നം തു​ട​ര​ണ​മെ​ന്നാ​ണ് ഈ ​മോ​ട്ടോ​ർ സൈ​ക്കി​ൾ അ​ഭ്യാ​സി​യു​ടെ ആ​ഗ്ര​ഹം.

ജി​ബി​ൻ കു​ര്യ​ൻ


Loading...