ചെറുവത്തൂര്: സംസ്ഥാന യുവജന ക്ഷേമ ബോര്ഡ് സംഘടിപ്പിക്കുന്ന പുരുഷ-വനിത കബഡി മത്സരങ്ങള്ക്ക് ചെറുവത്തൂര് കാവുഞ്ചിറയില് തുടക്കമായി. ജില്ല പോലീസ് മേധാവി ഡോ. വൈഭവ് സക്സേന ഉദ്ഘാടനം ചെയ്തു. പഞ്ചായത്ത് പ്രസിഡന്റ് സി.വി. പ്രമീള അധ്യക്ഷത വഹിച്ചു. വൈസ് പ്രസിഡന്റ് പി.വി. രാഘവന്, ബ്ലോക്ക് പഞ്ചായത്ത് അംഗം കെ. വല്ലി, പഞ്ചായത്ത് അംഗം കെ. രമണി, സംഘാടക സമിതി ജനറല് കണ്വീനര് പി.വി. കൃഷ്ണന്, ജില്ലാ യൂത്ത് പ്രോഗ്രാം ഓഫിസര് പി.സി. ഷിലാസ്, അനില് ബങ്കളം, എം. ദാക്ഷായണി എന്നിവര് പ്രസംഗിച്ചു.
ആദ്യദിനത്തില് വനിത വിഭാഗത്തില് തൃശൂര്, കാസര്ഗോഡ്, കണ്ണൂര്, കോഴിക്കോട് ടീമുകള് സെമിയില് കടന്നു. പുരുഷ വിഭാഗത്തില് കാസര്ഗോഡ്, കോഴിക്കോട്, എറണാകുളം, തിരുവന്തപുരം, കൊല്ലം, വയനാട്, മലപ്പുറം, ആലപ്പുഴ ടീമുകള് ക്വാര്ട്ടര് ഫൈനലിലെത്തി. ഇന്ന് ഉച്ചയോടെ നടക്കുന്ന സമാപന സമ്മേളനം മന്ത്രി അഹമ്മദ് ദേവര്കോവില് ഉദ്ഘാടനം ചെയ്യും എം. രാജഗോപാലന് എംഎല്എ അധ്യക്ഷത വഹിക്കും. സംസ്ഥാന യുവജന ക്ഷേമ ബോര്ഡ് വൈസ് ചെയര്മാന് എസ്. സതീഷ് സമ്മാനവിതരണം നടത്തും.