കണ്ണൂർ: പിണറായി സർക്കാരിനെ വീണ്ടും അധികാരത്തിൽ ഏറ്റിയ കേരള ജനത ഈ ലോകസഭാ തെരഞ്ഞെടുപ്പിൽ 20 സീറ്റിലും എൽഡിഎഫ് സ്ഥാനാർഥികളെ വിജയിപ്പിക്കുമെന്ന് കണ്ണൂർ പാർലമെന്റ് മണ്ഡലം എൽഡിഎഫ് സ്ഥാനാർഥി എം.വി. ജയരാജൻ പറഞ്ഞു.
കേരള കോൺഗ്രസ് -എം കണ്ണൂർ ലോക്സഭാ മണ്ഡലം പ്രവർത്തക കൺവൻഷനിൽ നൽകിയ സ്വീകരണ യോഗത്തിൽ പ്രസംഗിക്കുകയായിരുന്നു അദ്ദേഹം. ജില്ലാ പ്രസിഡന്റ് ജോയി കൊന്നക്കൽ അധ്യക്ഷത വഹിച്ചു. ജോയിസ് പുത്തൻപുര, മാത്യു കുന്നപ്പള്ളി,സജി കുറ്റിയാനിമറ്റം, കെ.ടി. സുരേഷ് കുമാർ,തോമസ് മാലത്ത്, ബിനു മണ്ഡപം,സി.എം. ജോർജ്, സി.ജെ . ജോൺ, മാത്യു പുളിക്കക്കുന്നേൽ, മാത്യു കാരിത്താങ്കൽ, ജെയിംസ് മരുതാനിക്കാട്ട്, വിപിൻ തോമസ്, ബിജു പുതുക്കള്ളി, അമൽ ജോയി കൊന്നക്കൽ, ഡോ. ജോസഫ് തോമസ്, വർക്കി വട്ടപ്പാറ, അൽഫോൻസ് കളപ്പുര, ജെയ്സൺ ജീരകശേരി, നോബിൻസ് ചെരിപുറത്ത്, ഏലമ്മ ഇലവുങ്കൽ എന്നിവർ പ്രസംഗിച്ചു.