കോഴിക്കോട്: കാർഷിക മേഖലയിലെ പ്രശ്നങ്ങൾ പരിഹരിക്കുന്നതിന് വേണ്ടി വയനാട് പാർലമെന്റ് മണ്ഡലം യുഡിഎഫ് സ്ഥാനാർഥി രാഹുൽ ഗാന്ധിയെ വിജയിപ്പിക്കണമെന്ന് യുഡിഎഫ് കർഷക സംഘടനകളുടെ യോഗം ആവശ്യപ്പെട്ടു. തിരുവമ്പാടിയിൽ 20ന് കർഷക സംഗമം നടത്താനും തീരുമാനിച്ചു.
യുഡിഎഫ് സെൻട്രൽ ഇലക്ഷൻ കമ്മിറ്റി ഓഫീസിൽ നടന്ന യോഗം കർഷക കോൺഗ്രസ് സംസ്ഥാന ജനറൽ സെക്രട്ടറി ബോസ് ജേക്കബ് ഉദ്ഘാടനം ചെയ്തു. മുസ്ലിം ലീഗ് സ്വതന്ത്ര കർഷക സംഘം നിയോജക മണ്ഡലം പ്രസിഡന്റ് അബൂബക്കർ നടുക്കണ്ടി അധ്യക്ഷത വഹിച്ചു.
യുഡിഎഫ് തെരഞ്ഞെടുപ്പ് കമ്മിറ്റി ചെയർമാൻ സി.കെ. കാസിം മുഖ്യപ്രഭാഷണം നടത്തി. കൺവീനർ സി.ജെ. ആന്റണി, കെ.ടി. മൻസൂർ, ഷിജു ചെമ്പനാനി, ജോണി പ്ലാക്കാട്ട്, ഹമീദ്, ജിതിൻ പല്ലാട്ട്, ജോൺ പൊന്നമ്പേൽ, കമറുദ്ദീൻ അടിവാരം,
എ.എസ്. ജോസ്, ഷെരീഫ് അമ്പലക്കണ്ടി, പി.ജി. മുഹമ്മദ്, എം.ടി. സെയിദ് ഫസൽ, ബാബു മുത്തേടം, വിൽസൺ തറപ്പിൽ, എ.എം. അബ്ദുള്ള, കുര്യൻ ജോസഫ്, മുസ്തഫ പൂളേരി, വിനോദ് ചെങ്ങളംതകിടി, അനീഷ് പനിച്ചിയിൽ എന്നിവർ പ്രസംഗിച്ചു.