കൂരാച്ചുണ്ട്: ഭാരത് ജോഡോ യാത്ര കാശ്മീരിൽ സമാപിക്കുന്ന ചടങ്ങിനോടനുബന്ധിച്ച് കോൺഗ്രസ് സംസ്ഥാന കമ്മിറ്റിയുടെ ആഹ്വാന പ്രകാരം കൂരാച്ചുണ്ട് കോൺഗ്രസ് മണ്ഡലം കമ്മിറ്റിയുടെ ആഭിമുഖ്യത്തിൽ ദേശീയോദ്ഗ്രഥന സംഗമ റാലി സംഘടിപ്പിച്ചു.
സാംസ്കാരിക പ്രവർത്തകൻ സുരേഷ് കോട്ടൂർ ഉദ്ഘാടനം ചെയ്തു. മണ്ഡലം പ്രസിഡന്റ് ജോൺസൺ താന്നിക്കൽ അധ്യക്ഷത വഹിച്ചു.
ഡിസിസി ജനറൽ സെക്രട്ടറി അഗസ്റ്റിൻ കാരക്കട, പഞ്ചായത്ത് പ്രസിഡന്റ് പോളി കാരക്കട, പയസ് വെട്ടിക്കാട്ട്, ഷാജി ഒറ്റപ്ലാക്കൽ, കെ.സി. മൊയ്തി, രാജു കിഴക്കേക്കര, കുര്യൻ ചെമ്പനാനി, സുനീർ പുനത്തിൽ എന്നിവർ പ്രസംഗിച്ചു.
ചക്കിട്ടപാറ: കോൺഗ്രസ് മണ്ഡലം കമ്മിറ്റിയുടെ ആഭിമുഖ്യത്തിൽ ചക്കിട്ടപാറ ടൗണിൽ ദേശീയോദ്ഗ്രഥന സംഗമ റാലി നടത്തി. മണ്ഡലം പ്രസിഡന്റ് റെജി കേച്ചേരി അധ്യക്ഷത വഹിച്ചു. ജെയിംസ് മാത്യു, ബാബു കൂനംതടം, തോമസ് ആനത്താനത്ത്, പി.ആർ. ലോഹിതാക്ഷൻ, ഗിരിജ ശശി എന്നിവർ പ്രസംഗിച്ചു.
ജിതേഷ് മുതുകാട്, രാജേഷ് തറവട്ടത്ത്, അപ്പച്ചൻ അമ്പാട്ട്, ജോസ് കാരിവേലി, ജിനേഷ് കല്ലുപുറത്ത്, പി.വി. നാരായണി, മുഹമ്മദ് ഷെരീഫ്, പി.സി. ലീല, സിന്ധു വിജയൻ എന്നിവർ നേതൃത്വം നൽകി.