ഇ​രി​ട്ടി: കാ​ട്ടാ​ന​യു​ടെ കാ​ലി​ന് കീ​ഴി​ൽ നി​ന്നും അ​ദ്ഭു​ത​ക​ര​മാ​യി ജീ​വി​തം തി​രി​ച്ചു​കി​ട്ടി​യ ഡൊ​മി​നി​ക്കി​ന് അ​ന്ന​ത്തെ ദി​വ​സ​ത്തി​ന്‍റെ പേ​ടി​പ്പെ​ടു​ത്തു​ന്ന ഓ​ർ​മ ക​ണ്മു​ന്നി​ൽ ഇ​ന്നും തെ​ളി​യു​ക​യാ​ണ്. 2022 മേ​യ് 27 നാ​ണ് സം​ഭ​വം. കാ​ട്ടാ​ന​യു​ടെ ആ​ക്ര​മ​ണ​ത്തി​ൽ​നി​ന്നും അ​ദ്ഭു​ത​ക​ര​മാ​യി ര​ക്ഷ​പെ​ട്ട് ര​ണ്ടു വ​ർ​ഷ​ത്തോ​ട് അ​ടു​ക്കു​മ്പോ​ഴും ചി​കി​ത്സ​ക്കാ​യി ചെ​ല​വാ​യ ര​ണ്ടു ല​ക്ഷം രൂ​പ​യി​ൽ ഒ​രു രൂ​പ പോ​ലും ന​ഷ്ട​പ​രി​ഹാ​രം ല​ഭി​ക്കാ​തെ ഫ​യ​ൽ ഇ​ന്നും ഡി​എ​ഫ്ഒ​യു​ടെ ഓ​ഫീ​സി​ൽ കെ​ട്ടി​ക്കി​ട​ക്കു​ക​യാ​ണ്.

ക​ച്ചേ​രി​ക്ക​ട​വി​ന​ടു​ത്ത് മു​ടി​ക്ക​യ​ത്തെ ക​ർ​ഷ​ക​നാ​യ വെ​ട്ടി​ക്കാ​ട്ടി​ൽ ഡൊ​മി​നി​ക്കി​നോ​ടാ​ണ് അ​ധി​കൃ​ത​രു​ടെ ഈ ​അ​നീ​തി. അ​പ​ക​ട​ത്തി​ന് ശേ​ഷം ഒ​ന്ന​ര ആ​ഴ്ച​യോ​ളം ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ലാ​യി​രു​ന്നു ചി​കി​ത്സ. അ​പ​ക​ട​ത്തി​ൽ വാ​രി​യെ​ല്ലു​ക​ൾ​ക്ക് പൊ​ട്ട​ൽ സം​ഭ​വി​ക്കു​ക​യും ന​ട്ടെ​ലി​നും കാ​ലി​നും ഗു​രു​ത​ര​മാ​യി പ​രി​ക്കേ​ൽ​ക്കു​ക​യും ചെ​യ്തി​രു​ന്നു. ന​ഷ്ട​പ​രി​ഹാ​ര​ത്തി​നാ​യി നി​ര​വ​ധി ത​വ​ണ ഉ​ദ്യോ​ഗ​സ്ഥ​രെ ബ​ന്ധ​പ്പെ​ട്ടെ​ങ്കി​ലും പ​ണം ല​ഭി​ക്കാ​തെ വ​ന്ന​പ്പോ​ൾ ന​വ​കേ​ര​ള സ​ദ​സി​ലും പ​രാ​തി ന​ൽ​കി. എ​ന്നാ​ൽ ചി​കി​ത്സാ സ​ഹാ​യം ഇ​പ്പോ​ഴും കി​ട്ടാ​ക്ക​നി.

ആ ​ദി​വ​സം വൈ​കു​ന്നേ​രം നാ​ലോ​ടെ​യാ​ണ് ഡൊ​മി​നി​ക്ക് ബാ​രാ​പോ​ൾ പു​ഴ​യോ​ട് ചേ​ർ​ന്നു​ള്ള കൃ​ഷി​യി​ട​ത്തി​ലേ​ക്ക് പോ​കു​ന്ന​ത്. സ​മീ​പ​ത്തെ പ​റ​മ്പി​ലെ കൊ​ക്കോ തോ​ട്ട​ത്തി​ൽ ആ​ന നി​ൽ​ക്കു​ന്ന​ത് അ​റി​യാ​തെ​യാ​യി​രു​ന്നു അ​വി​ടേ​ക്ക് ചെ​ന്ന​ത്. മ​ഴ പെ​യ്ത​തു​കൊ​ണ്ട് ആ​ന​യു​ടെ മ​ണ​വും തി​രി​ച്ച​റി​യാ​ൻ ക​ഴി​ഞ്ഞി​ല്ല . ചി​ന്നം വി​ളി​ച്ച് പാ​ഞ്ഞ​ടു​ത്ത ആ​ന​യെ​ക്ക​ണ്ട് തി​രി​ഞ്ഞോ​ടി​യെ​ങ്കി​ലും ചെ​ളി​യി​ൽ വീ​ണു​പോ​യ​താ​യി ഡൊ​മി​നി​ക്ക് ഓ​ർ​ക്കു​ന്നു.

പി​ന്നീ​ട് ന​ട​ന്ന സം​ഭ​വ​ങ്ങ​ൾ തി​ക​ച്ചും ഭീ​തി​പ്പെ​ടു​ത്തു​ന്ന​താ​യി​രു​ന്നു. നി​ല​ത്തു വീ​ണു​കി​ട​ന്ന ഡൊ​മി​നി​ക്കി​നെ 50 മീ​റ്റ​റോ​ളം ആ​ന ചെ​ളി​യി​ലൂ​ടെ കൊ​മ്പി​ൽ കോ​ർ​ത്ത് ത​ള്ളി​ക്കൊ​ണ്ടു​പോ​യി. ക​മ്പി​ൽ ത​ട​ഞ്ഞു വീ​ണ ഡൊ​മി​നി​ക്കി​ന്‍റെ മ​റു​വ​ശ​ത്തു​കൂ​ടി പോ​യി കാ​ലി​നു ത​ട്ടി​മാ​റ്റി ച​വി​ട്ടി​ക്കൊ​ല്ലാ​നാ​യി കാ​ലു​യ​ർ​ത്തി​യ ആ​ന​ക്ക് മു​ന്നി​ൽ അ​ടു​ത്ത നി​മി​ഷം മ​ര​ണം മു​ന്നി​ൽ​ക്ക​ണ്ട് ത​ന്‍റെ ര​ണ്ട് കൈ​കൊ​ണ്ടും ക​ണ്ണു​ക​ൾ പൊ​ത്തി കി​ട​ന്ന നി​മി​ഷം..

ജീ​വ​ൻ തി​രി​ച്ചു കി​ട്ടി​യെ​ന്ന് മ​ന​സി​ലാ​ക്കി ആ​ന പോ​യ​തി​നു പി​ന്നാ​ലെ ഒ​രു​വി​ധം എ​ണീ​റ്റ് ന​ട​ന്ന് വീ​ട്ടി​ലെ​ത്തി​യെ​ങ്കി​ലും വീ​ണു​പോ​യ ഡൊ​മി​നി​ക്ക് ഒ​ന്ന​ര ആ​ഴ്ച​യോ​ളം ക​ണ്ണൂ​രി​ലെ ആ​ശു​പ​ത്രി​യി​ൽ ആ​യി​രു​ന്നു. വാ​രി​യെ​ല്ലു​ക​ൾ​ക്ക് പൊ​ട്ട​ൽ സം​ഭ​വി​ക്കു​ക​യും ന​ട്ടെ​ലി​നും കാ​ലി​നും ഗു​രു​ത​ര​മാ​യി പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

ജീ​വ​ൻ തി​രി​ച്ചു​കി​ട്ടി​യെ​ങ്കി​ലും കാ​ര്യ​മാ​യ ജോ​ലി​ക​ൾ ഒ​ന്നും ചെ​യ്യാ​ൻ ക​ഴി​യാ​തെ 59 കാ​ര​നാ​യ ഡൊ​മി​നി​ക്കി​ന് ചി​കി​ത്സ​ക്ക് ചെ​ല​വാ​യ തു​ക എ​ന്നു ല​ഭി​ക്കും എ​ന്ന​റി​യാ​തെ കാ​ത്തി​രി​ക്കു​ക​യാ​ണ് ഇ​പ്പോ​ഴും.