കൽപ്പറ്റ: ഹരിത മിത്രം സ്മാർട്ട് ഗാർബേജ് ആപ്പിന്റെ എൻ റോൾമെന്റും ക്യുആർ കോഡ് പതിപ്പിക്കലും കോട്ടത്തറ പഞ്ചായത്തിൽ പൂർത്തിയായി. നടപടികൾ പൂർത്തിയാക്കുന്ന ജില്ലയിലെ ആദ്യത്തെ തദ്ദേശസ്ഥാപനമാണ് കോട്ടത്തറ. ഹരിത കർമ സേനയെ ഉപയോഗിച്ചാണ് വീടുകളിലും സ്ഥാപനങ്ങളിലും എന് റോൾമെന്റ് പ്രവർത്തങ്ങൾ പഞ്ചായത്ത് പൂർത്തീയാക്കിയത്. ഇതോടെ പഞ്ചായത്തിലെ മാലിന്യ സംസ്ക്കരണവും ശേഖരണവും ഡിജിറ്റലായി നിരീക്ഷിക്കാനും ഇടപെടൽ നടത്താനും പഞ്ചായത്തിന് സാധിക്കും.
24 ഹരിത കർമസേന അംഗങ്ങളാണ് കോട്ടത്തറയിൽ സ്മാർട്ട് ഗാർബേജ് ആപ്പ് എൻറോൾമെന്റ് പ്രവർത്തനങ്ങളിൽ ഏർപ്പെട്ടത്. വീടുകളും സ്ഥാപനങ്ങളുമായും 4698 എൻറോൾമെന്റുകളാണ് ഭരണസമിതിയുടെയും ഉദ്യോഗസ്ഥരുടെയും പിന്തുണയോടെ ഇവർ ഒരു മാസം കൊണ്ട് പൂർത്തീ കരിച്ചത്. ഒരു വാർഡിൽ 2രണ്ട് പേർക്കാണ് ചുമതലയുണ്ടായിരുന്നത്. ഹരിത സഹായ സ്ഥാപനമായ നിറവിന്റെയും കെൽട്രോണിന്റെയും പിന്തുണയും ഹരിത കർമ സേനയ്ക്ക് ലഭിച്ചു.
ജില്ലയിൽ അന്പലവയൽ, എടവക, തൊണ്ടർനാട്, മുള്ളൻകൊല്ലി, മീനങ്ങാടി, കണിയാന്പറ്റ, കോട്ടത്തറ, മുട്ടിൽ ഗ്രാമപഞ്ചായത്തുകൾ കൽപ്പറ്റ നഗരസഭ എന്നീ ഒന്പത് തദ്ദേശ സ്ഥാപനങ്ങളെയാണ് ഹരിത മിത്രം ആപ്പ് നടപ്പാക്കുന്നതിനായി ആദ്യ ഘട്ടത്തിൽ തെരഞ്ഞെടുത്തിരിക്കുന്നത്. നവ കേരളം കർമ പദ്ധതിയിൽ ശുചിത്വ മിഷന്റെയും ഹരിത കേരളം മിഷന്റെയും സഹകരണ ത്തോടെ തദ്ദേശ സ്ഥാപനങ്ങളുടെ നേതൃത്വത്തിൽ കെൽട്രോണിന്റെ സാങ്കേതിക സഹായത്തോടെ നടപ്പാക്കുന്ന പദ്ധതിയാണ് ഹരിത മിത്രം സ്മാർട്ട് ഗാർബേജ് ആപ്പ്.
ഡിജിറ്റലാകും മാലിന്യ സംസ്കരണം
ഓരോ വീട്ടിലും സ്ഥാപനത്തിലും പ്രത്യേക ക്യു.ആർ കോഡ് പതിപ്പിച്ചു എൻറോൾമെന്റ് ചെയ്യുന്നതിനാൽ തദ്ദേശ സ്ഥാപങ്ങളിൽ നടക്കുന്ന ശുചിത്വ മാലിന്യം സംസ്കരണ പ്രവർത്തനങ്ങൾ വാർഡ്തലം മുതൽ സംസ്ഥാന തലം വരെ ഒരു ഏകീകൃത സംവിധാനത്തിലൂടെ നിരീക്ഷിക്കാൻ കഴിയുമെന്നതാണ് ഹരിത്രമിത്രം ആപ്പിന്റെ പ്രത്യേകത. എൻറോൾമെന്റ് ചെയ്യുന്പോൾ മാലിന്യം ഉത്പാദിപ്പിക്കുന്ന സ്ഥലത്തിന്റെ ജിയോ ലൊക്കേഷനും ഫോട്ടോയും ആപ്പിൽ രേഖപ്പെടുത്തും. തദേശ ഭരണ സ്ഥാപനത്തിന്റെ മൊത്തത്തിലുള്ള മാലിന്യ അവലോകനം, മാലിന്യം സംബന്ധിച്ച വാർഡ് തിരിച്ചുള്ള സർവേ/പ്ലാൻ എൻറോൾമെന്റ് വിശദാംശങ്ങൾ, മാലിന്യ സംസ് കരണവുമായി ബന്ധപ്പെട്ടു വാർഡ് തിരിച്ചുള്ള സേവനം, പരാതികൾ, യൂസർഫീ ശേഖരണം എന്നിവയുടെ വിശദാംശങ്ങളെല്ലാം ഈ വെബ് പോർട്ടൽ ലഭ്യമാണ്.
ഉപഭോക്താക്കളുടെ വിവരങ്ങൾ, നിലവിൽ ലഭ്യമായ മാലിന്യ സംസ്കരണ നടപടികൾ, പൊതുജനങ്ങൾക്ക് അഭിപ്രായം പറയാനും സേവനം വിലയിരുത്തുവാനും പരാതികൾ അറിയിക്കുവാനുമുള്ള സൗകര്യം എന്നിവയെല്ലാം ആപ്പിലൂടെ സാധിക്കും. പ്രതിദിനം രൂപപ്പെടുന്ന മാലിന്യത്തിന്റെ അളവ്, ശേഖരിച്ചു സംസ്ക്കരിക്കുന്ന മാലിന്യത്തിന്റെ അളവ് തുടങ്ങിയ വിവരങ്ങൾ പ്രതിദിന അപ്ഡേഷനിലൂടെ ലഭ്യമാകുന്നതിനാൽ ബന്ധപ്പെട്ട തദ്ദേശ സ്ഥാപനങ്ങൾക്ക് മാലിന്യ സംസ്കരണ പ്രവർത്തങ്ങൾ കൃത്യമായ ആസൂത്രണം ചെയ്യുന്നതിനും നടപടികൾ സ്വീകരിക്കുന്നതിനും സഹായകരമാകും. മാലിന്യ സംസ് കരണ പ്രവർത്തങ്ങളിൽ ഹരിത കർമസേനയുമായി സഹകരിക്കാത്ത വീടുകളെയെയും സ്ഥാപങ്ങളേയും ആപ്പു വഴി എളുപ്പത്തിൽ കണ്ടെത്താനും കഴിയും.
ശുചിത്വ മാലിന്യ സംസ്കരണ മേഖലയിൽ ആധുനിക സാങ്കേതിക വിദ്യായിലധിഷ്ഠിതമായ സേവനങ്ങൾ സംബന്ധിച്ച് അവബോധം സൃഷ്ടിക്കുക, എല്ലാ ഗാർഹിക, സ്ഥാപന ഉടമകളെയും ഹരിത മിത്രം സ്മാർട്ട് ഗാർബേജ് ആപ്പിന്റെ ഉപഭോക്താകളാക്കി മാറ്റുക, ഏകീകൃത മോണിറ്ററിംഗ് സാധ്യമാക്കുക എന്നിവയാണ് പദ്ധതി ലക്ഷ്യം. മീനങ്ങാടി എൽദോ മാർ ബാസോലിയോസ് കോളജ്, കൽപ്പറ്റ ഗവ.കോളജ്, മാനന്തവാടി ഗവ. കോളജ്, കാളൻ മെമ്മോറിയൽ കോളജ് ഓഫ് അപ്ലൈയ്ഡ് സയൻസ് എന്നിവിടങ്ങളിലെ വിദ്യാർഥികൾക്ക് കെൽട്രോണിന്റെ നേതൃത്വത്തിൽ ഇതിനോടകം എൻറോൾമെന്റ് പരിശീലനം നൽകിയിട്ടുണ്ട്. ആദ്യ ഘട്ടത്തിൽ ഇടം പിടിക്കാത്ത മറ്റു തദ്ദേശ സ്ഥാപങ്ങളിലേക്കും ഹരിത മിത്രം ആപ്ലിക്കേഷൻ പദ്ധതി ഉടൻ വ്യാപിപ്പിക്കും.