കണ്ണൂർ: കള്ളൻമാരെയും തട്ടിപ്പുകാരെയും വെളുപ്പിച്ചെടുക്കുന്ന വാഷിംഗ് മെഷിനാണ് മോദി സർക്കാരെന്ന്‌ സിപിഎം പോളിറ്റ് ബ്യൂറോ അംഗം വൃന്ദ കാരാട്ട്. ഇഡി, ഇൻകം ടാക്സ്, സിബിഐ എന്നിവയെയാണ് വാഷിങ് പൗഡറുകളാക്കി ഉപയോഗിക്കുന്നത്.
പുതിയതെരു ഹൈവേ ജംഗ്ഷനിൽ എൽഡിഎഫ് തെരഞ്ഞെടുപ്പ് റാലി ഉദ്ഘാനം ചെയ്തു പ്രസംഗിക്കുകയായിരുന്നു അവർ. പി. ചന്ദ്രൻ അധ്യക്ഷത വഹിച്ചു. മന്ത്രി എ.കെ. ശശീന്ദ്രൻ, സിപിഎം കേന്ദ്രകമ്മിറ്റി അംഗം പി. കെ. ശ്രീമതി, ജില്ലാ ആക്ടിംഗ് സെക്രട്ടറി ടി.വി. രാജേഷ്, എൽഡിഎഫ് പാർലമെന്‍റ് മണ്ഡലം സെക്രട്ടറി എൻ. ചന്ദ്രൻ, കെ.വി. സുമേഷ് എംഎൽഎ, എൻ. സുകന്യ എന്നിവർ പ്രസംഗിച്ചു.
യുവജനറാലി നടത്തി
ഇരിട്ടി: രാജ്യത്തെ ഏറ്റവും വലിയ അഴിമതിയുടെ വക്താക്കളായി ബിജെപി മാറിയെന്ന്‌ സിപിഎം പോളിറ്റ് ബ്യൂറോ അംഗം വൃന്ദ കാരാട്ട്. ഇരിട്ടിയിൽ എൽഡിഎഫ് സംഘടിപ്പിച്ച യുവജനറാലി ഉദ്ഘാടനം ചെയ്തു പ്രസംഗിക്കുകയായിരുന്നു അവർ.
ഷാനിൽ ഷാജി അധ്യക്ഷത വഹിച്ചു. പി.കെ. ശ്രീമതി, ടി.വി. രാജേഷ്, വി.കെ. സനോജ്‌, പി. ഹരീന്ദ്രൻ, ബിനോയ്‌കുര്യൻ, കെ.വി. സക്കീർഹുസൈൻ, അജയൻ പായം, സി.വി.എം.വിജയൻ, എസ്‌.എം.കെ. മുഹമ്മദലി, കെ.ടി. ജോസ്‌, മാത്യു കുന്നപ്പിള്ളി, കെ. ശ്രീധരൻ, വി.ജി. പദ്മനാഭൻ, ബാബുരാജ്‌ ഉളിക്കൽ, കെ.കെ. ഹാഷിം, ,എം. രാജൻ, ബാബുരാജ്‌ പായം, വിപിൻ തോമസ്‌ തുടങ്ങിയവർ പങ്കെടുത്തു. തുടർന്ന്‌ രാഗാവലി മ്യൂസിക്ക്‌ ബാന്‍റിന്‍റെ സംഗീത വിരുന്നും അരങ്ങേറി.