നിലാമാമൂട് : കുന്നത്തുകാല് മേജര് ചെഴുങ്ങാനൂര് മഹാദേവ ക്ഷേത്രത്തിലെ ആറാട്ടുമഹോത്സവത്തിന് നെടുവിളാകത്ത് കാരണവര് ശ്രീധരരു വാസുദേവരുടെ കാര്മികത്വത്തില് കൊടിയേറി. ഉത്സവം വിവിധ പരിപാടികളോടെ 29ന് സമാപിക്കും.
ഇന്ന് വൈകുന്നേരം ഏഴിന് തിരുവാതിരക്കളി, എട്ടിന് പഞ്ചുരുളി തെയ്യം, തുടര്ന്ന് കലാപരിപാടികള്. നാളെ രാവിലെ പുള്ളുവന്പാട്ടോടുകൂടി നാഗരൂട്ട്, രാത്രി ഭജന്സ്, നൃത്തസന്ധ്യ, 26ന് ഉത്സവബലി, പ്രസാദഊട്ട്, വൈകുന്നേരം ഐശ്വര്യപൂജ, രാത്രി മുടിയാട്ടക്കളം, നാടന്പാട്ട്, കളിയരങ്ങ്. 27ന് വൈകുന്നേരം കരോക്കെ ഗാനമേള, നാടകീയ നൃത്തശില്പം. 28ന് രാവിലെ മഹാമൃത്യുഞ്ജയഹോമം, ദേവിക്ക് കുങ്കുമാഭിഷേകം, വൈകുന്നേരം കാഴ്ചശ്രീബലി, സേവ, സ്പെഷ്യല് നാഗസ്വരം, പള്ളിവേട്ട, ശയ്യാപൂജ, 29ന് രാവിലെ ആര്ദ്രാദര്ശനം, തിരുനടയടയ്ക്കല്, ആറാട്ടുസദ്യ, സമൂഹശിവ സഹസ്രനാമാര്ച്ചന, തിരുവാറാട്ടെഴുന്നള്ളിപ്പ്, വിശേഷാല്പൂജ, ഗാനമേള എന്നിവയും ഉണ്ടായിരിക്കും.