ഗ്ലോ​ബ​ൽ ട്രാ​വ​ൽ മാ​ർ​ക്ക​റ്റി​ന് ഇന്ന് കോവളത്ത് തുടക്കം
Wednesday, September 27, 2023 12:36 AM IST
തി​രു​വ​ന​ന്ത​പു​രം: ദ​ക്ഷി​ണേ​ന്ത്യ​യി​ലെ പ്ര​മു​ഖ ട്രാ​വ​ൽ എ​ക്സ്പോ ഗ്ലോ​ബ​ൽ ട്രാ​വ​ൽ മാ​ർ​ക്ക​റ്റി​ന്‍റെ (ജി​ടി​എം-2023) ആ​ദ്യ പ​തി​പ്പിന്‍റെ ഉദ്ഘാടനം ഇന്നു നടക്കും. ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ ഉ​ദ്ഘാ​ട​നം നിർവഹിക്കും.

വൈ​കി​ട്ട് അ​ഞ്ചി​ന് കോ​വ​ളം റാ​വി​സ് ലീ​ല​യി​ൽ ന​ട​ക്കു​ന്ന ച​ട​ങ്ങി​ൽ മ​ന്ത്രി പി.​എ. മു​ഹ​മ്മ​ദ് റി​യാ​സ് അ​ധ്യ​ക്ഷ​നാ​കും. ചീ​ഫ് സെ​ക്ര​ട്ട​റി ഡോ. ​വി.​ വേ​ണു മു​ഖ്യ​പ്ര​ഭാ​ഷ​ണം ന​ട​ത്തും. വൈകുന്നേരം 6.30ന് ​ഗോ​വ ഗ​വ​ർ​ണ​ർ പി.​എ​സ്. ശ്രീ​ധ​ര​ൻ പി​ള്ള സെ​മി​നാ​ർ ഉ​ദ്ഘാ​ട​നം ചെ​യ്യും. "സം​സ്കാ​ര​വും പ്ര​കൃ​തി​യും ഒ​ത്തു​ചേ​രു​ന്ന ദ​ക്ഷി​ണേ​ന്ത്യ​യു​ടെ സ​ത്ത അ​നു​ഭ​വി​ച്ച​റി​യു​ക' എ​ന്ന വി​ഷ​യ​ത്തി​ലാ​ണ് സെ​മി​നാ​ർ ന​ട​ക്കു​ക.

സൗ​ത്ത് കേ​ര​ള ഹോ​ട്ട​ലി​യേ​ഴ്സ് ഫോ​റം (എ​സ്കെ​എ​ച്ച്എ​ഫ്), തി​രു​വ​ന​ന്ത​പു​രം ചേം​ബ​ർ ഓ​ഫ് കൊ​മേ​ഴ്സ് ആ​ൻ​ഡ് ഇ​ൻ​ഡ​സ്ട്രീ​സ് (ടി​സി​സി​ഐ), സി​ട്രീ​ൻ ഹോ​സ്പി​റ്റാ​ലി​റ്റി വെ​ഞ്ചേ​ഴ്സ്, ത​വാ​സ് വെ​ഞ്ചേ​ഴ്സ്, മെ​ട്രോ മീ​ഡി​യ എ​ന്നി​വ ചേ​ർ​ന്നാ​ണ് 30 വ​രെ ന​ട​ക്കു​ന്ന വാ​ർ​ഷി​ക ബി​ബി, ട്രാ​വ​ൽ ആ​ൻ​ഡ് ട്രേ​ഡ് എ​ക്സി​ബി​ഷ​നാ​യ ജി​ടി​എം 2023 സം​ഘ​ടി​പ്പി​ക്കു​ന്ന​ത്.

28 ന് ​കാ​ര്യ​വ​ട്ടം ഗ്രീ​ൻ​ഫീ​ൽ​ഡ് ഇ​ന്‍റ​നാ​ഷ​ണ​ൽ സ്റ്റേ​ഡി​യ​ത്തി​ലെ ട്രാ​വ​ൻ​കൂ​ർ ഇ​ന്‍റ​ർ​നാ​ഷ​ണ​ൽ ക​ൺ​വൻ​ഷ​ൻ സെ​ന്‍ററി​ൽ ആ​രം​ഭി​ക്കു​ന്ന ജി​ടി​എം 2023ന്‍റെ ട്രാ​വ​ൽ ട്രേ​ഡ് എ​ക്സി​ബി​ഷ​ൻ പാ​ർ​ല​മെ​ന്‍ററി​കാ​ര്യ സ​ഹ​മ​ന്ത്രി വി.​മു​ര​ളീ​ധ​ര​ൻ ഉ​ദ്ഘാ​ട​നം ചെ​യ്യും.

ടൂ​റി​സം മേ​ഖ​ല​യി​ലെ ആ​ഗോ​ള പ​ങ്കാ​ളി​ക​ളു​ടെ ഒ​ത്തു​ചേ​ര​ലി​നും നി​ര​വ​ധി പു​തി​യ ബി​സി​ന​സ് പ​ങ്കാ​ളി​ത്ത​ങ്ങ​ളു​ടെ ഒ​പ്പു​വ​യ്ക്ക​ലി​നും ജി​ടി​എം സാ​ക്ഷ്യം വ​ഹി​ക്കു​മെ​ന്ന് ടൂ​റി​സം ഡ​യ​റ​ക്ട​ർ പി.​ബി. നൂ​ഹ് വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.

ട്രാ​വ​ൽ, ടൂ​റി​സം വ്യ​വ​സാ​യം പ​ര​മാ​വ​ധി പ്ര​യോ​ജ​ന​പ്പെ​ടു​ത്താ​ൻ പ​ങ്കാ​ളി​ക​ളെ പ്രാ​പ്ത​രാ​ക്കു​ന്ന പു​തി​യ അ​വ​സ​ര​ങ്ങ​ൾ ജി​ടി​എം ന​ൽ​കു​മെ​ന്നും പി.ബി. നൂ​ഹ് പ​റ​ഞ്ഞു.

Copyright @ 2022 , Rashtra Deepika Ltd.