ഹൈ​ടെ​ക് വി​ദ്യാ​ല​യ സ​മു​ച്ച​യം ഉ​ദ്ഘാ​ട​നം ചെ​യ്തു
Thursday, September 29, 2022 12:10 AM IST
ക​ല്ലോ​ടി: മാ​ന​ന്ത​വാ​ടി രൂ​പ​ത കോ​ർ​പ്പ​റേ​റ്റ് വി​ദ്യാ​ഭ്യാ​സ ഏ​ജ​ൻ​സി​ക്ക് കീ​ഴി​ലു​ള്ള ക​ല്ലോ​ടി സെ​ന്‍റ് ജോ​സ​ഫ്സ് ഹൈ​സ്കൂ​ളി​നാ​യി നി​ർ​മി​ച്ച ഹൈ​ടെ​ക് കെ​ട്ടി​ട​ത്തി​ന്‍റെ ഉ​ദ്ഘാ​ട​നം മാ​ന​ന്ത​വാ​ടി ബി​ഷ​പ് മാ​ർ ജോ​സ് പൊ​രു​ന്നേ​ടം നി​ർ​വ​ഹി​ച്ചു. കു​ടി​യേ​റ്റ പ്ര​ദേ​ശ​മാ​യ ക​ല്ലോ​ടി​യി​ലെ ജ​ന​ങ്ങ​ളു​ടെ ആ​ഗ്ര​ഹ​വും ല​ക്ഷ്യ​വു​മാ​യി​രു​ന്ന ഈ ​വി​ദ്യാ​ല​യം 1976 ലാ​ണ് സ്ഥാ​പി​ത​മാ​യ​ത്.

ത​ല​മു​റ​ക​ൾ​ക്ക് അ​റി​വ് പ​ക​ർ​ന്ന വി​ഞ്ജാ​ന​കേ​ന്ദ്ര​ത്തി​നാ​യി ആ​ധു​നി​ക രീ​തി​യി​ൽ നി​ർ​മി​ച്ച വി​ദ്യാ​ല​യ സ​മു​ച്ച​യ​ത്തി​ൽ 22 ഹൈ​ടെ​ക് ക്ലാ​സ്‌​സ് മു​റി​ക​ൾ, ലാ​ബ് ലൈ​ബ്ര​റി സൗ​ക​ര്യം, കൗ​ണ്‍​സി​ലിം​ഗ് മു​റി, വെ​യ്റ്റിം​ഗ് റൂം, 27 ​ടോ​യ്ല​റ്റു​ക​ൾ, വാ​ഷിം​ഗ് യൂ​ണി​റ്റു​ക​ൾ തു​ട​ങ്ങി​യ അ​ത്യാ​ധു​നി​ക സ​ജ്ജീ​ക​ര​ണ​ങ്ങ​ൾ ഒ​രു​ക്കി​യി​ട്ടു​ണ്ട്. ഒ.​ആ​ർ. കേ​ളു എം​എ​ൽ​എ സ​യ​ൻ​സ് ലാ​ബി​ന്‍റെ​യും ഐ​ടി ലാ​ബി​ന്‍റെ​യും ഉ​ദ്ഘാ​ട​നം നി​ർ​വ​ഹി​ച്ചു. രാ​ഷ്ട്രീ​യ രം​ഗ​ത്തെ പ്ര​മു​ഖ​ർ, പൂ​ർ​വ അ​ധ്യാ​പ​ക​രും വി​ദ്യാ​ർ​ഥി​ക​ളും വി​ദ്യാ​ല​യ​ത്തി​ലെ ര​ക്ഷി​താ​ക്ക​ളും പ്ര​ദേ​ശ​വാ​സി​ക​ളും മ​റ്റ് പൗ​ര​പ്ര​മു​ഖ​രും പ​ങ്കെ​ടു​ത്ത പൊ​തു​സ​മ്മേ​ള​നം കോ​ർ​പ്പ​റേ​റ്റ് മാ​നേ​ജ​ർ ഫാ. ​സി​ജോ ഇ​ളം​കു​ന്ന​പ്പു​ഴ അ​ധ്യ​ക്ഷ​ത വ​ഹി​ച്ചു.

സ്കൂ​ൾ മാ​നേ​ജ​ർ ഫാ ​ബി​ജു മാ​വ​റ, മാ​ന​ന്ത​വാ​ടി ബ്ലോ​ക്ക് പ്ര​സി​ഡ​ന്‍റ് ജ​സ്റ്റി​ൻ ബേ​ബി, ബ്ലോ​ക്ക് പ​ഞ്ചാ​യ​ത്ത് അം​ഗം വി​ജോ​ൾ, എ​ട​വ​ക ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ജം​സീ​റ ഷി​ഹാ​ബ്, വി​ദ്യാ​ല​യ​ത്തി​ലെ പ്ര​ധാ​ന​ധ്യാ​പി​ക കെ.​ജെ. ജാ​ക്വ​ലി​ൻ, ക​ല്ലോ​ടി സെ​ന്‍റ് ജോ​സ​ഫ്സ് ഹ​യ​ർ​സെ​ക്ക​ൻ​ഡ​റി പ്രി​ൻ​സി​പ്പ​ൽ ബ്രി​ജേ​ഷ് ബാ​ബു തു​ട​ങ്ങി​യ​വ​ർ പ്ര​സം​ഗി​ച്ചു.