പൂഴിക്കടകനായി വീണ്ടും രാമക്ഷേത്രം!
ഡല്‍ഹിഡയറി / ജോ​ർ​ജ് ക​ള്ളി​വ​യ​ലി​ൽ

തെ​ര​ഞ്ഞെ​ടു​പ്പു കാ​ലം അ​ടു​ക്കു​ന്പോ​ൾ ബി​ജെ​പി​യും സം​ഘ​പ​രി​വാ​റും അ​വ​സാ​ന ആ​യു​ധം പു​റ​ത്തെ​ടു​ക്കും. രാ​മ​ക്ഷേ​ത്ര രാ​ഷ്‌​ട്രീ​യ​ത്തി​നു വീ​ണ്ടും തി​രി​കൊ​ളു​ത്തി​യി​രി​ക്കു​ക​യാ​ണു സം​ഘ​പ​രി​വാ​ർ. യു​പി​യി​ലെ ഫൈ​സാ​ബാ​ദ് ജി​ല്ല​യു​ടെ പേ​ര് അ​യോ​ധ്യ എ​ന്നാ​ക്കി​യ​തും ഗു​ജ​റാ​ത്തി​ലെ സ​ർ​ദാ​ർ പ​ട്ടേ​ലി​നേ​ക്കാ​ൾ വ​ലി​യ രാ​മ​പ്ര​തി​മ അ​യോ​ധ്യ​യി​ൽ സ്ഥാ​പി​ക്കും എ​ന്ന​ത​ട​ക്ക​മു​ള്ള പ്ര​ഖ്യാ​പ​ന​ങ്ങ​ളും രാ​മ​ക്ഷേ​ത്ര നി​ർ​മാ​ണ ര​ഥ​യാ​ത്ര​ക​ളും പു​തി​യ ത​ന്ത്ര​ത്തി​ന്‍റെ തു​ട​ക്കം മാ​ത്ര​മാ​കും.

ന​ല്ല ദി​ന​ങ്ങ​ൾ (അ​ച്ഛേ ദി​ൻ) വാ​ഗ്ദാ​നം ചെ​യ്താ​ണ് ന​രേ​ന്ദ്ര മോ​ദി നാ​ല​ര വ​ർ​ഷം മു​ന്പ് വ​ൻ​വി​ജ​യം നേ​ടി​യ​ത്. വി​ക​സ​നം, തൊ​ഴി​ൽ, സു​താ​ര്യ​ത എ​ന്നി​വ കൊണ്ടുവരിക​യും അ​ഴി​മ​തി അ​വ​സാ​നി​പ്പി​ക്കു​ക​യും ക​ള്ള​പ്പ​ണം വീ​ണ്ടെടു​ക്കു​ക​യും ചെ​യ്യു​മെ​ന്ന​താ​യി​രു​ന്നു മോ​ദി​യു​ടെ വാ​ഗ്ദാ​നം. എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന ഭ​ര​ണ​മെ​ന്ന​തും മോ​ദി​യു​ടെ മോ​ഹി​പ്പി​ക്ക​ലി​ൽ മു​ഖ്യ​മാ​യി​രു​ന്നു.

• 2014ൽ ​ബ്രാ​ൻ​ഡ് മോ​ദി

കോ​ടി​ക്ക​ണ​ക്കി​ന് സാ​ധാ​ര​ണ ജ​ന​ങ്ങ​ളി​ലും വ​ൻ​കി​ട വ്യ​വ​സാ​യി​ക​ളി​ലും ഒ​രു​പോ​ലെ വ​ലി​യ പ്ര​തീ​ക്ഷ ഉ​ണ​ർ​ത്തി​യ ബ്രാ​ൻ​ഡ് മോ​ദി​യാ​യി​രു​ന്നു 2014ന്‍റെ പ്ര​ധാ​ന തു​റു​പ്പു​ചീ​ട്ട്. ആ​ർ​എ​സ്എ​സി​ന്‍റെ ത​ന്നെ പ​ഴ​യ പ്ര​ചാ​ര​ക​നും സ​ഷ്ടി​യു​മാ​ണു സാ​ക്ഷാ​ൽ ന​രേ​ന്ദ്ര മോ​ദി എ​ന്ന​തി​നാ​ൽ മോ​ദി ബ്രാ​ൻ​ഡി​ന്‍റെ മാ​ർ​ക്ക​റ്റിം​ഗി​ന് കൃ​ത്യ​മാ​യ പ​ദ്ധ​തി​യു​ണ്ടാ​യ​തും സ്വാ​ഭാ​വി​കം. പു​തു​യു​ഗ​ത്തി​ലേ​ക്ക് ഇ​ന്ത്യ​യെ ന​യി​ക്കാ​ൻ വ്യ​ത്യ​സ്ത​നാ​യ നേ​താ​വെ​ന്ന പ്ര​തീ​ക്ഷ ലോ​ക​രാ​ജ്യ​ങ്ങ​ളി​ൽ പോ​ലും ഉ​ണ​ർ​ത്താ​ൻ മോ​ദി​യു​ടെ മാ​ർ​ക്ക​റ്റിം​ഗ് വി​ദ​ഗ്ധ​ർ​ക്കു പ്ര​യാ​സ​മു​ണ്ടാ​യി​ല്ല.

പൊ​തു​വേ മാ​ന്യ​നും ശാ​ന്ത​നും മി​ത​ഭാ​ഷി​യു​മാ​യ മ​ൻ​മോ​ഹ​ൻ സിം​ഗി​ൽ നി​ന്നു വ്യ​ത്യ​സ്ത​നാ​യ ക​രു​ത്ത​നാ​ണ് മോ​ദി​യെ​ന്ന പ്ര​തി​ച്ഛാ​യ​യും ന​ന്നാ​യി വി​പ​ണ​നം ചെ​യ്തു. യു​പി​യി​ലും മ​ധ്യ​പ്ര​ദേ​ശി​ലും ഗു​ജ​റാ​ത്തി​ലും അ​ട​ക്കം ഹി​ന്ദു​ത്വ രാ​ഷ്‌​ട്രീ​യ​വും മേ​ന്പൊ​ടി​യാ​യി​രു​ന്നു. ജാ​തി, മ​ത ധ്രു​വീ​ക​ര​ണ​ത്തി​നു വേ​ണ്ട പൊ​ടി​ക്കൈ​ക​ൾ കൂ​ടി ഫ​ലി​ച്ച​തോ​ടെ, ച​രി​ത്ര​ത്തി​ലെ മി​ക​ച്ച ജ​യ​ത്തോ​ടെ ന​രേ​ന്ദ്ര മോ​ദി അ​ധി​കാ​രം പി​ടി​ച്ചു.

സ്വ​ന്തം സം​സ്ഥാ​ന​മാ​യ ഗു​ജ​റാ​ത്തി​നു പു​റ​മേ ഹി​ന്ദു​ത്വ രാ​ഷ്‌​ട്രീ​യ​ത്തി​ലെ മു​ഖ്യ പ​രീ​ക്ഷ​ണ​ശാ​ല​യാ​യ യു​പി​യി​ൽ നി​ന്നു കൂ​ടി ലോ​ക്സ​ഭ​യി​ലേ​ക്കു മോ​ദി​യെ മത്സ​രി​പ്പി​ക്കാ​നു​ള്ള ആ​ർ​എ​സ്എ​സ് ത​ന്ത്രം ശ​രി​ക്കും കു​റി​ക്കു​കൊ​ണ്ടു. വാ​രാ​ണ​സി പ്ര​ഭ​വ​കേ​ന്ദ്ര​മാ​യി വീ​ശി​യ​ടി​ച്ച ഹി​ന്ദു​ത്വ കാ​റ്റി​ൽ യു​പി​യി​ലെ 80ൽ 72 ​ലോ​ക്സ​ഭാ സീ​റ്റു​ക​ളും പോ​ക്ക​റ്റി​ലാ​ക്കി ഹി​ന്ദി ബെ​ൽ​റ്റി​ൽ കാ​വി​ക്കൊ​ടി പാ​റി​ക്കാ​ൻ ബി​ജെ​പി​ക്കാ​യി. അ​ടു​ത്ത തെ​ര​ഞ്ഞെ​ടു​പ്പി​ൽ ഒ​ഡീ​ഷ​യി​ലെ പു​രി​യി​ൽ മ​ത്സ​രി​ച്ച് പു​തി​യ ഹി​ന്ദു​ത്വ പ്ര​ഭ​വ​കേ​ന്ദ്രം സൃ​ഷ്ടി​ക്കാ​നാ​ണു മോ​ദി​യു​ടെ ശ്ര​മ​മെ​ന്നാ​ണു സൂ​ച​ന.

ഉ​ത്ത​ർ​പ്ര​ദേ​ശി​ലെ മു​സാ​ഫ​ർനഗറി​ലും മ​റ്റും ടെ​സ്റ്റ് ഡോ​സ് എ​ന്ന നി​ല​യി​ൽ ക​ഴി​ഞ്ഞ പൊ​തു​തെ​ര​ഞ്ഞെ​ടു​പ്പി​ന് മു​ന്പു​ണ്ടാ​യ വ​ർ​ഗീ​യ ക​ലാ​പ​ങ്ങ​ൾ ആ​ർ​എ​സ്എ​സി​ന്‍റെ 2014ലെ ​ത​ന്ത്ര​ങ്ങ​ൾ​ക്കു ശ​ക്തി​പ​ക​ർ​ന്നു. ഗോ​ഹ​ത്യ​യു​ടെ പേ​രി​ൽ മു​ഹ​മ്മ​ദ് അ​ഖ്‌​ലാ​ക് എ​ന്ന​യാ​ളെ വീ​ട്ടി​ൽ ക​യ​റി ജ​ന​ക്കൂ​ട്ടം ത​ല്ലി​ക്കൊ​ന്ന​തും ദ​ളി​ത​രെ​യും ന്യൂ​ന​പ​ക്ഷ​ങ്ങ​ളെ​യും പ​ല​യി​ട​ങ്ങ​ളി​ൽ ആ​ക്ര​മി​ച്ച​തും വെ​റു​തെ സം​ഭ​വി​ക്കു​ന്ന​ത​ല്ല. യു​പി​യി​ലെ ബു​ല​ന്ദ്ഷ​ഹ​റി​ൽ ക​ഴി​ഞ്ഞ​യാ​ഴ്ച പ​ശു​വി​ന്‍റെ പേ​രി​ൽ പോ​ലീ​സ് ഇ​ൻ​സ്പെ​ക്ട​റെ കൊ​ല​പ്പെ​ടു​ത്തി​യ സം​ഭ​വ​വും പ​ല​തി​ന്‍റെ​യും തു​ട​ക്ക​മോ പ​രീ​ക്ഷ​ണ​മോ ആ​യേ​ക്കും. യോ​ഗി ആ​ദി​ത്യ​നാ​ഥി​നെ യു​പി മു​ഖ്യ​മ​ന്ത്രി ആ​ക്കി​യ​തു ത​ന്നെ ആ​ർ​എ​സ്എ​സി​ന്‍റെ നേ​രി​ട്ടു​ള്ള ഇ​ട​പെ​ട​ലി​ലൂ​ടെ​യാ​യി​രു​ന്നു.

• കൈ​വി​രി​ച്ച് ആ​ർ​എ​സ്എ​സ്

ഡ​ൽ​ഹി​യി​ൽ മോ​ദി സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ​തി​ന്‍റെ പ​ച്ച​പ്പി​ൽ കേ​ന്ദ്ര​ത്തി​ലും പ​ല സം​സ്ഥാ​ന​ങ്ങ​ളി​ലും ആ​ർ​എ​സ്എ​സ് ഭ​ര​ണ​ത്തി​ൽ പി​ടി​മു​റു​ക്കി. കേ​ന്ദ്ര​ത്തി​ലെ മ​ന്ത്രി​മാ​രി​ൽ ഭൂ​രി​പ​ക്ഷ​വും ആ​ർ​എ​സ്എ​സി​ന്‍റെ പ്ര​ചാ​ര​ക​രോ വ​ള​രെ വേ​ണ്ടപ്പെ​ട്ട​വ​രോ ആ​യ​തു സ്വാ​ഭാ​വി​കം. ആ​ർ​എ​സ്എ​സു​കാ​രാ​യ മു​ഖ്യ​മ​ന്ത്രി​മാ​രും ഗ​വ​ർ​ണ​ർ​മാ​രും സം​സ്ഥാ​ന​ങ്ങ​ളി​ലും എ​ത്തി. എ​ൻ​ഡി​എ മു​ന്ന​ണി സ​ർ​ക്കാ​രാ​ണ് അ​ധി​കാ​ര​ത്തി​ൽ എ​ത്തി​യ​തെ​ങ്കി​ലും ഫ​ല​ത്തി​ൽ ബാ​ഹ്യ​ശ​ക്തി​യു​ടെ പൂ​ർ​ണ നി​യ​ന്ത്ര​ണ​ത്തി​ലാ​യി​രു​ന്നു കേ​ന്ദ്ര​ത്തി​ലെ​യും നി​ര​വ​ധി സം​സ്ഥാ​ന​ങ്ങ​ളി​ലെ​യും സ​ർ​ക്കാ​രു​ക​ൾ.

ആ​ർ​എ​സ്എ​സ് നേ​താ​ക്ക​ളു​ടെ മ​ന്ത്രി​സ​ഭ​യി​ലെ സ്വാ​ധീ​ന​വും ഇ​ട​പെ​ട​ലു​ക​ളും പ​ര​സ്യ​മാ​ക്കാ​നും അം​ഗീ​ക​രി​ക്കാ​നും ആ​ർ​എ​സ്എ​സ് നേ​തൃ​ത്വ​മോ മോ​ദി​യോ മു​തി​ർ​ന്ന മ​ന്ത്രി​മാ​രോ മ​ടി​ച്ച​തു​മി​ല്ല. ആ​ർ​എ​സ്എ​സ് നേ​താ​ക്ക​ളു​മാ​യി പ​തി​വാ​യി പ്ര​ധാ​ന​മ​ന്ത്രി ത​ന്നെ ആ​ശ​യ​വി​നി​മ​യം ന​ട​ത്തി. ദി​വ​സം മു​ഴു​വ​ൻ നീ​ണ്ട ച​ർ​ച്ച​ക​ൾ ന​ട​ന്നു. പാ​ർ​ട്ടി​യി​ലെ​യും മ​ന്ത്രി​സ​ഭ​യി​ലെ​യും ആ​ർ​എ​സ്എ​സ് പ്ര​തി​നി​ധി​ക​ളു​ടെ നേ​രി​ട്ടു​ള്ള പ്രാ​തി​നി​ധ്യ​ത്തി​നു പു​റ​മേ​യാ​ണി​തെ​ല്ലാം.

കേ​ന്ദ്ര​മ​ന്ത്രി​മാ​രു​ടെ​യും മു​ഖ്യ​മ​ന്ത്രി​മാ​രു​ടെ​യും പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​നും നി​യ​ന്ത്രി​ക്കാ​നും ആ​ർ​എ​സ്എ​സ് പ്ര​വ​ർ​ത്ത​ക​രെ​യും അ​നു​ഭാ​വി​ക​ളെ​യും എ​ല്ലാ മ​ന്ത്രാ​ല​യ​ങ്ങ​ളി​ലും നി​യോ​ഗി​ച്ചു. മ​ന്ത്രി​മാ​രു​ടെ ഓ​ഫീ​സി​ൽ ഐ​എ​എ​സു​കാ​രും അ​ല്ലാ​ത്ത​വ​രു​മാ​യ ബി​ജെ​പി അ​നു​കൂ​ല ഉ​ദ്യോ​ഗ​സ്ഥ​രെ നി​യോ​ഗി​ച്ചാ​ണു ഭ​ര​ണ​ത്തി​ൽ പി​ടി​മു​റു​ക്കി​യ​തെ​ന്ന​തും അ​ത്ര ര​ഹ​സ്യ​മ​ല്ല.

കേ​ന്ദ്ര പ​ദ്ധ​തി​ക​ളു​ടെ ന​ട​ത്തി​പ്പി​നും വ​ൻ​തു​ക​യ്ക്കു​ള്ള ക​രാ​റു​ക​ൾ ന​ൽ​കു​ന്ന​തി​ലും ക​മ്മീ​ഷ​ൻ വാ​ങ്ങു​ന്ന​തി​ലു​മെ​ല്ലാം അ​ദൃ​ശ്യ​ക​ര​ങ്ങ​ൾ ഉ​ണ്ടെന്നു​ള്ള​തു ഡ​ൽ​ഹി​യി​ൽ പാ​ട്ടാ​ണ്. അം​ബാ​നി​യും അ​ദാ​നി​യും പോ​ലു​ള്ള വ​ൻ​കി​ട​ക്കാ​രെ​യും മ​റ്റും മോ​ദി​യും അ​മി​ത് ഷാ​യും നേ​രി​ട്ടു​ത​ന്നെ സു​ഖി​പ്പി​ച്ചു. മ​റ്റു​ള്ള മു​ത​ലാ​ളി​മാ​രെ​യും പാ​ട്ടി​ലാ​ക്കി​യ​തി​ന്‍റെ തെ​ളി​വാ​ണ് ബി​ജെ​പി​ക്കു കി​ട്ടി​യ വ​ൻ​തു​ക​യു​ടെ ഫ​ണ്ടു​ക​ൾ.

നോ​ട്ട് റദ്ദാക്ക​ൽ മു​ത​ൽ റ​ഫാ​ൽ പോ​ർ​വി​മാ​ന ഇ​ട​പാ​ട് അ​ട​ക്ക​മു​ള്ള ക​രാ​റു​ക​ൾ വ​രെ​യെ​ല്ലാം അ​ധി​കാ​ര​കേ​ന്ദ്രീ​ക​ര​ണ​ത്തി​ന്‍റെ വ്യ​ക്ത​മാ​യ അ​ട​യാ​ള​ങ്ങ​ളാ​യി. ഭ​ര​ണ​ത്തി​ന് ആ​വ​ശ്യ​മാ​യ ന​യ​പ​ര​വും നി​യ​മ​പ​ര​വു​മാ​യ മാ​റ്റ​ങ്ങ​ൾ വ​രെ ആ​ർ​എ​സ്എ​സും മോ​ദി​യു​ടെ വി​ശ്വ​സ്ത​രാ​യ മു​ത​ലാ​ളി​മാ​രും അ​റി​യു​ക​യോ നി​ർ​ദേ​ശി​ക്കു​ക​യോ ചെ​യ്തു​വ​രു​ന്നു​വെ​ന്നാ​ണ് റി​പ്പോ​ർ​ട്ടു​ക​ൾ.

• എ​ങ്ങ​നെ​യും അ​ധി​കാ​രം

ഉ​ത്ത​ർ​പ്ര​ദേ​ശ്, ഹ​രി​യാ​ന, ഉ​ത്ത​രാ​ഖ​ണ്ഡ്, ജാ​ർ​ഖ​ണ്ഡ്, ആ​സാം എ​ന്നി​വ മു​ത​ൽ സി​പി​എ​മ്മി​ന്‍റെ കോ​ട്ട​യാ​യി​രു​ന്ന ത്രി​പു​ര വ​രെ​യു​ള്ള സം​സ്ഥാ​ന​ങ്ങ​ളി​ലെ തെ​ര​ഞ്ഞെ​ടു​പ്പി​ൽ വ​ൻ​വി​ജ​യം നേ​ടി​യ​തോ​ടെ ബി​ജെ​പി​യു​ടെ​യും സം​ഘ​പ​രി​വാ​റി​ന്‍റെ​യും ക​രു​ത്തു​കൂ​ടി. ജ​ന​വി​ധി അ​നു​കൂ​ല​മാ​യി​ട​ത്തും അ​ല്ലാ​ത്തി​ട​ത്തും ബി​ജെ​പി സ​ർ​ക്കാ​രു​ക​ളെ അ​ധി​കാ​ര​ത്തി​ലെ​ത്തി​ക്കാ​ൻ നേ​രി​ട്ടും വ​ള​ഞ്ഞ വ​ഴി​ക​ളും പ​യ​റ്റി​യ​തും ര​ഹ​സ്യ​മ​ല്ല.


ഭൂ​രി​പ​ക്ഷം ഇ​ല്ലാ​തി​രു​ന്ന ഗോ​വ, മേ​ഘാ​ല​യ അ​ട​ക്ക​മു​ള്ള സം​സ്ഥാ​ന​ങ്ങ​ളി​ലും തു​ട​ക്ക​ത്തി​ൽ ക​ർ​ണാ​ട​ക​യി​ലും പ​ണ​വും പ്ര​ലോ​ഭ​ന​ങ്ങ​ളു​മാ​യി അ​ധി​കാ​രം പി​ടി​ക്കാ​ൻ ബി​ജെ​പി പ​യ​റ്റി​യ ക​ളി​ക​ൾ അ​ത്ര ര​ഹ​സ്യ​മ​ല്ല. രാ​ഷ്‌​ട്രീ​യ​മാ​യി ഒ​രി​ക്ക​ലും ചേ​രി​ല്ലെ​ന്നു ക​രു​തി​യ പി​ഡി​പി​യു​മാ​യി ചേ​ർ​ന്ന് ജ​മ്മു കാ​ഷ്മീ​രി​ൽ മ​ന്ത്രി​സ​ഭ ഉ​ണ്ടാ​ക്കാ​ൻ വ​രെ ബി​ജെ​പി മ​ടി​ച്ചി​ല്ല.

തു​ട​ക്ക​ത്തി​ലേ ക​രു​തി​യ​തു​പോ​ലെ ജ​മ്മു കാ​ഷ്മീ​രി​ലെ മെ​ഹ​ബൂ​ബ മു​ഫ്തി സ​ർ​ക്കാ​ർ നി​ലം​പ​തി​ച്ച​തും രാ​ഷ്‌​ട്ര​പ​തി ഭ​ര​ണം ഏ​ർ​പ്പെ​ടു​ത്തി ഗ​വ​ർ​ണ​റി​ലൂ​ടെ കേ​ന്ദ്ര​ഭ​ര​ണം ന​ട​പ്പാ​ക്കി​യ​തും രാ​ജ്യം ക​ണ്ടു. പ​ക്ഷേ ബി​ജെ​പി ഇ​ല്ലാ​ത്ത ബ​ദ​ൽ സ​ർ​ക്കാ​രി​ന് തീ​രു​മാ​ന​മാ​യ​പ്പോ​ൾ ഒ​രു​ളു​പ്പു​മി​ല്ലാ​തെ പെ​ട്ടെ​ന്ന് നി​യ​മ​സ​ഭ പി​രി​ച്ചു​വി​ട്ട ന​ട​പ​ടി​യും വി​വാ​ദ​മാ​യ​ത് അ​ടു​ത്തി​ടെ​യാ​ണ്.

എ​ങ്ങ​നെ​യും അ​ധി​കാ​രം പി​ടി​ക്കാ​നു​ള്ള ആ​വേ​ശ​ത്തി​ൽ ഉ​ത്ത​രാ​ഖ​ണ്ഡി​ലെ തെ​ര​ഞ്ഞെ​ടു​ക്ക​പ്പെ​ട്ട കോ​ണ്‍ഗ്ര​സ് സ​ർ​ക്കാ​രി​നെ പി​രി​ച്ചു​വി​ട്ട് രാ​ഷ്‌​ട്ര​പ​തി ഭ​ര​ണം ഏ​ർ​പ്പെ​ടു​ത്തി​യ​തും മ​റ​ക്ക​രു​ത​ല്ലോ. ഉ​ത്ത​രാ​ഖ​ണ്ഡി​ലെ രാ​ഷ്‌​ട്ര​പ​തി​ഭ​ര​ണം റ​ദ്ദാ​ക്കി​യ വി​ധി​യു​ടെ പേ​രി​ൽ ജ​സ്റ്റീ​സ് കെ.​എം. ജോ​സ​ഫി​ന്‍റെ സു​പ്രീം​കോ​ട​തി​യി​ലെ നി​യ​മ​നം ത​ട​യാ​നും ത​ട​സ​പ്പെ​ടു​ത്താ​നും താ​മ​സി​പ്പി​ക്കാ​നും കേ​ന്ദ്ര​സ​ർ​ക്കാ​ർ ന​ട​ത്തി​യ നാ​ണം​കെ​ട്ട ക​ളി​ക​ളും മ​റ​ക്കാ​റാ​യി​ല്ല.

• എ​ക്സി​റ്റ് പോ​ൾ സൂ​ച​ന​ക​ൾ

മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തീ​സ്ഗ​ഡ്, തെ​ലു​ങ്കാ​ന, മി​സോ​റം സം​സ്ഥാ​ന നി​യ​മ​സ​ഭ​ക​ളി​ലേ​ക്കു​ള്ള വോ​ട്ടെ​ടു​പ്പു ക​ഴി​ഞ്ഞ​തോ​ടെ ദേ​ശീ​യ രാ​ഷ്‌​ട്രീ​യം ഇ​നി പൊ​തു​തെ​ര​ഞ്ഞെ​ടു​പ്പി​നാ​യു​ള്ള ഒ​രു​ക്ക​ങ്ങ​ളി​ലേ​ക്കു ക​ട​ക്കും. എ​ക്സിറ്റ്് പോ​ളു​ക​ളു​ടെ ഫ​ലം ബി​ജെ​പി​ക്കും കോ​ണ്‍ഗ്ര​സി​നും പൂ​ർ​ണ തൃ​പ്തി​യാ​കി​ല്ല. മി​ക്ക സം​സ്ഥാ​ന​ങ്ങ​ളി​ലും പോ​രാ​ട്ടം ക​ടു​ത്ത​താ​യി​രു​ന്നു​വെ​ന്ന ക​ണ​ക്കു​കൂ​ട്ട​ൽ ശ​രി​വ​യ്ക്കു​ന്ന​താ​ണ് ഫ​ലം. രാ​ജ​സ്ഥാ​നി​ലും മ​ധ്യ​പ്ര​ദേ​ശി​ലും കോ​ണ്‍ഗ്ര​സി​നു കേ​വ​ല ഭൂ​രി​പ​ക്ഷം കി​ട്ടു​മെ​ന്നാ​ണു എ​ക്സി​റ്റ് പോ​ൾ ഫ​ല സൂ​ച​ന​ക​ൾ. തെ​ലു​ങ്കാ​ന​യി​ൽ ടി​ആ​ർ​എ​സി​നു മു​ൻ​തൂ​ക്ക​മെ​ന്നാ​ണു പ്ര​വ​ച​നം.

ചി​ല സം​സ്ഥാ​ന​ങ്ങ​ളി​ൽ കേ​വ​ല​ഭൂ​രി​പ​ക്ഷം കി​ട്ടി​യാ​ലും ഇ​ല്ലെ​ങ്കി​ലും ഗ​വ​ർ​ണ​ർ​മാ​രു​ടെ സ​ഹാ​യ​ത്തോ​ടെ മ​ന്ത്രി​സ​ഭ രൂ​പീ​ക​രി​ക്കാ​നു​ള്ള നീ​ക്ക​ങ്ങ​ൾ ബി​ജെ​പി തു​ട​ങ്ങി​ക്ക​ഴി​ഞ്ഞ​താ​യും റി​പ്പോ​ർ​ട്ടു​ക​ളു​ണ്ട്. ഒ​രി​ക്ക​ൽ​ക്കൂ​ടി കോ​ണ്‍ഗ്ര​സ് മു​ട്ടു​മ​ട​ക്കേ​ണ്ടി​വ​രു​മോ​യെ​ന്നും രാ​ജ്യം ഉ​റ്റു​നോ​ക്കു​ക​യാ​ണ്.

ചൊ​വ്വാ​ഴ്ച തു​ട​ങ്ങു​ന്ന പാ​ർ​ല​മെ​ന്‍റി​ന്‍റെ ശീതകാ​ല സ​മ്മേ​ള​നം പ്ര​ക്ഷു​ബ്ധ​മാ​ക്കാ​നു​ള്ള ചേ​രു​വ​ക​ൾ അ​ഞ്ചു സം​സ്ഥാ​ന​ങ്ങ​ളി​ലെ ജ​ന​വി​ധി​യും സ​ർ​ക്കാ​ർ രൂ​പീ​ക​ര​ണ ക​ളി​ക​ളും സ​മ്മാ​നി​ക്കു​മെ​ന്ന​തി​ൽ സം​ശ​യി​ക്കാ​നി​ല്ല. മ​ധ്യ​പ്ര​ദേ​ശി​ലും രാ​ജ​സ്ഥാ​നി​ലും തെ​ലു​ങ്കാ​ന​യി​ലും അ​ട​ക്കം വി​ക​സ​ന പ്ര​ശ്ന​ങ്ങ​ളേ​ക്കാ​ളേ​റെ ഹി​ന്ദു​ത്വ രാ​ഷ്‌​ട്രീ​യ​വും രാ​മ​ക്ഷേ​ത്ര​നി​ർ​മാ​ണ​വും ച​ർ​ച്ച​യാ​ക്കു​ന്ന​തി​ൽ ബി​ജെ​പി വി​ജ​യി​ച്ചി​രു​ന്നു. ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ സെ​മി​ഫൈ​ന​ലി​ൽ ക​ണ്ടതി​ലേ​റെ തീ​വ്ര​മാ​യ ധ്രു​വീ​ക​ര​ണ ശ്ര​മ​ങ്ങ​ളാ​കും ഇ​നി​യു​ള്ള മാ​സ​ങ്ങ​ളി​ൽ ജ​നം കാ​ണു​ക.

• വി​ക​സ​ന അ​ജ​ൻ​ഡ കൊ​ട്ട​യി​ൽ

അ​ഞ്ചു സം​സ്ഥാ​ന​ങ്ങ​ളി​ലെ ജ​ന​വി​ധി​യും പു​തി​യ സ​ർ​ക്കാ​ർ രൂ​പീ​ക​ര​ണ​വും 2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​നെ കൂ​ടു​ത​ൽ സ​ങ്കീ​ർ​ണ​മാ​ക്കും. ഭ​ര​ണം കി​ട്ടി​യാ​ലും ജ​ന​പി​ന്തു​ണ കു​റ​യു​ന്ന​തും കോ​ണ്‍ഗ്ര​സി​ന്‍റെ മു​ന്നേ​റ്റ​വും ബി​ജെ​പി​ക്കു നി​ഷേ​ധി​ക്കാ​നാ​കി​ല്ല. ബി​ജെ​പി​യും കോ​ണ്‍ഗ്ര​സും ത​മ്മി​ൽ ക​ടു​ത്ത ബ​ല​പ​രീ​ക്ഷ​ണ​ങ്ങ​ൾ​ക്കാ​ണ് വാ​തി​ലു​ക​ൾ തു​റ​ക്കു​ന്ന​ത്. ബി​ജെ​പി​യെ നേ​രി​ടാ​ൻ ഐ​ക്യം അ​നി​വാ​ര്യ​മാ​ണെ​ന്ന് പ്ര​തി​പ​ക്ഷ​ത്തെ പ്ര​മു​ഖ നേ​താ​ക്ക​ൾ​ക്കും പാ​ർ​ട്ടി​ക​ൾ​ക്കും ബോ​ധ്യ​മാ​കാ​നും സം​സ്ഥാ​ന തെ​ര​ഞ്ഞെ​ടു​പ്പു​ക​ൾ കാ​ര​ണ​മാ​കും.

പ്ര​തി​പ​ക്ഷം യോ​ജി​ച്ചാ​ൽ ബി​ജെ​പി​ക്കും ന​രേ​ന്ദ്ര മോ​ദി​ക്കും മു​ന്നോ​ട്ടു​ള്ള വ​ഴി സു​ഗ​മ​മാ​കി​ല്ല. നി​ല​നി​ല്​പി​നു വേ​ണ്ടി ഒ​ന്നി​ക്കാ​ൻ പ്ര​തി​പ​ക്ഷ​ത്തെ നേ​താ​ക്ക​ൾ ത​യാ​റാ​കു​മോ​യെ​ന്ന് ഉ​റ​പ്പി​ക്കാ​നാ​കി​ല്ല. മാ​യാ​വ​തി​യെ പോ​ലു​ള്ള​വ​ർ എ​ങ്ങോ​ട്ടും ചാ​യാ​ൻ സാ​ധ്യ​ത​യേ​റെ​യാ​ണ്. എ​ങ്കി​ലും രാ​മ​ക്ഷേ​ത്ര നി​ർ​മാ​ണം, ഗോ​വ​ധം തു​ട​ങ്ങി​യ​വ​യു​മാ​യി ഭൂ​രി​പ​ക്ഷ സ​മു​ദാ​യ വോ​ട്ടു​ക​ളു​ടെ ധ്രുവീ​ക​ര​ണ​ത്തി​നാ​കും മോ​ദി​യും സം​ഘ​പ​രി​വാ​റും ഇ​നി ക​ച്ച മു​റു​ക്കു​ക.

ഏ​പ്രി​ലി​ൽ ന​ട​ക്കേ​ണ്ട ലോ​ക്സ​ഭാ തെ​ര​ഞ്ഞെ​ടു​പ്പി​ൽ വി​ക​സ​ന അ​ജ​ൻ​ഡ പി​ന്നാ​ന്പു​റ​ത്തേ​ക്കു ത​ള്ള​പ്പെ​ടു​മെ​ന്ന​തി​നു മ​തി​യാ​യ സൂ​ച​ന അ​ഞ്ചു നി​യ​മ​സ​ഭ​ക​ളി​ലേ​ക്കു ന​ട​ന്ന തെ​ര​ഞ്ഞെ​ടു​പ്പി​ൽ ത​ന്നെ​യു​ണ്ടാ​യി. അ​ഴി​മ​തി​ക്കെ​തി​രേ രാ​ജ്യ​ത്തു​യ​ർ​ന്ന പൊ​തു​വി​കാ​രം 2014ൽ ​മു​ത​ലാ​ക്കാ​ൻ മോ​ദി​ക്കാ​യി. എ​ന്നാ​ൽ, ഇ​ക്കു​റി അ​ത് അ​ഗ​സ്ത വെ​സ്റ്റ​്‌ലാ​ൻ​ഡ്, റ​ഫാ​ൽ അ​ഴി​മ​തി​ക​ൾ ത​മ്മി​ലു​ള്ള വാ​ക്പോ​രി​ലേ​ക്കു മാ​റ്റാ​നാ​കും ശ്ര​മം.

• മ​ത​ഭ്രാ​ന്ത​ല്ല, വേ​ണ്ടതു ​വി​ക​സ​നം

വാ​ഗ്ദാ​നം ചെ​യ്ത ന​ല്ല ദി​ന​ങ്ങ​ളു​ടെ പ്ര​ഖ്യാ​പ​നം മോ​ദി ത​ന്നെ വി​സ്മ​രി​ച്ചു. ക​ള്ള​പ്പ​ണം വീ​ണ്ടെടു​ക്കും, വി​ല​ക്ക​യ​റ്റം ത​ട​യും, ക​ർ​ഷ​ക​ർ​ക്കു ര​ക്ഷ ന​ൽ​കും, ര​ണ്ടു കോ​ടി വീ​തം പേ​ർ​ക്ക് തൊ​ഴി​ൽ ന​ൽ​കും എ​ന്നി​വ അ​ട​ക്ക​മു​ള്ള മ​റ്റു പ​ല മു​ദ്രാ​വാ​ക്യ​ങ്ങ​ളും 2019ൽ ​കൊ​ട്ട​യി​ലെ​റി​യ​പ്പെ​ടും. ക്ഷേ​ത്ര​രാ​ഷ്‌‌​ട്രീ​യം മു​ന്പും ബി​ജെ​പി ക​ളി​ച്ചി​ട്ടു​ണ്ടെങ്കി​ലും പ​ഴ​യ​തി​ൽ നി​ന്നു വ്യ​ത്യ​സ്ത​മാ​കും 2019ലെ ​രാ​ഷ്‌​ട്രീ​യം. പ​ശു​വി​ന്‍റെ പേ​രി​ലും രാ​മ​ക്ഷേ​ത്ര​ത്തി​ന്‍റെ പേ​രി​ലും വോ​ട്ടു​പി​ടി​ക്കാ​ൻ വെ​ന്പു​ന്ന​വ​ർ രാ​ജ്യ​ത്തി​ന്‍റെ വ​ള​ർ​ച്ച​യും വി​ക​സ​ന​വും പു​രോ​ഗ​തി​യും ജ​ന​ക്ഷേ​മ​വും പി​ന്നി​ലേ​ക്കു ത​ള്ളു​ന്ന​താ​കും പ​ക്ഷേ വ​ലി​യ അ​പ​ക​ടം.

പ​ര​സ്പ​ര ബ​ഹു​മാ​ന​വും സ്വാ​ത​ന്ത്ര്യ​വും സ​മ​ത്വ​വും ആ​ക​ട്ടെ ന​വഭാ​ര​ത​ത്തി​ന്‍റെ അ​ടി​സ്ഥാ​ന​ശി​ല​ക​ൾ. ജാ​തി​യും മ​ത​വും പ്ര​ദേ​ശ​വും നോ​ക്കാ​തെ ഭാ​ര​ത​മാ​താ​വി​ന്‍റെ മ​ക്ക​ളെ ഒ​ന്നാ​യി കാ​ണാ​തെ ഇ​ന്ത്യ​ക്ക് പു​രോ​ഗ​തി​യും സു​ര​ക്ഷ​യും ഉ​ണ്ടാ​കി​ല്ല. മ​ത​ഭ്രാ​ന്തും ജാ​തി രാ​ഷ്‌​ട്ര​ീയ​വു​മ​ല്ല, മ​റി​ച്ച് നാ​നാ​ത്വ​വും വൈ​വി​ധ്യ​ങ്ങ​ളും സാ​ഹോ​ദ​ര്യ​വും നീ​തി​യും തു​ല്യ​ത​യു​മു​ള്ള വി​ക​സി​ത ഇ​ന്ത്യ​യാ​ണു വേ​ണ്ടത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.