കണ്ണൂർ: കണ്ണൂർ ലോക്സഭാ മണ്ഡലം യുഡിഎഫ് സ്ഥാനാർഥി കെ. സുധാകരൻ പേരാവൂർ മണ്ഡലത്തിൽ പര്യടനത്തിനൊപ്പം. മട്ടന്നൂർ മുതൽ ഇരിട്ടി വരെ റോഡ് ഷോയും നടത്തി. കർണാടക ഉപമുഖ്യമന്ത്രി ഡി.കെ. ശിവകുമാറിനൊപ്പമായിരുന്നു റോഡ് ഷോ.
മാടത്തിൽ രാവിലെ ആരംഭിച്ച മണ്ഡല പര്യടനം വള്ളിത്തോട് ,ആനപന്തി,കോളിക്കടവ്,കരിയാൽ,ആറളം,അയ്യപ്പൻകാവ് കാക്കയങ്ങാട്, മുഴക്കുന്ന്,നെല്ലൂർ,പാറക്കണ്ടം , വിളക്കോട് , ചാക്കാട് എന്നിവിടങ്ങൾ സന്ദർശിച്ച് വികാസ് നഗറിൽ സമാപിച്ചു.
നേതാക്കളായ മാർട്ടിൻ ജോർജ് ,എംഎൽഎമാരായസണ്ണി ജോസഫ് , സജീവ് ജോസഫ് , യുഡിഎഫ് നേതാക്കളായ അബ്ദു റഹ്മാൻ കല്ലായി ,അബ്ദുൽ കരീം ചേലേരി ,ചന്ദ്രൻ തില്ലങ്കേരി ,ഇബ്രാഹീം മുണ്ടേരി , രാജീവൻ എളയാവൂർ ,പി എ നസീർ ,ജൂബിലി ചാക്കോ ,കെ പി ഷാജി ,ലിസി ജോസഫ് ,നസീർ നെലൂർ, കെ വേലായുധൻ ,ജെയ്സൺ കാരക്കാട് , ഒമ്പാ ൻ ഹംസ ,പി കെ ജനാർദനൻ , സുരേഷ് മാവില ,കാഞ്ഞിരോളി രാഘവൻ മാസ്റ്റർ തുടങ്ങിയ നേതാക്കൾ വിവിധ കേന്ദ്രങ്ങളിൽ പങ്കെടുത്തു. ഇന്ന് ഇരിക്കൂറിൽ പര്യടനം നടത്തും.
എം.വി. ജയരാജൻ
തളിപ്പറന്പിൽ
കണ്ണൂർ: കണ്ണൂർ ലോക്സഭാ മണ്ഡലം എൽഡിഎഫ് സ്ഥാനാർഥി എം.വി. ജയരാജൻ തളിപ്പറന്പ് മണ്ഡലത്തിൽ പര്യടനം നടത്തി. തളിയിൽ നിന്നും ആരംഭിച്ച പര്യടനം മലപ്പട്ടത്ത് സമാപിച്ചു. മണ്ഡല ത്തിലെ വിവിധ ലോക്കലുകളിലെ 25 കേന്ദ്രങ്ങളിലാണ് പര്യടനം നടത്തിയത്. ഓരോ സ്വീകരണ കേന്ദ്രങ്ങളിലും സ്ഥാനാർഥിയെ കാണാനും സൗഹൃദംപതുക്കാനും നൂറുകണക്കിനാളകളാണ് എത്തിയത്.
എൽഡിഎഫ് നേതാക്കളായ പി. രവീന്ദ്രൻ, സി.എം കൃഷ്ണൻ, ടി.കെ. സുലേഖ, ടി.വി. നാരായണൻ, ഷിബിൻ കാനായി. കെ. ഗണേശൻ, സി.പി. മുഹാസ്, എൻ.വി. കുഞ്ഞിരാമൻ, എം.വി. നികേഷ്കുമാർ എന്നിവർ വിവിധ കേന്ദ്രങ്ങളിൽ പ്രസംഗിച്ചു. സ്വീകരണ കേന്ദ്രങ്ങളിൽ മണ്ഡലം കമ്മിറ്റി കൺവീനർ കെ. സന്തോഷ്, ചെയർമാൻ കെ.വി. ഗോപിനാഥ്, പി. മുകുന്ദൻ, പി.കെ. ശ്യാമള, കെ. ചന്ദ്രൻ, എൻ. അനിൽകുമാർ, പി.കെ. മുജീബ് റഹ്മാൻ, കെ.സാജൻ, പി.വി. അനിൽ, കെ. കൃഷ്ണൻ, സി. അശോക് കുമാർ തുടങ്ങിയവർ സ്ഥാനാർഥിയെ അനുഗമിച്ചു. പര്യടനത്തോടൊപ്പം എൽഡിഎഫ് തളിപ്പറമ്പ് മണ്ഡലം കമ്മിറ്റി കലാട്രൂപ്പ് അവതരിപ്പിച്ച നാടകം മനുഷ്യപ്പറ്റ്, സംഗീത ശിൽപം എന്നിവ അരങ്ങേറി. ഇന്ന് ഇരിക്കൂർ മണ്ഡലത്തിലാണ് പര്യടനം.
സി. രഘുനാഥ്
പേരാവൂരിൽ
കണ്ണൂർ: കണ്ണൂർ ലോക്സഭാ മണ്ഡലം എൻഡിഎ സ്ഥാനാർഥി സി. രഘുനാഥ് പേരാവൂർ മണ്ഡലത്തിൽ പര്യടനം നടത്തി. രാവിലെ പുന്നാട് നിന്നാരംഭിച്ച പര്യടനം ബിഡിജെഎസ് സംസ്ഥാന വൈസ് പ്രസിഡന്റ് പൈലി വാത്യാട്ട് ഉദ്ഘാടനം ചെയ്തു. ബിജെപി ഇരിട്ടി ഏരിയാ വൈസ് പ്രസിഡന്റ് പി. ജിനേഷ് അധ്യക്ഷത വഹിച്ചു. ന്യൂനപക്ഷ മോര്ച്ച ജില്ലാ അധ്യക്ഷന് അരുണ് തോമസ്, ബിജെപി സംസ്ഥാന സമിതിയഗം മോഹനന് മാനന്തേരി, ഒബിസി മോര്ച്ച ജില്ലാ പ്രസിഡന്റ് വിജയന് വട്ടിപ്രം, അജേഷ് നടുവനാട്, സി. ഗോവിന്ദൻ എന്നിവർ പ്രസംഗിച്ചു.
കീഴൂർക്കുന്ന്, എടക്കാനം, ഇരിട്ടി, വിളമന, വള്ളിത്തോട്, കൂട്ടുപുഴ, ചരൽ, വാണിയപ്പാറ, അങ്ങാടിക്കടവ് കരിക്കോട്ടക്കരി, എടൂർ, പാലപ്പുഴ തുടങ്ങി വിവിധ മേഖലകളിലെ പര്യടനത്തിന് ശേഷം കീഴൂരിൽ സമാപിച്ചു. സമാപന സമ്മേളനം ബിജെപി ദേശീയ വൈസ് പ്രസിഡന്റ് എ.പി.അബ്ദുള്ളക്കുട്ടി ഉദ്ഘാടനം ചെയ്തു.