കാ​ര​ശേ​രി​യി​ലെ ടേ​ക്ക് എ ​ബ്രേ​ക്ക് വ​ഴി​യോ​ര വി​ശ്ര​മ ‌കേ​ന്ദ്രം വീ​ണ്ടും തു​റ​ക്കു​ന്നു
Monday, August 12, 2024 4:55 AM IST
മു​ക്കം: കൊ​യി​ലാ​ണ്ടി-​എ​ട​വ​ണ്ണ സം​സ്ഥാ​ന പാ​ത​യോ​ര​ത്ത് കാ​ര​ശേ​രി പ​ഞ്ചാ​യ​ത്ത് നി​ർ​മി​ച്ച ടേ​ക്ക് എ ​ബ്രേ​ക്ക് വി​ശ്ര​മ കേ​ന്ദ്രം വീ​ണ്ടും തു​റ​ന്ന് പ്ര​വ​ർ​ത്തി​ക്കാ​ൻ ന​ട​പ​ടി​യാ​കു​ന്നു. നേ​ര​ത്തെ ഇ​വി​ടെ പ്ര​വ​ർ​ത്തി​ച്ചി​രു​ന്ന ഹോ​ട്ട​ൽ ഉ​ൾ​പ്പെ​ടെ​യു​ള്ള​വ​ക്കാ​യി ക​രാ​റെ​ടു​ത്ത​വ​ർ ക​രാ​ർ കാ​ലാ​വ​ധി ക​ഴി​ഞ്ഞ​തി​നെ തു​ട​ർ​ന്ന് നി​ർ​ത്തി​പ്പോ​യ​തോ​ടെ​യാ​ണ് വി​ശ്ര​മ​കേ​ന്ദ്രം അ​ട​ച്ചു പൂ​ട്ടി​യി​രു​ന്ന​ത്.

ഇ​തോ​ടെ ഇ​വി​ടെ പ്ര​വ​ർ​ത്തി​ച്ചി​രു​ന്ന ശൗ​ചാ​ല​യ​മ​ട​ക്ക​മു​ള്ള സം​വി​ധാ​ന​ങ്ങ​ളും അ​ട​ച്ചു പൂ​ട്ടു​ക​യാ​യി​രു​ന്നു. സം​ഭ​വം വി​വാ​ദ​മാ​യ​തോ​ടെ കാ​ര​ശേ​രി പ​ഞ്ചാ​യ​ത്ത് ശൗ​ചാ​ല​യം തു​റ​ന്നെ​ങ്കി​ലും അ​ത് ജ​ന​ങ്ങ​ൾ​ക്ക് ഉ​പ​കാ​ര​പ്ര​ദ​മാ​യി​രു​ന്നി​ല്ല. നേ​ര​ത്തെ മാ​സം 40,000 രൂ​പ​യോ​ള​മാ​യി​രു​ന്നു മാ​സ​വാ​ട​ക​യെ​ങ്കി​ൽ നി​ല​വി​ൽ 20,000 രൂ​പ​യാ​ണ് മാ​സ വാ​ട​ക ല​ഭി​ക്കു​ക. ഹോ​ട്ട​ലി​ന് പ​ക​രം ക​ഫ്തീ​രി​യ​യും പ്ര​വ​ർ​ത്തി​ക്കും.

ഓ​ട​തെ​രു​വി​ലെ മാ​ടാം​പ്പു​റ​ത്താ​ണ് പ​ദ്ധ​തി ആ​രം​ഭി​ച്ച​ത്. പൊ​തു​ശു​ചി​മു​റി സ​മു​ച്ച​യ​ങ്ങ​ളും വ​ഴി​യോ​ര വി​ശ്ര​മ​കേ​ന്ദ്ര​ങ്ങ​ളും അ​ട​ങ്ങു​ന്ന​താ​ണ് ടേ​ക്ക് എ ​ബ്രേ​ക്ക് പ​ദ്ധ​തി. ഇ​തു​വ​ഴി ക​ട​ന്നു​പോ​കു​ന്ന ദീ​ർ​ഘ​ദൂ​ര യാ​ത്ര​ക്കാ​ർ​ക്കും സ്ത്രീ​ക​ൾ​ക്കും കു​ട്ടി​ക​ൾ​ക്കും ഉ​ൾ​പ്പെ​ടെ ഏ​ത് സ​മ​യ​ത്തും വൃ​ത്തി​യാ​യും സു​ര​ക്ഷി​ത​മാ​യും ഉ​പ​യോ​ഗി​ക്ക​ത്ത​ക്ക രീ​തി​യി​ലു​ള്ള ശു​ചി​മു​റി​ക​ളും കോ​ഫി ഷോ​പ്പു​ക​ളും ഉ​ൾ​പ്പെ​ടെ​യു​ള്ള ആ​ധു​നി​ക സം​വി​ധാ​ന​ത്തോ​ടു കൂ​ടി​യ കെ​ട്ടി​ട​മാ​ണ് 43 ല​ക്ഷം രൂ​പ ചെ​ല​വി​ൽ നി​ർ​മി​ച്ചി​രു​ന്ന​തെ​ങ്കി​ലും ഇ​തി​ന്‍റെ പ്ര​യോ​ജ​നം പ​ല​പ്പോ​ഴും ല​ഭി​ച്ചി​രു​ന്നി​ല്ല.


എ​ല്ലാ ശു​ചി​മു​റി​ക​ളി​ലും സാ​നി​ട്ട​റി നാ​പ്കി​ൻ, ഡി​സ്ട്രോ​യ​ർ, അ​ജൈ​വ മാ​ലി​ന്യ സം​ഭ​ര​ണ സം​വി​ധാ​ന​ങ്ങ​ൾ അ​ണു​ന​ശീ​ക​ര​ണ സം​വി​ധാ​ന​ങ്ങ​ൾ എ​ന്നി​വ അ​ട​ങ്ങു​ന്ന പ​ദ്ധ​തി​യാ​ണ് ല​ക്ഷ്യം വ​ച്ചി​രു​ന്ന​ത്. ര​ണ്ടാം ഘ​ട്ട​ത്തി​ൽ ഒ​ന്നാം നി​ല കൂ​ടി നി​ർ​മി​ച്ച് കൂ​ടു​ത​ൽ സൗ​ക​ര്യ​പ്ര​ദ​മാ​ക്കു​മെ​ന്നും കാ​ര​ശേ​രി പ​ഞ്ചാ​യ​ത്ത​ധി​കൃ​ത​ർ വ്യ​ക്ത​മാ​ക്കി​യി​രു​ന്നു.