വ​ഴി​യോ​ര ക​ച്ച​വ​ട​ക്കാ​രെ ഒ​ഴി​പ്പി​ച്ച് കോ​ർ​പറേ​ഷ​ൻ അധികൃതർ
Wednesday, November 29, 2023 6:07 AM IST
ശ്രീ​കാ​ര്യം : നൂ​റോ​ളം വ​ഴി​യോ​ര ക​ച്ച​വ​ട​ക്കാ​രെ കോ​ർ​പ​റേ​ഷ​ൻ അ​ധി​കൃ​ത​ർ ഒ​ഴി​പ്പി​ച്ചു. ക​ഴ​ക്കൂ​ട്ടം അ​മ്പ​ല​ത്തിൻക​ര മു​ത​ൽ കാ​ര്യ​വ​ട്ടം ജം​ഗ്ഷ​ൻ​വ​രെ​യു​ള്ള ക​ച്ച​വ​ട​ക്കാ​രെ​യാ​ണ് കഴി ഞ്ഞ ദിവസം രാ​വി​ലെ​യോ​ടെ ശ്രീ​കാ​ര്യം പോ​ലീ​സി​ന്‍റെ സ​ഹാ​യ​ത്തോ​ടെ കോ​ർ​പറേ​ഷ​ൻ
അധികൃതർ എ​ത്തി ഒ​ഴി​പ്പി​ച്ച​ത്.

രാ​വി​ലെ ഉ​ണ്ടാ​യി​രു​ന്ന ക​ച്ച​വ​ട​ക്കാ​ർ മാ​ത്ര​മാ​ണ് അ​വ​രു​ടെ ക​ട​ക​ളും സാ​ധ​ന​ങ്ങ​ളും മാ​റ്റി​യ​ത്. ബാ​ക്കി​യു​ള്ള​വ ജെ​സി​ബി ഉ​പ​യോ​ഗി​ച്ചു പൊ​ളി​ച്ചു മാ​റ്റി. റോ​ഡ് ന​വീ​ക​ര​ണ​ത്തി​ന്‍റെ ഭാ​ഗ​മാ​യി റോ​ഡി​ന്‍റെ ഇ​രു വ​ശ​ത്തും ഇ​രു​മ്പ് ക​മ്പി കൊ​ണ്ടു​ള്ള സം​ര​ക്ഷ​ണ വേ​ലി കെ​ട്ടി​യി​രു​ന്നു ഗ്രീ​ൻ​ഫീ​ൽ​ഡ് സ്റ്റേ​ഡി​യ​ത്തി​ന് സ​മീ​പ​ത്താ​യി ത​ട്ടു​ക​ട ന​ട​ത്തു​ന്ന ചി​ല​ർ ഇ​വി​ടേ​യ്ക്ക് ആ​ളു​ക​ൾ ക​യ​റാ​നാ​യി അ​ത് മു​റി​ച്ചു മാ​റ്റി വ​ഴി​യാ​ക്കി.


ഇ​ത് ശ്ര​ദ്ധ​യി​ൽ​പ്പെ​ട്ട കോ​ർ​പ്പ​റേ​ഷ​ൻ അ​ധി​കൃ​ത​ർ മു​റി​ച്ച ഭാ​ഗം പൂ​ർ​വ സ്ഥി​തി​യി​ൽ ആ​ക്കാ​ൻ ആ​വ​ശ്യ​പ്പെ​ട്ടെ​ങ്കി​ലും ക​ച്ച​ട​വ​ട​ക്കാ​ർ ചെ​യ്തി​രു​ന്നി​ല്ല.​ തു​ട​ർ​ന്നാ​ണ് ര​ണ്ടു മാ​സ​ങ്ങ​ൾ​ക്ക് മു​ൻ​പ് ഇ​വി​ടെ നി​ന്നും ക​ട​ക​ൾ പൊ​ളി​ച്ച് മാ​റ്റാ​ൻ കോ​ർ​പറേ​ഷ​ൻ അ​ധി​കൃ​ത​ർ ക​ച്ച​വ​ട​ക്കാ​ർ​ക്ക് നി​ർ​ദേ​ശം ന​ൽ​കി​യ​ത്.

നോ​ട്ടീ​സ് കൈ​പ്പ​റ്റി​യ പ​കു​തി​യി​ലേ​റെ​പ്പേ​ർ ഒ​ഴി​ഞ്ഞിരുന്നു. ബാ​ക്കി​യു​ള്ള​വ​ർ ക​ച്ച​വ​ടം തു​ട​രു​ന്ന സാ​ഹ​ച​ര്യ​ത്തി​ലാ​ണ് ന​ട​പ​ടി.

Copyright @ 2022 , Rashtra Deepika Ltd.