ADVERTISEMENT

ADVERTISEMENT

യുഡിഎഫ് കൽപ്പറ്റ മുനിസിപ്പൽ കമ്മിറ്റി പ്രതിഷേധ സംഗമം നടത്തി

കൽപ്പറ്റ: രാഹുൽ ഗാന്ധിക്ക് ഐക്യദാർഢ്യം പ്രഖ്യാപിച്ചു യുഡിഎഫ് കൽപ്പറ്റ മുനിസിപ്പൽ കമ്മിറ്റിയുടെ ആഭിമുഖ്യത്തിൽ പ്രതിഷേധ സംഗമം നടത്തി. മുസ്ലിംലീഗ് ജില്ലാ സെക്രട്ടറി റസാഖ് കൽപ്പറ്റ സംഗമം ഉദ്ഘാടനം ചെയ്തു. മുനിസിപ്പൽ കമ്മിറ്റി ചെയർമാൻ എം. മുസ്തഫ അധ്യക്ഷത വഹിച്ചു. ഗിരീഷ് കൽപ്പറ്റ, അഡ്വ.ടി.ജെ. ഐസക്ക്, എ.പി. ഹമീദ്, സി.കെ. നാസർ, അലവി വടക്കേതിൽ, പി. വിനോദ് കുമാർ, എ.പി. മുസ്തഫ തുടങ്ങിയവർ പങ്കെടുത്തു.

ADVERTISEMENT

’ദേശീയ പണിമുടക്ക് വിജയിപ്പിക്കും’

കൽപ്പറ്റ: കേന്ദ്ര സർക്കാരിന്‍റെ തെറ്റായ നയങ്ങളിൽ പ്രതിഷേധിച്ചും വിവിധ ആവശ്യങ്ങൾ ഉന്നയിച്ചും ട്രേഡ് യൂണിയൻ കൂട്ടായ്മ ഒന്പതിന് ദേശവ്യാപകമായി നടത്തുന്ന പണിമുടക്ക് വിജയിപ്പിക്കാൻ ടിയുസിഐ ജില്ലാ കമ്മിറ്റി തീരുമാനിച്ചു. സംസ്ഥാന പ്രസിഡന്‍റ് സാം പി. മാത്യു ഉദ്ഘാടനം ചെയ്തു. ജില്ലാ പ്രസിഡന്‍റ് വി.യു. ജോഷി അധ്യക്ഷത വഹിച്ചു. സെക്രട്ടറി കെ. അജയകുമാർ റിപ്പോർട്ട് അവതരിപ്പിച്ചു. എം. ചുരുളി, എ.കെ. കൃഷ്ണൻകുട്ടി, കെ. രാധാകൃഷ്ണൻ. പി. സുകുമാരൻ, കെ. ബാലസുബ്രഹ്മണ്യൻ എന്നിവർ പ്രസംഗിച്ചു.

മത്സ്യ-മാംസ മാർക്കറ്റിൽ പരിശോധന കർശനമാക്കണം: ബിജെപി

പുൽപ്പള്ളി: മാർക്കറ്റിൽ പഴകിയതും കേടുവന്നതുമായ മത്സ്യവും മാംസവും വിൽക്കുന്നില്ലെന്ന് അധികാരികൾ ഉറപ്പുവരുത്തണമെന്ന് ബിജെപി പഞ്ചായത്ത് കമ്മിറ്റി ആവശ്യപ്പെട്ടു. മാർക്കറ്റിലെ സ്റ്റാളുകളിൽ ഒന്നിൽ കഴിഞ്ഞ ദിവസം വിറ്റ പോത്തിറച്ചിൽ പുഴുവിനെ കണ്ടെത്തിയിരുന്നു. ഉദ്യോഗസ്ഥരുടെ വീഴ്ചയിലേക്കാണ് ഇത് വിരൽചൂണ്ടുന്നത്. മാർക്കറ്റിൽനിന്നു വാങ്ങുന്ന മാംസമാണ് ടൗണിലെ ഹോട്ടലുകളിൽ പാകം ചെയ്ത് വിൽക്കുന്നത്. രോഗങ്ങൾ ഇല്ലാത്ത മൃഗങ്ങളുടെ മാംസമാണ് മാർക്കറ്റിൽ വിൽപനയ്ക്കു വയ്ക്കുന്നതെന്ന് ഉത്തരവാദപ്പെട്ടവർ ഉറപ്പുവരുത്തണം. വ്യാപാരികൾ തോന്നിയ വിലയ്ക്ക് പോത്തിറച്ചി വിൽക്കുന്നതിന് തടയിടണമെന്നും യോഗം ആവശ്യപ്പെട്ടു. കെ.കെ. അരുണ്‍ അധ്യക്ഷത വഹിച്ചു. വി.ആർ. ദിനേഷ്, അഭിലാഷ് വാസു, കെ. പ്രതീഷ്, അമൽ അന്പാടി, ഇ. സണ്ണി എന്നിവർ പ്രസംഗിച്ചു.

നടൻ ജോണ്‍സണ്‍ ഐക്കരയെ നടവയൽ നാട്ടൊരുമ ആദരിച്ചു

നടവയൽ: കേരള സംഗീത നാടക അക്കാദമിയുടെ 2024ലെ മികച്ച പ്രഫഷണൽ നാടകനടനുള്ള അവർഡ് നേടിയ ജോണ്‍സണ്‍ ഐക്കരയെ നടവയൽ നാട്ടൊരുമയുടെ നേതൃത്വത്തിൽ ആദരിച്ചു. സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലായിരുന്നു പരിപാടി. ടൗണിൽനിന്നു വാദ്യഘോഷങ്ങളുടെ അകന്പടിയോടെയാണ് സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലേക്ക് ജോണ്‍സനെ ആനയിച്ചത്. സമൂഹത്തിന്‍റെ വിവിധ തുറകളിലുള്ളവർ പങ്കെടുത്തു. ആദരണച്ചടങ്ങിൽ നാട്ടെരുമ ചെയർമാൻ ബാബു ചിറപ്പുറം അധ്യക്ഷത വഹിച്ചു. സാഹിത്യകാരൻ പി.കെ. പാറക്കടവ് മുഖ്യപ്രഭാഷണം നടത്തി. ജനപ്രതിനിധികളായ അന്നക്കുട്ടി ജോസ്, സന്ധ്യ ലിഷു, ഷീമ മാനുവൽ, മേഴ്സി സാബു, വിവിധസംഘടനാ പ്രതിനിധികളായ വിൻസന്‍റ് ചേരവേലിൽ, ഗ്രേഷ്യസ് നടവയൽ, ബേബിച്ചൻ ആലുങ്കൽതാഴെത്ത്, പി.സി. വിൻസന്‍റ്, ഇരുളം രാജേഷ്, ദിവാകരൻ മാസ്റ്റർ, ടോമി ചേന്നാട്ട് എന്നിവർ പ്രസംഗിച്ചു. മറുപടി പ്രസംഗത്തിൽ ജോണ്‍സണ്‍ നാടക സംഭാഷണങ്ങൾ അരങ്ങിലെന്നവണ്ണം പറഞ്ഞത് സദസിന് കൗതുകമായി. സംഘാടക സമിതി കണ്‍വീനർ ബിനു മാങ്കൂട്ടം സ്വാഗതവും ഷാജു പി. ജയിംസ് നന്ദിയും പറഞ്ഞു. ഓർമ ഇന്‍റർനാഷണലിന്‍റെ ഗാനസന്ധ്യ ഉണ്ടായിരുന്നു.

നഞ്ചൻഗോഡ്-നിലന്പൂർ റെയിൽവേ യാഥാർഥ്യമാക്കണം: റിട്ട.പ്രധാനാധ്യാപക സംഗമം

സുൽത്താൻ ബത്തേരി: നഞ്ചൻഗോഡ്-നിലന്പൂർ റെയിൽവേ യാഥാർഥ്യമാക്കണമെന്ന് മത്തായീസ് ഓഡിറ്റോറിയത്തിൽ ചേർന്ന ഉപജില്ലയിലെ റിട്ട.പ്രധാനാധ്യാപകരുടെ സംഗമം സർക്കാരിനോട് ആവശ്യപ്പെട്ടു. ദേശീയപാത 766ലെ രാത്രിയാത്രാ വിലക്ക് നീക്കുന്നതിന് കേരള, കർണാടക സർക്കാരുകൾ യോജിച്ചുനീങ്ങുക, ബത്തേരിയിൽ അനുവദിച്ച ഗവ.കോളജ് പ്രവർത്തനം തുടങ്ങുന്നതിന് നടപടി സ്വീകരിക്കുക, ബത്തേരി താലൂക്ക് ആശുപത്രി ജില്ലാ ആശുപത്രിയായി ഉയർത്തുക, കുട്ടികൾ ലഹരി മാഫിയയുടെ പിടിയിൽ അകപ്പെടാതിരിക്കുന്നതിന് പ്രവർത്തനങ്ങൾ ഊർജിതമാക്കുക തുടങ്ങിയ ആവശ്യങ്ങളും ഉന്നയിച്ചു. 50 ഓളം റിട്ട.അധ്യാപകർ പങ്കെടുത്തു. ശിവദാസൻ മാസ്റ്റർ അനുസ്മരണം, ജീവകാരുണ്യ മേഖലയിൽ വ്യക്തിമുദ്ര പതിച്ച രാധാകൃഷ്ണൻ മാസ്റ്ററെ ആദരിക്കൽ, സമൂഹനൻമയിൽ അധ്യാപകരുടെ പങ്ക് എന്ന വിഷയത്തിൽ സംവാദം എന്നിവ നടന്നു. ജേക്കബ് ബത്തേരി ഉദ്ഘാടനം ചെയ്തു.ഡോ.ജെ. സുനിൽ അധ്യക്ഷത വഹിച്ചു. ഒ.വി. പവിത്രൻ, സി.പി. സുരേഷ്കുമാർ, റോയി വർഗീസ്, പി.പി. ദാമോദരൻ, എൻ.ടി. ജോർജ്, കെ. സുമ ,ഉഷ ബേബി, സൗദാമിനി, എം.സി. കാർമൽ എന്നിവർ പ്രസംഗിച്ചു.

വണ്ടിക്കടവിൽ കാട്ടാനകൾ കൃഷി നശിപ്പിച്ചു

പുൽപ്പള്ളി: വണ്ടിക്കടവിൽ കാട്ടാനകൾ കൃഷി നശിപ്പിച്ചു. വനാതിർത്തിയിലെ തൂക്കുവേലി മരംമറിച്ചു തർത്താണ് കഴിഞ്ഞ ദിവസം രാത്രി ആനകൾ കൃഷിയിടങ്ങളിൽ ഇറങ്ങിയത്. തറയിൽ ദേവസ്യയുടെ തോട്ടത്തിലെ തെങ്ങ്, കമുക്, പ്ലാവ് എന്നിവ ആനകൾ നശിപ്പിച്ചു. നേരം പുലർന്നശേഷമാണ് ആനകൾ വനത്തിലേക്ക് മടങ്ങിയത്. കർണാടക അതിർത്തിയിലൂടെ ഒഴുകുന്ന കന്നാരംപുഴയോടു ചേർന്ന പ്രദേശമാണ് വണ്ടിക്കടവ്. പുഴ കടന്നാണ് ആനകൾ ജനവാസ മേഖലയിൽ എത്തുന്നത്. ആനകളെ ഉൾവനത്തിലേക്കു തുരത്തണമെന്നും വനാതിർത്തിയിലെ പ്രതിരോധ സംവിധാനങ്ങൾ കുറ്റമറ്റതാക്കണമെന്നും നാട്ടുകാർ ആവശ്യപ്പെട്ടു.

മഴ തുടരുന്നത് ജാതി കൃഷിയെ പ്രതിസന്ധിയിലാക്കുന്നു

സുൽത്താൻ ബത്തേരി: ജില്ലയിൽ മികച്ച വിളവ് നൽകിയിരുന്ന ജാതിക്ക ഈ വർഷം ഉത്പാദനം തീരെ കുറഞ്ഞു. ജില്ലയിലെ ജാതി കൃഷിക്ക് അനുയോജ്യമായ കാലാവസ്ഥ ആയിരുന്നെങ്കിലും ഇത്തവണ ലഭിച്ച ശക്തമായ മഴകാരണം കടുത്ത പ്രതിസന്ധിയിലാണ് ജില്ലയിലെ ജാതി കർഷകർ. തുടർച്ചയായി കനത്ത മഴ പെയ്തതോടെ ജാതി മരങ്ങളിൽ വെള്ളക്കായ പൊട്ടുന്നതാണ് കർഷകർക്ക് വിനയായത്. ഇത് വരും ദിവസങ്ങളിലെ ഉത്പാദനത്തെ ഇത് പ്രതികൂലമായി ബാധിക്കുമെന്നാണ് കർഷകർ പറയുന്നത്. മരുന്ന് തളിച്ച് കർഷകർ പ്രതിരോധ മാർഗമൊരുക്കുന്നുവെങ്കിലും വരും ദിവസങ്ങളിലും മഴ തുടർന്നാൽ കൂടുതൽ നാശനഷ്ടമുണ്ടാകും. മേയ് അവസാന വാരം പെയ്ത കനത്തമഴ കാർഷിക മേഖലയിലാകെ വലിയ നഷ്ടം വരുത്തിയിട്ടുണ്ട്. അധികമായി ലഭിച്ച വേനൽ മഴയ്ക്കു പുറമേ കാലവർഷമെത്തിയതാണ് ജാതിമരങ്ങളിൽ വെള്ളക്കായ പൊട്ടുന്നതിന് കാരണമായത്. മഴയ്ക്കൊപ്പം ശക്തമായി വീശിയ കാറ്റും ജാതി കർഷകർക്ക് നഷ്ടം വരുത്തി. ജാതി കായ്ക്കും പത്രിക്കും മെച്ചപ്പെട്ട വില ലഭിക്കുന്നുണ്ടെങ്കിലും ഉത്പാദനം കുറഞ്ഞാൽ ഉയർന്ന വിലയുടെ പ്രയോജനം കർഷകർക്ക് ലഭിക്കില്ല.

ജില്ലയിൽ മണ്ണെണ്ണ വിതരണം പുനഃസ്ഥാപിക്കാനായില്ല

സുൽത്താൻ ബത്തേരി: ജില്ലയിൽ റേഷൻകട വഴി മണ്ണെണ്ണ വിതരണം പുനഃസ്ഥാപിച്ചില്ല. സംസ്ഥാനത്ത് മണ്ണെണ്ണ വിതരണം പുനഃസ്ഥാപിക്കുമെന്ന പ്രഖ്യാപനം വന്നെങ്കിലും ജില്ലയിലെ വിതരണം ഇതുവരെ ആരംഭിക്കാനായിട്ടില്ല. ജില്ലയിൽ മൊത്തംവിതരണം കരാറുകാരൻ ഏറ്റെടുക്കാത്തതും ആവശ്യമായ മണ്ണെണ്ണ പന്പ് സ്റ്റേഷൻ ഇല്ലാത്തതുമാണ് വിതരണം മുടങ്ങാൻ കാരണം. അയൽ ജില്ലകളായ കണ്ണൂർ, കോഴിക്കോട് എന്നിവിടങ്ങളിൽ നേരിട്ട്പോയി ആവശ്യമായ മണ്ണെണ്ണ കൊണ്ടുവരേണ്ട അവസ്ഥയിലാണ് റേഷൻ വ്യാപാരികൾ. 350 മുതൽ 600 ലിറ്റർ വരെ ശരാശരി മണ്ണെണ്ണ വിതരണം ചെയ്യുന്ന റേഷൻ വ്യാപാരിക്ക് ലിറ്ററിന് രണ്ട് രൂപ തൊഴിലാണ് കമ്മീഷൻ ലഭിക്കുക. മറ്റു ജില്ലയിൽ പോയി മണ്ണെണ്ണ എത്തിക്കണമെങ്കിൽ ലിറ്ററിന് ഏഴ് രൂപയോളം ചെലവ് വരും. സർക്കാരിന്‍റെ ഭാഗത്തുനിന്നും കമ്മീഷൻ ഏഴു രൂപ ആക്കണം എന്നാണ് റേഷൻ വ്യാപാരികളുടെ ആവശ്യം. ചെറിയ വാഹനങ്ങളിലും മറ്റും മണ്ണെണ്ണ എത്തിക്കുന്നതിന് മോട്ടോർ വാഹന വകുപ്പിന്‍റെ നിയന്ത്രണങ്ങളുമുണ്ട്. തീ പിടിക്കാൻ സാധ്യതയുള്ള വസ്തുക്കൾ ടാങ്കർ ലോറികളിൽ കൊണ്ടുപോകണമെന്നാണ് നിയമം. വൈദ്യുതിയില്ലാത്ത ഉന്നതികളിൽ മണ്ണെണ്ണയ്ക്ക് പകരം ഡീസൽ ഒഴിച്ചാണ് വിളക്ക് കത്തിക്കുന്നത്. റേഷൻ വിതരണം പുനഃസ്ഥാപിക്കെപ്പെട്ടതറിഞ്ഞ് റേഷൻകടകളിൽ മണ്ണെണ്ണ ചോദിച്ചെത്തുന്ന ആളുകളുടെ എണ്ണം കൂടിക്കൂടി വരികയാണ്. ഇതുവരെയും വിതരണം ചെയ്യുന്നതിന് ആവശ്യമായ സംവിധാനങ്ങൾ ഒരുക്കുന്നതിന് സർക്കാരിന്‍റെ ഭാഗത്തുനിന്ന് ഒരു നടപടിയും ഉണ്ടായിട്ടില്ല. ജില്ലയിൽ മാനന്തവാടിൽ മാത്രമുള്ള മണ്ണെണ്ണ ഫില്ലിംഗ് സ്റ്റേഷൻ ഇപ്പോൾ പ്രവർത്തനരഹിതമാണ്. ഇതിന് ഉടൻ പരിഹാരമുണ്ടാകണമെന്നാണ് റേഷൻ വ്യാപാരികളുടേയും ഉപഭോക്താക്കളുടേയും ആവശ്യം.

എലവഞ്ചേരിയിലെ പൊതു ആസ്തി കൈമാറ്റം ഇന്ന് മന്ത്രി നിർവഹിക്കും

കൽപ്പറ്റ: വെള്ളമുണ്ട ഗ്രാമപഞ്ചായത്തിൽ നബാർഡിന്‍റെ സഹായത്തോടെ എരുവാഞ്ചേരി നീർത്തടത്തിൽ നിർമിച്ച പൊതു ആസ്തികളുടെ കൈമാറ്റം ഇന്ന് വൈകുന്നേരം നാലിന് പട്ടികജാതി-വർഗ-പിന്നാക്കക്ഷേമ മന്ത്രി ഒ.ആർ. കേളു നിർവഹിക്കും. പുലിക്കാട് ഗവ.എൽ.പി. സ്കൂളിൽ നടക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്‍റ് സുധി രാധാകൃഷ്ണൻ അധ്യക്ഷത വഹിക്കും. പൊതു നിർമിത ആസ്തികളായ കോണ്‍ക്രീറ്റ് തടയണ, കോണ്‍ക്രീറ്റ് ഫാം കുളങ്ങൾ, കരിങ്കൽ കുളം എന്നിവ വെള്ളമുണ്ട ഗ്രാമപഞ്ചായത്തിന് കൈമാറും. വെള്ളമുണ്ട ഗ്രാമപഞ്ചായത്തിലെആറ്, എട്ട്, 13, 14, 15, 16 വാർഡുകൾ ഉൾപ്പെടുന്ന എരുവാഞ്ചേരി നീർത്തടത്തിന്‍റെ 562 ഹെക്ടർ ഭൂമിയിലാണ് മണ്ണ് ജല സംരക്ഷണ പ്രവർത്തികളുടെ ഭാഗമായി മണ്‍കയ്യാല, തീറ്റപ്പുല്ല് നടീൽ, മഴവെള്ള സംഭരണി, കിണർ റീചാർജ് യൂണിറ്റ്, ഫലവൃക്ഷതൈകൾ നടീൽ, കോണ്‍ക്രീറ്റ് തടയണ, കുളങ്ങൾ എന്നീ പ്രവർത്തികൾ നടപ്പാക്കിയത്. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, മാനന്തവാടി ബ്ലോക്ക്പഞ്ചായത്ത് പ്രസിഡന്‍റ് ജസ്റ്റിൻ ബേബി, ജില്ലാപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, ബ്ലോക്ക് ഡിവിഷൻ അംഗങ്ങളായ പി.കെ. അമീൻ, ബാലൻ വെള്ളരിമ്മൽ, ജില്ലാ മണ്ണ് സംരക്ഷണ ഓഫീസർ താര മനോഹരൻ, മണ്ണ് സംരക്ഷണ വകുപ്പ് അഡിഷണൽ ഡയറക്ടർ ഡി. ആനന്ദ ബോസ്, വിവിധ വകുപ്പ് ഉദ്യോഗസ്ഥർ, ജനപ്രതിനിധികൾ എന്നിവർ പങ്കെടുക്കും.

തരിയോട് ഗവ.സ്കൂളിൽ വിജയോത്സവം നടത്തി

തരിയോട്: ഗവ.ഹയർ സെക്കൻഡറി സ്കൂളിൽ വിജയോത്സവം നടത്തി. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ഷമീം പാറക്കണ്ടി അധ്യക്ഷത വഹിച്ചു. എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവർക്ക് മെമന്‍റോ നൽകി. അറക്കപ്പറന്പിൽ തോമസ് എഡ്യൂക്കേഷൻ എൻഡോവ്മെന്‍റ്, ശാരദാമ്മ മെമ്മോറിയൽ എൻഡോവ്മെന്‍റ്, മാത്യു മെമ്മോറിയൽ എൻഡോവ്മെന്‍റ്, ശ്രീമതി മെമ്മോറിയൽ എൻഡോവ്മെന്‍റ് എന്നിവ വിതരണം ചെയ്തു. പഞ്ചായത്ത് അംഗം വിജയൻ തോട്ടുങ്ങൽ, മദർ പിടിഎ പ്രസിഡന്‍റും പഞ്ചായത്ത് അഗവുമായ സൂനാ നവീൻ, എഡിഎൻഒ എസ്പിസി മോഹൻദാസ് കുളങ്ങര, പ്രിൻസിപ്പൽ എം. രാധിക, പിടിഎ വൈസ് പ്രസിഡന്‍റ് ടി.ഒ. പത്രോസ്, മദർ പിടിഎ വൈസ് പ്രസിഡന്‍റ് രഞ്ജിനി അനി, എസ്എംസി ചെയർമാൻ പി.എം. കാസിം, പി.കെ. സത്യൻ, എൻ.പി. മാത്യു, എ. മുഹമ്മദ് ബഷീർ, സ്റ്റാഫ് സെക്രട്ടറി ഷാജു ജോണ്‍ എന്നിവർ പ്രസംഗിച്ചു. പിടിഎ പ്രസിഡന്‍റ് ബെന്നി മാത്യു സ്വാഗതവും സീനിയർ അസിസ്റ്റന്‍റ് മറിയം മഹ്മൂദ് നന്ദിയും പറഞ്ഞു.

ലഹരിവിരുദ്ധ കാന്പയിൻ നടത്തി

പഴൂർ: സെന്‍റ് ആന്‍റണീസ് യുപി സ്കൂളിൽ ലഹരിവിരുദ്ധ കാന്പയിൻ തുടങ്ങി. സിവിൽ എക്സൈസ് ഓഫീസറും വിമുക്തി മിഷൻ താലൂക്ക് കോ ഓർഡിനേറ്ററുമായ നിക്കോളാസ് ജോസ് ഉദ്ഘാടനം ചെയ്തു. കാന്പയിന്‍റെ ഭാഗമായി അദ്ദേഹം ബോധവത്കരണ ക്ലാസെടുത്തു. ഹെഡ്മാസ്റ്റർ കെ.ജി. ജോണ്‍സണ്‍ അധ്യക്ഷത വഹിച്ചു. സീനിയർ അസിസ്റ്റന്‍റ് റെജീന ആൻഡ്രൂസ്, ലഹരി വിരുദ്ധ ക്ലബ് അധ്യാപക പ്രതിനിധി കെ.എസ്. ഷിൽന, വിദ്യാർഥി പ്രതിനിധി നവനീത് പി. അനിൽ, വി.എ. അനിഘ എന്നിവർ പ്രസംഗിച്ചു. കുട്ടികൾ ലഹരിവിരുദ്ധ പ്രതിജ്ഞയെടുത്തു. ലഹരിക്കെതിരേ കയ്യൊപ്പ് ശേഖരണം നടത്തി. ബോധവത്കരണം നൽകി സുൽത്താൻ ബത്തേരി: സെന്‍റ് മേരീസ് കോളജ് ഹയർ സെക്കൻഡറി സ്കൂളിൽ ലഹരി ഉപയോഗത്തിന്‍റെ തിക്തഫലങ്ങൾ സംബന്ധിച്ച് രക്ഷിതാക്കൾക്ക് ക്ലാസ് നൽകി. വിമുക്തി മിഷൻ താലൂക്ക് കോ ഓർഡിനേറ്റർ നിക്കോളാസ് ജോസ് ക്ലാസെടുത്തു. വൈസ് പ്രിൻസിപ്പൽ ബിജുന ബാസ്റ്റിൻ സ്വാഗതം പറഞ്ഞു. വെള്ളമുണ്ട: നശാമുക്ത് ഭാരത് അഭിയാന്‍റെ ഭാഗമായി ജില്ലാ പഞ്ചായത്ത് വെള്ളമുണ്ട ഡിവിഷന്‍റെ നേതൃത്വത്തിൽ എട്ടേനാലിൽ അന്താരാഷ്ട്ര ലഹരിവിരുദ്ധ ദിനം ആചരിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. ലഹരിവിരുദ്ധ പോസ്റ്റർ പ്രകാശനം അദ്ദേഹംനിർവഹിച്ചു. രാജൻ എക്സൽ അധ്യക്ഷത വഹിച്ചു. പി. റഹ്മാൻ, പി. രാഹുൽ, അബ്ദുള്ള, അജി, മിഥുൻ എന്നിവർ പ്രസംഗിച്ചു. പനമരം: ലഹരിവിരുദ്ധ ബോധവത്കരണത്തിന്‍റെ ഭാഗമായി ഗവ.സ്കൂൾ എസ്പിസി യൂണിറ്റിന്‍റെ നേതൃത്വത്തിൽ ടൗണിൽ അംബ്രല്ല മാർച്ച് നടത്തി. 250 ഓളം വിദ്യാർഥികൾ പങ്കെടുത്തു. വിമുക്തി മിഷൻ ജില്ലാ കോ ഓർഡിനേറ്റർ എൻ.സി. സജിത്ത്കുമാർ, പിടിഎ പ്രസിഡന്‍റ് സി.കെ. മുനീർ, ഹെഡ്മിസ്ട്രസ് ഷീജ ജയിംസ്, കെ. രേഖ, ടി. നവാസ് എന്നിവർ നേതൃത്വം നൽകി. ബൈക്ക് റാലി നടത്തി കൽപ്പറ്റ: അന്താരാഷ്ട്ര ലഹരിവിരുദ്ധ ദിനാചരണത്തിന്‍റെ ഭാഗമായി ജില്ലാ പോലീസ് ബൈക്ക് റാലി നടത്തി. കാക്കവയൽ ജവാൻ സ്മൃതി മണ്ഡപത്തിനടുത്തുനിന്നു പുതിയ സ്റ്റാൻഡ് പരിസരത്തേക്കായിരുന്നു റാലി. ജില്ലാ പോലീസ് മേധാവി തപോഷ് ബസുമതാരി ഫ്ളാഗ് ഓഫ് ചെയ്തു. സമാപനയോഗത്തിൽ ഡിവൈഎസ്പി പി.എൽ. ഷൈജു അധ്യക്ഷത വഹിച്ചു. നർകോടിക് സെൽ ഡിവൈഎസ്പി എം.കെ. ഭരതൻ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ക്രൈംബ്രാഞ്ച് ഡിവൈഎസ്പി കെ.ജി. പ്രവീണ്‍കുമാർ, ജനമൈത്രി ജില്ലാ അസി.നോഡൽ ഓഫീസർ കെ.എം. ശശിധരൻ, കെപിഒഎ ജില്ലാ സെക്രട്ടറി സജീവൻ, കെപിഎ ജില്ലാ പ്രസിഡന്‍റ് വിപിൻ സണ്ണി, സെക്രട്ടറി ഇർഷാദ് മുബാറക് എന്നിവർ പ്രസംഗിച്ചു.

ചുരത്തിലെ മുടിപ്പിൻ വളവുകളിൽ സോളാർ വിളക്ക്: റോട്ടറി പദ്ധതിക്ക് അനുമതിയായില്ല

സുൽത്താൻ ബത്തേരി: താമരശേരി ചുരത്തിലെ മുടിപ്പിൻ വളവുകളിൽ രണ്ടുവീതം സോളാർ വിളക്കുകൾ സ്വന്തം ചെലവിൽ സ്ഥാപിക്കാൻ റോട്ടറി വയനാട് സമർപ്പിച്ച പദ്ധതിക്ക് നാഷണൽ ഹൈവേ വിഭാഗത്തിന്‍റെ അനുമതിയായില്ല. ചുരത്തിലെ ഒന്പത് മുടിപ്പിൻ വളവുകളിലും രാത്രി വെളിച്ചം ഉറപ്പുവരുത്തുന്നതിനും അപകടങ്ങൾ കുറയ്ക്കുന്നതിനും ഉതകുന്നതാണ് പദ്ധതി. അഞ്ച് ലക്ഷം രൂപയാണ് ഇതിന് കണക്കാക്കിയ ചെലവ്. റോട്ടറി ക്ലബിന് ജില്ലയിൽ ആറ് ശാഖകളുണ്ട്. ചെലവ് ശാഖകൾ സംയുക്തമായി വഹിക്കുന്ന വിധത്തിലാണ് പദ്ധതി ആസൂത്രണം ചെയ്തത്. ബത്തേരി റോട്ടറി ക്ലബിലെ സണ്ണി വിളക്കുന്നേലാണ് പദ്ധതി ജനുവരി ഒന്നിന് നാഷണൽ ഹൈവേ കോഴിക്കോട് ഡിവിഷൻ എക്സിക്യുട്ടീവ് എൻജിനിയർക്ക് സമർപ്പിച്ചത്. റോട്ടറി ഡിസ്ട്രിക്ട് ഗവർണർ ഡോ. സന്തോഷ് ശ്രീധർ പദ്ധതിക്ക് അംഗീകാരം നൽകിയിരുന്നു. പദ്ധതിക്ക് അനുമതി ലഭിക്കാത്തത് ദൗർഭാഗ്യകരമാണെന്ന് റോട്ടറി ക്ലബ് അംഗങ്ങൾ പറഞ്ഞു. റോട്ടറി പദ്ധതിയിൽ താത്പര്യമില്ലെങ്കിൽ നാഷണൽ ഹൈവേ വിഭാഗം നേരിട്ട് മുടിപ്പിൻ വളവുകളിൽ വെളിച്ച സൗകര്യം ഒരുക്കണമെന്ന് അവർ ആവശ്യപ്പെട്ടു.

ഇരുളം വേരുതോട് വനത്തിൽ വിത്തുണ്ടകൾ എറിഞ്ഞു

പുൽപ്പള്ളി: വനം-വന്യജീവി സംരക്ഷണ വകുപ്പിന്‍റെ മിഷൻ ഫുഡ്, ഫോർഡർ, വാട്ടർ പദ്ധതിയുടെ ഭാഗമായി സൗത്ത് വയനാട് ഡിവിഷനിലെ ഇരുളം സ്റ്റേഷൻ പരിധിയിലെ വേരുതോട് ഭാഗത്ത് 1,300 വിത്തുണ്ടകൾ എറിഞ്ഞു. പെരിന്തൽമണ്ണ എംഇഎസ് കോളജിലെ എൻഎസ്എസ് വോളണ്ടിയർമാരും സ്റ്റേഷൻ സ്റ്റാഫും സംയുക്തമായാണ് വിത്തേറ് നടത്തിയത്. സൗത്ത് വയനാട് ഡിഎഫ്ഒ അജിത് കെ. രാമൻ ഉദ്ഘാടനം ചെയ്തു. ചെതലത്ത് റേഞ്ച് ഫോറസ്റ്റ് ഓഫീസർ എം.കെ. രാജീവ്കുമാർ, റേഞ്ച് ഡെപ്യൂട്ടി ഓഫീസർ കെ.പി. അബ്ദുൽഗഫൂർ, ക്യാന്പ് കോ ഓർഡിനേറ്റർ കെ. മുഹമ്മദ് ഷിബിലി, എൻഎസ്എസ് പ്രോഗ്രാം ഓഫീസർ നിധിൻ തുടങ്ങിയവർ പങ്കെടുത്തു.

നൈപുണി വികസന കേന്ദ്രം, സ്കിൽ ടു വെഞ്ചർ ജില്ലാതല ഉദ്ഘാടനം ഇന്ന്

കൽപ്പറ്റ: അന്പലവയൽ ഗവ.വൊക്കേഷണൽ ഹയർ സെക്കൻഡറി സ്കൂളിൽ വിജയാരവം-2കെ25 ഇന്ന് നടത്തും. നൈപുണി വികസന കേന്ദ്രങ്ങളുടെ ജില്ലാതല ഉദ്ഘാടനം, സ്കിൽ ടു വെഞ്ചർ പദ്ധതി ജില്ലാതല ഉദ്ഘാടനം, സ്കൂളിലെ മൂന്നാം ബാച്ച് എസ്പിസി കേഡറ്റുകളുടെ പാസിംഗ് ഔട്ട് പരേഡ്, കഴിഞ്ഞ എസ്എസ്എൽസി പരീക്ഷയിൽ വിദ്യാലയത്തിന് 100 ശതമാനം വിജയം നേടിക്കൊടുത്ത വിദ്യാർഥികളെ ആദരിക്കൽ എന്നിവ പരിപാടിയുടെ ഭാഗമാണെന്ന് പ്രിൻസിപ്പൽ സി.വി. നാസർ, എസ്എസ്കെ ജില്ലാ പ്രോഗ്രാം കോ ഓർഡിനേറ്റർ വി. അനിൽകുമാർ, പിടിഎ പ്രസിഡന്‍റ് ഇ.കെ. ജോണി, സംഘാടക സമിതി ഭാരവാഹികളായ പ്രമോദ് ബാലകൃഷ്ണൻ, പി.ആർ. വിനേഷ്, എൽദോ പൈലി എന്നിവർ അറിയിച്ചു. രാവിലെ 11.30ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. ഐ.സി. ബാലകൃഷ്ണൻ എംഎൽഎ അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ മുഖ്യാതിഥിയാകും. ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, അന്പലവയൽ പഞ്ചായത്ത് പ്രസിഡന്‍റ് സി.കെ. ഹഫ്സത്ത്, വൈസ് പ്രസിഡന്‍റ് കെ. ഷമീർ, ജില്ലാ പഞ്ചായത്ത് ഡിവിഷൻ അംഗം സുരേഷ് താളൂർ തുടങ്ങിയവർ പങ്കെടുക്കും. 242 വിദ്യാർഥികളാണ് കഴിഞ്ഞ അധ്യയനവർഷം സ്കൂളിൽ എസ്എസ്എൽസി എഴുതിയത്. മുഴുവൻ പേരും പാസായി. ഇതിൽ 64 കുട്ടികൾ പട്ടികവർഗക്കാരാണ്. 15നും 23നും ഇടയിൽ വയസുള്ളവർക്ക് അഭിരുചിക്കനുസരിച്ച് സ്വയംതൊഴിൽ പരിശീലനത്തിന് പൊതുവിദ്യാഭ്യാസ വകുപ്പ് എസ്എസ്കെ മുഖേന സ്റ്റാർസ് പദ്ധതിയിൽ ആരംഭിക്കുന്നതാണ് നൈപുണി വികസന കേന്ദ്രങ്ങൾ. ജില്ലയിൽ ഏഴ് ഹയർ സെക്കൻഡറി സ്കൂളുകളിലാണ് ഇത് തുടങ്ങുന്നത്. ഓരോ സെന്‍ററിലും പരമാവധി ഒരു വർഷം കാലാവധിയുള്ള രണ്ട് നൂതന കോഴ്സുകൾ നടത്തും. പ്ലാന്‍റ് ടിഷ്യു കൾച്ചർ, ഗ്രാഫിക് ഡിസൈനർ കോഴ്സുകളാണ് അന്പലവയലിൽ നടത്തുന്നത്. കോഴ്സ് വിജയകരമായി പൂർത്തിയാക്കുന്നവർക്ക് കേന്ദ്ര സർക്കാർ അംഗീകൃത സ്കിൽ സർട്ടിഫിക്കറ്റ് ലഭിക്കും. വിദ്യാർഥികൾക്ക് പഠനത്തോടൊപ്പം വരുമാനം നേടാനും പിന്നീട് സംരംഭകരാകാനും വിഭാവനം ചെയ്തതാണ് സ്കിൽ ടു വെഞ്ചർ പദ്ധതി. പ്രദേശിക സംരംഭകരുടെ പിന്തുണയോടെയാണിത് നടപ്പാക്കുന്നത്. മുണ്ടേരി ഗവ.വൊക്കഷണൽ ഹയർ സെക്കൻഡറി സ്കൂളിനെയും ഈ പദ്ധതിയിൽ ഉൾപ്പെടുത്തിയിട്ടുണ്ട്.

ബസ് സ്റ്റാൻഡ് നിർമാണ പ്രവൃത്തി ആരംഭിച്ചു

ഗൂഡല്ലൂർ: ഗൂഡല്ലൂർ ബസ്റ്റാൻഡ് നിർമാണ പ്രവൃത്തികൾ ആരംഭിച്ചു. മുൻ എംഎൽഎ എം. ദ്രാവിഡമണി പ്രവൃത്തികളുടെ ഉദ്ഘാടനം നിർവഹിച്ചു. ഇളഞ്ചഴിയൻ, ഉത്തമൻ, ലിയാക്കത്തലി, കെ. ഹംസ, എൻ.വാസു, ഭുവനേശ്വരൻ, ഗുണശേഖരൻ, സഫി, റഫി, ശെൽവരാജ്, ബസ് ഡിപ്പോ മാനേജർ അരുൾ കണ്ണൻ തുടങ്ങിയവർ സംബന്ധിച്ചു. ബസ് സ്റ്റാൻഡിന്‍റെ മുൻവശത്ത് ചെളിവെള്ളം കെട്ടിനിൽക്കുന്നത് യാത്രക്കാർക്ക് വലിയ പ്രയാസമായിരുന്നു. ഇതിനെതിരെ സമരങ്ങൾ നടക്കുകയും ചെയ്തിരുന്നു. 52.50 ലക്ഷം രൂപ ചെലവിട്ടാണ് പ്രവൃത്തികൾ നടത്തുന്നത്.

ബത്തേരി ശ്രേയസിൽ ഹെലൻ കെല്ലർ ദിനം ആചരിച്ചു

സുൽത്താൻ ബത്തേരി: ബത്തേരി രൂപതയുടെ സാമൂഹികസേവന വിഭാഗമായ ശ്രേയസ് എപിഎഫ് പ്രോജക്ടിന്‍റെ ഭാഗമായി ഹെലൻ കെല്ലർ ദിനം ആചരിച്ചു. ജില്ലാ സാമൂഹികനീതി ഓഫീസർ ജോണ്‍ ജോഷി ഉദ്ഘാടനം ചെയ്തു. ശ്രേയസ് എക്സിക്യുട്ടീവ് ഡയറക്ടർ ഫാ.ഡേവിഡ് ആലിങ്കൽ അധ്യക്ഷത വഹിച്ചു. പ്രോജക്ട് മാനേജർ കെ.പി. ഷാജി, കമ്മ്യൂണിറ്റി കോ ഓർഡിനേറ്റർമാരായ ജെൻസി ചെറിയാൻ, നവിത മോഹൻ, ഡെലീന പ്രിൻസ് എന്നിവർ പ്രസംഗിച്ചു. സ്പർശ് പ്രോജക്ട് ടീം അംഗങ്ങളുടെ നേതൃത്വത്തിൽ കുട്ടികളുടെയും മുതിർന്നവരുടെയും കലാപരിപാടികൾ, വിവിധ മേഖലകളിൽ മികവു പുലർത്തിയവരെ ആദരിക്കൽ എന്നിവ നടന്നു.

നവീകരിച്ച പാചകപ്പുരയും കിഡ്സ് പാർക്കും ഉദ്ഘാടനം ചെയ്തു

മാനന്തവാടി: ദ്വാരക എയുപി സ്കൂളിൽ നവീകരിച്ച പാചകപ്പുരയുടെയും കിഡ്സ് പാർക്കിന്‍റെയും വെഞ്ചരിപ്പും ഉദ്ഘാടനവും രൂപത കോർപറേറ്റ് മാനേജർ ഫാ.സിജോ ഇളംകുന്നപ്പുഴ നിർവഹിച്ചു. പിടിഎ പ്രസിഡന്‍റ് പി.എ. ജിജേഷ് അധ്യക്ഷത വഹിച്ചു. എടവക പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഷിഹാബ് അയാത്ത്, 11-ാം വാർഡ് മെംബർ ഷിൽസണ്‍ മാത്യു, ഹെഡ്മിസ്ട്രസ് സിസ്റ്റർ സിജി ജോസഫ്, ബത്തേരി അസംപ്ഷൻ എയുപി സ്കൂൾ ഹെഡ്മാസ്റ്റർ ഷോജി ജോസഫ്, എംപിടിഎ പ്രസിഡന്‍റ് ഡാനി ബിജു, സ്റ്റാഫ് സെക്രട്ടറി സുനിൽ അഗസ്റ്റ്യൻ, അധ്യാപകൻ ജോണ്‍സണ്‍ കുര്യാക്കോസ് എന്നിവർ പ്രസംഗിച്ചു.

തദ്ദേശസ്ഥാപന പരിധികളിലെ ജലസംഭരണികളുടെ പരിശോധന കാര്യക്ഷമമാക്കാൻ നിർദേശം

കൽപ്പറ്റ: തദ്ദേശ സ്ഥാപന പരിധികളിലുള്ള ജലസംഭരണികളുടെ പരിശോധന കാര്യക്ഷമമാക്കണമെന്ന് ജില്ലാ കളക്ടർ ഡി.ആർ. മേഘശ്രീ. ജില്ലാ വികസന സമിതി യോഗത്തിൽ തദ്ദേശ ഭരണ ജോയിന്‍റ് ഡയറക്ടർക്കും ഭൂഗർഭജല വിഭാഗം ഉദ്യോഗസ്ഥർക്കും അവർ നൽകിയതാണ് ഈ നിർദേശം. തദ്ദേശസ്ഥാപനങ്ങളുടെ അനുമതിയോടെ ജനവാസ മേഖലകളിൽ വിവിധ ആവശ്യങ്ങൾക്ക് നിർമിക്കുന്ന ജലസംഭരണികളുടെ സുരക്ഷ ഉറപ്പാക്കാണമെന്ന് കളക്ടർ ആവശ്യപ്പെട്ടു. ജലസംഭരണ പദ്ധതികൾ കാലവർഷത്തിൽ അപകടാവസ്ഥയിലാകുന്നുണ്ടെന്ന് കളക്ടർ പറഞ്ഞു. കോടനാട് പ്ലാന്േ‍റഷൻ മാനേജ്മെന്‍റ് സ്വാഭാവിക നീരൊഴുക്ക് തടസപ്പെടുത്തി നിർമിച്ച തടയണ പ്രദേശവാസികളുടെ സുരക്ഷ കണക്കിലെടുത്ത് പൊളിച്ചുനീക്കാൻ കളക്ടർ നിർദേശം നൽകി. ജില്ലയിൽ വെള്ളപ്പൊക്കവും മണ്ണിടിച്ചിലും ഉണ്ടാകാൻ സാധ്യതയുള്ള പ്രദേശങ്ങളിലെ ആളുകളെ ആവശ്യം വരുന്പോൾ മാറ്റി പാർപ്പിക്കുന്നതിന് സൗകര്യം ഉറപ്പാക്കിയതായും അപകടാവസ്ഥയിലുള്ള മരങ്ങളും ചില്ലകളും മുറിച്ചുമാറ്റാൻ ജില്ലയിലെ എല്ലാ തദ്ദേശ സ്ഥാപനങ്ങളിലും ട്രീ കമ്മിറ്റി ചേർന്നതായും തദ്ദേശ സ്വയംഭരണ ജോയിന്‍റ് ഡയറക്ടർ യോഗത്തിൽ അറിയിച്ചു. മഴക്കാലരോഗങ്ങൾ പ്രതിരോധിക്കാൻ മുൻ വർഷങ്ങളിലെ ഹോട്ട്സ്പോട്ടുകൾ കേന്ദ്രീകരിച്ച് ഉറവിട നശീകരണം നടത്തിയതായി ജില്ലാ മെഡിക്കൽ ഓഫീസർ ടി. മോഹൻദാസ് അറിയിച്ചു. സ്കൂളുകളിൽ വിദ്യാർഥികളുടെ കൊഴിഞ്ഞുപോക്ക് തടയാൻ ജില്ലയിലെ എല്ലാ പഞ്ചായത്തുകളിലും ഡ്രോപ്പ് ഒൗട്ട് ഫ്രീ പദ്ധതി നടപ്പാക്കാൻ കളക്ടർ നിർദേശിച്ചു. പാടിച്ചിറ വില്ലേജിലെ പെരിക്കല്ലൂരിൽ നൂറോളം കർഷകരുടെ ഭൂമിയിൽ ഉടമാവകാശം ഉന്നയിച്ച് വക്കീൽ നോട്ടീസ് അയച്ചവർക്കെതിരേ നടപടി സ്വീകരിക്കണമെന്ന് പ്രിയങ്ക ഗാന്ധി എംപിയുടെ പ്രതിനിധിയായി യോഗത്തിൽ പങ്കെടുത്ത കെ.എൽ. പൗലോസ് യോഗത്തിൽ ആവശ്യപ്പെട്ടു. വിഷയം പരിശോധിക്കാൻ റവന്യു ഉദ്യോഗസ്ഥർക്ക് നിർദേശം നൽകിയതായി കളക്ടർ അറിയിച്ചു. പുൽപ്പള്ളി, ചേകാടി മേഖലയിൽ റോഡിനോടുചേർന്ന് അപകടാവസ്ഥയിലുള്ള മരങ്ങൾ മുറിച്ചുമാറ്റുന്നതിനും വന്യജീവികൾ കൃഷി നശിപ്പിക്കുന്നതിനുള്ള നഷ്ടപരിഹാരം വർധിപ്പിക്കുന്നതിനും ദേശീയപാതയുടെ വശങ്ങളിലെ കാട് വെട്ടിമാറ്റുന്നതും അടിയന്തര നടപടി വേണമെന്നും പൗലോസ് ആവശ്യപ്പെട്ടു. തൊഴിലുറപ്പ് പദ്ധതിയിൽ ജില്ലയെ സംസ്ഥാനത്ത് ഒന്നാം സ്ഥാനത്ത് എത്തിക്കുന്നതിനു പങ്കുവഹിച്ച തൊഴിലുറപ്പ് ഓഫീസിലെ ഉദ്യോഗസ്ഥർക്കു പ്രശംസാപത്രം വിതരണം ചെയ്തു.

അറിവാണ് ആനന്ദം, അറിവാണ് ലഹരി: പ്രകാശനം ചെയ്തു

മാനന്തവാടി: ദ്വാരക എയുപി സ്കൂളിൽ ലഹരിക്കെതിരേ കുട്ടികളിൽ രൂപപ്പെട്ട മനോഭാവത്തിന്‍റെ ഭാഗമായി അറിവാണ് ആനന്ദം, അറിവാണ് ലഹരി എന്ന പേരിൽ തയാറാക്കിയ പതിപ്പ് പിടിഎ യോഗത്തിൽ മാനേജർ ഫാ.ബാബു മൂത്തേടത്ത് പ്രകാശനം ചെയ്തു. കഠിനാധ്വാനവും വിജയവുമാകണം ലഹരിയെന്ന് പുതുതലമുറയെ ബോധ്യപ്പെടുത്താൻ അധ്യാപകരും രക്ഷിതാക്കളും മുന്നിട്ടിറങ്ങണമെന്ന് അദ്ദേഹം ആഹ്വാനം ചെയ്തു. പിടിഎ പ്രസിഡന്‍റ് പി.എ. ജിജേഷ് അധ്യക്ഷത വഹിച്ചു. ഹെഡ്മിസ്ട്രസ് സിസ്റ്റർ സിജി ജോസഫ്, മദർ പിടിഎ പ്രസിഡന്‍റ് ഡാനി ബിജു, സ്റ്റാഫ് സെക്രട്ടറി സുനിൽ അഗസ്റ്റ്യൻ, ലഹരിമുക്ത ക്ലബ് കോ ഓർഡിനേറ്റർ ജിഷ അഗസ്റ്റ്യൻ എന്നിവർ പ്രസംഗിച്ചു. ലഹരിവിരുദ്ധ ദിനാചരണത്തിന്‍റെ ഭാഗമായി കുട്ടികൾക്ക് വിവിധ മത്സരങ്ങൾ നടത്തി.

ഡോ.ടി.പി.വി. സുരേന്ദ്രനെ ആദരിക്കുന്നു

കൽപ്പറ്റ: വയനാട്ടിലെ മുതിർന്ന ഡോക്ടർമാരിൽ ഒരാളായ ടി.പി.വി. സുരേന്ദ്രനെ സീനിയർ സിറ്റിസണ്‍സ് സംസ്ഥാന കൗണ്‍സിൽ ആദരിക്കുന്നു. ഡോക്ടർമാരുടെ ദിനമായ ജൂലൈ ഒന്നിന് രാവിലെ 10ന് കൽപ്പറ്റ ലിയോ ആശുപത്രി കോണ്‍ഫറൻസ് ഹാളിലാണ്(ഡോ.ബി.സി. റോയ് നഗർ) പരിപാടിയെന്ന് സ്വാഗതസംഘം ഭാരവാഹികളായ ബി. രാധാകൃഷ്ണപിള്ള, ഡോ.പി. ലക്ഷ്മണൻ, വി.പി. വർക്കി എന്നിവർ വാർത്താസമ്മേളനത്തിൽ അറിയിച്ചു. രാവിലെ 10ന് ടി. സിദ്ദിഖ് എംഎൽഎ ഉദ്ഘാടനം ചെയ്യും. ആതുരശുശ്രൂഷ രംഗത്ത് അരനൂറ്റാണ്ടിലധികമായി നൽകുന്ന സേവനം കണക്കിലെടുത്താണ് ഡോ.ടി.പി.വി. സുരേന്ദ്രനെ ആദരിക്കുന്നത്. പരിപാടിയുടെ വിജയത്തിന് 50 അംഗ സമിതി രൂപീകരിച്ചിട്ടുണ്ട്.

എൻ ഉൗര് ടൂറിസം പദ്ധതി പ്രദേശത്ത് മരം മുറിയ്ക്ക് നീക്കം

കൽപ്പറ്റ: വൈത്തിരി താലൂക്കിലെ എൻ ഉൗര് ടൂറിസം പദ്ധതി പ്രദേശത്തുനിന്നു മരങ്ങൾ, മുള, ഈറ്റ, ഓട തുടങ്ങിയ മുറിച്ചുമാറ്റുന്നതിനുള്ള നീക്കം തടയണമെന്ന് ആവശ്യപ്പെട്ട് വയനാട് പ്രകൃതി സംരക്ഷണ സമിതി പ്രസിഡന്‍റ് എൻ. ബാദുഷ സബ് കളക്ടർക്കും സൗത്ത് വയനാട് ഡിഎഫ്ഒയ്ക്കും കത്ത് നൽകി. എൻ ഉൗര് ടൂറിസം കേന്ദ്രം വനഭൂമിയിലാണ്. 1971ലെ പ്രൈവറ്റ് ഫോറസ്റ്റ് വെസ്റ്റിംഗ് ആൻഡ് അസൈൻമെന്‍റ് ആക്ട് പ്രകാരം സർക്കാരിൽ നിക്ഷിപ്തമായ ഈ ഭൂമി കേന്ദ്ര സർക്കാരിന്‍റെയും സുപ്രീം കോടതിയുടെയും പ്രത്യേക അനുമതിയോടെ ആദിവാസികൾക്കു നൽകേണ്ടതാണ്. ഭൂമി ഡി റിസർവ് ചെയ്തിട്ടില്ല. ഇവിടെയുള്ള മരങ്ങളും മറ്റും മുറിക്കുന്നത് നിയമവിരുദ്ധമാണ്. സർക്കാർ അനുമതിയില്ലാതെ മരങ്ങൾ മുറിക്കാൻ വനം, റവന്യു ഉദ്യോഗസ്ഥർക്ക് അധികാരമില്ല. നിയമവിരുദ്ധമായാണ് ഭൂമി എൻ ഉൗര് ടൂറിസം പദ്ധതിക്ക് വിട്ടുകൊടുത്തത്. ഇതിനെതിരേ പ്രകൃതി സംരക്ഷണ സമിതി നൽകിയ ഹർജി സുപ്രീം കോടതിയുടെ പരിഗണനയിലാണെന്നും കത്തിൽ പറയുന്നു.

കാപ്പിക്കാട് വനത്തിൽ മൃതദേഹം കണ്ടെത്തിയത് ചേരന്പാടി നിവാസികൾക്കു നടുക്കമായി

ഗൂഡല്ലൂർ: ചേരന്പാടിക്കടുത്തു കാപ്പിക്കാട് വനത്തിൽ കുഴിച്ചിട്ട നിലയിൽ മൃതദേഹം കണ്ടെത്തിയത് നാട്ടുകാരെ ഞെട്ടിച്ചു. ഒന്നര വർഷം മുന്പ് കോഴിക്കോടുനിന്നു കാണാതായ, ബത്തേരി സ്വദേശി ഹേമചന്ദ്രന്‍റെ (53)മൃതദേഹമാണ് വനത്തിൽ കണ്ടെത്തിയത്. ബത്തേരി സ്വദേശിയായ ഹേമചന്ദ്രൻ വർഷങ്ങൾ മുന്പ് കോഴിക്കോട് മായനാടിലേക്ക് താമസം മാറ്റിയതാണ്. ഭാര്യയുടെ പരാതിയിൽ ഹേമചന്ദ്രന്‍റെ തിരോധാനം അന്വേഷിച്ച് കോഴിക്കോട് മെഡിക്കൽ കോളജ് പോലീസ് ബത്തേരി മാടക്കര, വള്ളുവാടി സ്വദേശികളെ ചോദ്യം ചെയ്തപ്പോഴാണ് മൃതദേഹം കാപ്പിക്കാട് വനത്തിൽ കുഴിച്ചിട്ടതായി വിവരം ലഭിച്ചത്. ഗൂഡല്ലൂർ ആർഡിഒ ഇൻ ചാർജ് സബ് കളക്ടർ സംഗീത, ദേവാല ഡിവൈഎസ്പി ജയപാൽ, തഹസിൽദാർ സിറാജുന്നീസ, ചേരന്പാടി റേഞ്ച് ഫോറസ്റ്റ് ഓഫീസർ അയ്യനാർ, കോഴിക്കോടുനിന്നുള്ള പോലീസ് ഉദ്യോഗസ്ഥർ എന്നിവരുടെ സാന്നിധ്യത്തിലാണ് മൃതദേഹം പുറത്തെടുത്തത്.

പകർച്ചവ്യാധി പ്രതിരോധം: മെഡിക്കൽ ക്യാന്പ് നടത്തി

തരിയോട്: പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി പഞ്ചായത്ത് ഗവ.ആയുർവേദ ഡിസ്പെൻസറി ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ എന്നിവയുടെ സഹകരണത്തോടെ ആയുർസൗഖ്യം എന്ന പേരിൽ മെഡിക്കൽ ക്യാന്പ് നടത്തി. പഞ്ചായത്ത് പ്രസിഡന്‍റ് ഷമീം പാറക്കണ്ടി ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ രാധ പുലിക്കോട് അധ്യക്ഷത വഹിച്ചു. ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ വി.ജി. ഷിബു, കെ.വി. ഉണ്ണിക്കൃഷ്ണൻ, ചന്ദ്രൻ മടത്തുവയൽ, സൂന നവീൻ, ബീന റോബിൻസണ്‍, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വേർഡ്, കെ.എൻ. ഗോപിനാഥൻ എന്നിവർ പ്രസംഗിച്ചു. മെഡിക്കൽ ഓഫീസർ ഡോ.സരസ്വതീദേവി സ്വാഗതവും യോഗ ഇൻസ്ട്രക്ടർ എം.പി. രശ്മി നന്ദിയും പറഞ്ഞു. ക്യാന്പിൽ പങ്കെടുത്തവർക്ക് പകർച്ചവ്യാസി പ്രതിരോധ മരുന്നുകൾ സൗജന്യമായി നൽകി.

വിദ്യാർഥികളിൽ ഭരണഘടനാ സാക്ഷരത ഉറപ്പാക്കുന്നു

കൽപ്പറ്റ: ജില്ലയിലെ വിദ്യാർഥികളിൽ ഭരണഘടനാ സാക്ഷരത ഉറപ്പാക്കുന്നതിന് പരിപാടികൾ ആവിഷ്കരിക്കാൻ ജില്ലാ ശിശുക്ഷേമ സമിതി വാർഷിക പൊതുയോഗം തീരുമാനിച്ചു. കളക്ടറേറ്റ് കോണ്‍ഫറൻസ് ഹാളിൽ എഡിഎം കെ. ദേവകി ഉദ്ഘാടനം ചെയ്തു. ശിശുക്ഷേമ സമിതി വൈസ് പ്രസിഡന്‍റ് കെ.കെ. വിമൽ രാജ് അധ്യക്ഷത വഹിച്ചു. സെക്രട്ടറി കെ. രാജൻ വാർഷിക റിപ്പോർട്ടും ട്രഷറർ കെ. സത്യൻ വരവുചെലവ് കണക്കും അവതരിപ്പിച്ചു. അംഗങ്ങളായ കെ. സച്ചിദാനന്ദൻ, ടി.പി.വി. രവീന്ദ്രൻ, ബി. രാധാകൃഷ്ണപിളള, ക്രൈംബ്രാഞ്ച് ഡിവൈഎസ്പി കെ.ജി. പ്രവീണ്‍കുമാർ, എം. ജീജ, ജി. ബിനേഷ്, ബൈജു ഐസക്, സുരേഷ്ബാബു വാളൽ, കെ. ബാലഗോപാൽ, സി.കെ. ഷംസുദീൻ, ശാരദ സജീവൻ, സി. ജയരാജൻ, എം. ബഷീർ, പി.ആർ. ഗിരിനാഥൻ തുടങ്ങിയവർ ചർച്ചയിൽ പങ്കെടുത്തു.

കുണ്ടോണി ഉന്നതിയിൽ കുടുംബങ്ങൾക്ക് ദുരിതം

ദ്വാരക: എടവക പഞ്ചായത്തിലെ 13-ാം വാർഡിലുള്ള കുണ്ടോണി പട്ടികവർഗ ഉന്നതിയിലെ കുടുംബങ്ങൾ ദുരിതത്തിൽ. മഴ ശക്തമായതോടെ വീടുകളിലെ നിലം വലിയതോതിൽ നനയുന്നതും പെയ്ത്തുവെള്ളം ഉന്നതിയിലേക്ക് കുത്തിയൊലിക്കുന്നതും കുടുംബങ്ങളെ പ്രയാസത്തിലാക്കുകയാണ്. നനവുമൂലം നിലത്ത് പായ വിരിച്ച് ഉറങ്ങാൻ കഴിയാത്ത സ്ഥിതിയാണ്. ഒന്പത് വീടുകളാണ് കുണ്ടോണി ഉന്നതിയിൽ. കരവയലിനു സമാനമായ സ്ഥലത്താണ് വീടുകൾ നിർമിച്ചിരിക്കുന്നത്. മഴക്കാലത്ത് ഉറവയെടുക്കുന്നതാണ് വീടുകളിലെ നിലത്ത് നനവ് പടരുന്നതിനു കാരണം. പരിസരങ്ങളിൽനിന്നു മഴവെള്ളം ഉന്നതിയിലേക്ക് ഒഴുകുന്നത് അലോസരം സൃഷ്ടിക്കുകയാണ്. പെയ്ത്തുവെള്ളം ഉന്നതിയിലെത്താതെ തിരിച്ചുവിടുന്നതിന് അടിയന്തര നടപടി ഉണ്ടാകണമെന്നാണ് കുടുംബങ്ങളുടെ ആവശ്യം. സുരക്ഷിത സ്ഥലത്ത് വീടുകൾ ഒരുക്കിയാൽ മാറിത്താമസിക്കാൻ സന്നദ്ധരാണെന്നും അവർ പറയുന്നു. ഉന്നതിയിലെ ചില വീടുകൾ ശോച്യാവസ്ഥയിലാണ്.

ചീരാൽ മേഖലയിലെ വന്യമൃഗ ആക്രമണം ശാശ്വത പരിഹാരം വേണമെന്നാവശ്യം

സുൽത്താൻ ബത്തേരി: തമിഴ്നാടിനോടു ചേർന്നുകിടക്കുന്ന നന്പ്യാർകുന്ന്, പൂളക്കുണ്ട്, നെല്ലൂർ, ചീരാൽ, പഴുർ, നൂൽപ്പുഴ, മുണ്ടക്കൊല്ലി, കഴന്പ് പ്രദേശങ്ങളിലെ വന്യമൃഗ ആക്രമണത്തിന് ശാശ്വത പരിഹാരം കാണണമെന്ന് പഴൂർ സെൻ് ആന്‍റണീസ് പള്ളി വികാരി ഫാ.ജോസ് മേച്ചേരിൽ, പഴൂർ മഹല്ല് ഖത്വീബ് ജുനൈസ് സഖാഫി, വ്യാപാരി വ്യവസായി ഏകോപന സമിതി ചീരാൽ യൂണിറ്റ് പ്രസിഡന്‍റ് കെ.ടി. ഹരീന്ദ്രൻ, ചീരാൽ ലയണ്‍സ് ക്ലബ് പ്രസിഡന്‍റ് ജേക്കബ് സി. വർക്കി, ആശ്രയം ചാരിറ്റബിൾ സൊസൈറ്റി ട്രഷറർ എം.കെ. ലത്തീഫ്, പഴൂർ ഫുട്ബോൾ അക്കാദമി പ്രതിനിധി ജോണി മുഞ്ഞനാട്ട്, കൃപ റസിഡന്‍റ്സ് അസോസിയേഷൻ പ്രസിഡന്‍റ് കെ.പി. സനിൽബാബു എന്നിവർ വാർത്താസമ്മേളനത്തിൽ ആവശ്യപ്പെട്ടു. ചീരാലിലും സമീപ പ്രദേശങ്ങളിലും മാസങ്ങളായി വന്യമൃഗശല്യം രൂക്ഷമാണ്. നിരവധി വളർത്തുമൃഗങ്ങളെപുലി പിടിച്ചു. ക്ഷീര കർഷകർ പുലർച്ചെ ഭയത്തോടെയാണ് പാൽ അളവുകേന്ദ്രങ്ങളിൽ പോകുന്നതും വരുന്നതും. രാവിലെ മദ്രസകളിലേക്കും വിദ്യാലയങ്ങളിലേക്കും പോകുന്ന കുട്ടികളുടെ സ്ഥിതിയും വിഭിന്നമല്ല. കഴിഞ്ഞദിവസം നന്പ്യാർകുന്ന് നരിക്കുനി പറന്പിൽ ഷാജിയുടെ കാർ പോർച്ചിൽ വരെ പുലി എത്തി. ടൗണുകളിലെ വ്യാപാര സ്ഥാപനങ്ങൾ വന്യമൃഗങ്ങളെ ഭയന്ന് നേരത്തേ അടയ്ക്കേണ്ട അവസ്ഥയാണ്. അതീവ ഗുരുതരമാണ് സാഹചര്യം. ഇത് മനസിലാക്കി വനം അധികാരികൾ ഉണർന്നു പ്രവർത്തിക്കണം. വനത്തിനടുത്തുള്ള പ്രദേശങ്ങളിൽ തെരുവുവിളക്കുകൾ സ്ഥാപിക്കണം. രാത്രി പട്രോളിംഗ് നടത്തണം. ചീരാൽ പ്രദേശത്തെ മുത്തങ്ങ റേഞ്ചിൽനിന്നു മാറ്റി മേപ്പാടി റേഞ്ചിൽ ഉൾപ്പെടുത്തിയത് പുനഃപരിശോധിക്കണം. ചീരാലിനു സമീപമുള്ള ഫോറസ്റ്റ് സ്റ്റേഷനിൽ പരാതിയുമായി ചെല്ലുന്പോൾ സ്ഥലം മേപ്പാടി ഫോറസ്റ്റ് സെക്ഷൻ പരിധിയിലാണെന്നു പറഞ്ഞു ഉദ്യോഗസ്ഥർ കൈയൊഴിയുകയാണ്. ഈ സ്ഥിതി തുടർന്നാൽ അതിജീവന പ്രക്ഷോഭത്തിനു ജനം നിർബന്ധിതരാകുമെന്ന് ഫാ.ജോസ് മേച്ചേരിലും മറ്റും പറഞ്ഞു. ചീരാൽ പൂളക്കുണ്ടിൽ പുലി ആക്രമണത്തിൽ പശുക്കുട്ടിക്ക് പരിക്കേറ്റു. ആലഞ്ചേരി ഉമ്മറിന്‍റെ പശുക്കുട്ടിയെയാണ് പുലി ആക്രമിച്ചത്. കഴിഞ്ഞ ദിവസം രാത്രിയാണ് സംഭവം. ആഴ്ചകളായി ചീരാവിലും സമീപങ്ങളിലും പുലി സാന്നിധ്യമുണ്ട്. ഇതിനകം 12 വളർത്തുജീവികളെയാണ് പുലി കൊന്നത്. പുലിയെ പിടിക്കാൻ വനം അധികൃതർ വിവിധ സ്ഥലങ്ങളിൽ കൂട് വച്ചെങ്കിലും ഫലം ചെയ്യുന്നില്ല. റോഡിൽ പുള്ളിപ്പുലി ഗൂഡല്ലൂർ: അയ്യംകൊല്ലി-കയ്യൂന്നി പാതയിൽ പുള്ളിപ്പുലിയെത്തി. കഴിഞ്ഞ ദിവസം പകലാണ് ജനവാസ കേന്ദ്രത്തിനു സമീപം പുലി റോഡിലുടെ നടന്നുനീങ്ങിയത്. ഈ സമയം എതിർദിശയിൽനിന്നുവന്ന സ്കൂട്ടർ യാത്രികൻ തലനാരിഴയ്ക്കു രക്ഷപ്പെട്ടു. പുലിയുടെ നടപ്പ് യാത്രക്കാരിൽ ചിലർ മൊബൈൽ ഫോണ്‍ കാമറയിൽ പകർത്തി സമൂഹമാധ്യമങ്ങളിൽപോസ്റ്റ് ചെയ്തത് വൈറലായി. കുറച്ചുദൂരം റോഡിലൂടെ നടന്നശേഷമാണ് പുലി കുറ്റിക്കാട്ടിൽ മറഞ്ഞത്. അന്പലമൂല, അയ്യംകൊല്ലി, വാലാട്ട് മേഖലയിൽ ചുറ്റിത്തിരിയുന്ന പ്രായംചെന്ന പുള്ളിപ്പുലിയാണ് ഇതെന്നു കരുതുന്നതായി നാട്ടുകാർ പറഞ്ഞു. പുലി വനസേനയുടെ നിരീക്ഷണത്തിലാണ്. പുലി വിശ്രമത്തിന് കണ്ടെത്തിയത് കാർ പോർച്ച് സുൽത്താൻ ബത്തേരി: ജനവാസകേന്ദ്രത്തിലെത്തിയ പുലി വിശ്രമത്തിനു കണ്ടെത്തിയത് കാർ പോർച്ച്. നന്പ്യാർകുന്നിനു സമീപം നരികൊല്ലി പറന്പിൽ ഷാജിയുടെ കാർ പോർച്ചിലായിരുന്നു പുലിയുടെ വിശ്രമം. വെള്ളിയാഴ്ച രാത്രിയാണ് കാർപോർച്ചിൽ പുലി കിടക്കുന്നത് വീട്ടുകാരുടെ ശ്രദ്ധയിൽപ്പെട്ടത്. ഒച്ചയിട്ടപ്പോഴാണ് പുലി വീട്ടുവളപ്പിൽനിന്നു പോയത്. നരികൊല്ലിയിൽ പകൽ പുലി റോഡിലൂടെ നടക്കുന്നത് വാഹനയാത്രക്കാരടക്കം കണ്ടിരുന്നു. കാട്ടുപന്നി ആക്രമണത്തിൽ രണ്ടുപേർക്ക് പരിക്ക് അന്പലവയൽ: കാട്ടുപന്നി ആക്രമണത്തിൽ രണ്ടു പേർക്ക് പരിക്കേറ്റു. അടിവാരം അന്പലക്കുന്ന് ഉന്നതിയിലെ കുമാരൻ, കരിയംകാട്ടിൽ അനസൂയ എന്നിവർക്കാണ് പരിക്കേറ്റത്. ഇന്നലെ രാവിലെ ഒന്പതരയോടെയാണ് സംഭവം. നടന്നുപോകുകയായിരുന്ന അനസൂയയ്ക്കുനേരേ പന്നി പാഞ്ഞടുക്കുകയായിരുന്നു. അവരെ രക്ഷിക്കാനുള്ള ശ്രമത്തിലാണ് കുമാരന് പരിക്കേറ്റത്. ഇരുവരും ചികിത്സ നേടി. വീടിനുനേരേ കാട്ടാന ആക്രമണം കാട്ടിക്കുളം: തിരുനെല്ലി പഞ്ചായത്തിലെ തൃശിലേരി മുത്തുമാരിയിൽ വീടിനുനേരേ കാട്ടാന ആക്രമണം. ചാരോലി സരോജിനിയുടെ വീടിനുനേരേയായിരുന്നു ആനയുടെ പരാക്രമം. ഇന്നലെ പുലർച്ചെ രണ്ടരയോടെയാണ് സംഭവം. വീടിന്‍റെ പിൻഭാഗത്ത് മേൽക്കൂരയിലെ പട്ടികയും ഓടും ഉൾപ്പെടെ തകർന്നു.

അസംപ്ഷൻ ആശുപത്രിയിൽ ലഹരിവിരുദ്ധദിനം ആചരിച്ചു

സുൽത്താൻ ബത്തേരി: ലോക ലഹരിവിരുദ്ധ ദിനത്തിന്‍റെ ഭാഗമായി ബത്തേരി അസംപ്ഷൻ ആശുപത്രിയും അസംപ്ഷൻ പള്ളി കെസിവൈഎം സംഘടനയും സംയുക്തമായി റീൽസ്, പോസ്റ്റർ നിർമാണ മത്സരവും ബോധവത്കരണ ക്ലാസും നടത്തി. തുടർന്ന് നടന്ന പരിപാടി ബത്തേരി അസംപ്ഷൻ പള്ളി വികാരി ഫാ. തോമസ് മണക്കുന്നേൽ ഉദ്ഘാടനം ചെയ്തു. അഡ്മിനിസ്ട്രേറ്റർ സിസ്റ്റർ ആൻസി മരിയ അധ്യക്ഷത വഹിച്ചു. റീൽസ്, പോസ്റ്റർ നിർമാണ മത്സരത്തിലെ വിജയികകളായ അസംപ്ഷൻ കോളജ് ഓഫ് നഴ്സിംഗ്, പനമരം ഗവ. സ്കൂൾ ഓഫ് നഴ്സിംഗ് വിദ്യാർഥികൾക്ക് സർട്ടിഫിക്കറ്റും കാഷ് അവാർഡുകളും വിതരണം ചെയ്തു. ഫാ. ജൂഡ് വട്ടക്കുന്നേൽ, ഡോ.സി. ലിസ് മാത്യു, ഡോ.എം. ചന്ദ്രൻ, ഡോ. ജോ ടുട്ടു ജോർജ്, ഡോ. സ്മിത റാണി, കൈലാസ് ബേബി, ജോയൽ ജോണ്‍, സി. റെജിൻ കാപ്പിൽ, സി. അലീന തുടങ്ങിയവർ പ്രസംഗിച്ചു.

ജോണ്‍സണ്‍ ഐക്കരയ്ക്ക് നടവയൽ നാട്ടൊരുമയുടെ ആദരം ഇന്ന്

നടവയൽ: കേരള സംഗീത നാടക അക്കാദമിയുടെ ഈ വർഷത്തെ പ്രാഫഷണൽ നാടക മത്സരത്തിൽ മികച്ച നടനായി തെരഞ്ഞെടുത്ത ജോണ്‍സണ്‍ ഐക്കരയെ നാട്ടൊരുമയുടെ നേതൃത്വത്തിൽ ഇന്ന് ആദരിക്കും. ഉച്ചകഴിഞ്ഞ് രണ്ടിന് സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലാണ് പരിപാടി. നടവയലിലെ കലാകായിക-സാഹിത്യ-സാമൂഹിക-സാംസ്കാരിക പ്രവർത്തകരുടെ കൂട്ടായ്മയാണ് നാട്ടൊരുമ. ആദരിക്കുന്നതിനു മുന്നോടിയായി ജോണ്‍സണ് ടൗണിൽ സ്വീകരണം നൽകും. പൊതുസമ്മേളനത്തിൽ നാട്ടൊരുമ ചെയർമാൻ ബാബു ചിറപ്പുറം അധ്യക്ഷത വഹിക്കും. സാഹിത്യകാരൻ പി.കെ. പാറക്കടവ് മുഖ്യപ്രഭാഷണം നടത്തും. ബിനു മാങ്കൂട്ടം, ഷാജി എ. ജയിംസ്. വിൻസന്‍റ് ചേരവേലിൽ തുടങ്ങിയവർ പ്രസംഗിക്കും. ഓർമ ഇന്‍റർനാഷനൽ നടവയൽ പ്രൊവിൻസിന്‍റെ നേതൃത്വത്തിൽ ഗാനസന്ധ്യ ഉണ്ടാകും. നാടകരംഗത്ത് കാൽ നൂറ്റാണ്ടിലധികമായി സജീവമാണ് നടവയൽ സ്വദേശിയായ ജോണ്‍സണ്‍. നടവയലിൽ പ്രവർത്തിച്ചിരുന്ന വയനാട് വൃന്ദാര എന്ന പ്രഫഷണൽ നാടക സമിതിയിലൂടെയാണ് അഭിനയരംഗത്ത് എത്തിയത്. വള്ളുവനാട് ബ്രഹ്മയുടെ ’വാഴ്വേമായം’ എന്ന നാടകത്തിലൂടെയാണ് മികച്ച നടനുള്ള അവാർഡ് ലഭിച്ചത്. ’പാട്ടുപാടുന്ന വെള്ളായി’ എന്ന നാടകത്തിലൂടെ മികച്ച നടനുള്ള കെസിബിസി അവാർഡും സംഗീത നാടക അക്കാദമിയുടെ സ്പെഷൽ ജൂറി അവാർഡും ലഭിച്ചിട്ടുണ്ട്

സഹകരണ സ്ഥാപനങ്ങളിലെ നിക്ഷേപ പിരിവുകാരെ സർക്കാർ അവഗണിക്കുന്നു

കൽപ്പറ്റ: നിക്ഷേപ പിരിവുകാരെ സർക്കാരും സഹകരണ വകുപ്പും അവഗണിക്കുന്നു. ദിന നിക്ഷേപ പദ്ധതികളിലൂടെ കോടിക്കണക്കിന് രൂപ സഹകരണ മേഖലയിൽ എത്തിക്കുന്ന പിരിവുകാരാണ് അവഗണന നേരിടുന്നത്. 25 മുതൽ 45 വർഷം വരെ സർവീസ് ഉണ്ടായിട്ടും പിരിവുകാരെ തസ്തിക നിർണയിച്ച് സ്ഥിരപ്പെടുത്താനും മിനിമം വേതനം, വിരമിക്കൽ ആനുകൂല്യം എന്നിവ നൽകാനും നടപടിയില്ല. 2005ൽ സഹകരണ ശതാബ്ദി വേളയിൽ നിക്ഷേപ പിരിവുകാർ, നീതി സ്റ്റോറുകളിലെ കമ്മീഷൻ ജീവനക്കാർ എന്നിവരെ സ്ഥിരപ്പെടുത്താൻ സർക്കാർ ഉത്തരവായതാണ്. നീതി ജീവനക്കാർക്ക് തസ്തികയും സ്കെയിലും സ്ഥാനക്കയറ്റവും അനുവദിച്ചെങ്കിലും നിക്ഷേപ പിരിവുകാരെ അവഗണിച്ചു. സർക്കാർ പ്രഖ്യാപിച്ച പരിമിത ആനുകൂല്യങ്ങൾപോലും സാങ്കേതികത്വം മറയാക്കി സ്ഥാപനങ്ങൾ നിഷേധിക്കുകയാണ്. വിരമിച്ചവർക്ക് ആനുകൂല്യം നൽകുന്നതിലും വെട്ടിക്കുറച്ച ക്ഷേമ പെൻഷൻ വിതരണ ഇൻസന്‍റീവ് പുനഃസ്ഥാപിച്ച് വിതരണം ചെയ്യുന്നതിലും സർക്കാർ നിഷേധ നയം തുടരുകയാണ്. നിക്ഷേപ പിരിവുകാരുംസഹകരണ സ്ഥാപനങ്ങളും അഭിമുഖീകരിക്കുന്ന പ്രശ്നങ്ങൾ നാളെ രാവിലെ 10ന് കൽപ്പറ്റ സർവീസ് സഹകരണ ബേങ്ക് ഓഡിറ്റോറിയത്തിൽ ചേരുന്ന കോ ഓപ്പറേറ്റീവ് ബാങ്ക്സ് ഡെപ്പോസിറ്റ് കളക്ടേഴ്സ് അസോസിയേഷൻ സംസ്ഥാന നേതൃസംഗമം ചർച്ച ചെയ്യും. ടി. സിദ്ദിഖ് എംഎൽഎ ഉദ്ഘാടനം ചെയ്യുന്ന സംഗമത്തിൽ അസോസിയേഷൻ സംസ്ഥാന പ്രസിഡന്‍റ് ദിനേശ് പെരുമണ്ണ അധ്യക്ഷത വഹിക്കും.

ചീരാലിൽ വീണ്ടും പുലിയുടെ ആക്രമണം: വളർത്തുനായ ചത്തു

സുൽത്താൻ ബത്തേരി: ചീരാൽ പണിക്കർപടി നിരവത്ത്കണ്ടത്തിൽ എൽദോയുടെ വളർത്തുനായയെ കഴിഞ്ഞദിവസം രാത്രി പുലി അക്രമിച്ച് കൊലപ്പെടുത്തി. വീടിന് സമീപം കെട്ടിയിട്ട നായയെയാണ് പുലി പിടിച്ചത്. ബഹളം കേട്ടെങ്കിലും ഭയം കാരണംവീട്ടുകാർ പുറത്തിറങ്ങിയില്ല. പശുവും ആടുകളും അടക്കം കഴിഞ്ഞ രണ്ടു മാസത്തിനിടെ 11 വളർത്തു മൃഗങ്ങളെയാണ് പുലി അക്രമിച്ചത്. ഇവയിൽ ആറെണ്ണം ചത്തു. വളർത്തു മൃഗങ്ങളെ കൊന്നൊടുക്കുന്ന പുലിയെ പിടികൂടാൻ വനംവകുപ്പ് കൂട് സ്ഥാപിച്ചെങ്കിലും ഇതുവരെ പുലി കുടുങ്ങിയിട്ടില്ല. നിരന്തരം ഉണ്ടാകുന്ന വന്യജീവി ശല്യത്തിന് ശാശ്വത പരിഹാരം കാണണമെന്നും രാത്രികാലങ്ങളിൽ പട്രോളിംഗ് ഏർപ്പെടുത്തണമെന്നുമുള്ള പ്രദേശവാസികളുടെ ആവശ്യം ഇതുവരെയും വനംവകുപ്പ് കൈക്കൊണ്ടിട്ടില്ലെന്ന് ജനങ്ങൾ ആരോപിച്ചു. കഴിഞ്ഞദിവസം രാവിലെ വനംവകുപ്പിന് വിവരമറിയിച്ചിട്ടും മുത്തങ്ങ റേഞ്ച് ഉദ്യോഗസ്ഥരെത്തി ഈ പ്രദേശം മേപ്പാടി റേഞ്ച് പരിധിയിൽ ആണെന്ന് പറഞ്ഞു തിരിച്ചു പോകുകയാണുണ്ടായത്. വനംവകുപ്പിന്‍റെ ഭാഗത്തുനിന്നും ഒരു നടപടിയും ഉണ്ടാകുന്നില്ലെന്നും ആക്ഷേപമുണ്ട്.

കാട്ടാന കാറും ബൈക്കും കേടുവരുത്തി

നടവയൽ: നെയ്ക്കുപ്പയിൽ കാട്ടാന കാറും ബൈക്കും കേടുവരുത്തി. പാറയ്ക്കൽ തങ്കച്ചന്‍റേതാണ് വാഹനങ്ങൾ. കാറിന്‍റെ ഗ്ലാസ് ആന തകർത്തു. വാഹനങ്ങൾ നിർത്തിയിട്ടിരുന്ന ഷെഡ് നശിപ്പിച്ചു. ഇന്നലെ പുലർച്ചെ 2.30 ഓടെയാണ് ആന വീടിന്‍റെ പരിസരത്ത് എത്തിയത്. പ്രദേശവാസികൾ സംഘടിച്ചാണ് ആനയെ സമീപത്തെ വനത്തിലേക്ക് തുരത്തിയത്. സൗത്ത് വയനാട് വനം ഡിവിഷൻ പരിധിയിലാണ് നെയ്ക്കുപ്പ. ഇവിടെ ജനവാസ മേഖലയിൽ കാട്ടാനശല്യം രൂക്ഷമാണ്.

വിജയോത്സവം നടത്തി

തരിയോട്: ഗവ.ഹയർസെക്കൻഡറി സ്കൂളിൽനിന്ന് മികച്ച വിജയം കരസ്ഥമാക്കിയ എസ്എസ്എൽസി, പ്ലസ് ടു വിദ്യാർഥികൾക്കുള്ള മെമന്േ‍റായും വിവിധ സ്കോളർഷിപ്പ് വിതരണവും ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ നിർവഹിച്ചു. അറക്കപ്പറന്പിൽ തോമസ് എഡ്യൂക്കേഷൻ എൻഡോവ്മെന്‍റ്, ശാരദാമ്മ മെമ്മോറിയൽ എൻഡോവ്മെന്‍റ്, മാത്യു മെമ്മോറിയൽ എൻഡോവ്മെന്‍റ്, ശ്രീമതി മെമ്മോറിയൽ എൻഡോവ്മെന്‍റ് എന്നിവ മികച്ച വിജയം നേടിയവർക്ക് നൽകി. സ്കൂൾ ഓഡിറ്റോറിയത്തിൽ നടന്ന പരിപാടിക്ക് തരിയോട് ഗ്രാമപഞ്ചായത്ത് പ്രസിഡന്‍റ് ഷമീം പാറക്കണ്ടി അധ്യക്ഷത വഹിച്ചു. പിടിഎ പ്രസിഡന്‍റ് ബെന്നി മാത്യു, സീനിയർ അസിസ്റ്റന്‍റ് മറിയം മഹമ്മൂദ്, തരിയോട് ഗ്രാമപഞ്ചായത്ത് അഗം വിജയൻ തോട്ടുങ്ങൽ, മദർ പിടിഎ പ്രസിഡന്‍റും തരിയോട് ഗ്രാമപഞ്ചായത്ത് അംഗവുമായ സൂനാ നവീൻ, എഡിഎൻഒ എസ്പിസി മോഹൻദാസ് കുളങ്ങര, പ്രിൻസിപ്പൽ എം. രാധിക, പിടിഎ വൈസ്പ്രസിഡന്‍റ് ടി.ഒ. പത്രോസ്, മദർ പിടിഎ വൈസ്പ്രസിഡന്‍റ് രഞ്ജിനി അനി, എസ്എംസി ചെയർമാൻ പി.എം. കാസിം, പി.കെ. സത്യൻ, എൻ.പി. മാത്യു, എ. മുഹമ്മദ് ബഷീർ, സ്റ്റാഫ് സെക്രട്ടറി ഷാജു ജോണ്‍ എന്നിവർ പ്രസംഗിച്ചു.

പഞ്ചായത്തുകളുടെ അധികാരവും പണവും കവർന്നെടുത്ത ഭരണം : എൻ.ഡി. അപ്പച്ചൻ

മീനങ്ങാടി: പഞ്ചായത്തുകളുടെ അധികാരങ്ങൾ കവർന്നെടുത്തും പദ്ധതി തുകയിൽ കുറവു വരുത്തിയും മാർച്ച് മാസത്തിലെ ട്രഷറി നിയന്ത്രണങ്ങളും മൂലം പ്രാദേശിക സർക്കാരുകളെ അട്ടിമറിച്ച പിണറായി സർക്കാരിന് എതിരെയുള്ള വിധിയെഴുത്താവും വരുന്ന ത്രിതല പഞ്ചായത്ത് തെരഞ്ഞെടുപ്പെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ. മീനങ്ങാടി മണ്ഡലം കോണ്‍ഗ്രസ്‌സ് കമ്മറ്റിയുടെ ആഭിമുഖ്യത്തിൽ എ.പി. ലൗസണ്‍ നഗറിൽ ചേർന്ന മിഷൻ 2025 കോണ്‍ഗ്രസ് പഞ്ചായത്തീരാജ് വികസന സെമിനാർ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിലന്പൂർ ഉപതെരഞ്ഞെടുപ്പിന്‍റെ ചുവടുപിടിച്ച് വരുന്ന പഞ്ചായത്ത്, നിയമസഭാ തെരഞ്ഞെടുപ്പുകളിൽ ഒറ്റക്കെട്ടായി നിന്ന് പ്രവർത്തിക്കണമെന്ന് യോഗം ആഹ്വാനം ചെയ്തു. എൻ.ഡി. അപ്പച്ചൻ ഉദ്ഘാടനം ചെയ്തു. മണ്ഡലം പ്രസിഡന്‍റ് മനോജ് ചന്ദനക്കാവ് അധ്യക്ഷത വഹിച്ചു. ഐ.സി. ബാലകൃഷ്ണൻ എംഎൽഎ, കെ.എൽ. പൗലോസ്, കെ.ഇ. വിനയൻ, ഡി.പി. രാജശേഖരൻ, വർഗീസ് മുരിയൻകാവിൽ, എം. വേണുഗോപാൽ, ഒ.വി. അപ്പച്ചൻ, എൻ.സി. കൃഷ്ണകുമാർ, രാംകുമാർ സൂചിപ്പാറ, ബേബി വർഗീസ്, വി.എം. വിശ്വനാഥൻ, കെ. ജയപ്രകാശ്, എൻ.എം. ലാൽ, ടി.പി. ഷിജ എന്നിവർ പ്രസംഗിച്ചു.

ദേശീയ പണിമുടക്ക് വിജയിപ്പിക്കും: യുഡിടിഎഫ്

കൽപ്പറ്റ:കേന്ദ്ര-സംസ്ഥാന സർക്കാരുകളുടെ തൊഴിലാളി വിരുദ്ധ നടപടികൾക്കെതിരേ ജൂലൈ ഒന്പതിന് നടത്തുന്ന ദേശീയ പണിമുടക്ക് വിജയിപ്പിക്കാൻ യുഡിടിഎഫ് ജില്ലാ നേതൃയോഗം തീരുമാനിച്ചു. പണിമുടക്കിന്‍റെ പ്രചാരണത്തിന് അഞ്ചിന് കൽപ്പറ്റ, ബത്തേരി, മാനന്തവാടി എന്നിവിടങ്ങളിൽ പ്രകടനവും പൊതുയോഗവും നടത്തും. ഏഴ്, എട്ട് തീയതികളിൽ പഞ്ചായത്തുകേന്ദ്രങ്ങളിൽ വിളംബരജാഥ സംഘടിപ്പിക്കും. ചെയർമാൻ പി.പി. ആലി അധ്യക്ഷത വഹിച്ചു. സി. മൊയ്തീൻകുട്ടി, പി. ഇസ്മയിൽ, ബി. സുരേഷ്ബാബു, ടി. ഹംസ, ഉമ്മർ കുണ്ടാട്ടിൽ, ടി.എ. റെജി, സി. കുഞ്ഞബ്ദുള്ള, ജ്യോതിഷ്കുമാർ, കെ.കെ. രാജേന്ദ്രൻ, സി.എ. ഗോപി, ഷിനോജ് കോടന്നൂർ എന്നിവർ പ്രസംഗിച്ചു.

ചൂരൽമലയിലെ ജനകീയ പ്രതിഷേധം: യുഡിഎഫ് മാർച്ച് ഇന്ന്

കൽപ്പറ്റ: യുഡിഎഫ് മേപ്പാടി പഞ്ചായത്ത് കമ്മിറ്റിയുടെ നേതൃത്വത്തിൽ ഇന്നു രാവിലെ 10ന് വെള്ളാർമല വില്ലേജ് ഓഫീസ് മാർച്ചും ധർണയും നടത്തും. ബുധനാഴ്ച രാവിലെ ചൂരൽമലയിൽ ജനകീയ പ്രതിഷേധത്തിൽ പങ്കെടുത്തതിൽ ആറു പേർക്കെതിരേ ജാമ്യമില്ലാത്ത വകുപ്പുകൾ ചേർത്ത് പോലീസ് രജിസ്റ്റർ ചെയ്ത കേസ് പിൻവലിക്കണമെന്ന് ആവശ്യപ്പെട്ടാണ് സമരമെന്ന് യുഡിഎഫ് നിയോജകമണ്ഡലം കമ്മിറ്റി ചെയർമാൻ ടി. ഹംസ, പഞ്ചായത്ത് കമ്മിറ്റി ചെയർമാൻ പി.കെ. അഷ്റഫ്, കണ്‍വീനർ ഒ. ഭാസ്കരൻ, കോണ്‍ഗ്രസ് നിയോജകമണ്ഡലം പ്രസിഡന്‍റ് ബി. സുരേഷ്ബാബു എന്നിവർ വാർത്താസമ്മേളനത്തിൽ അറിയിച്ചു. കനത്ത മഴയ്ക്കിടെ പുന്നപ്പുഴയിൽ പൊടുന്നനെ ഉണ്ടായ കുത്തൊഴുക്ക് പുഞ്ചിരിമട്ടം ഭാഗത്ത് വീണ്ടും ഉരുൾപൊട്ടിയതുമൂലമാണെന്ന സംശയത്തിനു കാരണമായിരുന്നു. ഇതേത്തുടർന്നാണ് ആളുകൾ ആശങ്കയോടെ ചൂരൽമലയിൽ സംഘടിച്ചത്. വൈകി സ്ഥലത്ത് എത്തിയ വെള്ളാർമല വില്ലേജ് ഓഫീസറെ ജനക്കൂട്ടം ചോദ്യം ചെയ്യുകയും പ്രതിഷേധം ഉയർത്തുകയും ചെയ്തിരുന്നു. ഇതിന്‍റെ പേരിൽ വില്ലേജ് ഓഫീസർ നൽകിയ പരാതിയിലാണ് കൈയേറ്റം, വാഹനത്തിനു കേടുവരുത്തൽ എന്നീ കുറ്റങ്ങൾ ചുമത്തി കേസ് രജിസ്റ്റർ ചെയ്തത്. വില്ലേജ് ഓഫീസറുടെ വ്യാജ പരാതിയാണ് കേസിന് ആധാരം. സർക്കാർ ഇടപെട്ട് കേസ് പിൻവലിപ്പിക്കണം. പുഞ്ചിരിമട്ടം ഉരുൾ ദുരന്ത ബാധിതർ നിരന്തരം സമരം ചെയ്യേണ്ട ഗതികേടിലാണ്. 300ലേറെ പേരുടെ മരണത്തിന് ഇടയാക്കിയ ഉരുൾപൊട്ടൽ നടന്ന് 11 മാസമായിട്ടും സർക്കാർ പ്രഖ്യാപിച്ച ആനുകൂല്യങ്ങൾ ദുരന്തബാധിതർക്ക് പൂർണമായി ലഭിക്കുന്നില്ല. ദിനബത്തയും വീട്ടുവാടകയും ലഭിക്കാത്ത കുടുംബങ്ങളുണ്ട്. ദുരന്തബാധിതരുടെ പുനരധിവാസം എവിടെയും എത്തിയിട്ടില്ല. മുഴുവൻ ദുരന്തബാധിത കുടുംബങ്ങളെയും പുനരധിവാസ പട്ടികയിൽ ഉൾപ്പെടുത്തിയിട്ടില്ല. സർക്കാർ നിശ്ചയിച്ച മാനദണ്ഡങ്ങളാണ് പല കുടുംബങ്ങളും പട്ടികയിൽ ഉൾപ്പെടാതെപോയതിനു കാരണം. മേപ്പാടി പഞ്ചായത്ത് തയാറാക്കിയ പട്ടികയിൽ 543 ദുരന്തബാധിത കുടുംബങ്ങളാണ് ഉണ്ടായിരുന്നത്. സർക്കാർ പട്ടികയിൽ 400ൽപരം കുടുംബങ്ങളാണുള്ളത്. സർക്കാർ പട്ടികയിൽ ഉൾപ്പെട്ടതിൽ ടൗണ്‍ഷിപ്പിൽ വീട് വേണ്ടെന്നു തീരുമാനിച്ച് 15 ലക്ഷം രൂപ വീതം സഹായധനം കൈപ്പറ്റിയവർക്ക് സ്ഥിരം താമസസൗകര്യം ആകുന്നതുവരെ വീട്ടുവാടക അനുവദിക്കണം. മേപ്പാടി പഞ്ചായത്തിലെ 10,11,12 വാർഡുകളിലെ മുഴുവൻ കുടുംബങ്ങളും പല രീതിയിൽ ദുരന്തബാധിതരാണ്. ചുമട്ടുതൊഴിലാളികൾ, ഓട്ടോ-ടാക്സി ഡ്രൈവർമാർ, കർഷകത്തൊഴിലാളികൾ തുടങ്ങിയവർക്ക് ദുരന്തമൂലം ഉപജീവനമാർഗം നഷ്ടമായി. ഇവരെയെല്ലാം പുനരധിവാസ പദ്ധതിയിൽ ഉൾപ്പെടുത്തണം. ഉരുൾപൊട്ടലിനെത്തുടർന്നു ഗതിമാറിയ പുന്നപ്പുഴയിൽ ഒഴുക്ക് നിയന്ത്രിക്കുന്നതിനും തടസങ്ങൾ നീക്കുന്നതിനുമുള്ള പ്രവൃത്തി അടിയന്തരമായി പൂർത്തിയാക്കണമെന്നും യുഡിഎഫ് നേതാക്കൾ ആവശ്യപ്പെട്ടു.

മീനങ്ങാടി കത്തീഡ്രലിൽ ഓർമപ്പെരുന്നാൾ ഇന്നും നാളെയും

മീനങ്ങാടി: സെന്‍റ് പീറ്റേഴ്്സ് ആൻഡ് സെന്‍റ് പോൾസ് യാക്കോബായ സുറിയാനി കത്തീഡ്രലിൽ ഇടവക മധ്യസ്ഥാരായ വിശുദ്ധ പത്രോസ്, പൗലോസ് ശ്ലീഹൻമാരുടെ ഓർമപ്പെരുന്നാൾ ഇന്നും നാളെയുമായി ആചരിക്കും. ഇന്ന് വൈകുന്നേരം 5.30ന് ഇടവകവികാരി ഫാ. ബിജുമോൻ കർലോട്ടുകുന്നേൽ കൊടി ഉയർത്തും. വൈകുന്നേരം 6.30ന് സന്ധ്യാ പ്രാർത്ഥന, ഏഴിന് പ്രസംഗം. നാളെ രാവിലെ ഏഴിന് പ്രഭാതപ്രാർത്ഥന, എട്ടിന് വിശുദ്ധ കുർബാനയ്ക്ക് മലബാർ ഭദ്രാസന സെക്രട്ടറി ഫാ. ബേസിൽ കരനിലത്ത് മുഖ്യ കാർമികത്വം വഹിക്കും. ഒന്പതിന് മധ്യസ്ഥ പ്രാർത്ഥന, 9.30ന് പ്രസംഗം. തുടർന്ന് ആശീർവാദം. ഇടവകയിൽ നിന്നും എസ്എസ്എൽസി, പ്ലസ് ടു കോഴ്സുകളിൽഉയർന്ന മാർക്ക് വാങ്ങി വിജയം നേടിയവരെ സ്കോളർഷിപ്പുകൾ നൽകിആദരിക്കും. 12ന് കൊടി ഇറക്കുന്നതോടെ പെരുന്നാൾ സമാപിക്കും. പെരുന്നാൾ ആഘോഷങ്ങൾക്ക് വികാരിമാരായ ഫാ. ബിജുമോൻ കർലോട്ടുകുന്നേൽ, ഫാ. റെജി പോൾ ചവർപ്പനാൽ, ഫാ. സോജൻ വാണാക്കുടിയിൽ, ഫാ. എൽദോ ജോണി തുടങ്ങിയവർ നേതൃത്വം നൽകും.

കുടുംബങ്ങളെ ക്യാന്പിലേക്ക് മാറ്റി

സുൽത്താൻബത്തേരി: കല്ലൂർപുഴ കരകവിഞ്ഞ് ഉന്നതിയിലേക്ക് വെള്ളംകയറാൻ തുടങ്ങിയതോടെ മുൻകരുതലെന്ന നിലയിൽ കുടുംബങ്ങളെ ക്യാന്പിലേക്ക് മാറ്റി. പുഴംകുനി ഉന്നതിയിലെ നാല് കുടുംബങ്ങളിലെ ഒന്പത്പേരെയാണ് കല്ലൂർ ഹയർസെക്കൻഡറി സ്കൂളിലെ ക്യാന്പിലേക്ക് മാറ്റിയത്. ഇന്നലെ പുലർച്ചെ പന്ത്രണ്ടോടെയാണ് പഞ്ചായത്ത്, റവന്യു, ട്രൈബൽ, ഫയർ ആൻഡ് റസ്ക്യു അധികൃതരെത്തി കുടുംബങ്ങളെ ക്യാന്പിലേക്ക് മാറ്റിയത്. ബുധനാഴ്ച രാത്രിയും കുടുംബങ്ങളെ മുൻകരുതലെന്ന നിലയിൽ തിരുവണ്ണൂർ അങ്കണവാടിയിലേക്ക് മാറ്റിയിരുന്നു. വ്യാഴാഴ്ച രാവിലെ വെള്ളം കുറഞ്ഞതിനെതുടർന്ന് കുടുംബങ്ങൾ വീടുകളിലേക്ക് മടങ്ങിയിരുന്നു. തുടർന്ന് ഇന്നലെ പുലർച്ചെ വീണ്ടും കുടുംബങ്ങളെ ക്യാന്പിലേക്ക് മാറ്റുകയായിരുന്നു.

ഓവുചാലുകൾ പേരിനു മാത്രം: തരുവണ അങ്ങാടിയിൽ വെള്ളക്കെട്ട്

തരുവണ: തരുവണ - പടിഞ്ഞാറത്തറ റോഡിൽ സ്ഥിരമായി വെള്ളക്കെട്ട് രൂപപ്പെടുന്നതിന് അടിയന്തര പരിഹാരം കാണണമെന്ന് പാലിയാണ പൗരസമിതി അധികൃതരോട് ആവശ്യപ്പെട്ടു. ഓവുചാലുകളുടെ അഭാവവും പേരിനു മാത്രമുള്ള ഓവുചാലുകളിൽ മാലിന്യം അടിഞ്ഞു കൂടിയതും കാരണമാണ് വെള്ളക്കെട്ട് രൂപപ്പെടുന്നത്. തരുവണയിൽ നിന്നും കക്കടവിലേക്കും കരിങ്ങാരിയിലേക്കുമുള്ള റോഡിലൂടെ വെള്ളം ഒഴുകിയെത്തിയാണ് അങ്ങാടിയിൽ വെള്ളക്കെട്ട് ഉണ്ടാകുന്നത്. ഇതുമൂലം വാഹനങ്ങൾക്കും കാൽനടയാത്രക്കാർക്കും പ്രയാസം ഉണ്ടാകുന്നുണ്ട്. തരുവണ - കരിങ്ങാരി - കക്കടവ് - മഴുവന്നൂർകയറ്റം റോഡിന്‍റെ ഒരു ഭാഗത്ത് ഓട നിർമിച്ചിട്ടുണ്ടെങ്കിലും, മറുഭാഗത്ത് ചാലുകൾ ഇല്ലാത്തതും ഉള്ള ചാലുകൾ മാലിന്യം നിറഞ്ഞു അടഞ്ഞതും റോഡിലൂടെ വെള്ളം കുത്തിയൊലിച്ചു എത്തുന്നതിന് ഇടയാക്കുന്നു. മേൽപ്പറഞ്ഞ റോഡ് പടിഞ്ഞാറത്തറ റോഡിനോട് ചേരുന്ന ഭാഗത്ത് കലുങ്ക് നിർമിച്ച് വെള്ളം തിരിച്ചു വിട്ടാൽ മാത്രമേ വെള്ളക്കെട്ടിന് പരിഹാരം ഉണ്ടാകൂ. തരുവണയിൽ നിന്നും കക്കടവ് പാലം വരെയുള്ള മൂന്നര കിലോമീറ്റർ ദൂരത്തിൽ നീർച്ചാലുകളുടെ അഭാവം നിമിത്തം റോഡ് പൂർണമായി തകർന്നു. പ്രധാന റോഡിൽ നിന്നും നീർച്ചാലുകൾ അടച്ച് പോക്കറ്റ് റോഡുകൾ തീർക്കുന്നതും റോഡിന്‍റെ തകർച്ചയ്ക്ക് ആക്കം കൂട്ടുന്നു. ഗ്രാമപഞ്ചായത്ത് അധികൃതർ ഇതിന് ശാശ്വത പരിഹാരം ഉണ്ടാക്കണമെന്ന് പൗരസമിതി ആവശ്യപ്പെട്ടു.

ജില്ലയിൽ 6943 സൂക്ഷ്മ, ചെറുകിട, ഇടത്തരം സംരംഭങ്ങൾ

406.80 കോടി രൂപയുടെ നിക്ഷേപവും 43,530 ആളുകൾക്ക് തൊഴിലും ലഭിച്ചു കൽപ്പറ്റ: സൂക്ഷ്മ, ചെറുകിട, ഇടത്തരം സംരംഭങ്ങൾ (എംഎസ്എംഇ) 6943 എണ്ണം ജില്ലയിൽ പ്രവർത്തിക്കുന്നതിലൂടെ 406.80 കോടി രൂപയുടെ നിക്ഷേപവും 43,530 ആളുകൾക്ക് തൊഴിലും ലഭ്യമായി. സംരംഭങ്ങൾ വളർത്തിയെടുക്കാൻ ഏറ്റവും അനുയോജ്യമായ അന്തരീക്ഷമാണ് ജില്ലയിലെന്നും ഓണ്‍ലൈൻ പ്ലാറ്റ്ഫോം ഉപയോഗപ്പെടുത്തി മുന്നോട്ടു വരുന്ന യുവതീയുവാക്കൾക്ക് കൃത്യമായ മാർഗദർശനം നൽകേണ്ടതുണ്ടെന്നും ജില്ലാ കളക്ടർ ഡി.ആർ. മേഘശ്രീ പറഞ്ഞു. ലോക ബാങ്ക് സഹകരണത്തോടെ വ്യവസായ വാണിജ്യ വകുപ്പ് മുട്ടിൽ ജില്ലാ വ്യവസായ കേന്ദ്രം കോണ്‍ഫറൻസ് ഹാളിൽ സംഘടിപ്പിച്ച അന്താരാഷ്ട്ര എംഎസ്എംഇ ദിനാഘോഷം ഉദ്ഘാടനം ചെയ്തു പ്രസംഗിക്കുകയായിരുന്നു കളക്ടർ. വ്യവസായ വികസനത്തിന് വലിയ മാറ്റങ്ങൾ സർക്കാർ നടപ്പാക്കിയിട്ടുണ്ടെന്നും വിവിധ പദ്ധതികളിലൂടെ സർക്കാർ നൽകുന്ന ആനുകൂല്യങ്ങൾ സംരംഭകർ പരമാവധി പ്രയോജനപ്പെടുത്തണമെന്നും കളക്ടർ പറഞ്ഞു. ജില്ലയിൽ നിലവിൽ രണ്ട് പരന്പരാഗത വ്യവസായ സംരംഭങ്ങളാണുള്ളത്. കളിമണ്‍ പാത്ര നിർമാണ യൂണിറ്റുകളും നെയ്ത്ത് യൂണിറ്റുകളും. ചുണ്ടയിൽ സർക്കാർ ഉടമസ്ഥതയിൽ പ്രവർത്തിക്കുന്ന കിൻഫ്ര വ്യവസായ പാർക്കിൽ 29 സംരംഭങ്ങൾ വിജയകരമായി പ്രവർത്തിക്കുന്നുണ്ട്. ജില്ലാ വ്യവസായ കേന്ദ്രം ജനറൽ മാനേജർ ബി. ഗോപകുമാർ അധ്യക്ഷത വഹിച്ചു. കേരള സ്റ്റേറ്റ് സ്മോൾ ഇൻഡസ്ട്രീസ് അസോസിയേഷൻ ജില്ലാ പ്രസിഡന്‍റ് പി.ഡി. സുരേഷ് കുമാർ മുഖ്യപ്രഭാഷണം നടത്തി. ലീഡ് ഡിസ്ട്രിക്ട് മാനേജർ ടി.എം. മുരളീധരൻ, ജില്ലാ ഇൻഫർമേഷൻ ഓഫീസർ പി. റഷീദ് ബാബു, കഐസ്എസ്ഐഎ ജില്ലാ സെക്രട്ടറി മാത്യു തോമസ്, ഡെപ്യൂട്ടി രജിസ്ട്രാർ പി.എസ്. കലാവതി, ജില്ലാ വ്യവസായ കേന്ദ്രം അസിസ്റ്റന്‍റ് ഡയറക്ടർ അശ്വിൻ പി. കുമാർ, താലൂക്ക് വ്യവസായ ഓഫീസർ എൻ. അയ്യപ്പൻ എന്നിവർ പ്രസംഗിച്ചു. വ്യവസായ മേഖലയിൽ സമഗ്ര സംഭാവന നൽകിയ ജില്ലയിലെ മുതിർന്ന സംരംഭകനായ ഡോ.വി. സത്യാനന്ദൻ നായർ, യുവസംരംഭകനായ അലൻ റിൻടോൾ, സംസ്ഥാന കരകൗശല അവാർഡ് ജേതാവ് സി.പി. ശശികല, ജില്ലാ കരകൗശല വിദഗ്ധനായ ഷാജി മുന്തിയാനിപുരം, സി. ശ്രീജിത്, കിഷോർ ബാബു, പി. ജയാംബിക എന്നിവരെ കളക്ടർ ആദരിച്ചു.

കെസിബിസി മദ്യവിരുദ്ധ സമിതി ലോക ലഹരി വിരുദ്ധദിനം ആചരിച്ചു

മാനന്തവാടി: ലോക ലഹരിവിരുദ്ധ ദിനത്തിൽ ദ്വാരക പാസ്റ്ററൽ സെന്‍ററിൽ മാനന്തവാടി രൂപത മദ്യ വിരുദ്ധ സമിതിയുടെ നേതൃത്വത്തിൽ ലഹരി വിരുദ്ധ സംഗമം നടത്തി. മാനന്തവാടി രൂപത സഹായ മെത്രാൻ മാർ അലക്സ് താരാമംഗലം ഉദ്ഘാടനം ചെയ്തു. രൂപതയിലെ വിവിധ ഇടവകകളിൽ നിന്ന് പങ്കെടുത്ത മദ്യവിരുദ്ധ പ്രവർത്തകർ, മേഖല ഡയറക്ടർമാർ, സിസ്റ്റേഴ്സ് വിദ്യാർഥികൾ എന്നിവർ സമ്മേളനത്തിൽ പങ്കെടുത്തു. രൂപത ഡയറക്ടർ ഫാ. സണ്ണി മഠത്തിൽ ക്ലാസെടുത്തു. ലഹരിക്കെതിരേ സർക്കാർ താത്കാലിക പ്രസ്താവന നടത്തുകയും അതീവ രഹസ്യമായി ബിവറേജ് മദ്യഷാപ്പുകൾ തുറക്കാൻ നടത്തുന്ന നീക്കത്തിൽ നിന്ന് പിൻമാറണമെന്ന് സമ്മേളനം ആവശ്യപ്പെട്ടു. യോഗത്തിൽ മദ്യവിരുദ്ധ സമിതി രൂപതാ പ്രസിഡന്‍റ് വി.ഡി. രാജു വല്യാറയിൽ അധ്യക്ഷത വഹിച്ചു. രൂപത ഡയറക്ടർ ഫാ. സണ്ണി മഠത്തിൽ, ഫാ. ബാബു മൂത്തേടം, ഫാ. ബിജു തൊണ്ടിപറന്പിൽ, മാനന്തവാടി രൂപത പാസ്റ്ററൽ കൗണ്‍സിൽ സെക്രട്ടറി ജോസ് മാത്യു പുഞ്ചയിൽ, മാത്യു ആര്യപ്പള്ളി, എൻ.എം. ഷാജി, ലില്ലി പെരുന്പനാനിക്കൽ, ജോയി ചൂരനോലി, ബേബി പേടപ്പാട്ട്, ലിസി കൂവയ്ക്കൽ, മരിയ ഇഞ്ചിക്കാലായിൽ, റീത്ത സ്റ്റാൻലി, മാത്യു പുതുപറന്പിൽ, സിസ്റ്റർ കാർമ്മൽ സിഎംസി എന്നിവർ പ്രസംഗിച്ചു.

ലഹരിയ്ക്കെതിരെ സന്ദേശമുയർത്തി ലഹരി വിരുദ്ധ ദിനാചരണം

സുൽത്താന്‍ ബത്തേരി : ലഹരി വസ്തു ഉപയോഗത്തിനെതിരേ ഓരോ വ്യക്തിയും മുന്നിട്ടിറങ്ങണമെന്ന് ജില്ലാ ലീഗൽ സർവീസസ് അഥോറിറ്റി സെക്രട്ടറിയും സബ്ജഡ്ജുമായ അനീഷ് ചാക്കോ. നശാ മുക്ത് ഭാരത് അഭിയാന്‍റെ ഭാഗമായി സാമൂഹികനീതി വകുപ്പ് ഡോണ്‍ ബോസ്കോ കോളജിൽ സംഘടിപ്പിച്ച അന്താരാഷ്ട്ര ലഹരി വിരുദ്ധ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. പ്രിൻസിപ്പൽ ഫാ.ഷാജൻ നോറോണ അധ്യക്ഷത വഹിച്ചു. ഡെപ്യൂട്ടി എക്സൈസ് കമ്മീഷണർ എ.ജെ. ഷാജി മുഖ്യപ്രഭാഷണം നടത്തി. ജില്ലാ സാമൂഹികനീതി ഓഫീസർ കെ.ജെ. ജോണ്‍ ജോഷി, ജില്ലാ ചൈൽഡ് പ്രൊട്ടക്ഷൻ ഓഫീസർ കാർത്തിക അന്ന തോമസ്, ജില്ലാ പ്രൊബേഷൻ ഓഫീസർ ജി. സന്തോഷ്, ആസാദ് സേന ജില്ലാ കോഓർഡിനേറ്റർ എം.എ. ഷെറീന, എൻഎംബിഎ ജില്ലാ കമ്മിറ്റി അംഗം മധുസൂദനൻ, റേഡിയോ മാറ്റൊലി ഡയറക്ടർ ഫാ.ബിജോ തോമസ് എന്നിവർ പ്രസംഗിച്ചു. യുവതലമുറയിലെ ഗുരുതര സാമൂഹിക, ആരോഗ്യ പ്രശ്നങ്ങൾക്കു പരിഹാരം കാണുന്നതിനു കേന്ദ്ര സാമൂഹികനീതി ശക്തീകരണ മന്ത്രാലയം നടപ്പാക്കുന്ന പദ്ധതിയാണ് നശാമുക്ത് ഭാരത് അഭിയാൻ. പുൽപ്പള്ളി: ലോക ലഹരിവിരുദ്ധ ദിനത്തോടനുബന്ധിച്ച് സീറോ മലബാർ മാതൃവേദി മരകാവ് യൂണിറ്റിന്‍റെ നേത്യത്വത്തിൽ ലഹരി വിരുദ്ധ പ്രതിജ്ഞ എടുത്തു. ഇടവക വികാരി ഫാ. ജോസ് കളപ്പുര പ്രതിജ്ഞ ചൊല്ലിക്കൊടുത്തു. സിസ്റ്റർ അമന്‍റ, മോളി പൊറ്റേടത്ത്, ദീപ തെക്കേടത്ത്, ടിൻസി തറയിൽ, സാനി മറ്റത്തിൽ, ലൗലി വെട്ടിക്കകുഴിയിൽ എന്നിവർ നേതൃത്വം നൽകി. നടവയൽ: സെന്‍റ് തോമസ് എൽപി സ്കൂളിൽ പിടിഎ യോഗത്തിലും ജനറൽബോഡിയിലും പങ്കെടുത്ത രക്ഷിതാക്കൾക്ക് ലഹരി ഉപയോഗത്തിന്‍റെ ദൂഷ്യഫലങ്ങളിൽ ബോധവത്കരണം നൽകി. വനം വകുപ്പ് മുൻ ഉദ്യോഗസ്ഥനും മോട്ടിവേഷണൽ സ്പീക്കറുമായ വി.ആർ. ബാബുരാജ് ക്ലാസ് നയിച്ചു.

പഴശിരാജാ കോളജ് പബ്ലിക്കേഷന്‍റെ പ്രഥമ പുസ്തകം പ്രകാശനം ചെയ്തു

പുൽപ്പള്ളി: പഴശിരാജാ കോളജ് പബ്ലിക്കേഷൻസിന്‍റെ പ്രഥമ പുസ്തകം ’എംപവറിംഗ് ഇന്ത്യ: മീഡിയ സ്ട്രാറ്റജീസ് ഫോർ വിഷൻ വികസിത് ഭാരത്@2047’ ബത്തേരി ബിഷപ്പും കോളജ് മാനേജരുമായ ഡോ. ജോസഫ് മാർ തോമസ് പ്രകാശനം ചെയ്തു. പ്രിൻസിപ്പൽ അബ്ദുൾ ബാരി ആദ്യപ്രതി സ്വീകരിച്ചു. സിഇഒ ഫാ.ജോർജ് കാലായിൽ, ബർസാർ ഫാ.ചാക്കോ ചേലംപറന്പത്ത്, സ്റ്റാഫ് സെക്രട്ടറി കെ.പി. വിമ്യ തുടങ്ങിയവർ പങ്കെടുത്തു. ജേണലിസം ആൻഡ് മാസ് കമ്മ്യൂണിക്കേഷൻ വിഭാഗം അധ്യാപകരായ ഷോബിൻ മാത്യു, ലിൻസി ജോസഫ്, ഡോ.ജോബിൻ ജോയ് എന്നിവരുടെ നേതൃത്വത്തിലാണ് പുസ്തകം തയാറാക്കിയത്. ഇവരെ ബിഷപ് അഭിനന്ദിച്ചു. രാജ്യത്തിന്‍റെ വിവിധ ഭാഗങ്ങളിൽനിന്നുള്ള 37 ഗവേഷകർ രചനയിൽ പങ്കാളികളായി. ഈ വർഷം കോളജ് വിവിധ മാനവിക വിഷയങ്ങളിൽ നാല് പുസ്തകങ്ങൾ കൂടി പുറത്തിറക്കുമെന്നു പ്രിൻസിപ്പൽ അറിയിച്ചു. രാജ്യത്ത് ഏതാനും ഉന്നതവിദ്യാഭ്യാസ സ്ഥാപനങ്ങൾക്കുമാത്രമാണ് സ്വന്തമായി പബ്ലിഷിംഗ് സംവിധാനമുള്ളത്.

പി.എൻ. കൃഷ്ണൻകുട്ടി അനുസ്മരണം

കേണിച്ചിറ: വ്യാപാരി വ്യവസായി ഏകോപന സമിതി യൂണിറ്റ് വാർഷിക ജനറൽ ബോഡി യോഗത്തിൽ സ്ഥാപക പ്രസിഡന്‍റ് പി.എൻ. കൃഷ്ണൻകുട്ടി അനുസ്മരണം നടത്തി. അന്തരിച്ച അംഗം എ.ഡി. കൃഷ്ണൻകുട്ടിയുടെ ആശ്രിതർക്ക് കുടുംബ സഹായ നിധിയിൽനിന്നു അഞ്ച് ലക്ഷം രൂപ കൈമാറി. യൂണിറ്റ് അംഗങ്ങളുടെ മക്കളിൽ പരീക്ഷകളിൽ ഉന്നത വിജയം നേടിയവരെ അനുമോദിച്ചു. ജില്ലാ പ്രസിഡന്‍റ് ജോജിൻ ടി. ജോയ് ഉദ്ഘാടനം ചെയ്തു.. യൂണിറ്റ് പ്രസിഡന്‍റ് എം.ആർ. സുരേഷ്ബാബു അധ്യക്ഷത വഹിച്ചു. ജില്ലാ ജനറൽ സെക്രട്ടറി കെ. ഉസ്മാൻ മുഖ്യപ്രഭാഷണം നടത്തി. ട്രഷറർ നൗഷാദ് കരിന്പനയ്ക്കൽ, വനിതാവിംഗ് സംസ്ഥാന പ്രസിഡന്‍റ് ശ്രീജ ശിവദാസ്, യൂണിറ്റ് രക്ഷാധികാരി കെ.സി. ഷാജി, ജനറൽ സെക്രട്ടറി ബിൽജോ പി. ജോസ്, ട്രഷറർ എം.കെ. ശശിധരൻ, ടി.കെ. മനോഹരൻ, രാജമ്മ സുരേന്ദ്രൻ, പി.എ. എൽദോ, സി.ആർ. സോമൻ, കെ.എം. അസീസ്, ജോഷി ജോസഫ്, പി.ആർ. സുധീർ എന്നിവർ പ്രസംഗിച്ചു.

വ്യക്തികൾ സമൂഹനിർമിതിയിൽ കരുണയുടെ മുഖങ്ങളാകണം: ബിഷപ് ഡോ. ജോസഫ് മാർ തോമസ്

കൽപ്പറ്റ: വ്യക്തികൾ സമൂഹനിർമിതിയിൽ കരുണയുടെ മുഖങ്ങളാകണമെന്ന് ബത്തേരി ബിഷപ് ഡോ.ജോസഫ് മാർ തോമസ്. ബത്തേരി രൂപത ദിനാഘാഷത്തിന്‍റെ ഭാഗമായി മുണ്ടേരിയിൽ സംഘടിപ്പിച്ച മേഖലാ സംഗമം ഉദ്ഘാടനം ചെയ്യുകയായിരുന്നു പിതാവ്. ഒരു സഭയായി വളരുന്നതിനൊപ്പം ഇതര സഭാസമൂഹങ്ങളോടും നാനാജാതി മതസ്ഥരായ ഏവരോടും സഹവർത്തിത്തവും സഹാനുഭൂതിയും പ്രകടിപ്പിക്കണം. ഭൂരഹിതർക്ക് ഭൂമിയും ഭവനരഹിതർക്ക് വീടും നൽകുന്ന പദ്ധതി വ്യാപിപ്പിക്കേണ്ടതുണ്ട്. ഇതിനകം പദ്ധതിയിൽ 100ലധികം ഭവനങ്ങൾ നിർമിച്ച് കൈമാറാൻ കഴിഞ്ഞത് ശ്രദ്ധേയമാണെന്നും ബിഷപ് പറഞ്ഞു. പിതാവിന്‍റെ നാമഹേതുക തിരുനാൾ സംഗമത്തിൽ ആഘോഷിച്ചു. മേഖലാ പ്രോട്ടോ വികാരിയും എപ്പിസ്കോപ്പൽ വികാരിയുമായ ഫാ. റോയി വലിയപറന്പിൽ അധ്യക്ഷത വഹിച്ചു. മുഖ്യ വികാരി ജനറാൾ ഫാ. സെബാസ്റ്റ്യൻ കീപ്പള്ളി പ്രസംഗിച്ചു. ഫാ. ചാക്കോ വെള്ളംചാലിൽ, ഫാ. ചാക്കോ മാടവന, നിത മത്തായി, പോൾ ബത്തേരി എന്നിവർ പിതാവിന് നാമഹേതുക തിരുനാൾ ആശംസ നേർന്നു. മേഖലയിലെ വൈദികർ, കന്യാസ്ത്രീകൾ, അല്മായ നേതാക്കൾ എന്നിവർ നേതൃത്വം നൽകി. അജപാലന സമിതി സെക്രട്ടറി എൽദോസ് കാര്യംപാടി നന്ദി പറഞ്ഞു.

കെഎസ്ആർടിസി ബസ് റോഡിൽ നിന്ന് തെന്നിമാറി

സുൽത്താൻ ബത്തേരി: എതിരേ എത്തിയ വാഹനത്തിന് കൊടുക്കുന്നതിനിടെ കഐസ്ആർടിസി ബസ് റോഡിൽ നിന്ന് തെന്നി മാറി ഗതാഗതം തടസപ്പെട്ടു. ബത്തേരി - പാട്ടവയൽ റോഡിൽ നൂൽപ്പുഴ പാലത്തിന് സമീപമാണ് സംഭവം. പാലക്കാട് നിന്ന് ബത്തേരിയിലേക്ക് വരികയായിരുന്ന കെഎസ്ആർടിസി ബസാണ് തെന്നിമാറി റോഡിനുകുറുകെയായത്. ഇന്നലെ രാവിലെ പതിനൊന്നരയോടെയാണ് സംഭവം. ഇതുവഴയെത്തിയ ലോറിയിൽ വടംകെട്ടി വലിച്ചാണ് ബസ് നേരെയാക്കിയത്. ബസ് റോഡിനുകുറുകെയായതോടെ രണ്ട് മണിക്കൂർ ഇതുവഴിയുള്ള ഗതാഗതം തടസപ്പെട്ടു.

കേസെടുത്തതിനെ അപലപിച്ചു

കൽപ്പറ്റ: ചൂരൽമലയിൽ കഴിഞ്ഞ ദിവസം നടന്ന ജനകീയ പ്രതിഷേധവുമായി ബന്ധപ്പെട്ട് ചിലർക്കെതിരേ കേസെടുത്തതിനെ ഐഎൻടിയുസി ജില്ലാ ജനറൽ ബോഡി യോഗം അപലപിച്ചു. വിവിധ ആവശ്യങ്ങൾ ഉന്നയിച്ച് ജൂലൈ 22ന് കളക്ടറേറ്റ് മാർച്ചും ധർണയും സംഘടിപ്പിക്കാൻ തീരുമാനിച്ചു. ജില്ലാ പ്രസിഡന്‍റ് പി.പി. ആലി ഉദ്ഘാടനം ചെയ്തു. സംസ്ഥാന വൈസ് പ്രസിഡന്‍റ് ബി. സുരേഷ് ബാബു അധ്യക്ഷത വഹിച്ചു. സി. ജയപ്രസാദ്, ഉമ്മർ കുണ്ടാട്ടിൽ, മായ പ്രദീപ്, ടി. ഉഷാകുമാരി, എൻ.കെ. ജ്യോതിഷ് കുമാർ, മോഹൻദാസ് കോട്ടക്കൊല്ലി, കെ.ടി. നിസാം, താരിഖ് കടവൻ, കെ.കെ. രാജേന്ദ്രൻ, പി.എൻ. ശിവൻ, സി.എ. ഗോപി, കെ. അജിത, ജിനി തോമസ്, മണി പാന്പനാൽ, ഒ. ഭാസ്കരൻ, ശ്രീനിവാസൻ തൊവരിമല, സി.എ. അരുണ്‍ ദേവ്, ഹർഷൻ കോന്നാടൻ, ആർ. ഉണ്ണിക്കൃഷ്ണൻ, രാധ രാമസ്വാമി എന്നിവർ പ്രസംഗിച്ചു.

കല്ലൂർ പുഴയിൽ ജലനിരപ്പ് ഉയരുന്നു: കുടുംബങ്ങൾ ആശങ്കയിൽ

സുൽത്താൻ ബത്തേരി: വൃഷ്ടിപ്രദേശങ്ങളിലെല്ലാം ശക്തമായ മഴതുടരുന്നതിനാൽ നൂൽപ്പുഴ പഞ്ചായത്തിലെ പ്രധാന പുഴകളിലൊന്നായ കല്ലൂർപുഴയിൽ ജലനിരപ്പ് ഉയരുകയാണ്. ഇതോടെ പുഴയോരത്തെ കുടുംബങ്ങളും പുഴയോട് ചേർന്ന് കൃഷിയിടങ്ങളുമുള്ള കർഷകരും ആശങ്കയിലാണ്. പുഴയിൽ ഇനിയും വെള്ളമുയർന്നാൽ വീടുകളിലേക്കും കൃഷിയിടങ്ങളിലേക്ക് കയറാനും കാരണമാകും. ഇതോടെ കുടുംബങ്ങൾക്ക് ക്യാന്പുകളിലേക്ക് മാറേണ്ടിവരും. നഞ്ചകൃഷിക്ക് ഞാറ്റടികൾ തയാറാക്കാനായി വിത്ത് വിതച്ച വയലുകളിൽ വെള്ളംകയറാനും വിത്തുകൾ നശിക്കാനും കാരണമാകുമെന്ന ആങ്കയിലുമാണ് കർഷകർ. ബത്തേരി മേഖലയിൽ കഴിഞ്ഞദിവസംമുതൽ ഇവിടങ്ങളിലെല്ലാം ശക്തമായമഴയാണ് പെയ്യുന്നത്. കഴിഞ്ഞമാസം അവസാനം പുഴയിൽ വെള്ളമുയരുകയും ഓരങ്ങളിലെ നിരവധി കുടുംബങ്ങളെ ക്യാന്പുകളിലേക്ക് മാറ്റുകയും ചെയ്തിരുന്നു. പുഴംകുനി, തോളായി, താത്തൂര് ചെണ്ടക്കുനി അടക്കമുള്ള ഉന്നതികളിലെ മുപ്പതോളം കുടുംബങ്ങളെയാണ് അന്ന് ക്യാന്പുകളിലേക്ക് മാറ്റിയത്. ഉന്നതിയിലേക്ക് വെള്ളംകയറുന്ന സാഹചര്യമുണ്ടായാൽ ഇവരെ ക്യാന്പുകളിലേക്ക് മാറ്റുമെന്ന് അധികൃതർ അറിയിച്ചു.കനത്ത മഴയിൽ വീടിന്‍റെ ചുറ്റുമതിൽ തകർന്നു. ബത്തേരി തൊടുവട്ടി പുള്ളോലിക്കൽ സാജന്‍റെ വീടിന്‍റെ പിൻവശത്തെ ചുറ്റുമതിലാണ് തകർന്നത്. ഇന്നലെ രാവിലെ വലിയ ശബ്ദത്തോടെയാണ് മതിൽ തകർന്നത്. സമീപത്തെ വീടിനോട് ചേർന്നുള്ള ഷെഡിന്‍റെ ഭിത്തിയിൽ തങ്ങിനിൽക്കുകയാണ് ഇടിഞ്ഞ ചുറ്റുമതിൽ. മതിൽ തകർന്നതോടെ സാജന്‍റെ വീടും അപകടാവസ്ഥയിലാണ്.

കുടുംബശ്രീ: ശിൽപശാല നടത്തി

കൽപ്പറ്റ: കുടുംബശ്രീ പ്രവർത്തനങ്ങളുടെ പ്രചാരണത്തിനും അവബോധം വർധിപ്പിക്കാനും കുടുംബശ്രീ ജില്ലാ മിഷനും ജില്ലാ ഇൻഫർമേഷൻ ഓഫീസും സംയുക്തമായി മാധ്യമപ്രവർത്തകർക്ക് ശിൽപശാല സംഘടിപ്പിച്ചു. ഹോട്ടൽ ഹോളിഡെയ്സ് ഹാളിൽ ജില്ലാ ഇൻഫർമേഷൻ ഓഫീസർ പി. റഷീദ്ബാബു ഉദ്ഘാടനം ചെയ്തു. കുടുംബശ്രീ ജില്ലാ മിഷൻ കോ ഓർഡിനേറ്റർ പി. ബാലസുബ്രഹ്മണ്യൻ അധ്യക്ഷത വഹിച്ചു. പിആർഡി അസിസ്റ്റന്‍റ് എഡിറ്റർ കെ. സുമ, കുടുംബശ്രീ ജില്ലാ മിഷൻ അസിസ്റ്റന്‍റ് കോ ഓർഡിനേറ്റർമാരായ റെജീന, കെ.എം. സലീന, ജില്ലാ പ്രോഗ്രാം മാനേജർ വി. ജയേഷ്, മാധ്യമ പ്രവർത്തകൻ ടി.എം. ജയിംസ് എന്നിവർ പ്രസംഗിച്ചു. ദാരിദ്യ്ര നിർമാർജനം, സ്ത്രീ ശക്തീകരണം, സാമൂഹിക വികസനം എന്നിവ ലക്ഷ്യമിടുന്ന കുടുംബശ്രീ മിഷന്‍റെ പ്രവർത്തനങ്ങളും പദ്ധതികളും ശിൽപശാലയിൽ ചർച്ച ചെയ്തു. ജില്ലാ പ്രോഗ്രാം മാനേജർമാരായ പി.കെ. സുഹൈൽ, ആർ. അശ്വത്, സുകന്യ ഐസക്, അർഷക് സുൽത്താൻ, പി. ഹുദൈഫ്, ജൻസണ്‍ എം. ജോയ്, ആശ പോൾ, കെ.ജെ. ബിജോയ്, എസ്. നിഷ, സിഗാൾ തോമസ് എന്നിവർ വിവിധ വിഷയങ്ങൾ അവതരിപ്പിച്ചു.

യാത്രക്കാർക്കും വാഹനങ്ങൾക്കും ഭീഷണിയായി മരം

സുൽത്താൻ ബത്തേരി: യാത്രക്കാർക്കും വാഹനങ്ങൾക്കും വൈദ്യുതിലൈനുകൾക്കും ഭീഷണിയായി പാതയോരത്തെ വൻമരം. വടക്കനാട് മണലാടി കവലയിലാണ് ഒരുവശം ഉണങ്ങി ദ്രവിച്ച ഭീഷണിയായ വാകമരം റോഡിലേക്ക് ചാഞ്ഞ് നിൽക്കുന്നത്. ഇതിനുചുവട്ടിലൂടെയാണ് പണയന്പം, പള്ളിവയൽ, മണലാടി, കരിപ്പൂര് മേഖലകളിലേക്കുള്ള വൈദ്യുതി ലൈനുകൾ കടന്നുപോകുന്നത്. മരത്തിൽ നിന്ന് മീറ്ററുകൾ മാത്രം മാറിയാണ് ട്രാൻസ്ഫോർമർ സ്ഥിതിചെയ്യുന്നത്. ശക്തമായ കാറ്റിലും മഴയിലുംപെട്ട് മരം കടപുഴകിയാൽ വലിയ അപകടം സംഭവിക്കുമെന്നതിൽ സംശയമില്ല. ഇക്കാര്യം ചൂണ്ടികാട്ടി മരം മുറിച്ച് നീക്കണമെന്നാവശ്യപ്പെട്ട് നാട്ടുകാരുടെ പരാതിയെ തുടർന്ന് ഐ.സി. ബാലകൃഷ്ണൻ എംഎൽഎ റവന്യു വകുപ്പിന് കത്ത് നൽകിയിട്ടും നടപടിയുണ്ടായിട്ടില്ലെന്നാണ് ആരോപണം. വിദ്യാർഥികളും പ്രദേശവാസികളും ബത്തേരി ഭാഗത്തേക്ക് പോകാൻ ബസ് കാത്തുനിൽ്ക്കുന്ന കേന്ദ്രവും ഈ മരത്തിന് സമീപമാണ്. മരം വീണ് അപകടം സംഭവിക്കുന്നിതിനുമുന്പേ മുറിച്ചുനീക്കണമെന്ന നാട്ടുകാർ ആവശ്യപ്പെട്ടു.

പ്രതിഷേധ സായാഹ്നം സംഘടിപ്പിച്ചു

മേപ്പാടി: ചൂരൽമലയിൽ നാട്ടുകാർ നടത്തിയ പ്രതിഷേധത്തിനെതിരെ കേസെടുത്ത നടപടിയിൽ പ്രതിഷേധിച്ച് യുഡിഎഫ് പ്രതിഷേധ സായാഹ്നം സംഘടിപ്പിച്ചു. മേപ്പാടി ലീഗ് ഓഫീസ് പരിസരത്തു ആരംഭിച്ച പ്രകടനം ടൗണ്‍ ടൗണിൽ സമാപിച്ചു. വില്ലേജ് ഓഫീസറുടെ പരാതിയിൽ ആറു പേർക്കെതിരെ ജാമ്യമില്ലാ വകുപ്പ് ചേർത്ത് കേസെടുത്തിരിക്കുകയാണ്. ഈ നടപടി തിരുത്താൻ തയാറാകണമെന്ന് നേതാക്കൾ ആവശ്യപ്പെട്ടു. മുസ്ലിം ലീഗ് നിയോജകമണ്ഡലം കണ്‍വീനർ ടി. ഹംസ, കോണ്‍ഗ്രസ് ബ്ലോക്ക് പ്രസിഡന്‍റ് ബി. സുരേഷ് ബാബു, മുസ്ലിം ലീഗ് മേപ്പാടി പഞ്ചായത്ത് സെക്രട്ടറി പി.കെ. അഷ്റഫ്, ഒ. ഭാസ്കരൻ, ബി. നാസർ തുടങ്ങിയവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]