മഹാലക്ഷ്മി പുരസ്കാരം ഡോ. എ.മാര്ത്താണ്ഡപിള്ളയ്ക്ക്
1431047
Sunday, June 23, 2024 6:18 AM IST
പാറശാല: മരുതത്തൂര് മഹാലക്ഷ്മി ക്ഷേത്രം ഏര്പ്പെടുത്തിയ പ്രഥമ മഹാലക്ഷ്മി പുരസ്കാരത്തിന് ഡോ. എ. മാര്ത്താണ്ഡപിള്ള അര്ഹനായി. ആരോഗ്യ മേഖലയില് നല്കിയ സമഗ്ര സംഭാവനകള് പരിഗണിച്ചാണ് പുരസ്കാരം നല്കുന്നതെന്ന് ക്ഷേത്ര കമ്മറ്റി ഭാരവാഹികള് അറിയിച്ചു.
പ്രശസ്തിപത്രവും പ്രത്യേകം രൂപകല്പ്പന ചെയ്ത ശില്പ്പവുമാണ് പുരസ്കാരം. 23ന് വൈകുന്നേരം അഞ്ചിന് നടക്കുന്ന സാംസ്ക്കാരിക സമ്മേളനത്തില് പുരസ്കാരം സമ്മാനിക്കും.
ഡോ. വെങ്ങാനൂര് ബാലകൃഷ്ണന്, സന്തോഷ് രാജശേഖരന്, എം. സത്യജിത്ത് എന്നിവര് ചേര്ന്ന ജൂറിയാണ് അവാര്ഡ് നിശ്ചയിച്ചത്.