കണ്ണൂർ: ലോക്സഭാ തെരഞ്ഞെടുപ്പുമായി ബന്ധപ്പെട്ട് പോളിംഗ് ഉദ്യോഗസ്ഥര്ക്ക് നൽകുന്ന രണ്ടാംഘട്ട പരിശീലന ക്ലാസുകള് ജില്ലയിൽ ആരംഭിച്ചു.പ്രിസൈഡിംഗ് ഓഫീസര്, മൂന്നു പോളിംഗ് ഓഫീസര്മാര് എന്നിവർ അടങ്ങുന്ന പോളിംഗ് ടീമിനാണ് പരിശീലനം നൽകുന്നത്. ജില്ലയിലെ 11 നിയമസഭ മണ്ഡലങ്ങളിലെ നിശ്ചയിക്കപ്പെട്ട കേന്ദ്രങ്ങളിലാണ് പരീശീലനം ആരംഭിച്ചത്.
പയ്യന്നൂരിൽഎ കുഞ്ഞിരാമന് അടിയോടി സ്മാരക വൊക്കേഷണല് ഹയര് സെക്കന്ഡറി സ്കൂള്, പയ്യന്നൂര് ബ്ലോക്ക് പഞ്ചായത്ത് കോണ്ഫറന്സ് ഹാള്, കല്യാശേരിയിൽ കല്യാശേരി കെ.പി.ആര്. ഗോപാലന് സ്മാരക ഹയര് സെക്കന്ഡറി സ്കൂള്, തളിപ്പറമ്പിൽ മണ്ഡലത്തിൽ കരിമ്പം കിലാ സെന്റർ ഫോര് ഓര്ഗാനിക് ഫാമിംഗ് ആന്ഡ് വേസ്റ്റ് മാനേജ്മെന്റ് ,ഇരിക്കൂറിൽ ശ്രീകണ്ഠപുരം ഹയര്സെക്കന്ഡറി സ്കൂള്, അഴീക്കോട് പള്ളിക്കുന്ന് കൃഷ്ണമേനോന് മെമ്മോറിയല് വനിതാ കോളജ് ,കണ്ണൂരിൽ മചൊവ്വ ഹയര് സെക്കന്ഡറി സ്കൂള്, ധര്മടത്ത് മണ്ഡലത്തിൽ ചാല ഗവ. ഹയര് സെക്കന്ഡറി സ്കൂള് ,തലശേരിയിൽ ഗവ. ബ്രണ്ണന് കോളജ് ടീച്ചര് എഡ്യുക്കേഷന് ,തലശേരി വി ആര് കൃഷ്ണയ്യര് സ്മാരക മുനിസിപ്പല് സ്റ്റേഡിയം ഹാള് , കൂത്തുപറമ്പിൽ കൂത്തുപറന്പ് ഹയര് സെക്കന്ഡറി സ്കൂള്, മട്ടന്നൂരിൽ മട്ടന്നൂര് ഹയര് സെക്കന്ഡറി സ്കൂള്, പേരാവൂരിൽ സെന്റ് ജോസഫ് ഹയര് സെക്കന്ഡറി സ്കൂള് തുണ്ടിയില് എന്നിവിടങ്ങളിലാണ് പരിശീലനം നടക്കുന്നത്.
ഓരോ നിയോജക മണ്ഡലത്തിലും ആറ് ബാച്ചുകൾക്ക് വീതം 66 സംഘങ്ങൾക്കാണ് ആദ്യ ദിനം പരിശീലനം നൽകിയത്. 8972 പേര്ക്കാണ് മൂന്ന് ദിനങ്ങളിലായി രണ്ടാം ഘട്ട പരിശീലനം നല്കുന്നത്. മാസ്റ്റർ ട്രെയിനർമാർ, എആർഒ മാർ എന്നിവർ വിവിധ കേന്ദ്രങ്ങളിൽ പരിശീലന ക്ലാസുകൾക്ക് നേതൃത്വം നൽകി.ചൊവ്വ ഹയർ സെക്കൻഡറി സ്കൂളിൽ നടക്കുന്ന കണ്ണൂർ മണ്ഡലം തല പരിശീലനം കളക്ടർ അരുൺ കെ വിജയൻ സന്ദർശിച്ചു. ക്ലാസുകള് 20 ന് അവസാനിക്കും.