കോവളം: നരേന്ദ്ര മോദി സർക്കാരിന്‍റേത് കാർഷിക മേഖലയെ തകർക്കുന്ന സാമ്പത്തിക നയമാണെന്നും അതിനെതിരെ കർഷക പ്രക്ഷോഭം ഉയർന്നു വരണമെന്നും സിപിഐ നേതാവ് പന്ന്യൻ രവീന്ദ്രൻ. അഖിലേന്ത്യാ കിസാൻ സഭ ജില്ലാ നേതൃപരിശീലന ക്യാമ്പിന്‍റെ സമാപന സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കിസാൻ സഭ ജില്ലാ പ്രസിഡന്‍റ് എൻ. ഭാസുരാംഗൻ അധ്യക്ഷത വഹിച്ചു. ഭക്ഷ്യമന്ത്രി ജി.ആർ. അനിൽ, ജില്ലാ സെക്രട്ടറി വി.പി. ഉണ്ണിക്കൃഷ്ണൻ , സംസ്ഥാന സെക്രട്ടറി വി. ചാമുണ്ണി, പ്രസിഡന്‍റ് അഡ്വ. ജെ. വേണുഗോപാലൻ നായർ, സംസ്ഥാന കൗൺസിൽ അംഗങ്ങളായ കരിയം രവി, കാവല്ലൂർ കൃഷ്ണൻ നായർ, എ. മോഹൻദാസ്, എ.എം. റൈസ്, വി.ബി. ജയകുമാർ, അയിരൂർപ്പാറ രാമചന്ദ്രൻ, വിളവൂർക്കൽ പ്രഭാകരൻ, ഇഞ്ചരിപ്പുരി സന്തു, കെ.ബി. രാമേന്ദ്രകുമാർ, ടി.എസ്. ബിനുകുമാർ, ജോർജ് തോമസ്, കാഞ്ഞിരംകുളം ഗോപാലകൃഷ്ണൻ, സി.എസ്. രാധാകൃഷ്ണൻ, പൂവാർ അനിൽ എന്നിവർ പങ്കെടുത്തു.