‘കാട്ടുതീ’കൊളുത്തൽ: താക്കീതു നൽകണം : Deepika.com Letters

‘കാട്ടുതീ’കൊളുത്തൽ: താക്കീതു നൽകണം

Monday, February 24, 2020 11:46 PM IST

കടുത്ത വേനലിൽ എല്ലായിടത്തും ഇലകളും ചെടികളും ഉണങ്ങി കൂടിക്കിടക്കുന്ന സമയമാണ്.പലയിടങ്ങളിലും എളുപ്പത്തിൽ തീ പിടിക്കുന്ന പ്ലാസ്റ്റിക് കൂടുകളും കെട്ടുകളും ഉപേക്ഷിച്ചിട്ടിട്ടുമുണ്ട്. കരിഞ്ഞുണങ്ങിയ അടിക്കാടുകൾക്കു തീ പിടിച്ച് കാട്ടുതീ പടർന്ന വാർത്തകൾ വന്നു തുടങ്ങിയിട്ടുണ്ട്. ആരെങ്കിലും മനഃപൂർവം തീ കൊളുത്താതെ സ്വയം തീയുണ്ടാകാൻതക്ക ഉയർന്ന താപനിലയൊന്നും ഈ നാട്ടിലില്ല.

ബീഡിയും സിഗററ്റുമൊക്കെ തീപ്പെട്ടിയോ ലൈറ്ററോ ഉപയോഗിച്ചു കത്തിച്ച ശേഷം, വരുംവരായ്കകളെക്കുറിച്ച് അശേഷം ചിന്തയില്ലാതെ, ആ തീ കൊണ്ടുതന്നെ സമീപത്തുള്ള കാടിനോ ഇലകൾക്കോ തീ കൊളുത്തിയിട്ട് സ്ഥലം വിടുന്ന വികലസ്വഭാവം ചിലർക്കുണ്ട്. റോഡ് സൈഡിൽനിന്നു വീട്ടിലേക്കെടുത്തിരിക്കുന്ന പിവിസി വാട്ടർപൈപ്പുകൾ ഇത്തരം തീയിൽ കത്തിപ്പോയിട്ടുള്ള സംഭവങ്ങളുണ്ടായിട്ടുണ്ട്. കൂടാതെ കഞ്ചാവും മയക്കുമരുന്നുകളും വിദേശമദ്യവും കള്ള് എന്നപേരിൽ വിൽക്കപ്പെടുന്ന ഹാനികരമായ രാസവസ്തുമിശ്രിതവുമൊക്കെ ഉള്ളിലാക്കിയശേഷമുണ്ടാകുന്ന മാനസികവിഭ്രാന്തിയിൽ പലർക്കും ഇത്തരം തീകൊളുത്തൽ പ്രവണതയുണ്ടാകാറുണ്ട്.

ഇതു തടയുന്നതിനു ജനങ്ങളുടെ സഹകരണം ആവശ്യമാണ് . ഇത്തരം നശീകരണത്തിനു തുനിയുന്നവരെ കണ്ടുപിടിച്ചു കർശനശിക്ഷ നൽകുമെന്ന ഒരു പൊതുതാക്കീത് അധികാരികളുടെ ഭാഗത്തുനിന്നുണ്ടായാൽ അത് തീകൊളുത്തുകാരെ പിന്തിരിപ്പിക്കാൻ ഒട്ടൊക്കെ സഹായകമാകും.

സി. സി. മത്തായി മാറാട്ടുകളം, ചങ്ങനാശേരി

എണ്ണയിൽ ഓടുന്ന സർക്കാർ

202324 വർഷത്തിൽ എണ്ണക്കന്പനികൾ ഉണ്ടാക്കിയ ലാഭം 90,000 കോടി രൂപ. എണ്ണക്കന്പനികളുടെ മേലാളന്മാർ ക

ബസുകളിലെ ഡോറുകൾ

ഏതെങ്കിലും അപകടമോ ദുരന്തമോ ഉണ്ടാകുന്പോൾ ഉടൻ അതുമായി ബന്ധപ്പെട്ട വകുപ്പുകൾ ഉണരുകയും വ്യാപക പരിശോധന നടത്തുകയും ച

കുഴികൾ എന്നു മൂടും?

ജൽജീവൻ പദ്ധതിയുടെ ഭാഗമായി പലേടത്തും റോഡുകൾ വെട്ടിപ്പൊളിച്ചത് മൂടാതെ കിടക്കുകയാണ്. ഇതുമൂലം പല റോഡുകളും കുണ്ടും കു

വക്കീൽമാർ മാത്രം കോട്ടൂരിയാൽ മതിയോ?

കനത്ത വേനൽച്ചൂടിനെത്തുടർന്ന് അഭിഭാഷകർക്ക് മേയ് 31 വരെ കോട്ട് ഒഴിവാക്കാൻ ഹൈക്കോടതി അനുവാദം നൽകിയ വാർത്ത വായിച്ചു. ഉ

മുഖപ്രസംഗം കാലോചിതം

ഉദ്യോഗസ്ഥരുടെയും മറ്റും അനാസ്ഥ മൂലം റോഡിലുണ്ടാകുന്ന അപകടങ്ങളെക്കുറിച്ചു ദീപിക കഴിഞ്ഞ ദിവസം എഴുതിയ മുഖപ്രസംഗം എന്ത

വിദ്യാർഥികൾക്കും തപാൽ വോട്ട് വേണം

തെരഞ്ഞെടുപ്പുമായി ബന്ധപ്പെട്ട ചുമതലകളുള്ള എല്ലാ ഉദ്യോഗസ്ഥർക്കും പോലീസുകാർക്കും തപാൽ വോട്ടിന് സൗകര്യമുണ്ട്. കൂടാ