വെഞ്ഞാറമൂട് : തലേക്കുന്നിൽ ബഷീർ കൾച്ചറൽ സെന്‍ററിന്‍റെ ആഭിമുഖ്യത്തിൽ തലേക്കുന്നിൽ ബഷീർ ഒന്നാമത് അനുസ്മരണ സമ്മേളനം 26ന് നടക്കും. വെഞ്ഞാറമൂട് റബർ മാർക്കറ്റിംഗ് സൊസൈറ്റി ഹാളിൽ കെപിസിസി മുൻ പ്രസിഡന്‍റ് വി.എം. സുധീരൻ ഉദ്ഘാടനം ചെയ്യും. ഇ. ഷംസുദ്ദീൻ അധ്യക്ഷത വഹിക്കും.
എൻ. പീതാംബരക്കുറുപ്പ് അനുസ്മരണ പ്രഭാഷണം നടത്തും. അടൂർ പ്രകാശ് എംപി, ഡി.കെ. മുരളി എംഎൽഎ, വർക്കല കഹാർ, ബി.എസ്. ബാലചന്ദ്രൻ, രമണി പി. നായർ, ആനാട് ജയൻ, റഷീദ്, എ.എം. റൈസ്, നെല്ലനാട് ശശി, എൻ. അനിൽകുമാർ, എൻ. സുദർശനൻ, തേക്കട അനിൽ കുമാർ, പുരുഷോത്തമൻ നായർ, ഡി. സനൽകുമാർ എന്നിവർ പങ്കെടുക്കും. ഷാനവാസ് ആനക്കുഴി സ്വാഗതവും സുധീർ വെഞ്ഞാറമൂട് നന്ദി പറയും.
27ന് വൈകുന്നേരം നാലിനു തേമ്പാംമൂട് നടക്കുന്ന അനുസ്മരണ സമ്മേളനം കെപിസിസി മുൻ പ്രസിഡന്‍റ് എം.എം. ഹസൻ ഉദ്ഘാടനം ചെയ്യും. കരകുളം കൃഷ്ണപിള്ള അധ്യക്ഷത വഹിക്കും. പ്രഥമ തലേക്കുന്നിൽ പുരസ്കാരം ടി. പത്മനാഭനു സമ്മാനിക്കും. ഡോ. ജോർജ് ഓണക്കൂർ അനുസ്മരണ പ്രഭാഷണം നടത്തും. ടി. ശരത്ചന്ദ്രപ്രസാദ്, വിതുര ശശി, ഇ. ഷംസുദീൻ, ചെമ്പഴന്തി അനിൽ, ആനാട് ജയൻ, ജി. പുരുഷോത്തമൻ നായർ എന്നിവർ പങ്കെടുക്കും. ഇ. അബ്ദുൽ അസീസ് സ്വാഗതവും കെ. രമേശൻ നായർ നന്ദി പറയും.