വീട്ടമ്മയുടെ മാല കവർന്ന സംഭവം: മോഷ്ടാവ് ഉടന് പിടിയിലാകുമെന്ന് പോലീസ്
1428848
Wednesday, June 12, 2024 5:57 AM IST
വലിയതുറ: ഓള്സെയിന്റ്സില് പുലര്ച്ചെ വീട്ടിനുള്ളില് ഉറങ്ങി കിടന്ന വീട്ടമ്മയുടെ 24 ഗ്രാം തൂക്കം വരുന്ന സ്വര്ണമാല പൊട്ടിച്ചെടുത്ത സംഭവത്തില് പോലീസ് അന്വേഷണം ഊര്ജിതമാക്കി.
വെട്ടുകാട് ഓള്സെയിന്റ്സ് ചര്ച്ച് റോഡ് നടരാജ് ഹൗസില് ദമയന്തി നടരാജന്റെ മാലയാണ് കഴിഞ്ഞ ദിവസം പുലര്ച്ചെ മോഷ്ടാവ് പൊട്ടിച്ചെടുത്ത് കടന്നത്.
രാത്രി വാതില് തുറന്നിട്ടിരുന്ന സമയം അടുക്കള വഴി വീടിനുളളില് കയറിയ മോഷ്ടാവ് പതിയിരുന്ന ശേഷം ദമയന്തി ഉറങ്ങിയപ്പോള് മാല പൊട്ടിച്ച് രക്ഷപ്പെടുകയായിരുന്നു എന്നാണ് പരാതി.
മോഷ്ടാവ് കൃത്യത്തിനു ശേഷം മതില് ചാടി കടന്നു പോകുന്ന സിസിടിവി ദൃശ്യം സമീപത്തെ വീട്ടില് നിന്നും പോലീസിന് ലഭിക്കുകയുണ്ടായി.
ഇവരുടെ മക്കള് വിദേശത്തായതിനാല് ഏറെ നാളായി ഒറ്റയ്ക്കായിരുന്നു താമസം. കള്ളന് മാല പൊട്ടിച്ചപ്പോള് വേദന കൊണ്ട് കണ്ണ് തുറന്നപ്പോഴാണ് മോഷ്ടാവ് ഓടി പോകുന്നത് ഇവര് കണ്ടത്. ദമയന്തി നല്കിയ പരാതിയില് വലിയതുറ പോലീസ് കേസെടുത്ത് അന്വേഷണം ആരംഭിച്ചു.