പോങ്ങുംമൂട് സെന്റ് ആന്റണീസ് മലങ്കര പള്ളിയിൽ തിരുനാൾ നാളെ കൊടിയേറും
1428854
Wednesday, June 12, 2024 5:58 AM IST
തിരുവനന്തപുരം: പോങ്ങുംമൂട് സെന്റ് ആന്റണീസ് മലങ്കര സിറിയൻ കത്തോലിക്ക ദേവാലയത്തിന്റെ തിരുനാളിന് നാളെ കൊടിയേറും. സമാപനദിവസമായ 23 ന് തിരുനാൾ കുർബാനയും സുവർണ ജൂബിലി ഒരുക്ക പ്രാർഥന ഉദ്ഘാടനവും ആന്റണി സിൽവാനോസ് മെത്രപ്പോലിത്തായ്ക്ക് സ്വീകരണവും സ്നേഹവിരുന്നും നടക്കും.
നാളെ വൈകുന്നേരം ആറിന് സന്ധ്യനമസ്കാരവും വിശുദ്ധ കുർബാനയും നടക്കും. പെരുന്നാൾ കൊടിയേറ്റിന് ഫാ. വർഗീസ് പുല്ലുവിള തെക്കേത് കാർമിത്വം വഹിക്കും. 14,15 തിയതികളിൽ വൈകുന്നേരം ആറിന് സന്ധ്യനമസ്കാരവും വിശുദ്ധ അന്തോണിയസിന്റെ നെവേനയും നടക്കും.
16 ന് വൈകുന്നേരം 4.30 ന് സന്ധ്യാനമസ്കാരത്തിനും വിശുദ്ധ കുർബാനയ്ക്കും വചനപ്രഘോഷണത്തിനും വിശുദ്ധ അന്തോണിയസിന്റെ നെവേനയ്ക്കും തിരുവനന്തപുരം മേജർ അതിരൂപത വികാരി ജനറാൾ ഫാ. തോമസ് കയ്യാലയ്ക്കൽ മുഖ്യകാർമികൻ ആയിരിക്കും.
17 മുതൽ 20 വരെ ദിവസങ്ങളിൽ വൈകുന്നേരം ആറിന് സന്ധ്യനമസ്കാരവും വിശുദ്ധ കുർബാനയ്ക്കും വചനപ്രഘോഷണത്തിനും ഫാ. ബോസ്കോ മോഹൻ, ഫാ. ഗോഡ് ജോയി, ഫാ. വർഗീസ് മലയിൽ, ഫാ. ഡാനിയേൽ പാലകുഴി എന്നിവർ മുഖ്യകാർമികരായിരിക്കും. 21 ന് വൈകുന്നേരം ആറിന് സന്ധ്യ നമസ്കാരവും വിശുദ്ധ കുർബാനയും തുടർന്ന് ഭക്തി നിർഭരമായ റാസയും നടത്തപ്പെടും.
ഫാ.സാമുവേൽ തോണ്ടുപറന്പിൽ മുഖ്യകാർമികത്വം വഹിക്കും. 22 നു വൈകുന്നേരം അഞ്ചിന് സന്ധ്യനമസ്കാരവും വിശുദ്ധകുർബാനയും വിശുദ്ധ അന്തോണിയോസിന്റെ നെവേനയുടെയും മുഖ്യകാർമികത്വവും ഭക്തസംഘടനയുടെ വാർഷികം ഉദ്ഘാടനവും തിരുവനന്തപുരം മേജർ അതിരൂപത വിശ്വാസപരിശിലന കാര്യലയ ഡയറക്ടർ ഫാ. കോശി ചിറക്കരോട് വഹിക്കും.
23 ന് പ്രഭാതനമസ്കാരവും ബിഷപ്പ് ആന്റണി മാർ സിൽവാനോസിന് സ്വീകരണവും തുടർന്നു തിരുനാൾ കുർബാനയും സുവർണജൂബിലി ഒരുക്ക പ്രാർഥന പ്രകാശനവും സമൂഹവിരുന്നും നടക്കും.