അങ്ങാടിപ്പുറം: മലപ്പുറം ജില്ലാ സബ് ജൂണിയർ നെറ്റ്ബോൾ ചാന്പ്യൻഷിപ്പിൽ ആണ്, പെണ് വിഭാഗങ്ങളിൽ പരിയാപുരം സെന്റ് മേരീസ് ഹയർ സെക്കൻഡറി സ്കൂളിന് കിരീടം.
ജില്ലാ സ്പോർട്സ് കൗണ്സിലും ജില്ലാ നെറ്റ് ബോൾ അസോസിയേഷനും സംയുക്തമായി ചുങ്കത്തറ മാർത്തോമ ഹയർ സെക്കൻഡറി സ്കൂൾ മൈതാനത്ത് സംഘടിപ്പിച്ച മത്സരത്തിൽ സബ് ജൂണിയർ (ആണ്) വിഭാഗത്തിൽ ചുങ്കത്തറ മാർത്തോമ ഹയർ സെക്കൻഡറി സ്കൂളിനെയും (സ്കോർ: 16-6) സബ് ജൂണിയർ (പെണ്) വിഭാഗത്തിൽ മണിമൂളി ക്രൈസ്റ്റ് കിംഗ് ഹയർ സെക്കൻഡറി സ്കൂളിനെയും (സ്കോർ: 9-5) ഫൈനലിൽ പരാജയപ്പെടുത്തിയാണ് പരിയാപുരം വിജയം സ്വന്തമാക്കിയത്.
വിജയിച്ച മുഴുവൻ ടീം അംഗങ്ങളും പരിയാപുരം മരിയൻ സ്പോർട്സ് അക്കാഡമിയിലെ താരങ്ങളാണ്. സബ് ജൂണിയർ (ആണ്) വിഭാഗത്തിൽ അഭിഷേക് (ക്യാപ്റ്റൻ), അജയ് ജോസഫ്, ആൽഡ്രിൻ ബെന്നി, അലൻ കെ.അനൂപ്, കെ.അർജുൻ, ആൽവിൻ, എമിൽ സാജു, എം.ജോസഫ് തോമസ്, ജോയൽ വിൻസന്റ്, കെൻസ് സണ്ണി, ലിയോണ് വിനോജ്, വരുണ് ദേവ് എന്നിവരും സബ് ജൂണിയർ (പെണ്) വിഭാഗത്തിൽ എസ്.അശ്വചിത്ര (ക്യാപ്റ്റൻ), എൽസിറ്റ ജോസ്, പി.ആർദ്ര, പി.നന്ദന, അന്ന ആന്റണി, ഷാദിയ, അക്സ എം.ജോയ്, കെ.കൃഷ്ണേന്ദു, അനന്യ ജയപ്രവീണ്, കെ.ടി.ദിൽന എന്നിവരും പരിയാപുരത്തിനായി കളത്തിലിറങ്ങി. കെ.എസ്.സിബി, ജസ്റ്റിൻ ജോസ് എന്നിവരാണ് പരിശീലകർ.