റവന്യൂ ജില്ലാ വോളിബോൾ: കുന്നമംഗലം സബ്ജില്ല ഓവറോൾ ചാമ്പ്യന്മാർ
1338147
Monday, September 25, 2023 1:28 AM IST
വടകര: കോഴിക്കോട് റവന്യൂ ജില്ലാ വോളിബോൾ ചാമ്പ്യൻഷിപ്പിന്റെ ആദ്യദിവസം സീനിയർ പെൺകുട്ടികളുടെ വിഭാഗം ഫൈനൽ മത്സരത്തിൽ വടകര സബ് ജില്ലയെ 2-0ത്തിന് പരാജയപ്പെടുത്തി കുന്നമംഗലം ചാമ്പ്യന്മാരായി.
ജൂണിയർ പെൺകുട്ടികളുടെ വിഭാഗം ഫൈനലിൽ കുന്നമംഗലം സബ്ജില്ല 2-0ത്തിന് തോടന്നൂർ സബ്ജില്ലയെ പരാജയപ്പെടുത്തി ചാമ്പ്യന്മാരായി.സബ് ജൂണിയർ പെൺകുട്ടികളുടെ വിഭാഗം ഫൈനലിൽ കുന്നമംഗലം സബ് ജില്ല, പേരാന്പ്ര സബ് ജില്ലയെ ഒന്നിനെതിരേ രണ്ട് സെറ്റുകൾക്ക് പരാജയപ്പെടുത്തി ചാമ്പ്യന്മാരായി.
സബ്ജൂണിയർ ആൺകുട്ടികളുടെ വിഭാഗം ഫൈനലിൽ കുന്നമംഗലം സബ് ജില്ല ഒന്നിനെതിരേ രണ്ട് സെറ്റുകൾക്ക് പേരാന്പ്ര സബ് ജില്ലയെ പരാജയപ്പെടുത്തിയുമാണ് ആദ്യദിവസം ചാമ്പ്യൻഷിപ്പ് നേടിയത്.