വ​ഴി​യി​ല്ല, പൊ​ള്ളു​ന്ന ചൂ​ടി​ൽ ന​ട​ന്നു ത​ള​ർ​ന്ന് അ​ന്പു​മ​ല ​കോ​ള​നി നി​വാ​സി​ക​ൾ
Sunday, March 19, 2023 1:07 AM IST
നി​ല​ന്പൂ​ർ: ഉ​ണ്ടാ​യി​രു​ന്ന വ​ന​പാ​ത അ​ട​ഞ്ഞി​ട്ട് 14 വ​ർ​ഷ​ങ്ങ​ൾ. ആ​ദി​വാ​സി ക്ഷേ​മ​ത്തി​ന്‍റെ പേ​രി​ൽ കോ​ടി​ക​ൾ ചെ​ല​വ​ഴി​ക്കു​ന്ന സം​സ്ഥാ​ന​ത്താ​ണ് കോ​ള​നി​യി​ലേ​ക്ക് എ​ത്താ​ൻ വ​ഴി​യി​ല്ലാ​തെ പ​ണി​യ വി​ഭാ​ഗ​ത്തി​ൽ​പ്പെ​ട്ട 26 ആ​ദി​വാ​സി കു​ടും​ബ​ങ്ങ​ൾ ദു​രി​ത ജീ​വി​തം ന​യി​ക്കു​ന്ന​ത്. എം​എ​ൽ​എ ഉ​ൾ​പ്പെ​ടെ​യു​ള്ള​വ​ർ കോ​ള​നി​യി​ലേ​ക്ക് ഗ​താ​ഗ​ത സൗ​ക​ര്യ​ത്തി​ന് റോ​ഡ് ഉ​റ​പ്പാ​ക്കു​മെ​ന്ന് വാ​ഗ്ദാ​നം ന​ൽ​കി​യി​ട്ട് ഒ​രു പ​തി​റ്റാ​ണ്ട് ക​ഴി​യു​ന്നു.

ഇ​പ്പോ​ഴും റോ​ഡ് വാ​ഗ്ദാ​ന​ത്തി​ൽ ത​ന്നെ. ചാ​ലി​യാ​ർ പ​ഞ്ചാ​യ​ത്തി​ലെ പ​ന്തീ​രാ​യി​രം ഉ​ൾ​വ​ന​ത്തി​ലാ​ണ് കു​റു​ഞ്ഞി പ​ണി​യ​ർ വി​ഭാ​ഗ​ത്തി​ൽ ഉ​ൾ​പ്പെ​ട്ട 26 കു​ടും​ബ​ങ്ങ​ൾ ദു​രി​ത ജീ​വി​ത​ത്തി​ൽ ക​ഴി​യു​ന്ന​ത്. വാ​ഹ​ന ഗ​താ​ഗ​ത​മു​ള്ള നി​ല​ന്പൂ​ർ-​നാ​യാ​ടം​പൊ​യി​ൽ മ​ല​യോ​ര പാ​ത​യി​ൽ നി​ന്ന് ഒ​ന്ന​ര കി​ലോ​മീ​റ്റ​ർ ന​ട​ന്നു വേ​ണം ഇ​വ​ർ​ക്ക് കോ​ള​നി വീ​ടു​ക​ളി​ലേ​ക്ക് എ​ത്താ​ൻ. അ​തും സ്വ​കാ​ര്യ വ്യ​ക്തി​യു​ടെ പ​റ​ന്പി​ലൂ​ടെ. സ്ഥ​ലം ഉ​ട​മ വ​ഴി​യ​ട​ച്ചാ​ൽ പി​ന്നെ ഇ​വ​ർ​ക്ക് കോ​ള​നി​യി​ലെ​ത്താ​ൻ മ​റ്റ് വ​ഴി​യി​ല്ല. സ്ഥ​ലം ഉ​ട​മ​യു​ടെ ദ​യ​യി​ലാ​ണ് ഈ ​കു​ടും​ബ​ങ്ങ​ളു​ടെ യാ​ത്ര.

1970-തു​ക​ളി​ൽ മൂ​ലേ​പ്പാ​ടം-​പാ​ല​ക്ക​യം വ​ഴി അ​ന്പു​മ​ല​യി​ലേ​ക്ക് വ​നം വ​കു​പ്പ് നി​ർ​മി​ച്ച കൂ​പ്പ് റോ​ഡ് ഉ​ണ്ടാ​യി​രു​ന്നു. എ​ന്നാ​ൽ 2009 -ൽ ​വ​ന​ത്തി​നു​ള്ളി​ൽ ഉ​രു​ൾ​പൊ​ട്ട​ലു​ണ്ടാ​യി റോ​ഡ് ത​ക​ർ​ന്നു. പീ​ന്നീ​ട് അ​റ്റ​കു​റ്റ​പ​ണി ന​ട​ത്തി​യെ​ങ്കി​ലും നി​ർ​മാ​ണ ത​ക​രാ​ർ മൂ​ലം റോ​ഡ് പി​ന്നെ​യും ത​ക​ർ​ന്നു. ക​ഴി​ഞ്ഞ 14 വ​ർ​ഷ​മാ​യി ഈ ​പാ​ത അ​ട​ഞ്ഞ് കി​ട​ക്കു​ക​യാ​ണ്.

ക​ള​ക്ട​ർ​മാ​ർ, എം​എ​ൽ​എ ഗ്രാ​മ​പ്പ​ഞ്ചാ​യ​ത്ത് അ​ധി​കൃ​ത​ർ, വ​നം വ​കു​പ്പ്, ഐ​ടി​ഡി​പി എ​ന്നി​വ​ർ റോ​ഡ് വാ​ഗ്ദാ​നം ന​ട​ത്തു​ന്ന​ത​ല്ലാ​തെ കോ​ള​നി​ക്കാ​രു​ടെ ദു​രി​ത​യാ​ത്ര​ക്ക് മാ​ത്രം അ​റു​തി​യി​ല്ലെ​ന്ന് കോ​ള​നി​മൂ​പ്പ​ൻ ചെ​ന്പ​ൻ പ​റ​യു​ന്നു. ക​ക്കാ​ടം​പൊ​യി​ലി​ലെ റേ​ഷ​ൻ​ക​ട​യി​ൽ നി​ന്ന് ജീ​പ്പി​ൽ​കൊ​ണ്ടു വ​രു​ന്ന ഭ​ക്ഷ്യ​ധാ​ന്യ​ങ്ങ​ൾ ഒ​ന്ന​ര കി​ലോ​മീ​റ്റ​ർ ത​ല ചു​മ​ടാ​യി കു​ത്ത​നെ​യു​ള്ള ഇ​റ​ക്ക​വും അ​തേ​പോ​ലെ​യു​ള്ള ക​യ​റ്റ​വും ക​യ​റി വേ​ണം കോ​ള​നി​യി​ലെ​ത്തി​ക്കാ​ൻ.

ഏ​റ്റ​വും അ​ടു​ത്ത അ​ങ്ങാ​ടി​യാ​യ വെ​ണ്ടേ​ക്കും​പൊ​യി​ലി​ൽ പോ​യി വ​ര​ണ​മെ​ങ്കി​ൽ മൂ​ന്ന് കി​ലോ​മീ​റ്റ​ർ കാ​ൽ​ന​ട​യാ​യി പോ​ക​ണം. 2000-2005 കാ​ല​യ​ള​വി​ൽ ലി​സി ജോ​സ​ഫ് ചാ​ലി​യാ​ർ ഗ്രാ​മ​പ്പ​ഞ്ചാ​യ​ത്ത് പ്ര​സി​ഡ​ന്‍റാ​യി​രു​ന്ന​പ്പോ​ൾ കു​റു​വ​ൻ​പു​ഴ​ക്ക് കു​റു​കെ അ​ന്പു​മ​ല ക​ട​വി​ൽ നി​ർ​മി​ച്ച ക​ന്പി പാ​ല​മാ​ണ് മ​ഴ​ക്കാ​ല​ത്ത് കോ​ള​നി​യി​ൽ എ​ത്താ​നു​ള്ള ഏ​ക മാ​ർ​ഗ്ഗം. കോ​ള​നി​യി​ൽ നി​ല​വി​ൽ കു​ടി​വെ​ള്ള​വും വൈ​ദ്യു​തി​യു​മെ​ല്ലാം ഉ​ണ്ടെ​ങ്കി​ലും റോ​ഡ് ഇ​ല്ലാ​ത്ത​ത് ദു​രി​ത​ത്തി​ന്‍റെ ആ​ക്കം കൂ​ട്ടു​ക​യാ​ണ്.

വ​ല്ല​പ്പോ​ഴും എ​ത്തു​ന്ന ആ​രോ​ഗ്യ വ​കു​പ്പ് ജീ​വ​ന​ക്കാ​രും സ്കൂ​ളു​ക​ളി​ൽ നി​ന്ന് കു​ട്ടി​ക​ളെ തേ​ടി​യെ​ത്തു​ന്ന അ​ധ്യാ​പ​ക​നാ​യ ഇ​ല്ലി​ക്ക​ൽ റ​ഷീ​ദ​ലി​യു​മാ​ണ് ഇ​വ​രു​ടെ ഏ​ക ആ​ശ്വാ​സം. തെര​ഞ്ഞെ​ടു​പ്പ് സ​മ​യ​ങ്ങ​ളി​ൽ നേ​താ​ക്ക​ളു​ടെ വ​ലി​യ​പ​ട ത​ന്നെ കോ​ള​നി​യി​ൽ എ​ത്തും.

പി​ന്നെ അ​ടു​ത്ത തെര​ഞ്ഞെ​ടു​പ്പ് വ​ര​ണം. നി​ല​ന്പൂ​ർ-​നാ​യാ​ടം​പൊ​യി​ൽ മ​ല​യോ​ര പാ​ത​യി​ൽ കെഎ​സ്ആ​ർടിസി യു​ടെ മി​നി ബ​സ് സ​ർ​വ്വീ​സ് ന​ട​ത്തു​ന്ന​ത് ഇ​വ​ർ​ക്ക് ചെ​റി​യ ആ​ശ്വാ​സം ത​ന്നെ​യാ​ണ്. എ​ന്നാ​ൽ ഞാ​യ​റാ​ഴ്ച്ച ഈ ​സ​ർ​വീ​സ് മു​ട​ങ്ങു​ന്ന​തി​നാ​ൽ അ​ക​ന്പാ​ട​ത്തേ​ക്കോ ക​ക്കാ​ടം​പൊ​യി​ലേ​ക്കോ പോ​കാ​ൻ ടാ​ക്സി ജീ​പ്പ് വി​ളി​ക്ക​ണം.

Copyright @ 2022 , Rashtra Deepika Ltd.