ബാ​റി​ലു​ണ്ടാ​യ സം​ഘ​ർ​ഷ​ത്തി​ൽ അ​ഞ്ചു​പേ​ർ​ക്ക് കു​ത്തേ​റ്റ് സം​ഭ​വം: ഒ​ന്നാം പ്ര​തി പി​ടി​യി​ൽ
Wednesday, June 12, 2024 5:58 AM IST
പോ​ത്ത​ൻ​കോ​ട്: ബി​യ​ർ പാ​ർ​ല​റി​ൽ ജ​ന്മ​ദി​നാ​ഘോ​ഷ​ത്തി​നി​ടെ​യു​ണ്ടാ​യ സം​ഘ​ർ​ഷ​ത്തി​ൽ അ​ഞ്ചു​പേ​ർ​ക്ക് കു​ത്തേ​റ്റ് സം​ഭ​വ​ത്തി​ലെ ഒ​ന്നാം പ്ര​തി പോ​ലീ​സ് പി​ടി​യി​ൽ. കു​റ​ക്ക​ട കൊ​ച്ചാ​ലും​മൂ​ട് ശ്രീ​ന​ന്ദ​ന​ത്തി​ൽ അ​ഭി​ജി​ത്ത് ( 24) നെ​യാ​ണ് അ​റ​സ്റ്റ് ചെ​യ്ത​ത്.

അ​ഭി​ജി​ത്തി​ന്‍റെ നേ​തൃ​ത്വ​ത്തി​ൽ എ​ട്ടു​പേ​ർ അ​ട​ങ്ങു​ന്ന സം​ഘം ഏ​പ്രി​ൽ 20ന് ​രാ​ത്രി 11.30 ന് ​ദേ​ശീ​യ പാ​ത​യി​ൽ ടെ​ക്നോ​പാ​ർ​ക്കി​ന് എ​തി​ർ​വ​ശ​ത്തെ ബി​യ​ർ പാ​ർ​ല​റി​ലാ​ണ് ആ​ക്ര​മ​ണം ന​ട​ത്തി​യ​ത്.

ചെ​മ്പ​ക​മം​ഗ​ലം സ്വ​ദേ​ശി അ​ക്ബ​റി​ന്‍റെ ജ​ന്മ​ദി​നം ആ​ഘോ​ഷി​ക്കാ​ൻ എ​ത്തി​യ ഒ​മ്പ​തം​ഗ സം​ഘ​വും, ഇ​തേ പാ​ർ​ല​റി​ൽ മ​ദ്യ​പി​ച്ചു​കൊ​ണ്ടി​രു​ന്ന നാ​ലം​ഗ സം​ഗ​വും ചേ​ർ​ന്ന് ജ​ന്മ​ദി​ന ആ​ഘോ​ഷം ന​ട​ത്തു​ന്ന​തി​നി​ട​യി​ൽ കേ​ക്ക് ആ​ര് ആ​ദ്യം മു​റി​ക്കും എ​ന്ന് വി​ഷ​യ​ത്തി​ൽ ന​ട​ന്ന ത​ർ​ക്ക​മാ​യി​രു​ന്നു കൂ​ട്ട അ​ടി​യും പി​ന്നെ ക​ത്തി​ക്കു​ത്തി​ലും ക​ലാ​ശി​ച്ച​ത്.

2021ൽ ​ചി​റ​യി​ൻ​കീ​ഴ് മു​ട​പു​ര​ത്ത് അ​ജി​ത്ത് കൊ​ല​ക്കേ​സി​ലെ ഒ​ന്നാം പ്ര​തി​യാ​ണ് അ​ഭി​ജി​ത്ത്. ക​ഴ​ക്കൂ​ട്ട​ത്തെ ഒ​രു ജി​മ്മി​ൽ ട്രെ​യി​ന​റാ​യി ജോ​ലി നോ​ക്കി വ​രി​ക​യാ​യി​രു​ന്നു.