അ​ന്തി​യു​റ​ങ്ങാ​ന്‍ ഇ​ട​മി​ല്ലാ​തെ​ ആ​ദി​വാ​സി കു​ടും​ബം
Sunday, August 4, 2024 5:41 AM IST
നി​ല​മ്പൂ​ര്‍: മ​ഴ​യി​ല്‍ വീ​ട്ടി​ല്‍ ക​യ​റി​യ വെ​ള്ളം ഇ​റ​ങ്ങി​യെ​ങ്കി​ലും വാ​സ​യോ​ഗ്യ​മാ​യി​ല്ല. ഇ​തോ​ടെ അ​ന്തി​യു​റ​ങ്ങാ​ന്‍ ഇ​ട​മി​ല്ലാ​തെ അ​ല​യു​ക​യാ​ണ് 84വ​യ​സു​കാ​രി മു​ണ്ടി​യും മ​ക​ളും പേ​ര​മ​ക​ളും ഉ​ള്‍​പ്പെ​ടു​ന്ന ആ​ദി​വാ​സി കു​ടും​ബം. നി​ല​മ്പൂ​ര്‍ ന​ഗ​ര​സ​ഭ​യി​ലെ തോ​ണി​പ്പൊ​യി​ല്‍ ഡി​വി​ഷ​നി​ലാ​ണ് ഇ​വ​രു​ടെ താ​മ​സം.

നി​ത്യ​രോ​ഗി​യാ​യ മു​ണ്ടി​യും മ​ക​ള്‍ ശാ​ന്ത​യും പേ​ര​മ​ക​ള്‍ ഗോ​പി​ക​യു​മാ​ണ് വീ​ട്ടി​ല്‍ താ​മ​സി​ക്കു​ന്ന​ത്. കു​തി​ര​പ്പു​ഴ​യു​ടെ സ​മീ​പ​ത്താ​ണ് ഇ​വ​ര്‍ താ​മ​സി​ക്കു​ന്ന വീ​ട്. തൊ​ട്ട​ടു​ത്ത് തോ​ടും വ​യ​ലു​മാ​ണ്.

ശ​ക്ത​മാ​യ മ​ഴ​യി​ല്‍ പു​ഴ​യി​ലും തോ​ട്ടി​ലും വ​യ​ലി​ലും വെ​ള്ളം ഉ​യ​ര്‍​ന്ന​തോ​ടെ ഇ​വ​രു​ടെ വീ​ടും വെ​ള്ള​ത്തി​ലാ​യി. വീ​ടി​ന്‍റെ വാ​തി​ലും വീ​ട്ടു​പ​ക​ര​ണ​ങ്ങ​ളും ന​ശി​ച്ചു. ന​ഗ​ര​സ​ഭ കൗ​ണ്‍​സി​ല​ര്‍ ഇ​ട​പെ​ട്ട് ഇ​വ​രെ മ​യ്യ​ന്താ​നി​യി​ലെ പ​ക​ല്‍ വീ​ട്ടി​ലാ​ക്കി. എ​ന്നാ​ല്‍ അ​വി​ടെ നി​ന്നു ഒ​ഴി​യേ​ണ്ട അ​വ​സ്ഥ​യി​ലാ​ണി​പ്പോ​ള്‍. വീ​ടി​ന്‍റെ വാ​തി​ല്‍ പൊ​ളി​ഞ്ഞി​രി​ക്കു​ക​യ​ണ്. മ​ഴ​യ​ത്ത് മേ​ല്‍​ക്കൂ​ര ചോ​ര്‍​ന്നൊ​ലി​ക്കു​ന്നു.


ദു​ര​വ​സ്ഥ അ​റി​യി​ച്ചി​ട്ടും ഐ​ടി​ഡി​പി അ​ധി​കൃ​ത​ര്‍ തി​രി​ഞ്ഞ് നോ​ക്കു​ന്നി​ല്ലെ​ന്ന് ഇ​വ​ര്‍ പ​റ​യു​ന്നു. മ​ഴ​ക്കാ​ല​ത്ത് ഇ​വ​രു​ടെ വീ​ട്ടി​ല്‍ വെ​ള്ളം ക​യ​റ​ല്‍ പ​തി​വാ​ണ്.

2019ല്‍ ​വീ​ട് പൂ​ര്‍​ണ​മാ​യും വെ​ള്ള​ത്തി​ലാ​യി​രു​ന്നു. അ​ന്ന് ന​ഷ്ട​പ്പെ​ട്ട ആ​ധാ​രം ഇ​തു​വ​രെ ശ​രി​യാ​യി​ട്ടി​ല്ലെ​ന്നാ​ണ് ഇ​വ​ര്‍ പ​റ​യു​ന്ന​ത്. തൃ​ക്കൈ​ക്കു​ത്ത് ഇ​വ​ര്‍​ക്ക് 10 സെ​ന്‍റ് സ്ഥ​ലം അ​നു​വ​ദി​ച്ചി​ട്ടു​ണ്ട്. എ​ന്നാ​ല്‍ വീ​ട് ല​ഭി​ച്ചി​ട്ടി​ല്ല. നി​ല​വി​ലു​ള്ള വീ​ട് വാ​സ​യോ​ഗ്യ​മ​ക്ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം.