ആ​രാ​ധ​നാ​ല​യ​ങ്ങ​ളി​ൽനി​ന്നും ഉ​യ​രു​ന്ന ശ​ബ്ദം മ​നു​ഷ്യസ്നേ​ഹ​ത്തി​ന്‍റേത്: മന്ത്രി
Thursday, September 28, 2023 12:27 AM IST
വി​ഴി​ഞ്ഞം:​ കേ​ര​ള​ത്തി​ലെ ആ​രാ​ധ​നാ​ല​യ​ങ്ങ​ളി​ൽനി​ന്നും ഉ​യ​ർ​ന്ന് വ​രു​ന്ന ശ​ബ്ദം മ​നു​ഷ്യസ്നേ​ഹ​ത്തി​ന്‍റേയും മാ​ന​വി​ക ഐ​ക്യ​ത്തി​ന്‍റേ​യു​മാ​ണെ​ന്നു ടൂ​റി​സം മ​ന്ത്രി മു​ഹ​മ്മ​ദ് റി​യാ​സ്.​ ആ​ഴി​മ​ല ശി​വ​ക്ഷേ​ത്ര തീ​ർ​ഥാട​ന ടൂ​റി​സ​വും അ​ടി​സ്ഥാ​ന വി​ക​സന പ​ദ്ധ​തി​യു​ടെ ഉ​ദ്ഘാ​ട​ന​വും നി​ർ​വ​ഹി​ച്ച് സം​സാ​രി​ക്കു​ക​യാ​യി​രു​ന്നു മുഹന്നദ് റിയാസ്.

തീ​ര​ദേ​ശ മേ​ഖ​ല​യി​ൽ ബീ​ച്ച് ടൂ​റി​സ​ത്തി​ന്‍റെ സാ​ധ്യ​ത​ക​ൾ ഉ​പ​യോ​ഗ​പ്പെ​ടു​ത്തു​ന്ന​തോ​ടെ​പ്പം ആ​ഴി​മ​ല ബീ​ച്ചി​ൽ ഫ്ലോ​ട്ടിം​ഗ് ബ്രി​ഡ്ജ് പ​ദ്ധ​തി​യും ന​ട​പ്പാ​ക്കും.

കോ​വ​ള​ത്തി​ന്‍റെ മു​ഖഛാ​യ മാ​റ്റാ​ൻ ടൂ​റി​സം വ​കു​പ്പ് 96 കോ​ടി രൂ​പ ചെ​ല​വ​ഴി​ച്ച് ന​ട​ത്തു​ന്ന മാ​സ്റ്റ​ർ പ​ദ്ധ​തി​യി​ൽ ആ​ഴി​മ​ല​യ്ക്ക​ടു​ത്തു​ള്ള അ​ടി​മ​ല​ത്തു​റ ബീ​ച്ചി​ലും ടൂ​റി​സം ഉ​യ​ർ​ന്ന് വ​രും. വാ​ട്ട​ർ സ് ​പോ​ർ​ട്സ്, സാ​ഹ​സി​ക വി​നോ​ദ സ​ഞ്ചാ​ര സാ​ധ്യ​ത​ക​ൾ എ​ന്നി​വ​യു​ടെ പ​ഠ​ന​ങ്ങ​ൾ ന​ട​ന്നു വ​രു​ന്ന​താ​യും മ​ന്ത്രി പ​റ​ഞ്ഞു.

എം. ​വി​ൻ​സ​ന്‍റ് എം​എ​ൽ​എ അ​ധ്യ​ക്ഷ​നാ​യി. അ​തി​യ​ന്നൂ​ർ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് എ​ൽ. റാ​ണി, കോ​ട്ടു​കാ​ൽ പ​ഞ്ചാ​യ​ത്ത് പ്ര​സി​ഡ​ന്‍റ് ജെ​റോം ദാ​സ്, ബ്ലോ​ക്ക് മെ​മ്പ​ർ അ​ജി​ത​കു​മാ​രി, വാ​ർ​ഡ് മെ​മ്പ​ർ എ​സ്. ദീ​പു, സി ​പി​എം കോ​വ​ളം ഏ​രി​യാ സെ​ക്ര​ട്ട​റി പി.​എ​സ്. ഹ​രി​കു​മാ​ർ, സി​പി ഐ ​മ​ണ്ഡ​ലം പ്ര​സി​ഡ​ന്‍റ് കാ​ഞ്ഞി​രം​കു​ളം ഗോ​പാ​ല​കൃ​ഷ്ണ​ൻ, കോ​ൺ​ഗ്ര​സ് ബ്ലോ​ക്ക് പ്ര​സി​ഡ​ന്‍റ് ഉ​ച്ച​ക്ക​ട സു​രേ​ഷ്, മു​സ്‌​ലിം ലീ​ഗ് നേ​താ​വ് എ​ച്ച്.​എ. റ​ഹ്മാ​ൻ, ആ​ഴി​മ​ല ക്ഷേ​ത്രം പ്ര​സി​ഡ​ന്‍റ് വി.​രാ​ധാ​കൃ​ഷ്ണ​ൻ, ജ​ന​റ​ൽ സെ​ക്ര​ട്ട​റി എ​സ്. വി​ജേ​ഷ്, ടൂ​റി​സം സെ​പ്യൂ​ട്ടി ഡ​യ​റ​ക്ട​ർ ജി.​എ​ൽ. രാ​ജീ​വ് എ​ന്നി​വ​ർ പ​ങ്കെ​ടു​ത്തു.