കൂരാച്ചുണ്ട്: ദേശീയ ആരോഗ്യ ദൗത്യത്തിന്റെ ഭാഗമായി "എന്റെ ആരോഗ്യം എന്റെ ഉത്തരവാദിത്വം' എന്ന സന്ദേശം ഉയർത്തിക്കൊണ്ട് കൂരാച്ചുണ്ട് പഞ്ചായത്തും ആരോഗ്യ വകുപ്പും സംയുക്തമായി ആരോഗ്യമേള സംഘടിപ്പിച്ചു.
പഞ്ചായത്ത് പ്രസിഡന്റ് പോളി കാരക്കട ഉദ്ഘാടനം നിർവഹിച്ചു. വൈസ് പ്രസിഡന്റ് റസീന യൂസഫ് അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻമാരായ ഒ.കെ. അമ്മദ്, സിമിലി ബിജു, ഡാർലി എബ്രഹാം, ബ്ലോക്ക് അംഗങ്ങളായ അഡ്വ. വി.കെ. ഹസീന, പി.കെ. ലീബ, വാർഡ് അംഗങ്ങൾ, വ്യാപാര വ്യവസായി പ്രതിനിധികൾ, ഐസിഡിഎസ്, ഹരിത കർമ സേന പ്രതിനിധികൾ, കെഎസ്ഇബി അസിസ്റ്റന്റ് എൻജിനീയർ വിനോദ്, പഞ്ചായത്ത് ആസൂത്രണ സമിതി ഉപാധ്യക്ഷൻ ആൻഡ്രൂസ് കട്ടിക്കാന, ഹെൽത്ത് ഇൻസ്പെക്ടർ എ.സി. അരവിന്ദൻ, രാഷ്ട്രീയ പാർട്ടി പ്രതിനിധികൾ എന്നിവർ പ്രസംഗിച്ചു.
മേളയുടെ ഭാഗമായി ആരോഗ്യ സന്ദേശ റാലി, വിവിധ വകുപ്പുകളുടെ സ്റ്റാളുകൾ, നേത്ര പരിശോധന, ജീവിതശൈലീ രോഗനിർണയം എന്നിവ സംഘടിപ്പിച്ചു.
മെഡിക്കൽ ഓഫീസർമാരായ ഡോ. മുഹമ്മദ് ബഷീർ, ഡോ. ടോജോ പി. ജോയ്, ആയുർവേദ മെഡിക്കൽ ഓഫീസർ ഡോ. അനു എന്നിവർ വിവിധ വിഷയങ്ങളിൽ ക്ലാസുകൾ നയിച്ചു.