താമരശേരി: രാഹുല് ഗാന്ധിയെ എംപി സ്ഥാനത്ത് നിന്നും അയോഗ്യനാക്കിയ നടപടിയില് പ്രതിഷേധിച്ച് മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് ഈങ്ങാപ്പുഴ അങ്ങാടിയില് പ്രതിഷേധ പ്രകടനം നടത്തി.
അഭിപ്രായ സ്വാതന്ത്ര്യത്തിന് കൂച്ചുവിലങ്ങിടുന്ന നരേന്ദ്രമോദി സര്ക്കാരിന്റെ പ്രവര്ത്തനങ്ങള് ജനാധിപത്യ ഭാരതം എതിര്ത്തു തോല്പ്പിക്കുമെന്ന് ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് പി.സി. മാത്യു പറഞ്ഞു. സന്തോഷ് മാളിയേക്കല്, ബിജു താന്നിക്കാക്കുഴി, രാജേഷ് ജോസ്, ബീന തങ്കച്ചന്, പി.സി. നാസര്, രതീഷ് പ്ലാപ്പറ്റ, ഷിജു ഐസക്, ഉണ്ണികൃഷ്ണന് പെരുമ്പള്ളി, ദേവസ്യ ചൊള്ളാമഠം, റിയാസ് കാക്കവയല്, സജീവന് പൂവണിയില് എന്നിവര് പ്രസംഗിച്ചു. റോയി വള്ളിയാംതടം, ജാസില് പുരുപ്പാടി, അമല് രാജ്, ലാലിച്ചന്, ഷിന്ജോ തൈക്കല്, മോളി ആന്റോ, നിജാസ്, അഡ്വ. ഷാഫി എന്നിവര് നേതൃത്വം നല്കി.
കോടഞ്ചേരി: രാഹുൽ ഗാന്ധിയെ സത്യം തുറന്നു പറഞ്ഞതിന്റെ പേരിൽ കള്ളക്കേസിൽ കുടുക്കി ജയിലിൽ അടച്ച് ജനാധിപത്യ സംവിധാനത്തെ അട്ടിമറിക്കാനുള്ള മോദി സർക്കാരിന്റെ കിരാത നടപടിയിൽ പ്രതിഷേധിച്ച് മണ്ഡലം കോൺഗ്രസ് കമ്മിറ്റി കോടഞ്ചേരി ടൗണിൽ പ്രതിഷേധ പ്രകടനവും പൊതുയോഗവും നടത്തി. പഞ്ചായത്ത് പ്രസിഡന്റ് അലക്സ് തോമസ് പൊതുസമ്മേളനം ഉദ്ഘാടനം ചെയ്തു. മണ്ഡലം കോൺഗ്രസ് പ്രസിഡന്റ് സണ്ണി കാപ്പാട്ട്മല അധ്യക്ഷത വഹിച്ചു.
താമരശേരി: രാഹുല് ഗാന്ധിയെയും അടിച്ചൊതുക്കാനും ഇല്ലായ്മ ചെയ്യാനുമുള്ള ഫാസിസ്റ്റ് ഗൂഢാലോചനയില് പ്രതിഷേധിച്ച് യുഡിഎഫ് പഞ്ചായത്ത് കമ്മിറ്റിയുടെ ആഭിമുഖ്യത്തില് താമരശേരിയില് പ്രകടനവും ജനാധിപത്യ സംരക്ഷണ സംഗമവും സംഘടിപ്പിച്ചു. പ്രതിഷേധ പ്രകടനത്തിന് ശേഷം നടന്ന ജനാധിപത്യ സംരക്ഷണ സംഗമം കെപിസിസി അംഗം എ. അരവിന്ദന് ഉദ്ഘാടനം ചെയ്തു. പഞ്ചായത്ത് യുഡിഎഫ് ചെയര്മാന് പി.ടി.ബാപ്പു അധ്യക്ഷത വഹിച്ചു. പഞ്ചായത്ത് യുഡിഎഫ് കണ്വീനര് ടി.ആര് ഓമന കുട്ടന്, മണ്ഡലം കോണ്ഗ്രസ് പ്രസിഡന്റ് നവാസ് ഈര്പ്പോണ എന്നിവര് പ്രസംഗിച്ചു.
പ്രതിഷേധ പ്രകടനത്തിന് പി.പി.ഹാഫിസ് റഹ്മാന്, അഡ്വ. ജോസഫ് മാത്യു, എം.സുല്ഫിക്കര്, ജെ.ടി.അബ്ദുറഹിമാന്, വി.കെ.മുഹമ്മദ് കുട്ടിമോന്, എ.കെ.കൗസര്, വി.കെ.എ കബീര്, പി.പി.ഗഫൂര്, സുബൈര് വെഴുപ്പൂര്, എം.ടി.അയൂബ് ഖാന് എന്നിവര് നേതൃത്വം നല്കി.